Konferenca e Kryetarëve/ Opozita dhe mazhoranca debat për mandatin e Xhaçkës, Bardhi: Hodhët në erë vendimin e Gjykatës Kushtetuese!

olta xhacka

TIRANË- Në mbledhjen e sotme të Konferencës së Kryetarëve është zhvilluar një debat për mandatin e Olta Xhaçkës dhe votimin e PS në Kuvend lidhur me vendimin e Gjykatës Kushtetuese për këtë çështje.

Deputetja demokrate Ina Zhupa, referuar kërkesës së kryetares së Kuvendit, Elisa Spiropalit për opinion Komisionit të Venecias për këtë çështje, u shpreh se një gjë e tillë mund të ndodhte ndërsa është në proces gjykimi, jo kur gjykata është shprehur tashmë

“Po e fusni çështjen e mandatit të Xhaçkës, në një rrugë zvarritje. Nuk mund të ketë opinion mbi vendimin e Gjykatës Kushtetuese. Opinionet merren para ose gjate shqyrtimit nuk mund te kërkohet opinion pasi Gjykata është shprehur. Ju keni zhbërë Gjykatën Kushtetuese”, u shpreh ajo.

Një tjetër deputete e PD-së, Jorida Tabaku ka thënë në mbledhje se diskutimi bëhet mbi parimin dhe jo mbi emrin e deputetes Xhaçka.

“Nuk po diskutojmë fare nëse ka pasur apo jo konflikt interesi, ne mendojmë që po, juve jo, por lëmë gjykatën të vendosë. Por nëse ne përdorim kartonin për të mbrojtur veten tonë, japim një mesazh të gabuar jashtë kësaj salle”, tha Tabaku.

Referuar kërkesës që Kuvendi i ka drejtuar Komisionit të Venecias, Tabaku u shpreh se në Venecia ne kemi çuar reformën në drejtësi, ka shkuar një anëtar i Gjykatës Kushtetuese dhe janë gjykuar çështje në Venecia.

“Ne duhet të heqim dorë nga mbrojtja politike. Po të isha në veten time s’do kisha dashur hiç mburojë politike, le ta vendosë GJK. Përse nuk e keni çuar më herët në Komision të Venecias? Përse ndodh sot për herë të parë kësaj radhe dhe jo më herët? Nuk duhet cënuar standardi që është vendosur nga Gjykata Kushtetuese. Nuk ndjejmë kënaqësi që flasim për këtë çështje, as të flasim kundër njërit apo tjetrit, por e kemi në parim këtë çështje. Ne duhet të flasim në parim dhe zbatojmë në parim vendimet e Gjykatës Kushtetuese”, tha Tabaku.

Foto nga Konferenca

TIRANA- Kreu i Grupit të PS-së, Niko Peleshi në Konferencën e Kryetarëve lidhur me mandatin e deputetes Olta Xhaçka se maxhoranca zbatoi vendimin e Kushtetueses duke e çuar mandatin në seancë. Peleshi shtoi se PS e përmbushi të gjithë detyrimin, teksa u shpreh se nuk bëhet fjalë vetëm për mandatin e një deputeti. Sipas tij, një opinion i Komisionit të Venecias do t’i vlente të gjithëve.

“Natyrisht që kemi zbatuar vendimin e Gjykatës Kushtetuese duke e çuar mandatin në seancë. Kemi përmbushur të gjithë detyrimin; nuk bëhet fjalë vetëm për mandatin e një deputeti, por është i nevojshëm një qartësim për të gjitha rastet që mund të ndodhin në të ardhmen. Ne besojmë se një opinion nga Komisioni i Venecias do të na vlejë të gjithëve, sidomos në një situatë konflikti mes dy të drejtave: diskrecionit të deputetëve për të shprehur vullnetin e lirë në seancë dhe detyrimit për zbatimin e vendimit të Gjykatës Kushtetuese. Kjo qartësi do të na vlejë neve, dhe gjithashtu do t’ju vlejë edhe juve”, tha Peleshi.

foto ilustruese

TIRANË- Ditën e sotme po zhvillohet mbledhja e Konferencës së Kryetarëve. Mbledhja ka nisur me debate mes opozitës dhe mazhorancës. Kreu i Grupit Parlamentar të PD-së i është drejtuar kryetares së Kuvendit, Elisa Spiropali duke i thënë se kanë hedhur në erë vendimin e Gjykatës Kushtetuese me votimin e bërë në Parlament, seancën e kaluar.

Bardhi është shprehur se nuk ka ndodhur kurrë më parë që Kuvendi, sipas tij, të mos zbatojë një vendim nga Gjykata Kushtetuese. Ai tha se çështja nuk ka të bëjë vetëm me individin dhe mandatin e tij por ka të bëjë me parimet kushtetuese.

“Zonja Kryetare, ju personalisht kishit vendosur te injoronit vendimet e Gjykatës Kushtetuese. Ju jeni kryetarja e dytë që keni vendosur të hidhni në ere Gjykatën Kushtetuese, duke minuar në këtë mënyrë edhe bashkëjetesën me opozitën. Ne i jemi referuar Kushtetutës dhe drejtësisë për çeshtjen e mandatit të Olta Xhaçkës. Ju na e keni mohuar këtë të drejtë dhe keni grisur vendimet e Gjykatës Kushtetuese. Venecia është organ këshillimor dhe ju e dini shumë mirë se ai nuk ka efekt detyrimor. Kjo sjellje e juaj rrëzon gjithë propagandën tuaj se gjasme jeni konstruktiv dhe jeni të hapur. Kjo eshte propagande pasi veprimet e juaja po na pamundesojne detyrën. Nuk ka ndodhur kurre qe Kuvendi te mos zbatoj nje vendim te Gjykates Kushtetuese. Gjykata ju kerkoj qe ta miratonit me shpejtesi pasi nuk ka kohe ne dispozicion. Praktika juaj gjasme po pyesim Venecian, synon te shpetoje mandatin me procedure. Ketu nuk ka te beje me individin pasi per ne iken nje Xhaçke dhe vjen nje tjeter, këtu ka te beje me parimet kushtetuese”, tha Bardhi.