Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Asambleja e Partisë Socialiste u mblodhë paraditen në Tiranë. • Asambleja nisi punimet me fjalen e Kryeministrit Edi Rama, të cilën pjesën e parë e fokusoi vetëm te puna e drejtësisë së re dhe me drejtimi i bashkisë së Tiranës. • Që në nisje të fjalimit Rama nënvizoi faktin që duhet zgjidhje sa më parë për situatën e krijuar në Tiranë dhe për këtë popozoi shkarkimin e Erion Veliajt, i cili ndodhet në burg. • Rama deklaroi se edhe pse është i zgjedhur nga populli për 3 mandate rresht, Veliaj duhet të përballet me akuzat nën mburojen e vetë dhe pa asnjë ndihmë nga PS-ja. • Teksa urdhëroi Këshillin Bashkiak të niste procedurat për shkarkimin e tij, Rama propozoi Ogerta Manastirliun si kandidate për kryebashkiake. • Ndërsa duke folur për drejtësinë e re, Rama nuk la pa sulmuar SPAK dhe GJKKO-në, duke vënë në dukje pagat e tyre të larta, ndërkohë që shtoi se ka disa individ pa integritet. • Për Kryeministrin GJKKO ka mbetur nën hijen e Prokurorisë së Posaçme, ndërsa SPAK sipas tij ka treguar një sërë shkeljesh në mënyrën e trajtimit dhe hetimit të rasteve të ndryshme. • Në fund, Rama shtoi se nuk ka asnjë kapje të drejtësisë nga ana e PS-së por vetëm mbështetje.
10 artikuj për këtë temë.
TIRANË- Kryeministri Edi Rama ka propozuar Ogerta Manastirliun si kandidatë për kryetare të Bashkisë Tiranë. Gjatë fjalës së tij në Asamblenë e PS-së, Rama ka theksuar se Manastirliu është njeriu i duhur, për të marrë në dorë frerët e kryeqytetit.
“Ogerta Manastirliu është njeriu që i duhet Tiranës. E dashur Ogerta, e di që nuk do ma falësh kollaj këtë bombë, por Shqipëria ka nevojë për Tiranën, si treni për lokomotivën. PS nuk ka më as çfarë pret për ta vënë lokomotivën në lëvizje me makinistin e duhur. Nuk kemi ku dhe pse e kërkojmë një profil dhe person më të përshtatshëm, për t’i kërkuar mbështetje popullit të Tiranës. Është radha jote e dashur Ogerta që ta udhëheqësh Tiranën. Detyra jonë është të të mbështesim ,për të marrë besimin e komunitetit”, tha Rama.
TIRANË- Kryeministri Edi Rama ka urdhëruar Këshillin Bashkiak të Tiranës që të shkarkojë kryetarin e burgosur Erion Veliaj. Gjatë fjalës së tij, Rama ka deklaruar se Veliaj duhet që të shkarkohet, në mënyrë që të hapet rruga për mbajtjen e zgjedhjeve të reja në Tiranë.
"Sot kemi një kryetar bashkie i zgjedhur tre herë, i dënuar jo për detyrën si kryetar. I janë nxjerrë edhe biseda me familjarët nga telefoni i burgut. Kjo nuk ndodh në asnjë vend demokratik. Diktatorial, jo e jo. Është shkelja më e hapur dhe më flagrante në shpërdorim të detyrës, nga ana e tyre që duhet të mbajë nën kontroll hetimet. Tirana ka punë të mëdha dhe të panumërta, përditë e përnatë. Nuk i heq asnjë meritë kryetares në detyrë për sa ka bërë në këto 7 muaj. E falënderoj për përkushtimin. Por sot ne duhet të marrim një vendim politik, për t’i hapur rrugë zgjedhjeve për kryetarin e bashkisë në Tiranë”, tha Rama.
TIRANË- Kryeministri Edi Rama ka deklaruar se Partia Socialiste nuk do të nxjerrë artilerinë kundër SPAK dhe GJKKO-në. Gjatë fjalës së tij, Rama ka deklaruar e me flamurin e PS-së ata do të punojnë vetëm për Shqipërinë e të ardhmës. Për këtë, Rama ka shtuar se institucioneve të reja duhet dhënë garancia për një drejtësi të pavarur.
“Sipas meje, pikërisht pse ne kemi hyrë, me dëshirë në këtë llogore të përbashkët të politikës, me flamurin e PS dhe kemi zgjedhur të punojmë për Shqipërinë e nesërme, nuk kemi asnjë mundësi ta kthejmë llogoren në rifuxhidhe të nxjerrim artilerinë tonë kundër SPAK apo GJKKO. Përfshirë dhe në rastet, kur për dikë, po bëhet një padrejtësi. Sado e padrejtë, absurde mund të duket kjo që thashë, do të ishte i pariparueshëm për më shumë se një dekadë, dëmi që artileria jonë do i bënte Shqipërisë të së nesërmes. Institucioneve të reja të drejtësisë, si garancia për një drejtësi të pavarur. Ky është durimi shtetbërës strategjik”, theksoi ai.
TIRANË- Kryeministri Edi Rama ka deklaruar se institucionet e drejtësisë së re SPAK dhe GJKKO kanë probleme të mëdha dhe shqetësuese në vend. Gjatë fjalës së tij në Asamblenë e PS-së, Rama deklaroi se për këta prokurorë e gjykatës kua e vetme është durimi dhe jo kthimi pas. Më tej Rama deklaroi se GJKKO ka mbetur nën hijen e Prokurorisë së Posaçme, ndërsa SPAK ka treguar një sërë shkeljesh në mënyrën e trajtimit dhe hetimit të rasteve të ndryshme.
"Pushteti i ri i drejtësisë mban ende në radhët e veta, lart e poshtë, nëpër Shqipëri, prokurorë e gjyqtarë, dritëshkurtër, mendjengushtë e me mungesë integriteti, që e bëjnë të bardhën të zezë, ndërkohë që qeverisja e pavarur e sistemit reagon sikur fle në këmbë. Rastet e fundit, kur disa prokurorë dhe gjyqtarë i kanë rënë ndesh ligjit duke mbajtur krahun e zbatuesve të tij. E vërteta e madhe është se nuk përjashtim as SPAKU, krenaria e vetme e reformës në drejtësi, as Gjykata Speciale që nuk po del nga hija e SPAK-ut. Edhe këto institucione kanë na dhënë arsye dhe për t’u habitur dhe shqetësuar shumë seriozisht, mosrespektimi i prezumimit të pafajësisë, intimidimi i personave në liri, nxjerrja e të dhënave hetimore rrugëve për linçuar në pazare fatin e personave të hetuar janë shenja të sëmundjes së vjetër te drejtësia e re. Sipas meje pikërisht pse kemi hyrë jo me zor po me dëshirë në këtë llogore të përbashkët të politikës me flamurin e PS dhe kemi zgjedhur se nuk marrim në mbrojtje këdo qoftë apo të nxjerrim artilerinë tonë ndaj SPAK apo GJKKO edhe kur sipas nesh po bëhet një padrejtësi. Fatkeqësisht për ne si PS dhe fatmirësisht për popullin”, tha Rama.
TIRANË- Kryeministri Edi Rama në nisje të fjalimit të tij para Asamblesë Kombëtare të PS-së ka folur për drejtësinë e re. Gjatë fjalës së tij, Rama ka deklaruar se PS-ja është një shytsë ndaj SPAK dhe GJKKO-së. Dhe me tej ka theksuar se kur flet për presione apo kapje të drejtësisë nga Qeveria, nuk di çfarë flet.
“Kush flet për kapje, kontroll, nga ana jonë, me urdhra nga lart apo presione rreth e rrotull, nuk e di se çfarë flet, ose nuk do të pranojë të vërtetën shumë të madhe, në një vend ku kurrë, nuk ka pasur pavarësi të prokurorëve dhe të gjykatësve. E kam ditur dhe si të tjerë, që kjo tërheqje e plotë nga fusha e gjyqëasorit do sillte humbje dhe do na bënte dëshmitarë të lindjes së një krijese të drejtësisë së pavarur. Ne do t’i durojmë të gjitha dhimbjet e këtij procesi. Ne do durojmë qoftë edhe kur ato dhimbje vijnë nga ato të tjerë që thonë se kemi kapur drejtësinë. Hera e parë që drejtësia godet persona me pushtet politik. Kjo e drejtësisë, është prova më e egër e zjarrit e PS. Forca jonë e madhe i ka hapur shteg të ri drejtësisë. Jam krenar për PS. Nuk jemi, nuk do lëkundemi as sot, pavarësisht faktit të njohur botërisht, që përveç arrtitjeve, sistemi i drejtësisë shfaq hera herës sëmundje të vjetra," tha Rama.
TIRANË- Kryeministri Edi Rama ka deklaruar në nisje të Asamblesë Kombëtare të PS-së se duhet që të adresohet emergjenca në drejtimin e Tiranës. Që në nisje të fjalës së tij, Rama ka deklaruar se PS nuk bën avokatin e askujt që ka probleme me drejtësinë.
"Do të na duhet që të adresojmë këtu edhe emergjencën në drejtimin e Tiranës për arsyen e ditur botërisht. Nuk mban më, por duhet të them që në fillim sa më qartë atë që besoj se duhet të ndajmë të gjithë së bashku për çështjen e drejtësisë dhe raportin tonë me të. Nuk kemi hyrë në asnjë rast në meritën e drejtësisë, aq më tepër ku drejtësia nuk e ka thënë deri në fund fjalën e saj. Nuk kemi bërë avokatin e kujto, të familjes së madhe politike që ndalohet nga drejtësia. Nuk do të kemi asnjë pendesë për lirinë dhe pavarësinë që i kemi dhënë drejtësisë në reformën në drejtësi. Përmes reformës i kemi larguar me vetëdije të plotë duart e ekzekutivit nga çdo proces seleksionim zgjedhje apo shkarkimi i prokurorëve dhe gjyqtarëve. Ia kemi lënë pushtetit gjyqësor që të zgjidhë vetë punët e veta," tha Rama.
TIRANË- Kryebashkiaku i Vlorës, Ermal Dredha ka marrë pjesë në Asamblenë Kombëtare të Partisë Socialiste, një ditë pas dorëheqjes së tij nga drejtimi i pushtetit lokal. Një një prononcim të shkurtër për media, Dredha deklaroi se këtë vendim e ka marrë kohë më parë dhe për arsye të një reflektimi me veten e vetë.
“Thjesht ky është një reflektim që kam bërë me veten. Reflektimi nuk fillon një ditë përpara Asamblesë, ka kohë që e mendoj, për shumë arsye, për arsye familjare. Megjithatë, dashuria për Vlorën është e para. Jam djalë Vlore, kam lindur në Vlorë dhe dashuria për Vlorën s’ka për të shteruar kurrë. Unë do të vazhdoj të kontribuoj për Vlorën time, kudo që të jem. Jam i sigurt që do të ketë një ekip që do ta çojë Vlorën përpara, unë do të të mbështes dhe mbetem socialist. Kam qenë dhe socialist do të jem gjithmonë, pasi është familje dhe është gjë e rëndësishme. Nuk mund të bëj komente më shumë se kaq,” tha Dredha.
TIRANË- Kryeministri Edi Rama ka mbërritur paraditën e sotme në Pallatin e Kongreseve. Pas pak minutash pritet që të nisë Asambleja Kombëtare e Partisë Socialiste, ku dhe do të shpallet formacioni Rama 4.
TIRANË- Asambleja e Partisë Socialiste do të mblidhet paraditen në Tiranë. Punimet e Asamblesë së PS-së do të mbahen te kompleks Xibraku dhe pritet të nis rreth orës 09:30. Pas miratimit të rendit të ditës, pritet që të jetë fjala e kryeministrit Edi Rama.
Pjesa më e madhe e fjalimit të Ramës, pritet që të fokusohet te sfidat e anëtarësimit të vendit në BE. Ndërkohë që në fund të fjalimit Rama do të prezantojë dhe emrat e kabinetit të ri qeveritar Rama 4. Pas fjalës së kryeministrit Rama, do të ketë një hapësirë për diskutime mes anëtarëve të PS-së.
Komisioni Rregullator ka certifikuar me 3 vota pro dhe 2 kundër rezultatin e zgjedhjeve parlamentare të 11 majit. Nga zgjedhjet e 11 majit Partia Socialiste siguroi 83 mandate, ndërsa Partia Demokratike mori vetëm 50 mandate. Nga zgjedhjet arritën të siguronte tre vende në Kuvend edhe Partia Socialdemokrate. Ndërkohë që Partia “Mundësia” e Agron Shehajt mori dy ulëse në Parlament, “Nisma Shqipëria Bëhet” e Adriatiak Lapajt 1 mandat dhe “Lëvizja Bashkë” e Arlind Qorit 1 mandat./Dosja.al
TIRANË- Kryeministri Edi Rama ka dhënë një mesazh mëngjesin e sotëm, pak para zgjedhjes së formacionit Rama 4. Me një foto nga zyra e tij në kryeministri, Rama ka lajmëruar anëtarët e PS-së me fjalët: Shihemi në 11.00.
Postimi i Plotë:
MIRËMËNGJES Shihemi në 11.00
