Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Dita e 48-të e protestës/ Qytetarët mblidhen në sheshin “Skënderbej”, kërkojnë dorëheqj...
• Konferenca e Kryetarëve ka nisur me debate mes demokratëve dhe socialistëve ditën e sotme. • Në nisje të mbledhjes, kreu i grupit parlamentar i PS-së Taulant Balla i ka bërë thirrje Opozitës që të nisin punën për kodin e ri për zgjedhoren. • Gjatë mbledhjes së Konferencës së Kryetarëve, Balla ka komentuar thirrjet për protestë të dëputetëve të PD-së, duke theksuar se revolucionet e tyre s'kanë për të ndodhur kurrë. • Ndërsa deputetja demokrate Ina Zhupa ka kundërshtuar socialistët, të cilët sesionin e kaluar parlamentar e kanë quajtur një sukses. • Duke iu kthyer Ballës, Zhupa u shpreh se Rama i trajton deputetët e tij si ushtar pa personalitet dhe kartona vetëm për miratimin e projektligjeve. • Deputeti Agron Gjekmarkaj nga ana tjetër ka deklaruar se maxhoranca ka marrë peng drejtësinë me dhunë.
3 artikuj për këtë temë.
TIRANË- Nënkryetari i Partisë Demokratike Agron Gjekmarkaj, iu drejtua mazhorancës duke thënë se, Hakmarrja e drejtësisë, do të bjerë mbi ata. Në Konferencën e Kryetarëve ai u shpreh se,vetëm dy herë është arritur që të bëhet debat normal parlamentar në 11 seanca, ndërsa ka shtuar se në 2026 duhet të shihet si prioritet mos marrja peng e drejtësisë.
Sipas Gjekmarkaj, drejtësia duhet 'të mos merret peng' që viti mos të fillojë me 'hungërima' dhe përçarje. Ai shtoi gjithashtu se, mazhoranca po shmang atë që qyetatrët duan, dënimin e korrupsionit.
"Ju Zoti Kryetar na uruat Vitin e Ri dhe unë ju uroj vit të mbarë secilit në plan personal, po këtu nuk jemi përfaqësues të vetes dhe të shtëpive tona, por të qytetarëve të cilët shohin një Parlament të bllokuar! Viti nuk ka filluar mbarë, sepse viti tjetër mbaroi keq! Katër muajt nga shtatori në dhjetor kanë qenë muajt më të shemtuar të parlamentarizmit, dhunim i rregullores, dhunim i opozitës, në 11 seanca vetëm një a dy herë kemi bërë debat normal, sepse keni patur frikë nga fjala e opozitës, të përfshirë nga skandalet tuaja!
Që të kemi vit të mbarë duhet që drejtësia të mos merret peng, që viti mos të fillojë me hungërima, përçarje e çjerrje se si doni t’i tregoni vendin opozitës! Ju them: mos guxoni! Do ta keni përballë Opozitën në Kuvend dhe sheshët e Shqipërisë! Meqë zoti Balla iu referua raportit të OSBE/ODIHR, i them se ai raport jua rrëzoi zgjedhjet e vjedhura të 11 Majit, ato dy të tretat që ju thoni!Zoti Balla foli për një Shqipëri që nuk ekziston, foli për vizione, duke shmangur atë që Shqipëria reale pret të dëgjojë, atë që qytetarët duan: dënimin e korrupsionit. Çfarë keni për të thënë për drejtësinë e marrë peng me dhunë nga mazhoranca, për sekserin a taksidarin e republikës që ta ka pushuar nga puna edhe ty si ministër a ndonjë tjetër këtu! Hakmarrja e drejtësisë, jo “hakmarrja për drejtësi”, do të bjerë mbi ju, nga brenda, nga jashtë. Kësaj dialektike nuk i shmangeni dot.", tha Gjekmarkaj. /Dosja.al
TIRANË- Deputetja demokrate Ina Zhupa ka kundërshtuar socialistët, të cilët sesionin e kaluar parlamentar e kanë quajtur një sukses. Gjatë mbledhjes së Konferencës së Kryetarëve, Zhupa u shpreh se Rama i trajton deputetët e tij si ushtar pa personalitet dhe kartona vetëm për miratimin e projektligjeve.
“Duhet të kesh guxim të tepruar dhe pafytyrësi të thuash që sesioni i kaluar ishte sukses dhe dhënie hapësire për deputetët e opozitës. Treguesi kohor që citon Balla, ku opozita ka folur 48 orë dhe mazhoranca 40 orë, tregon që paskeni folur shumë. Sepse Edi Rama ju trajtoi si kartona dhe ushtarë pa personalitet, teksa ju tha: ju mos diskutoni, por vetëm miratoni projektligje. Edhe në këtë porosi, ku askush nga ju s’e kundërshtoi, ju ftoj që këtë sesion të flisni 4 orë gjithsej, sepse atë rol ua kanë dhënë: si kartona.
Opozita kërkon mbledhjen e Këshillit të Mandateve sipas rregullores, ju e shkelni. Opozita kërkon mocion me debat për problemet e shqiptarëve, ju e mohoni. Opozita kërkon interpelanca me kryeministrin, ju s’i lejoni. Për çfarë flisni atëherë? Mjafton të shikosh edhe këtë projekt-kalendar: asnjë nga projektligjet e deputetëve të opozitës nuk ka një datë për shqyrtim. Zero, asnjë, sa për sy e faqe. Data kanë vetëm projektligjet e qeverisë dhe ato të deputetëve tuaj, që nuk i kanë bërë as vetë, por i sjellin të qeverisë për të shmangur procesin e konsultimit publik.
S’keni as guxim t’i fusni dhe t’i rrëzoni, sepse nuk thoni dot publikisht që kundërshtoni interesin qytetar. Rri në sirtar projektligji im për pagat e mësuesve, heqja e 5-mijë lekëshit të kategorisë. Nuk e fusni, sepse nuk e rrëzoni dot, por as nuk e miratoni, sepse s’ju lë qeveria. Ky është realiteti i një parlamenti që nuk respekton asgjë dhe nuk ka asnjë rol përtej dëshirave dhe vullnetit të Edi Ramës”, tha Zhupa./Dosja.al
TIRANË- Kreu i grupit parlamentar i PS-së Taulant Balla i ka bërë thirrje Opozitës ditën e sotme që të nisin punën për kodin e ri për zgjedhoren. Gjatë mbledhjes së Konferencës së Kryetarëve, Balla ka komentuar thirrjet për protestë të dëputetëve të PD-së, duke theksuar se revolucionet e tyre s'kanë për të ndodhur kurrë.
Po ashtu Balla ka deklaruar se reformat do të vazhdojnë të gjitha dhe nuk mund të bllokohen nga Opozita.
“Zonjat dhe zotërinjtë e opozitës, Mos humbisni kohë kot me thirrje dhe përbetime revolucionesh që nuk kanë për të ndodhur. Mos humbisni kohë kot as me “shtrimin e tapetit” të alibisë për humbjen e radhës. Jemi të gatshëm të bashkëpunojmë me ju plotësisht për t’i dhënë Shqipërisë një Kod të ri Zgjedhor sipas standardeve më të mira zgjedhore, Ndarje Administrative Territoriale funksionale, e gjithçka tjetër. Duhet ta fiksoni mirë në mendje se ju nuk mund te bllokoni reformat. Kemi bere nje marreveshje ne sesionin e kaluar per ngritjen e komisioneve. Nese ju sot thoni terhiqeni nga komisionet kjo është shkelje e marrëveshjes në mënyrë te njëanshme. Ne do të detyrohemi të vazhdojmë punën dhe pa ju.
Komisioni i Posaçëm i Reformës Zgjedhore duhet të adresojë rekomandimet e OSBE-ODIHR-it ku përparësi të veçantë ka depolitizimi i plotë i administratës zgjedhore. Duhet të marrë fund kjo qasje e papranueshme për një vend anëtar të BE, partitë votohen, partitë numërojnë. Gjithashtu të gjithë ia themi njëri tjetrit majtas-djathtas, në ato netët pafund të numërimit në oakkatet e sportit apo palestrat e shkollave, sa herë kemi zgjedhje. Dhe këtu duhet ta ripërsërisim me zë të lartë nevojën e nxjerrjes së rezultatit të zgjedhjeve në një kohë më të shkurtër, pse jo të mos kryhet numërimi në qendrat e votimit.
Fakti është se qoftë për komisionet zgjedhore partiake, qoftë për vonesën në nxjerrjen e rezultatit zgjedhor, koha nuk pret më as për zgjedhjet vendore 2027.
Reforma zgjedhore sa i përket Kodit Zgjedhor kërkon të paktën 84 vota në Kuvend. Por ne e kemi bërë publike ambicjen tonë për një reformë më të thellë e cila të përfshijë edhe zvogëlimin e numrit të deputetëve të Kuvendit të Shqipërisë në të paktën 100 apo 101 deputetë. Dëgjova zotin Gjekmarkaj se opozitës i eshtë mohuar e drejta e fjalës. Ka nje indikator shumë domethënës nga sesioni i kaluar. Koha e diskutimeve. Opozita ka marrë 48 orë diskutime, shumica bashkë me Qeverinë 40 orë diskutime në seancë plenare,” tha Balla./Dosja.al
