MOTI/ 24 persona të evakuuar në Shkodër, akse të bllokuara në Lezhë, 1130 Ha të përmbytur

Haki Çako

TIRANË- Kreu i Agjencisë së Mbrojtjes Civile, Haki Çako iu adresua pyetjeve për situatën e përmbytjeve në veri të vendit, duke premtuar se do të bëhen vlerësimet nga ekspertët dhe gjithçka do të kompensohet sipas ligjit. Në një lidhje direkt me Tv Klan, Haki Çako tha vlerësimi do të fillojë sapo uji të jetë tërhequr plotësisht, e më pas do të bëhet kompensimi i dëmit. 

Pyetje: Si paraqitet aktualisht situata dhe në cilat zona ka ende probleme?

Haki Çako: Atëherë, situata është drejt përmirësimit të plotë. Nuk ka më probleme, uji pothuajse është tërhequr plotësisht, ka vetëm pak prezencë uji në disa ara, por gjithsesi jemi duke vazhduar operacionin në bashkëpunim me prefekturën e Shkodrës dhe të Lezhës, por edhe me bashkitë për t’i ardhur në ndihmë të gjithë banorëve për të gjitha nevojat që ata kanë qoftë në aspektin e bazës ushqimore për vete, por edhe bazës ushqimore për bagëtitë pasi kemi sjellë nëpërmjet Drejtorisë të Përgjithshme të Rezervave Materiale të Shtetit 6 kamionë me Forcat e Armatosura me ndihma ushqimore dhe bazë ushqimore për bagëtinë në Shkodër dhe Malësinë e Madhe.

Pyetje: Ndërkohë zoti Çako sa llogaritet dëmi që kanë shkaktuar përmbytjet dhe a do të ketë dëmshpërblim për qytetarët që janë prekur nga përmbytjet?

Haki Çako: Dëmi, është një fazë, proces i cili sapo tërhiqet uji bëjnë vlerësimet në komisionet përkatëse  të vlerësimit të bashkive bëjnë përcaktimin e qartë të dëmeve të shkaktuar nga fatkeqësia natyrore, nga përmbytja. Dosje të cilat do të vlerësohen dëmet e shkaktuara me ekspertë, me specialistët e bashkive në bazë të ligjit. Gjithçka do të kompensohet në bazë të ligjit. Sigurisht, nëse kapaciteti buxhetor që kanë bashkitë do t’i kalojë ato të mundësive të përcaktuara nga ligji 45 i Mbrojtjes Civile, atëherë do të fillojë të vihet në funksion ligji duke adresuar në Agjencinë Kombëtare të Mbrojtjes Civile dhe Komitetin e Mbrojtjes Civile trajtimi financiar ose kompensimi i të gjithë dëmeve të shkaktuara nga kjo fatkeqësi.

Pamje nga nxënësi që futet në shkollë

Situata është vështirësuar më tepër mëngjesin e sotëm në shkollën 9-vjeçare “Nënë Tereza”, ku për shkak të reshjeve të dendura të shiut që kanë rënë gjatë natës, uji ka bllokuar totalisht hyrjen kryesore të shkollës.

Nxënësit janë detyruar të kalojnë kangjellat për t’u futur brenda dhe realizuar mësimin. Prej 5 ditësh në bashkinë e Lezhës janë të mbuluara nga uji rreth 2.350 hektarë tokë, ku më të dëmtuara janë tokat e Zadrimes apo Torovicës.

Në lagjen e ish-kampit vijojnë të jenë të izoluar 30 familje, si shkak i bllokimit të rrugës që lidh këtë lagje me fshatin Malecaj apo Torovicën./Top Channel

Pamje nga përmbytjet

Shtëpitë e fshatit Kuç në Shkodër, prej dy ditësh kanë qenë të zaptuara nga uji.

Mbi 250 shtëpive në këtë zonë u janë dëmtuar orenditë shtëpiake, por fatkeqësia për këta banorë nuk është ndalur me kaq, pasi atyre u janë përmbytur edhe tokat bujqësore.

“Gjithsej na janë përmbytur mbi 500 ha tokë bujqësor. Ndërsa uji ka qenë prezent në 250 banesa, gjithashtu kemi pasur dhe nga ato familje të cilat i kemi larguar me gomone pasi shtëpia e tyre e tyre ka qenë e pajetueshme dhe dëmet kanë qenë të mëdha”, shprehet Pjerin Marku, kryetar i njësisë administrative, Gur i Zi.

“Unë pata 12 dynym tokë të mbjella me jonxhë dhe uji ma shkatërroi, ajo tani do të kalbet, nuk ka më bujqësi“, thotë Ahmet Ahmeti, banor i fshatit.

Në shtëpinë e Ahmetit, para dy ditësh ishte e pamundur të hyje, pasi niveli i uji arrinte mbi 70 centimetra. Edhe pse sot ka mundur të hyjë, familja e Ahmetit e ka të pamundur të jetojë.

“Shiko çfarë dëmi më është bërë, ky është mundi i 20 viteve, shikoni kuzhinën, divanet krevatet. Kjo është hera e dytë që përmbytem. Familjen e kam dërguar në Shkodër tek vajza, çdo gjë këtu do të kalbet pasi uji ishte me naftë dhe fekale, kjo shtëpi nuk bëhet më”.

Edhe pse uji dhe balta nga shtëpitë e banorëve të Kuçit është larë nga zonja e shtëpisë, muret e lagura dhe mobiljet e shkatërruara do të jenë aty për të kujtuar përgjithnjë përmbytjen./TopChannel

Nxënësit e shkollë kalojnë sipër kangjellave për t'u futut në mësim

LEZHË- Situata e shkaktuar nga moti i keq dhe përmbytjet që përfshinë qytetin verior të Lezhës mbetet ende e rëndë. Kjo duket qartë edhe në foton që ka qarkulluar ditën e sotme në media dhe rrjetet sociale. Bëhet fjalë për nxënësit e shkollës në lagjen 'Nënë Tereza' në Lezhë, të cilët për t'u futur në mësim detyrohen të ngjiten dhe të ecin në kangjellat e shkollës pasi oborri dhe rruga janë të përmbytura nga uji. 

Nxënësit e shkollë kalojnë sipër kangjellave për t'u futut në mësim

Siç duket edhe në foto ata ecin në bordurat e shkollës dhe pastaj ngjiten në kangjella nga ku vazhdojnë 'rrugën' drejt derës së shkollës. Prindërit dhe nxënësit shprehen të shqetësuar në lidhje me këtë situatë. Ata thonë se nuk është bërë asgjë për zgjidhjen e këtij problemi. 

Prej ditësh Shqipëria gjendet 'nën pushtetin' e motit të keq që ka gjunjëzuar vendin. Qarqet më të prekura janë Shkodra dhe Lezha ku ka ende banesa, rrugë dhe toka bujqësore të përmbytura. Në Lezhë situata vijon të mbetet e rëndë me reshjet e shiut që nuk kanë ndalur. Dhe Durrësi e Vlora kanë raportuar situata të rënda për shkak të përmbytjeve. Në Durrës dalja nga shtrati e lumit Ishëm solli përmbytje në zonën e ish-Kënetës dhe në Fushë-Krujë. Ndërsa në Vlorë Kapiteneria ka urdhëruar ndalimin e daljes në det të varkave të peshkimit.

Foto Ilustruese

SHKODËR- Bashkia e Shkodrës ka bërë bilancin e përmbytjeve në ditët e fundit, ku ka një përmirësim të situatës në krahasim me një ditë më parë. Sipërfaqja totale e tokës së përmbytur është 1130 Ha ndërsa ujësjellësi Oblika 1 dhe 2, është jashtë funksionit. Sipas njoftimit janë 7 familje të evakuuara me 24 banorë ndërsa 1 banesë ndodhet nën ujë.

Njoftimi i Plotë:

Siperfaqe totale e përmbytur 1130 Ha (nga 1365 Ha qe ishte me date 23.11.2022 ora 16.00)

Nj.A. Ana e Malit

Sipërfaqja e tokës bujqësore e përmbytur vlerësohet në 700 Ha (nga 850 Ha qe ishte me date 23.11.2022 ora 16.00), kryesisht në fshatrat Obot, Muriqan,Oblikë

Rruga e Obotit ka prezence uji 25 cm, është e kalueshme vetëm me mjetet e ushtrisë.

Ujësjellësi Oblika 1 dhe 2,si pasojë e përmbytjeve është jashtë funksionit

Nj.A Dajç

1.Sipërfaqja e tokës bujqësore e përmbytur vlerësohet në 100 Ha (nga 110 Ha qe ishte me date 23.11.2022 ora 16.00), kryesisht në fshatrat Mushan, Shirq, Pentar.

Tendence e nivelit te ujit eshte ne ulje.

Nj.A.Velipojë

Sipërfaqja e tokës bujqësore e përmbytur vlerësohet në 100 Ha (nga 125 Ha qe ishte me date 23.11.2022 ora 16.00), kryesisht fshatrat Baks, Luarz. Ças.

Nj. A. Guri i Zi

Sipërfaqja e tokës bujqësore e përmbytur vlerësohet në 30 Ha (nga 80 Ha qe ishte me date 23.11.2022 ora 16.00) , kryesisht në fshatrat Kuç dhe Rrenc.

Verehet nje gerreyrje e tokave bujqësore ne bregun e lumit Drin ne vendin e quajtur Mali i Vukatanit, ne një gjatësi prej 800 ml.

Nj.A.Bërdicë

Sipërfaqja e tokës bujqësore e përmbytur vlerësohet në 200 Ha, konkretisht në fshatrat Trush.

Familje të evakuara aktualisht dhe marrin shërbim ne konvikte:

Janë 7 familje, gjithsej 24 persona, si me poshtë:

Lagj Nr 1 – 1 familje me 4 persona

Lagj Nr 4 – 1 familje me 3 persona

Nj.A Berdice – 2 familje me 5 persona

Nj.A. Guri zi -5 familje me 6 persona

Kane marre trajtim gjithsej ne konvikte :

14 familje me 43 persona

Kane kërkuar shërbim dhe ju është përgatitur akomodimi ( por nuk jane paraqitur):

10 familje me 30 persona

Nj. Administrative Bërdicë, 2 familje (8 persona) te akomoduar tek te afermit.

Bashkia Shkodër është në gatishmëri me të gjithe kapacitetet e veta njerëzore, logjistike dhe akomoduese për ti ardhur në ndihmë popullates të rrezikuar nga pëmbytjet e shkaktuara nga reshjet e shiut dhe shkarkimet e hidrocentraleve.

Pamje nga përmbytjet në Lezhë

LEZHË- Qarku i Lezhës është një nga më të prekurit nga përmbytjet që përfshinë vendin katër ditët e fundit. Ditën e sotme situata paraqitet e qetë dhe ujë ka nisur të tërhiqet nga banesat dhe tokat bujqësore kjo për shkak të uljes së intensitetit të reshjeve gjatë natës. Në një njoftim ku bën me dije situatën deri në këto momente Bashkia Lezhë njofton se ka ende 4 banesa që ndodhën në 'pushtetin' e ujit ndërkohë dhe disa rrugë vijojnë ende të jenë të bllokuara. Sipas bashkisë hidrovoret po punojnë me kapacitet të plotë dhe pandërprerje. Konkretisht  Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuota kritike  dhe hidrovori Balldre. Lumi Drin është në kuotën +1.30 m nga +2.0 m kuote kritike. 

NJOFTIMI I BASHKISË LEZHË:

Në territorin e qarkut Lezhe , gjate mbrëmjes deri sot në mëngjes , kemi patur  rreshje shiu me intesitet të mesëm. Niveli i rreshjeve ka qënë rreth 40 mm reshje. Rreshjet e shiut janë ndërprerë, gjë e cila do ndikojnë pozitivisht tërheqjen e ujit dhe në normalizimin e situatës.

Situata e deritanishme paraqitet si mëposhtë:

Në njësinë administrative Dajç, bashkia Lezhë, vijon të jetë e njëjtë si pasojë e rreshjeve të rëna gjatë 24 orëve. Ura që lidh fshatin Gjadër me Zojs-Gramsh është e kalueshme dhe për mjetet e vogla. Rruga që lidh fshatin Blinisht-Superstradë (Lezhë-Shkodër) ka rënie të nivelit të ujit por vazhdon të jetë e pakalueshme si rezultat i prezencës së ujit në trupin e rrugës.

Rruga që lidh fshatin Blinisht-Baqel është e kalueshme plotësisht. Kemi prezencë të nivelit në trupin e rrugës në fshatin Piraj, e cila është bërë e pakalueshme dhe nga mjetet e vogla.

Në fshatin Kakarriq vazhdon të  kemi prezencë në 4 banesa, edhe pse niveli i ujit po vazhdon të ulet. Në zonën e Zadrimës ka 250ha tokë bujqësore të përmbytura kurse hidrovori Balldre në kuotën -0.8m nga 1.5m kuota kritike, ka rreth 800ha tokë bujqësore të përmbytura Kemi 500ha sipërfaqe toke të përmbytura në fshatin Torovicë, njësia administrative Balldre, 800ha në njësinë administrative Dajç dhe Blinisht, bashkia Lezhë. Rruga që lidh fshatin Torovice me fshatin Malecaj, njësia Administrative Balldren, është e pakalueshme për mjetet e vogla.

Hidrovoret po punojnë me kapacitet të plotë dhe pandërprerje. Konkretisht  Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuota kritike  dhe hidrovori Balldre. Lumi Drin është në kuotën +1.30 m nga +2.0 m kuote kritike. Lumi Gjader ka kuota të larta, ndërsa lumi Mat ka rritje të kuotave portë papërfillshme. Në bashkinë Mirditë dhe Kurbin nga strukturat e MC nuk raportohen problematika.

Foto Ilustruese

TIRANË- Prej ditësh nën 'pushtetin' e reshjeve të dendura të shiut që sollën dhe përmbytje në qarqe të ndryshme të vendit duket se reshjet e shiut do të largohen pasditën e sotme duke i lënë vendin kthjellimeve dhe vranësirave. Ndërkohë pjesa e parë e ditës pritet që të ketë reshje të pakta shiu kryesisht në zonën veriore dhe juglindore të vendit. 

Temperaturat e ajrit do të ulen në mëngjes, por mbeten konstante në mesditë duke luhatur vlerat ditore nga 2°C deri në 16°C. Era do të fryjë mesatarisht me shpejtësi 40 km/h nga drejtimi Veriperëndimor duke krijuar në brigjet detare dallgëzim 3 ballë.