Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Konferenca e Kryetarëve është mbledhur ditën e sotme në Kuvendin e Shqipërisë. • Në mbledhje janë diskutuar nga opozita një sërë reformash dhe propozimesh, që sipas kreut të Grupit Parlamentar të PD-së Gazment Bardhi janë refuzuar nga mazhoranca. • Bardhi pas mbledhjes u shpreh se reforma zgjedhore është një nga reformat që duhet trajtuar me urgjencë. • Po ashtu ai theksoi se të gjitha komisionet hetimore që janë propozuar nga opozita, janë rrezuar nga mazhoranca. • Ndërkohë që për vendimin për rritjen e pagave të gjyqtarëve të Gjykatës Kushtetuese, Bardhi e konsideroi si një pazar me kryeministrin Edi Rama. • Sa për kreun e Grupit Parlamentar të PD-së, Bardhi u shpreh se 8 deputetë të PD-së kanë dhënë përgjigjen e tyre.
6 artikuj për këtë temë.
TIRANË-Gazmend Bardhi i është përgjigjur pyetjes së gazetarëve se “Kush është drejtuesi i Grupit Parlamentar të Partisë Demokratike?”, duke thënë se qëndrimi i 28 deputetëve është i qartë.
Sipas Bardhit, grupi parlamentar i Partisë Demokratike e ka kryetarin e vetë të legjitimuar nga zgjedhja e deputetëve që janë pjesë.
“Për grupin parlamentar të PD-së është e qartë se kush është, ka një lojë të Edi Ramës për të mbajtur ndezur konfliktin në opozitë, pjesë e së cilës për fat të keq janë bërë disa kolegë. Deputetët e grupit parlamentar të PD-së, 28 prej tyre e kanë njoftuar kryetaren e Kuvendit se kush është kryetari i grupit.”- tha Bardhi.
TIRANË- Kreu i Grupit Parlamentar të Partisë Demokratike Gazment Bardhi ka treguar detaje nga mbledhja e Konferencës së Kryetarëve pasi Flutura Açka braktisi takimin. Bardhi për mediat u shpreh se, Açka i bëri një pyetje Lindita Nikollës dhe më pas u largua nga mbledhja.
"Mes meje dhe Açkës nuk ka ndodhur asgjë. Açka i drejtoi një pyetje drejtueses se në çfarë cilësie ishte në mbledhje. Ajo mori përgjigje se ishte në cilësinë e kryetares së komisionit të arsimit dhe në atë moment u largua," tha Bardhi.
TIRANË- Kreu i Grupit Parlamentar të Partisë Demokratike Gazment Bardhi ka deklaruar se mazhoranca nuk ka marrë në shqyrtim asnjë nga propozimet e opozitës gjatë mbledhjes së Konferencës së Kryetarëve. Në një deklaratë për mediat, Bardhi ka theksuar se duhet që të realizohet me propritet reforma zgjedhore. Po ashtu ka shtuar se nuk mund që të pranohet se një çështje si zgjedhjet e lira të mos trajtohet.
"Komisioni i reformës zgjedhore u diskutua sot gjatë mbledhjes. I jam drejtuar kryetares së kuvendit për të nxjerrë përgjegjësitë për komisionin që është mbledhur 2 herë në 1 vit pa dhënë asnjë rezultat. Në zgjedhjet e 14 majit duhet të shkonim me një kuadër të plotë ligjor që përmbushte rekomandimet e OSBE. I kam kujtuar kolegëve të PS që kanë shpallur si prioritet reformën zgjedhore, për të cilën duhet të jesh serioz. Si opozitë kemi marrë përgjegjësitë tona për mosrealizimin e reformës zgjedhore. Nuk pranojmë dot që një çështje si zgjedhjet e lira të mos trajtohet. Këtë e kemi adresuar duke krijuar një ekip të ri përfaqësimi në komisionin e reformës zgjedhore”, u shpreh ai.
TIRANË- Deputetja demokrate Flutura Açka ka reaguar pas largimit nga mbledhja e Konferencës së Kryetarëve. Me anë të një postimi në Facebook, Açka ka theksuar se Kuvendi nuk është shprehur në lidhje me kreun e Grupit Parlamentar të PD-së, edhe pse në krue është zgjedhur Gazment Bardhi. Po ashtu ajo ka theksuar se vendosi që të largohej nga mbledhja që situata të mos bëhej me qesharake.
Postimi i Açkës:
Kuvendi NUK u shpreh dhe shpresoj të shprehet shpejt, sepse, siç edhe thashë në Konferencën e Kryetarëve - nga e cila u largova të mos e bëj qesharake situtën mes kolegëve të mi, me të cilët më shumë gjëra më bashkojnë se më ndajnë - “dy dado e vrasin fëmijën!” Do t’i lutesha medias të jetë korrekte me çdo lajm. Vetë nuk do të bëj kurrë lajme me sms, sepse fyej veten dhe medias së cilēs (mund) t’ia çoj. Partia Demokratike nuk ndihmohet me kaos, por me distancë higjienike nga interesi personal i çdonjërit prej nesh, me përgjegjësinë politike të deleguar nga shqiptarët.
Deputetja demokrate Flutura Açka ka braktisur mbledhjen e Konferencës së Kryetarëve në Tiranë. Mësohet se Açka donte që të përfaqësonte PD-në si kryetare e Grupit Parlamentar, por nuk është njohur nga Kuvendi. Kjo pasi Kuvendi ka njohur Gazment Bardhin si kryetarin e Grupit Parlamentar të PD-së.
Açka në mbledhjen e sotme është ftuar në cilësinë e Kryetares së Komisionit të Medias. Por Açka pasi nuk është njohur nga Kuvendi, ajo vendosi që të braktiste mbledhjen.
TIRANË- Në mbledhjen e Konferencës së Kryetarëve që pritet të mbahet sot në orën 14.30, është ftuar për të qenë i pranishëm Gazment Bardhi. Në seancën e fundit Parlamentare, Lindita Nikolla lexoi një njoftim ku thuhej se Kryetare e Grupit ishte Flutura Açka.
Por edhe pse është lexuar ky njoftim, Gazment Bardhi është thirrur në mbledhjen ku janë të pranishëm, Kryetarja e Kuvendit, Kryetarët e Grupeve Parlamentare dhe Kryetarët e Komisioneve Parlamentare, raporton 'Balkanweb'.
Nëse Kuvendi do njihte Flutura Açkën ai Kryetare e Grupit, atëherë Gazment Bardhi nuk do ishte thirrur në këtë mbledhje, pasi ai nuk ka asnjë funksion tjetër në Kuvendin e Shqipërisë, përveç se si deputet.
Në këtë mbledhje është thirrur edhe Flutura Acka, e cila njihet nga Basha si Kryetare e Grupit Parlamentar. Por prania e saj në ketë mbledhje lidhet me faktin se ajo është Kryetare e Komisionit Parlamentar të Medias./Dosja.al
