"Porti i Durrësit është aferë", Bardhi: Mirëpresim çdo investitor, por me garë. Amnistinë penale do e diskutojmë në Kuvend

Gazmend Bardhi

TIRANA- Kreu i Grupit Parlamentar të PD, Gazment Bardhi, pas përfundimit të mbledhjes së grupit, foli para gazetarëve edhe për amnistinë penale, listat e hapura dhe votën e emigrantëve. Në lidhje me çështjen e amnistisë penale, Bardhi se do tani që parlamenti i është kthyer normalitet, kjo do të diskutohet, duke theksuar se ata nuk heqin dorë nga kushti që nga amnistia të përjashtohen të dënuarit nga GJKKO.

Ndërsa në lidhje me votën e diasporës dhe listat e hapura, Bardhi tha se ai i mbështet ato, por në fillim diskutimi duhet të nisë tek garancitë për zgjedhje të lira dhe të ndershme, sepse, sipas tij, çdo lloj sistemi të përdoret në zgjedhje, nëse paratë e krimit, korrupsion dhe përdorimin i burimeve shtetërore, ndërhyjnë, ato deformojë rezultatin.

“Në parim ne mbështesim ligjin për amnistinë, si një akt human që parlamenti ndërmerr. Tani që veprimtaria e Kuvendit është kthyer në normalitet, çdo projektligj do të diskutohet. Në atë ligj ne kemi pasur një shqetësim që nuk heqim dot dorë, që ka të bëjë për vendimet e dhëna nga SPAK dhe GJKKO. Sa i takon votës së emigrantëve jam ndër të vetmit deputetë që kam mbështetur me nënshkrim dhe km propozuar në kuvend ligjin e propozuar nga “Diaspora e Lirë për Shqipërinë” së bashku me 5-6 kolegë e kemi futur në procedurë. E mbështes, sikundër mbështet listat e hapura. PD do duhet të nisë diskutimin për Reformën Zgjedhore  më së pari tek garancitë për zgjedhje të lira dhe të ndershme, sepse çfarë dolloj sistemi të përdorim ne në zgjedhje, nëse paratë e krimit, korrupsion dhe përdorimin i burimeve shtetërore, deformojë rezultatin e zgjedhjeve, cdo gjë do të ishte e pavlefshme”, tha Bardhi.

Gazment Bardhi

TIRANA- Kreu i Grupit Parlamentar të PD, Gazment Bardhi ka deklaruar se PD e vulës dhe kreu i saj, Lulzim Basha po sulmojnë marrëveshjen me mazhorancën për krijimin e dy komisioneve hetimore, ndërkohë që, sipas tij, ka qenë vetë Basha që në verë ka propozuar diçka të tillë. Bardhi tha se dallimi mes dy grupeve në PD është se njëri i shkon deri në fund gjërave, ndërkohë që të tjerët i harrojnë. 

Bardhi tha po ashtu se për aksionin opozitar, është dashur që kolegët e tyre opozitar mendonin ndryshe dhe ta respektonin protestën. Ai shtoi se betejën nuk e kanë bërë për vete, por edhe për kolegët e tyre opozitar. 

“Kemi pasur një aksion në parlament dhe është dashur që kolegët opozitar që mendonin ndryshe të respektonin protestën tonë. Nëse në momente të caktuar kanë dashur të dalin krah mazhorancës dhe jo opozitës është koha të kërkojnë ndjesë. Betejën nuk e kemi bërë për vete por edhe për kolegët tanë opozitar. Në verë Basha propozoi dy komisione, që nuk u konkretizuan kurrë dhe nuk u kërkua kurrë mbështetja e grupit. Dallimi mes nesh është që ne i bëjnë gjërat realitet dhe nëse nuk bëhen i shkojmë deri në fund. Ndërsa ata i thonë sa për të kaluar ditët e verës dhe më pas i harrojnë. Kjo ka qenë një e shkuar por nuk është as e tashmja as e ardhmja e PD”, tha Bardhi.

Gazment Bardhi

TIRANË- Kreu i grupit Parlamentar i Partisë Demokratike Gazment Bardhi është pyetur në lidhje me projektin në ishullin e Sazanit nga dhëndri i ish-Presidentit Donald Trump. Bardhi gjatë deklaratës për mediat theksoi se PD nuk është kundër investimeve, por se ata duhet të jenë transparente dhe të bëhen me garë.

“Në parim në mbështesim investimet e huaja, por duhet që çdo investim të miratohet me garë të hapur dhe duke bërë analizë të mirfilltë, për të vërejtur se çfarë përfitojnë qytetarët shqiptarë. Ne mirëpresim çdo investitor të investojë në Shqipëri, por projekti duhet të jetë transparent dhe të jetë me garë. Kështu mund të dilet në përfundimin se cila kompani është më e volitshme të investojë”, tha Bardhi.

Foto ilustruese

TIRANË-Kreu i Grupit Parlamentar Gazment Bardhi ka bërë publike se komisioni i ligjeve ka miratuar ngritjen e një grupi dialogu i cili do përbëhet nga gjashtë anëtarë dhe merr vendime me konsensus nga të gjithë anëtarët.

Ai tha se propozimi i PD dhe Opozitës për këtë grup është: Oerd Bylykbashi, Erisa Xhixho dhe vendi i tretë kolegëve brenda grupit që kanë një mendim ndryshe.

“Grupi parlamentar ka miratuar propozimet, ku komisioni i ligjeve ka miratuar ngritjen e një grupi dialogu i cili do përbëhet nga gjashtë anëtarë dhe merr vendime me konsensus nga të gjithë anëtarët. Propozimi i PD dhe Opozitës për këtë grup është: Bylykbashi, Erisa Xhixho dhe vendi i tretë kolegëve brenda grupit që kanë një mendim ndryshe”, tha Bardhi.

TIRANË-Gazment Bardhi, Kreu i Grupit Parlamentar të PD-së ka dhënë ditën e sotme një konferencë për shtyp në bashkëbisedim me gazetarët.

Bardhi fillimisht ka folur në lidhje me çështjen e "Portit të Durrësit" që sipas tij është një aferë e cila është dhënë pa garë. Nga ana tjetër Bardhi ka folur për disa sektorë që sipas tij po u mbyllet aktiviteti ekonomik. 

“Prej muajsh biznesi fason ka qenë në vështirësi. Një pjesë e tyre janë detyruar që të mbyllin aktivitetin ekonomik. Në vend që me ndërhyrjen në buxhetin e shtetit qeveria të merrte masa konkrete për t’i lehtësuar barrën këtij sektori që mban me bukën e gojës mijëra familje në vend, ka vendosur që të bëjë atë që ka rezultuar dështim. Një skemë garancie sovrane, siç u aplikua në kohën e pandemisë. Në vend që të kishte një mbështetje për këtë kategori për mijëra familjarë të këtij vendi, kryesisht zonja që kanë të ardhura mesatare apo minimale, por qeveria fal portin aktual të Durrësit dhe më paratë e taksapaguesve, të ndërtojë një port të ri. Qeveria e ka portin, por ia fal pa garë një biznesi të përzgjedhur prej tij dhe me paratë e taksapagueseve në vend që t’ia vinte në nevojë shtresës pensioniste, vendos të bëjë një port të ri. Shqetësimet tona ishin ngritja e dy komisioneve hetimore”, tha Bardhi.