Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Ditën e sotme te Komisioni për Ekonominë dhe Financat u zhvilluar një seancë e posaçme dëgjimore me Bankën e Shqipërisë për Mikrofinancën • Guvernatori Genc Sejko gjatë fjalës së tij në seancë theksoi se subjektet që japin mikrokredi i janë nënshtruar kontrolleve. •Ai tha se janë bërë inspektime dhe se normat e interesit janë ulur me tre herë. • Sipas guvernatorit nga nivelet e 200 përqind është ulur tek 60-50 përqind. • Gjithashtu ai pranon se janë marrë masa që detyrimi për klientët të mos jetë më shumë se 30 përqind e shumës së marrë si kredi. •Ndërkohë gjatë zhvillimit të seancës nuk kanë munguar debatet dhe përplasjet. • Deputeti Agron Shehaj ka akuzuar Bankën e Shqipërisë si përgjegjëse për mbajtjen peng të 100 mijë qyetarëve përmes mikrokredive. • Pas kësaj, kryetari i Komisionit, Eduart Shalsi ka përjashtuar anëtarin Agron Shehaj duke i thënë se ai nuk është te mëhalla e tij politike që të sillet si të dojë ai. • Ndërkohe Shehaj iu pergjigj duke i thënë se tha se përjashtimi i tij po bëhej, sepse Shalsit nuk i pëlqyen ato që deputeti tha apo pyeti.
3 artikuj për këtë temë.
TIRANË- Ditën e sotme në Komisionin e Ekonomisë u zhvillua një seancë e posaçme dëgjimore me Bankën e Shqipërisë për Mikrofinancën.
Gjatë zhvillimit të seancës është zhvilluar një debat me tone të ashpra mes mes deputetit Agron Shehaj dhe guvernatorit Gent Sejko.
Deputeti ka akuzuar Bankën e Shqipërisë si përgjegjëse për mbajtjen peng të 100 mijë qyetarëve përmes mikrokredive.
PJESË NGA FJALA E SHEHAJT:
100 mijë qytetarë shqiptarë, që merren peng, se ishin marrë peng! Janë marrë peng! Janë marrë peng nga një biznes kriminal, të licencuar dhe monitoruar nga Banka e Shqipërisë, nuk meritonte të pezullohej menjëherë? Ju e latë 4 vjet.
Faktet tregojnë që kemi të bëjmë me aktivitet kriminal, ku kemi një kompani e cila bën gjithçka, të merr në telefon, e merr në telefon qytetarin edhe i thotë:
Pse një qytetar nuk mund të marrë, gaboi, i duheshin, nuk ka të drejtë? Ju i jepni të drejtë MCA-së ta marrë peng qytetarin? Si mund të thoni që ai ia kishte. Po, ia kishte.
Është e drejtë që t’i thotë “më ke 10 milionë lekë, unë të bllokoj shtëpinë. S’do të bllokoj shtëpinë? Hajde bëj një kredi tjetër me kushtet që të them unë”. Sepse kur unë të ,mbaj shtëpinë peng, mund të aplikoj çdo lloj kushti, nuk kanë më të drejtë ata të zgjedhin. Kjo do të thotë të mbahen peng. Dhe për mbajtjen peng të 100 mijë qytetarëve, Banka e Shqipërisë është përgjegjëse! Nuk ka bërë detyrën.
TIRANË-Mbledhja e sotme e Komisionit të Ekonomisë dhe Financave ka nisur me debate. Në këtë mblehdje është i pranishëm edhe Guvernatori i Bankës së Shqipërise, Gent Sejko i cili po jepte sqarime në lidhje me mikro kreditë.
Gjatë mbledhjes kryetari i Komisionit, Eduart Shalsi ka përjashtuar anëtarin Agron Shehaj duke i thënë se ai nuk është te mëhalla e tij politike që të sillet si të dojë ai. Ndërkohe Shehaj iu pergjigj duke i thënë se tha se përjashtimi i tij po bëhej, sepse Shalsit nuk i pëlqyen pyetjet.
Eduart Shalsi: Të lutem, të zhvillojmë mbledhjen në mënyrë normale. Të lutem, mos më fol për parime.
Agron Shehaj: Ne kemi ardhur këtu për të dëgjuar zotin guvernator. Qytetarët janë vjedhur e kjo është më e rëndësishmja.
Eduart Shalsi: Ndërpritet mbledhja 2 minuta dhe kërkoj përjashtimin tënd nga Komisioni në bazë të Rregullores.
Agron Shehaj: Pse po përjashtohem, se po ngre një shqetësim? Do na lësh të flasim për vjedhjen e qytetarëve apo jo. Nuk të pëlqejnë pyetjet?
Eduart Shalsi: Nuk je tek mëhalla jote këtu. Të mëhalla jote politike sillu si të duash. Ndërpritet mbledhja për 5 minuta.
TIRANË- Guvernatori i Bankës së Shqipërisë Gent Sejko foli në Komisionin për Ekonominë dhe Financat ku theksoi se subjektet që japin mikrokredi i janë nënshtruar kontrolleve.
Gjithashtu Sekjo përmend faktin se revokimi i licensës është masa e fundit që BSH mund të marrë. Sejko thotë se janë bërë inspektime dhe se normat e interesit janë ulur me tre herë.
Sipas Sejkos nga nivelet e 200 përqind është ulur tek 60-50 përqind. Gjithashtu ai pranon se janë marrë masa që detyrimi për klientët të mos jetë më shumë se 30 përqind e shumës së marrë si kredi.
Fjala e plotë:
Subjektet financiare që japin mikrokredi iu janë nënshtruar të gjitha kontrolleve. Revokimi i licensës është masa e fundit që mund të marrë Banka e Shqipërisë. Kjo mund të sjellë pasoja edhe për klientët. Banka e Shqipërisë nuk mund të ndërhyjë as në marrëdhëniet që ka MCA me kontraktorët e tjerë. Problemi në lidhje me normën e interesit ka të bëjë me mikro-kreditë. Kemi bërë inspektime dhe normat e interesit janë ulur me tre herë. Kemi qenë në nivelet e mbi 200 përqind e jemi tek 50-60 përqind, në qershor do kemi shifrën e re të përditësuar. Kemi marrë edhe masa, që detyrimi për klientët mos të jetë më tepër se 30 përqind e shumës së marrë si kredi.
