Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Mbledhja e Këshillit Bashkiak do të mbahet online për shkak të protestës së paralajmëruar nga opozita. • Sipas emailit drejtuar anëtarëve të Këshillit, vendimi u mor me dakordësinë e shumicës së anëtarëve të Kryesisë së Këshillit prezent në mbledhje, me qëllim garantimin e sigurisë. • Ndërkohë anëtarët e opozitës të cilët kanë shkuar për të marrë pjesë në mbledhje kanë mbetur pas dere. • Në lidhje me këtë situatë anëtari i këshillit, Dorian Teliti u shpreh se kryesia nuk donte që këshilltarët e opozitës të merrnim pjesë në mbledhje.• Këshilltarët e opozitës nuk janë shprehur kundër mbledhjes online, por kanë kërkuar të futen në zyrat e tyre dhe ta ndjekin mbledhjen nga brenda bashkisë. • Teliti tha se dera është e mbyllur dhe nuk po lejohen të futen brenda. • Sipas tyre, këshilltarët e opozitës nuk po lejohen të marrin pjesë në mbledhje pasi janë kunder vendimeve që do të merren në mbledhje.
4 artikuj për këtë temë.
TIRANË- Mbledhja e Këshillit Bashkiak do të mbahet online për shkak të protestës së paralajmëruar nga opozita. Sipas emailit drejtuar anëtarëve të Këshillit, vendimi u mor me dakordësinë e shumicës së anëtarëve të Kryesisë së Këshillit prezent në mbledhje, me qëllim garantimin e sigurisë. Ndërkohë avokati Genc Gjokutaj, anëtar i këshillit bashkiak, e konsideroi si shkelje të ligjit zhvillimin e mbledhjeve online në kundërshtim me ligjin.
“Mbledhjet online mbahen në kohë pandemie, shyqyr zotit tani dielli shkëlqen. Por një gjë duhet të kenë parasysh se kjo nuk mbahet me policë, këta janë ordinerë”, tha Gjokutaj, duke shtuar se ai që po merret në pyetje, po jep urdhëra teksa po merret në pyetje në SPAK.
TIRANË- Këshilltari i PL-së në Këshillin Bashkiak të Tiranës, Tedi Blushi ka reaguar pas zhvendosjes së mbledhjes së këshillit online. Përmes një postimi, Blushi thotë se vendimi për mbledhjen është marrë pa u pyetur opozita.
Sekretari i Përgjithshëm i Partisë së Lirisë, u shpreh se kjo tregon shkeljen e ligjit për pushtetin vendor dhe të Rregullores së Funksionimit të Këshillit Bashkiak.
POSTIMI I PLOTË:
I tmerruar deri në palcë nga hajdutëritë dhe krimet e shumta, për të cilat do detyrohet të japë patjetër llogari, i frikësuar si lepur nga transparenca para qytetarëve, Erion Veliaj sapo ka urdhëruar zhvillimin online të mbledhjes së sotme të Këshillit Bashkiak të Tiranës.
Ky vendim i marrë pa pyetur përfaqësuesit e opozitës, është shkelje e hapur e ligjit për pushtetin vendor dhe të Rregullores së Funksionimit të Këshillit Bashkiak.
Askush nuk mund të na pengojë ne këshilltarëve të opozitës të ushtrojmë detyrën për të cilën jemi zgjedhur!
Të gjithë para Bashkisë së Tiranës, pas pak në ora 16:30, në protestë kundë mafies së inceneratorëve dhe organizatës kriminale 5D. Erion Veliaj duhet marrë urgjent i pandehur! Nuk ka “Drejtësi me Regji” që e shpëton! Na ka përballë!
Teliti: Kryesia e Keshillit Bashkiak, në 14:01 kanë dërguar një email se kryesia mblidhet në 15:00. Nuk donin që këshilltarët e opozitës të merrnim pjesë në mbledhje. Gjysëm ore para mbledhjes thanë se mbledhja do zhvillohet online. Kemi te drejtën tonë të marrim pjesë në mbledhjen e Keshillit Bashkiak. Duam të marrim pjesë edhe në këtë mbledhjen online që po zhvillohet. Në detyrën tonë do e bëjmë në zyrat e Këshillit Bashkiak. T'i heqin zinxirin derës dhe të lejojnë këshilltarët të futen brenda.
