Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Yuri Kim ka reaguar për herë të parë lidhur me "largimin" që i bëri Ministria për Europën dhe Punët e Jashtme. • Ambasadorja amerikane në Shqipëri, Yuri Kim tha se në vendin tonë tha se do të jetë në Shqipëri edhe ca më gjatë, megjithëse në janar i mbaron mandati. • Në fjalën e saj gjatë konferencës së zhvilluar për mediat, ambasadorja dha edhe mesazhe të rëndësishme për drejtësinë, duke theksuar se e vërteta duhet vendosur në bazë të ligjit dhe jo të kujt paguan ose kërcënon më së shumë. • Diplomatja amerikane u ndal edhe teksa zbatimi i Reformës në Drejtësi, ku theksoi se gjyqtarët duhet të japin drejtësi dhe jo të kryejnë hakmarrje personale. • Gjithashtu, ajo bëri thirrje për krijimin sa më shpejt të Gjykatës së Lartë, për të cilën tha se mund të krijohet në 3 muajt e parë të vitit 2023. • Në fjalën e saj, përmendi edhe diktatorin Enver Hoxha, për të cilin tha se pas ardhjes së ushtarëve amerikanë në Shqipëri, me siguri po rrotullohej në varr. • Nga ana tjetër, kryetarja e Këshillit të Lartë Gjyqësor, Nureda Llagami tha se në 4 vjet trupës gjyqësore i janë bashkuar 80 gjyqtarë të rinj. • Ajo siguroi se në shkurt do të shihen rezultatet e prekshme të hartës së re gjyqësorë, teksa tha se do të krijohet Gjykata e Apelit në Tiranë, e cila do të jetë e përqendruar për gjithë Shqipërinë.
5 artikuj për këtë temë.
TIRANË- Zëvendëskryetari i Gjykatës së Lartë, Sokol Sadushi deklaroi ditën e sotme se asistenca e partnerëve ndërkombëtarë është gjithnjë e mirëpritur. Gjatë eventit 'Drejt ekselencës gjyqësore', Sadushi tha se është e nevojshme që të çohet deri në fund misioni i Reformës në Drejtësi, i cili sipas tij, nuk do ishte realizuar dot pa mbështetjen e partnerëve ndërkombëtarë.
'Asistenca e vazhdueshme e partnerëve ndërkombëtarë, jo vetëm është e mirëpritur por edhe nevojshme për të çuar deri në fund misionin e Reformës në drejtësi e cila nuk do të ishte realizuar pa mbështetjen e tyre. Tashmë nuk ndodhemi në një fazë në emergjence, por do shkojmë drejt një fazë të shkëlqyer.’- tha Sadushi.
TIRANË- Ambasadorja amerikane në Shqipëri, Yuri Kim ka deklaruar se reforma në drejtësi ka bërë hapa para, duke shtuar se nuk duhet për asnjë moment që kjo të ndryshojë. Gjatë konferencës 'Drejt ekselencës gjyqësore', ambasadorja Yuri Kim ka përmendur edhe diktatorin Enver Hoxha. Duke rikujtuar faktin se në Shqipëri mbërritën forcat komando amerikane për t'u stërvitur me Shqipëri për "Defender21", mesa duket ambasadores iu kujtua dhe diktatori.
"Ka histori këtu, duhet të ndjejmë empati dhe respekt për përvojën e popullit shqiptar dhe sfidat me të cilat përballemi. Vendimet për drejtësinë na ndikojnë të gjithëve. Vendime për të dhënë kush do të jetë kreu i institucionit të caktuar, ka ardhur koha për të dhënë që Shqipëria është gati. Ju keni ulur ngjitur me ne, ju respektoheni në çështje globale. Ka zhvillime strategjike që janë kaq pranë për t'u bërë të vërteta. Duhet të ketë shumë investime. Por duhet të ketë drejtësi. duhet ta dinë që kur të vijnë, ajo copë letre ka vlerë. Marrëdhënia me SHBA, investimet amerikane s’kanë qenë kurrë më të larta. Duhet të ketë më shumë, por duhet të ketë drejtësi. Ata duhet ta dinë se kur shkojnë në gjykatë gjykatësi do vendosi për atë që është në përputhje me ligjin jo kush ka paguar më shumë apo ka bërë kërcënimin. Gjykatësi të vendosi një vendim në përputhje më ligjin, jo me atë që ka paguar ose ka kërcënuar më shumë. A kishit menduar në 91/97 që do kishte këtu ushtarë amerikanë? Kemi patur këtu ushtarakë amerikanë. Enver Hoxha po rrotullohet në varr, kjo është e ardhmja. Kjo është ajo që ne duam për ju si SHBA, ndaj besojmë në reformën në drejtësi, e di që ndonjëherë nuk ju pëlqen, do kishit dashur që ndonjëherë të ishim të heshtur. Duam që të jeni si pjesa tjetër, Europë. Prandaj dhe do iu shtyjmë para. E di që është e pakëndshme ndonjëherë kur iu shtyjmë para. Ne jemi miqtë tuaj. Ne duam që ju të jeni vendi më i mirë që mund të jeni. Duam të jeni të fuqishëm dhe të pasur. Të thonë të tjerët që "uau ia dolën mbanë". Zgjodhën një shteg të vështirë por ia dolën mbanë. Tani nuk është koha për të pushuar, nuk është koha për të dhënë mjaft. Tani është koha për të thënë ne do të shtyjmë para. Brezi i ardhshëm vërtetë i ka sytë tek ju. Le të përveshim mëngët së bashku dhe të ulim më tej çështjet e prapambetura le të sigurohemi që vendimet që do të merren, se kush do jetë këtu apo atje, le të sigurohemi që vendimet ta çojnë drejt të ardhmes që nuk do na mbajnë para. SHBA nuk do të ndalojë e as ju nuk duhet,"-tha në fjalën e saj ambasadorja Yuri Kim.
TIRANË- Ambasadorja amerikane në Shqipëri, Yuri Kim dha një përgjigje edhe lidhur me diskutimin për mandatin e saj duke theksuar se do të jetë edhe 'ca më gjatë në Shqipëri', por nuk përmendi se sa do të jetë afat kohor gjatë të cilit do të jetë e mandatuar në vendin tonë. Në konferencën “Drejt ekselencës gjyqësore”, ambasadorja amerikane Yuri Kim u shpreh se shqiptarët po i ndiejnë rezultatet e reformës në drejtësi, por inkurajoi për më shumë.
Yuri Kim: "Tani dini që SHBA nuk do të reshtin e as të ndalojnë as dhe ju nuk duhet. Unë kam tre vite në Shqipëri do të jem këtu dhe për ca më gjatë. Dhe ajo që kam mësuar është se ka një sfidë të madhe këtu. Jo sepse Shqipëria është mënyrë unikale e keqe dhe e korruptuar por ka histori këtu dhe duhet të ndjejmë empati dhe respekt për historinë dhe përvojën e popullit shqiptar dhe sfidat me të cilën përballen. Ky është një vend i vogël ku të gjithë njohin të tjerët. Vendimet për drejtësinë na ndikojnë në mënyrë që ndoshta nuk do të donim ti pranonim. Ka ardhur koha që të themi që Shqipëria është gati për fazën tjetër."
Ky është reagimi i parë zyrtar i ambasadores në Shqipëri, që vjen vetëm 4 ditë pasi Ministria e Jashtme njoftoi se ka nisur procedura për zëvendësimin e Kim. Në mënyrë të pakërkuar, MPEJ mori një kompetencë që e ka vetëm Departamenti i Shtetit. Në media flitet për një përplasje mes Kim dhe qeverisë për kreun e ri të SPAK, por deri më tani ky është një version i pakonfirmuar. Palët ende nuk kanë reaguar për arsyet pse në rastin e Kim, qeveria shqiptare vendosi ta përcjellë "vetë"./Dosja.al
TIRANË- Ambasadorja amerikane në Tiranë, Yuri Kim mbajti një fjalim të gjatë për Reformën në Drejtësi duke vendosur edhe afate. Në fjalën e saj, gjatë konferencës “Drejt ekselencës gjyqësore”, ambasadorja Yuri Kim theksoi se gjyqtarët duhet të japin drejtësi dhe jo të kryejnë hakmarrje personale, ajo bëri thirrje për krijimin sa më shpejt të Gjykatës së Lartë, për të cilën tha se mund të krijohet në 3 muajt e parë të vitit 2023 për të plotësuar edhe 3 vakancat boshe. Madje për një moment, kujtoi edhe gjendjen sesi ishte drejtësia në vitin që ajo mori mandatin e saj si ambasadore në vendin tonë, në 2020. Madje i inkuarajoi të tjerët që të bënin diferencën në përmirësimin e arritur, duke theksuar se po vihen re edhe rezultate.
"Sot jemi këtu për të festuar arritjet e Gjykatës së Lartë, do të rinovojmë mbështetjen tonë për drejtësinë. E di që jeni lodhur duke e dëgjuar nga unë, por reforma në drejtësi nuk është e lehtë dhe nuk është e shpejtë. Po shohim rezultate. Rezultate që i kupton çdo shqiptar si rezultate. Duhet të jeni krenarë për atë që keni arritur, keni nisur që të rektoni dosjet e prapambetura. Do të mbushni 3 vendet e Gjykatës së Lartë për të sjellë drejtësi për shqiptarët. Jemi krenarë për të bashkëpunuar me BE për reformën në drejtësi. Është e drejta e shqiptarëve. Shikoni sa larg kemi arritur. 4 vite më parë ishte 1 gjyqtar në Gjykatën e Lartë. Tani na duhen edhe 3. Shpresoj që të gjenden 3. E di se është e vështirë, por mund të bëhet. Njerëzit thanë se do ishte e vështirë të mbushej GJK, por me vendosmëri u arrit brenda vitit që arrita unë në 2020. Të dinë se kur të vijnë në gjykatë do të jenë të barabartë përpara ligjit. Do e dinë se marrin drejtësi në kohë. Ka qenë e rëndësishme për ne si SHBA në uljen e çështjeve të prapambetura. E kuptojmë frustrimin e popullit shqiptar, nuk është e drejtës. Të vazhdojmë të bëjmë përparim, t’i japim njerëzve në drejtësi. Me ndihmë kjo mund të realizohet. Plotësojeni gjykatën, ecni sa më shpejt të mundeni, është kohë vendimtare për reformën në drejtësi. Kanë mbetur edhe 2 javë nga 2022, por shpresoj që vitin tjetër GJL t'i ketë të gjithë anëtarët. Ka kaluar mjaft kohë, duhet drejtësi për njerëzit, duhet gjendur një mënyrë. Koha ka ardhur, duhet të japim drejtësi për njerëzit. Duhet të gjejmë një rrugë. E di që duan t'i shohin gjyqet me njerëz dhe gati për të vendosur drejtësi, jo hakmarrje, por drejtësi. Ta dinë që kur të vijnë në gjyq, do të jenë të barabartë para ligjit,"-tha në fjalën e saj ambasadorja Yuri Kim.
TIRANË- Kryetarja e Këshillit të Lartë Gjyqësor, Naureda Llagami mori fjalën e para në aktivitetin e KLGJ-së me temën 'Drejt ekselencës gjyqësore'. Ajo u shpreh se tashmë ka ardhur koha për të hapur faqen e konsolidimit, i cili u jep besim institucioneve. Më tej, kryetarja e KLGJ-së tha se në shkurt do të shihen rezultatet e prekshme të hartës së re gjyqësorë, teksa tha se do të krijohet Gjykata e Apelit në Tiranë, e cila do të jetë e përqendruar për gjithë Shqipërinë.
'Sot ka ardhur koha të hapim një faqe të re, atë të konsolidimit. Konsolidimi u jep institucioneve besim, ky duhet të jetë objektivi ynë. Besimi që ne po bëjmë më të mirën që sistemi të funksionojë, ky besim kërkon kohën e vet, stabilitet dhe qëndrueshmëri. Është e rëndësishme që të lundrojmë përpara dhe të arrijmë në destinacion. Në një kohë të shkurtër po shikojmë rezultatet. Sot kemi një model të konsoliduar. Falenderim për miqtë dhe partnerët që lundruan me ne në dallgët e mosbesimit dhe na ndihmuan. Në shkurt 2023 do shohim rezultatin e parë dhe të prekshëm të hartës së re gjyqësore, pasi do të krijohet Gjykata e Apelit në Tiranë.’- tha Llagami.
