6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Vendi ynë prej disa ditësh është përfshirë nga moti i keq. • Erërat e forta dhe reshjet e dëborës në shuma zona të vendit solli që të bllokohen disa akse rrugore. • Zëvendëskryeministrja, njëherësh ministrja e Infrastrukturës dhe Energjisë, Belinda Balluku ka dalë ditën e sotme me një njoftim zyrtar lidhur me situatën në vend pas ndryshimit të motit. • Balluku në njoftim ka bërë një përditësim të fundit në lidhje me akset rrugore në vend të cilat janë të aksesueshme. • Balluku shkruan se në të gjitha akset, ku janë evidentuar problematika është ndërhyrë për pastrimin dhe kriposjen e rrugës. • Ajo shtoi se po vijon puna në terren, pavarësisht kushteve të motit dhe temperaturave të ulëta, deri në normalizimin e plot të situatës. • Sot raportohet se pas situatës problematike nga bora është hapur për qarkullim bypassi i Murrizit pas dy ditësh. • Qarku i Dibrës u përfshi nga moti i keq ndërsa trashësia e dëborës në qytetin e Peshkopisë dhe Bulqizës kaloi 35 centimetra, ndërsa në zonat e thella arriti në 70 centimetra. • Pushteti vendor po punon për hapjen e rrugëve. Rruga nacionale Peshkopi-Bulqizë në disa segmente duhet të përdoren zinxhirët. Firma nënkontraktore po punon për pastrimin e rrugëve dhe hedhjen e kripës. • Moti i keq në vend ka sjellë probleme me furnizimin me energjinë elektrike të qindra familjeve. • Mësohet se në zonën e Prrenjasit dhe Mokrës së Pogradecit janë pa energji mijëra familje. • Shkak mësohet se është një defekt i rëndë në linjën e Tensionit të lartë Prrenjas -Pogradec. • Grupet e OST të Qarkut Korçë dhe Elbasan po punojnë për identifikimin dhe riparimin e defektit që nga dita e djeshme, por ende nuk është arritur në zgjidhjen e këtij problemi. • Për shkak të kohës së keqe po punohet në kushte tejet të vështira në një terren malor ku trashësia e dëborës shkon 1 m -1,2 m.
4 artikuj për këtë temë.
LEZHË- Prej ditësh vendi ynë është përfshirë nga moti i keq. Edhe qyteti i Lezhës u përfshi nga reshje shiu dhe ere të fortë të cilat më pas u shoqëruan me ulje të temperaturave dhe reshje dëbore. Për shkak të ndryshimit të motit qindra banorë mbetën pa energji elektrike duke vështiruësuar akoma edhe më shumë situatën në këto ditë të ftohta. Ndërkohë sot raportohet se në pjesën më të madhe të territorit të Qarkut është bërë e mundur rikthimi i energjisë elektrike.
Grupet e punës të Operatorit të Shpërndarjes së Energjisë vijojnë të jenë sërish në terren për të riparuar defektet në zonat ku vijon të ketë probleme, kryesisht në fshatrat e Zadrimës dhe Bregut të Matës. Sot gjithashtu ka rinisur dhe procesi mësimor në shkollat ku u pezullua mësimi një ditë më parë. Në zonat e thella malore të Bashkisë Mirditë, Njësitë Administrative Fan dhe Selitë vijon të ketë prezence dëbore e shoqëruar me ngrica, por nuk raportohet për akse rrugore të bllokuara.
TIRANË- Zëvendëskryeministrja, njëherësh ministrja e Infrastrukturës dhe Energjisë, Belinda Balluku ka dalë ditën e sotme më një njoftim zyrtar lidhur me situatën në vend pas ndryshimit të motit. Balluku në njoftim ka bërë një përditësim të fundit në lidhje me akset rrugore në vend të cilat janë të aksesueshme.
Balluku shkuruan se në të gjitha akset, ku janë evidentuar problematika është ndërhyrë për pastrimin dhe kriposjen e rrugës. Ajo shtoi se po vijon puna në terren, pavarësisht kushteve të motit dhe temperaturave të ulëta, deri në normalizimin e plot të situatës.
Njoftimi i plotë:
Grupet e punës së Autoritetit Rrugor Shqiptar, së bashku me kontraktorët, kanë qenë në terren që në momentet e para të përkeqësimit të motit. Në të gjitha akset, ku janë evidentuar problematika, është ndërhyrë për pastrimin dhe kriposjen e rrugës. Po vijon puna në terren, pavarësisht kushteve të motit dhe temperaturave të ulëta, deri në normalizimin e plot të situatës.
RAJONI VERIOR
Qafë Mali-Fierzë, për momentin nuk ka reshje, por ka prezencë të erës së fortë e cila e kthen dëborën në rrugë. Qarkullimi vijon pa ndërprerje.
Krumë – Qafë Prush, qarkullimi vijon pa probleme. Po kështu edhe në aksin Kukës – Bushtricë.
Në aksin Bogë -Theth, reshjet e dëborës janë ndërprerë. Është bërë pastrimi dhe kriposja e rrugës, e cila tashmë është e qarkullueshme me goma dimërore.
Në aksin Hani Hotit -Tamarë dhe Tamarë – Vermosh, reshjet janë ndërprerë. Është bërë pastrimi dhe kriposja e rrugës dhe qarkullimi po kryhet normalisht.
Në aksin U. Zapotit – Shishtavec, reshjet e dëborës janë shoqëruar me erë të fortë.
Është punuar për pastrimin dhe kriposjen e rrugës. Temperatura është -9 gradë dhe trashësia e dëborës ka arritur në 70 cm.
Në aksin Kukës – Krumë dhe Kukës – U. Zapotit, vazhdojnë reshjet e dëborës, shoqëruar me erë të fortë. Qarkullimi vijon pa ndërprerje.
Në aksin Fushë Arrëz – Qafë Mali – Qafë Shllak, janë ndërprerë reshjet, por ka erë të fortë dhe temperatura shumë të ulëta, deri në -12 gradë.
Vijon puna në segmentin Skuraj-Peshkopi për pastrimin dhe kriposjen e segmentit. Reshjet tashmë janë ndërprerë, por fryn erë e fortë.
RAJONI QENDOR
Gjate ditës ka vijuar puna në segmentin Fresk – Trau Dajt, në km 5 për rrëshqitjen e skarpatës. Po merren masa për pastrimin e rrugës segmenti, Trau – Teleferiku, ku ka pasur reshje dëbore. Grupet e punës kanë punuar për pastrimin dhe kriposje. Rekomandohet qarkullimi me goma dimërore. Në segmentin Trau Qafë Priskë – Qafë Mollë nuk ka pasur reshje dëbore, është pastruar dhe kriposur. Rekomandohen qarkullimi me goma dimërore. Në segmentin Qafë Mollë – Bizë, qarkullimi i automjeteve rekomandohet me zinxhirë.
RAJONI JUGOR
Në rrugën e Korçë-Dardhë, ka vijuar puna për pastrimin e dëborës.
Në rrugën Korçë-Voskopojë, ka vijuar puna me pastrimin dhe kriposjen.
Në aksin Korçë – Ersekë, ka prezencë ere të fortë, në mënyrë të veçantë përgjatë segmentit nga Helmësi në Mollas.
Në segmentin Ersekë- Leskovik, trashësia e dëborës varion deri në 15-20 cm. Qarkullimi i mjeteve bëhet me goma dimërore ose zinxhirë. Temperaturat minimale variojnë deri në -6.
Vijon puna për pastrimin dhe kriposjen e rrugës në aksin Qafë Thanë-Pogradec. Qarkullimi kryhet me goma dimërore.
PRRENJAS- Moti i keq në vend ka sjellë probleme me furnizimin me energjinë elektrike të qindra famiiljeve. Mësohet se në zonën e Prrenjasit dhe Mokrës së Pogradecit janë pa energji mijëra familje. Shkak mësohet se është një defekt i rëndë në linjën e Tensionit të lartë Prrenjas -Pogradec.
Grupet e OST të Qarkut Korçë dhe Elbasan po punojnë për identifikimin dhe riparimin e defektit që nga dita e djeshme, por ende nuk është arritur në zgjidhjen e këtij problemi. Për shkak të kohës së keqe po punohet në kushte tejet të vështira në një terren malor ku trashësia e dëborës shkon 1 m -1,2 m.
BULQIZË- Vendi ynë prej disa ditësh është përfshirë nga moti i keq. Erërat e forta dhe reshjet e dëborës në shuma zona të vendit solli që të bllokohen disa akse rrugore. Ndërkohë sot raportohet se pas situatës problematike nga bora është hapur për qarkullim bypassi i Murrizit.
Qarku i Dibrës u përfshi nga moti i keq ndërsa trashësia e dëborës në qytetin e Peshkopisë dhe Bulqizës kaloi 35 centimetra, ndërsa në zonat e thella arriti në 70 centimetra. Pushteti vendor po punon për hapjen e rrugëve. Rruga nacionale Peshkopi-Bulqizë në disa segmente duhet të përdoren zinxhirët. Firma nënkontraktore po punon për pastrimin e rrugëve dhe hedhjen e kripës.
