Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Mblidhet Komisioni Parlamentar për Sigurinë. • Në seancë ishte parashikuar që të zhvillohej një deklarim i Drejtorit të Përgjithshëm të Policisë së Shtetit, Muhamet Rrumbullaku. • Në seancën e sotme, Rrumbullaku deklaroi se për çështjen e vdekjes së Lear Kurtit është i gatshëm të përgjigjet brenda 48 orëve, por në seancën e sotme do të japë deklarime për sulmin kibernetik. • Debatet kanë përfshirë edhe deputetët e maxhorancës me ata të opozitës. • Ervin Salianji tha se policia ka humbur besueshmërinë ndërsa Ferdinand Xhaferri tha se Policia sot vret qytetarët. • Mbledhja u mbyll për mediat dhe po vazhdon pa praninë e gazetarëve pasi informacionet që do të diskutohen janë të klasifikuara si 'tepër sekrete'.
4 artikuj për këtë temë.
TIRANE- Deputeti i Partisë Demokratike Ervin Salianji replikoi me deputetët e maxhorancës në Komisionin për Sigurinë Kombëtare ku ishte parashikuar të diskutohej për sulmin kibernetik iranianë por çështja devijoi në ngjarjen më të fundit, vdekjen e 32-vjeçarit Lear Kurti pas ndalimit nga Policia. Në replikë e sipër, Salianji komentoi pamjet e dala në media ku i riu shihej teksa ngrihej peshë nga efektivët e Patrullës dhe tha se Kurti u trajtua si një "thes".
"Ne kemi denoncuar dhe denoncojmë përfshirjen e drejtuesve të lartë të shtetit në paligjshmëri, në moszbatim të ligjit dhe në përfshirjen e manipulimeve kriminale. Nuk i bën mirë policisë së shteti mbrojtja e paduhur Edhe në ngjarjen e fundit nëse nuk do kishtë nxitim për manipulim të ngjarjes, padiskutim që nuk do ishim këtu. Këtu ka një shqetësim, që policia që duhet të ruajë qytetarët mos t’i vrasë. Ne mbështetjen e japim, por që ta kapet me zë dhe figurë në manipulim të ngjarjes. Ore ju do distancohuni, punonjësit e policisë e ngrinin një qënie njerëzore sikur të ishte thes”, tha Salianji.
Përgjigjen ia dha deputeti i PS, Toni Gogu i cili tha se me këtë sjellje politike, "ju do të rrini edhe 10 vite aty ku jeni"./Dosja.al
TIRANË- Debate mes socialistëve dhe maxhorancës në Komisionin e Sigurisë. Deputeti i Partisë Socialiste debatoi me përfaqësuesit e selisë blu në Kuvend. Gogu, drejtuar Opozitës, tha se ata do të qëndrojnë në të njëjtën pozitë edhe për 10 vitet e ardhshme. Me të replikoi deputeti i PD-së, Ferdinand Xhaferraj, të cilit kryetari i Komisionit Nasip Naço i tha të ngrinte nivelin e bisedës.
Pjesë nga replikat:
Toni Gogu: Mirëfunksionimi i policisë fillon me çfarë kemi bërë ne keq, çfarë kemi bërë ne mirë. S'jemi për analizë, por do vazhdoni të rrini aty ku keni qëndruar dhe për 10 vite të tjera.
Nasip Naço: O zoti Xhaferri, por ngrihuni në lartësinë evropiane...
Ferdinand Xhaferraj: Kryetar, faleminderit, në mënyrë të padiskutueshme e mbështesim drejtorin që të ketë sukses në detyrën e tij, e falenderoj që ra dakort me shqetësimin e Opozitës dhe shprehur gatishmërinë. Vazhdojmë me rendin e ditës, për 48 orë të vijë të japë shpjegime këtu.
Nasip Naço: Zoti Qefaliaj, zonja Dhima ju lutem ,bëni diferencën me pjesën tjetër, po mos flisni pa leje. Ne do ta vlerësojmë, mund të vini nesër apo pasnesër, faleminderit, të nderuar kolegë, kjo seancë nga ky moment do të vijojë me dyer të mbyllura.
Ervin Salianji: Ne kemi denoncuar dhe denoncojmë ashtu si dhe sot përfshirjen e efektivëve në manipulime e në inkriminim. Nëse ngjarja e fundit do të ishte trajtuar me seriozitet dhe nëse nuk do të kishte nxitime për të manipuluar ngjarjen, nuk do të ishim në këtë situatë. Drejtori i AMP-së, famozi i njohur për manipulimet si në rastin e Rashës, Elbasanit dhe ky i fundit.
Faleminderit
Ervin Salianji: Shiko, nëse ka shqetësim më të madh se ky, nuk mund të ndaloni ju tqë të flasim për qytetarët. Që policia që drejtoni ju, të mos i vrasë.
Mbylleni tani, të respektojmk njëri-tjetrin.
Ervin Salianji: Ne nuk mund të spekulojmë, mbështetjen për mbrojtjen e efektivëve të policisë do ta japim, por nuk mund të rrimë. Ore do rrini ju aty apo ccfarë është kjo? Politikisht të vrisni ju
TIRANË- Drejtori i Përgjithshëm i Policisë së Shtetit, Muhamet Rrumbullaku u shpreh i gatshëm që të japë të gjitha sqarimet e nëvojshme në lidhje me vdekjen e 32-vjeçarit Lear Kurti. Rrumbullaku është në Komisionin e Sigurisë Kombëtare ku pritet të diskutohet siguria kombëtare pas sulmit kibernetik iranian, por deputetët e PD kërkuan sqarime për çështjen e Kurtit. Rrumbullaku u shpreh i gatshëm të jepte sqarimet e nevojshme para Komisionit të Sigurisë në cilësinë e ish-drejtorit të Agjensisë së Mbikqyrjes Policore edhe për rastin e vrasjes së Klodian Rashës.
Muhamet Rrumbullaku: Për ruajtjen e dinjitetit të organizatës policore kam ardhur me një axhendë të përcaktuar. Nuk jam përgjigjur komisionit se kam qenë me shërbim në SHBA. Së dyti, përsa i përket kërkesës së deputetëve për ngjarjen e fundit jam gati të paraqitem brenda 48 orësh përsa kërkon ligji. Edhe për rastin e të ndjerit Rasha, në cilësinë e ish-drejtorit të AMP të jap të gjitha informacionet e duhura. Tjetra, jo çdo gjë që del në media është e vërtetë dhe përkon me të dhënat e hetimit. Ju lutem respektoni mundin, gjakun dhe sakrificën e policëve./Dosja.al
