Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Ministri për Evropën dhe Punët e Jashtme, Ferit Hoxha, ka nisur sot një vizitë zyrtare në Kosovë, ku u prit në takime të veçanta nga krerët më të lartë të shtetit dhe liderët politikë. •Agjenda e ministrit nisi në orën 10:00 me takimin me ushtruesen e detyrës së Presidentes, Albulena Haxhiu, për të vijuar në orën 10:45 me Kryeministrin Albin Kurti. •Gjatë qëndrimit në Prishtinë, kryediplomati shqiptar do të takojë edhe krerët e partive kryesore politike, Bedri Hamzën (PDK), Ardian Gjinin (AAK) dhe Lumir Abdixhikun (LDK). •Kryediplomatët e Shqipërisë dhe Kosovës, Hoxha dhe Konjufca, bënë thirrje sot për një koordinim më të fortë dypalësh përballë sfidave globale dhe rajonale. •Ministri Hoxha deklaroi se Kosova është prioritet kryesor i politikës së jashtme shqiptare. •Nga ana tjetër, ministri Konjufca kërkoi lobimin dhe ndihmën e Tiranës zyrtare për integrimin e shpejtë të Kosovës në NATO. •Vizita pritet të mbyllet në bazën e KFOR-it, ku Ministri Hoxha do të bashkëbisedojë me komandantin, Gjeneral-major Ozkan Ulutash, si dhe me trupat e Forcave të Armatosura të Shqipërisë që shërbejnë në këtë mision.
3 artikuj për këtë temë.
KOSOVË- Kryediplomatët e Shqipërisë dhe Kosovës, Ferit Hoxha dhe Glauk Konjufca, bënë thirrje sot për një koordinim më të fortë dypalësh përballë sfidave globale dhe rajonale.
Në një takim zyrtar në Prishtinë, ministri Hoxha deklaroi se Kosova është prioritet kryesor i politikës së jashtme shqiptare. Nga ana tjetër, ministri Konjufca kërkoi lobimin dhe ndihmën e Tiranës zyrtare për integrimin e shpejtë të Kosovës në NATO.
“Në diskutuam për një varg çështjesh në interesin tonë të përbashkët. Në këto kohe paqëndrueshmërive globale, koordinimi mes shteteve tona është një domosdoshmëri jetike. Ne duhet ta promovojmë rolin tonë si faktorë të stabilitetit në rajon. Krahas orientimit euro-integrues të shteteve të rajonit, anëtarësimi në NATO i shumicës së shteteve në rajonin tonë, ka qenë faktor stabiliteti. I kërkova ministrit Hoxha mbështetjen për një përshpejtim të anëtarësimit të Kosovës në NATO. Kosova dhe Shqipëria duhet të koordinohen më shumë për mbështetjen e mërgatës shqiptare kudo në botë. Përtej abetares duhet të shkojmë drejt unifikimit të sistemeve tona arsimore”, tha Glauk Konjufca.
“Kosova ka qenë pjesë e pandarë e tryezës sime në 36 vite të karrierës sime diplomatike. Ndihem thellësisht i emocionuar të jem në Prishtinë në këtë vizitë të parë në krye të MEPJ. Diskutimet që patëm sot ishin të hapura, të sinqerta, vllazërore. Kosova është prioritet absolut i politikës sonë të jashtme. Ramë dakord që dinamikat gjeopolitike në rajon dhe në Europë kërkojnë një intensifikim të mëtejshëm të koordinimit ndërqeveritar dhe diplomatik. U angazhuam për përgatitjen e takimeve të radhës. Bashkëpunimi ynë duhet të përkthehet më shumë lehtësi dhe më pak burokraci. Diskutuam për rritjen e koordinimit të ministrive tona të jashtme në të gjitha nivelet, përfshirë përfaqësitë diplomatike”., tha Ferit Hoxha./Dosja.al
KOSOVË- Kryeministri në detyrë i Kosovës, Albin Kurti, priti në takim ministrin e Jashtëm të Shqipërisë, Ferit Hoxha, i cili po zhvillon një vizitë zyrtare në Prishtinë.
Ky takim pasoi bisedën që Hoxha zhvilloi më herët me ushtruesen e detyrës së presidentit, Albulena Haxhiu. Agjenda e ministrit shqiptar vijon në orën 12:00 me një takim me zëvendëskryeministrin e parë dhe ministrin e Jashtëm, Glauk Konjufca.
Po ashtu, gjatë ditës, Hoxha do të takojë edhe liderët e përfaqësuesit e partive kryesore politike në vend, si Bedri Hamzën (PDK), Ardian Gjinin (AAK) dhe Lumir Abdixhikun (LDK)./Dosja.al
KOSOVË- Ministri për Evropën dhe Punët e Jashtme, Ferit Hoxha, ka nisur sot një vizitë zyrtare në Kosovë, ku do të pritet në takime të veçanta nga krerët më të lartë të shtetit dhe liderët politikë. Agjenda e ministrit nis në orën 10:00 me takimin me ushtruesen e detyrës së Presidentes, Albulena Haxhiu, për të vijuar në orën 10:45 me Kryeministrin Albin Kurti.
Më pas, Hoxha do të pritet nga homologu i tij, Zëvendëskryeministri dhe Ministri i Punëve të Jashtme dhe Diasporës, Glauk Konjufca. Rreth orës 12:10, të dy ministrat do të mbajnë një konferencë të përbashkët për shtyp, e cila do të transmetohet live në faqen zyrtare të MEPJ-së.
Gjatë qëndrimit në Prishtinë, kryediplomati shqiptar do të takojë edhe krerët e partive kryesore politike: Bedri Hamzën (PDK), Ardian Gjinin (AAK) dhe Lumir Abdixhikun (LDK). Vizita do të mbyllet në bazën e KFOR-it, ku Ministri Hoxha do të bashkëbisedojë me komandantin, Gjeneral-major Ozkan Ulutash, si dhe me trupat e Forcave të Armatosura të Shqipërisë që shërbejnë në këtë mision./Dosja.al
