Kosova në alarm, Vuçiç jep dorëheqjen nga presidenca e SNS, vendin e tij e merr Ministri i Mbrojtjes: Do e ruajmë Prishtinën si pjesë tonën
Millosh Vuçeviç zë vendin e Vuçiç: Do ruajmë Kosovën si pjesë e Serbisë 27 Maj, 14:50 ...
Millosh Vuçeviç zë vendin e Vuçiç: Do ruajmë Kosovën si pjesë e Serbisë 27 Maj, 14:50 ...
Arrestimet për RRJETIN e kanabisit në Krujë, lirohet i moshuari 27 Maj, 13:08 Zbardhet dosja/ Kultivonin drog&e...
Rusia kryen sërish sulme të reja në Bahkmut dhe Kharkiv 27 Maj, 13:53 ...
Mbyllet seanca e Këshillit të sigurisë në Serbi/ Konkluzioni: NATO nuk ka përmbushur misionin 27 Maj, 11:38 ...
• 14 kandidatët për Avokatin e Popullit kanë prezantuar platformat e tyre para Komisionit të Ligjeve. • Alket Jaupi, Bledar Dervishaj, Besim Ndërgjoni, Drita Avduli, Dardan Mustafa, Erald Aga, Endri Papajorgji, Edison Frangu, Robert Gajda, Lefterie Luzi, Sokol Hazizaj, Tartar Bazaj, Ilir Rusmali, Vitore Tusha kanë dalë para deputetëve e kanë folur për ambicien e tyre për të marrë këtë post. • Ky process është raundi i dytë, pasi dialogu me opozitën dështoi në dhjetor. Votimi për Avokatin e Popullit u shty për vitin 2023, sepse nuk u arritën 84 votat e nevojshme për asnjërin kandidat. • Opozita propozoi Ledio Brahon, por kryeministri Edi Rama ua bëri të qartë që asnjë nga socialistët s'do e votonin pasi ai ishte një jurist që PS kishte fituar çdo gjyq.
3 artikuj për këtë temë.
TIRANË- Juristi Alket Jaupi është shprehur se do të fokusohet tek të drejtat e njeriut dhe ndryshimet klimatike nëse do të drejtojë Avokatin e Popullit. I pranishëm në Komisionin e Ligjeve, përballë deputetëve, Jaupi tha se ai gjatë gjithë karrierës ka pasur pasion tu kushtojë rëndësi të drejtave të njeriut. Ai shtoi se puna e përditshme i sjell kënaqësi, sidomos në këtë institucion.
Pjesë nga prononcimi:
Pyetje: Cili ka qenë pasioni yt dhe si e ke shprehur në punën në institucion dhe si do ta çosh më tutje, cila ishte gjëja që të zgjonte në mëngjes që të shkoje në punë në atë kohë? Keni shkruar ndonjë gjë për të drejtat e njeriut dhe për Avokatin e Popullit në gjithë këto vite? Avokati aktual, personi që shërben aktualisht ka shpjeguar risitë e Avokatit të Popullit për sa u përket objektivave, keni ndonjë ide se si mundet në sfidat që shoqëria jonë, si pjesë e shoqërisë globale po ballafaqohet, si do t'i adresoni në rolin e Avokatit të Popullit?
Alket Jaupi: Pasioni është ndjenjë e brendshme, një element, një ndjesi që individi e ndjen kur kupton se çfarë bën. Pasioni im për të drejtat e njeriut ka qenë i madh sepse kam kuptuar se njerëzit janë të ndjeshëm. Një sjellje e mirë dhe një fjalë e mirë ëhstë një kontribut për individin dhe shoqërinë. Puna e përditshme sjell kënaqësi dhe sidomos puna në Avokatin e Popullit. Në radhë të parë ka të bëjë me kënaqësinë që të jep tu shërbesh qytetarëve. Do të fokusohem dhe tek ndryshimet klimatike dhe tek efektet që sjellin në jetën e njeriut.
TIRANË- Juristi Alket Jaupi, i cili kandidon për Avokatin e Popullit thotë se do të ushtrojë presion pozitiv mbi qeverinë për të miratuar minimumin jetik. Përballë deputetëve në Komisionin e Ligjeve, Jaupi tha se do të zhvillojë takime njëherë në muaj me prani të qytetarëve. Ai tha se do të përdorë çdo mjet të mundshëm që të realizojë çdo iniciativë.
Pjesë nga prononcimi:
Pyetje: Qeveria nuk e ka miratuar minimumin jetik, edhe pse Avokati i Popullit ka miratuar raporte të vazhdueshme. Cili do të jetë vendimi juaj për presionin që do t'i ushtroni qeverisë për miratimin e minimumit jetik?
Alket Jaupi: Unë institucionin e Avokatit të Popullit e shikoj të hapur për qytetarët. Unë e di potencialin, burimet njerëzore që ka ky institucion. Jam konfident që është i realizueshëm, e kam fjalë për mbledhje të hapura. Ky është roli i institucionit, të jetë bashkëpunues, ndërveprues. Unë konceptoj që edhe zyrat rajonale kanë një rëndësi të veçantë. Qytetarët duhet ta ndjejnë që ky institucion është në shërbim të tyre. Një herë në muaj do të ketë takime të hapura.
Përsa i përket minimumit jetik, AP e ka sjellë shumë herë në vëmendje. Do të bëjmë presion pozitiv të vazhdueshëm me të gjitha mjetet që kemi në dispozicion.
TIRANË- Alket Jaupi ka prezantuar platformën e tij para Komisionit të Ligjeve si kandidat për Avokatin e Popullit. Jaupi parashtroi studimet e kryera, detyrat që ka mbajtur dhe punimet shkencore që ka zhvilluar. Ai tha se nga 25 vite karrierë si jurist, 21 i ka përdorur duke iu përkushtuar të drejtave të njeriut, gjë që sipas tij, e favorizojnë në këtë kandidaturë. Jaupi tha se e ka studiuar mirë dhe se e ka gjetur 'diagnozën' e Avokatit të Popullit, por ka dhe kurën.
Pjesë nga prezantimi i Jaupit:
Jam diplomuar si jurist në vitin 1995 në fakultetin e drejtësisë në Universitetin e Tiranës. Kam 25 vite eksperiencë në fushën e të drejtave të njeriut. Një pjesë e mirë, 21 vite, ka të bëjë me punësimin tim pranë Avokatit të Popullit, si këshilltar, Sekretar i Përgjithshëm, ndihmëskomisioner dhe shumë detyra të tjera me mjaft rëndësi. Është një eksperiencë e gjatë, e cila sikurse është paraqitur në platformën time, përsa i përket aspektit të titujve, unë jam doktor shekencave. E kam fituar këtë titull në vitin 2018 me një program për të drejtat e njeriut. E shfrytëzova, dhashë një kontribut dhe fitova gradën. Aktualisht jam këshilltar i Presidentit të Republikës. Mbuloj të gjithë aspektin ligjor. Kjo eksperiencë më ka dhënë mundësi që përveç njohurive të thella, të kem mundësi të shoh dhe shumë gjëra nga jashtë. Kam kryer një sërë punimesh shkencore për çështje që lidhen me funksionimin e Avokatit të Popullit. Kandidova në vitin 2021 për në Gjykatë ne Posaçem, u rendita me pikë të larta sipas KED. Cilat janë arsyet pse unë kandidoj? Besoj se është një institucion që ka një kontribut të rëndësishëm në shoqërinë shqiptare. Kam pasion që nuk do të më mungojë. Ky është një institucion që është në fazën e konsolidimit. Do të ndihmoj që ky institucion të kthehet me imazh të konsoliduar për faktin që mbron të drejtat e njeriut. Kandidoj sepse e njoh thellësisht këtë institucion, i njoh diagnozën dhe jam i gatshëm t'i jap edhe kurimin. AP ka arritur disa standarte, por zhvillimi i standarteve të reja është një proces që duhet të ndodhë.
