Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Shqipëria po mban sot konferencën e NATO-s për mbrojtjen kibernetike, ku kanë marrë pjesë anëtarë nga 32 vendet e Aleancës. • Në fjalën e tij hapesë me anë të një video-mesazhi, Sekretari i Përgjithshëm i NATO-së Mark Rutte ka deklaruar se duhet që të rriten shpenzimet për mbrojtjen kibernetike. • Rutte thekson se vendet e aleancës janë përgjegjëse për mbrojtjen e tyre, por shtoi se asnjë nuk qëndron i vetëm përballë sulmeve. • Nga ana tjetër kryeministri Edi Rama ka deklaruar se vendi ynë pas sulmeve kibernetike nga Irani, ka mbrojtjen më të mirë kibernetike. • Rama theksoi në fjalën e tij përkushtimin e Shqipërisë, për rritjen e kapaciteteve ndaj mbrojtjes digjitale. • Në fund Rama tha se Shqipëria u bë një nga vendet e para që solli shërbimet online, ndonëse nuk kishte asnjë sportel për ofrimin e tyre më parë.
5 artikuj për këtë temë.
TIRANË- Kryeministri Edi Rama ka bërë disa batuta në mbyllje të fjalës së tij në Konferencën e NATO-s. Teksa po fliste në lidhje me sigurinë kibernetike, Rama tha se ai nuk është as gjeneral dhe as eskpert kibernetik. Ndërkohë që e mbylli fjalimit, duke thënë se është i vetmi në qeverinë e tij që nuk ka doktoraturë.
"Kur bëhet fjalë për mbrojtje kibernetike, nuk është ide e mirë të qëndrosh më vete, por është ide e mirë që të bëhesh pjesë për mbështetjen kundra këtyre incidenteve dhe për të formësuar një rrjet të madh mbrojtje. Shqipëria është ndër të parat që është bërë pjesë dhe inkurajoj të gjitha vendet, por ndoshta do të duhet të marrin një mësim që të bashkohen.
Është shumë e rëndësishme ta njohësh armikun dhe të njohësh instrumentet e tij në mënyrë që të mos duhet të përballesh vetë, pra mbledhja e informacionit për instrumentet që përdor armiku është domosdoshmëri dhe këtë se bën dot kur je vetëm, ndërsa së bashku merr masat që ai instrument i ri mos të dëmtojë.
Kuptuam që ndërkohë që partnerët e NATO-s, ndërkohë që na ndihmonin, ata mësonin çfarë ishte e re nga fronti i armikut. Këto ishin ato që doja të thoja. Unë nuk jam gjeneral, as ekspert kibernetik. Jam i vetmi në qeverinë time pa doktoraturë. Faleminderit”, përfundoi Rama./Dosja.al
TIRANË- Kryeministri Edi Rama tha se Shqipëria ka mbrojtjen më të mirë kibenetike. Gjatë fjalës së tij në konferencën e NATO-s për mbrojtjen kibernetike, ai tha se vendi u përball me disa sulme kibernetike, të cilat synuan strukurën digjitale. Kryeministri shtoi faktin se Shqipëria ka investuar në strukturën digjitale, në mënyrë që situata të tilla mos të përsëriten më.
"Kjo duket sikur është një punë e të gjatëve, mund t’i mundim të gjithë në basketboll. Është një nder që të kesh kaq shumë shtete të mbledhura këtu përmes jush. është kënaqësi të dëgjoje mesazhin nga miku ynë i dashur, Mark Rutte. Do të mbaja një fjalim të gjatë, por do t’ju shpëtoj nga mërzia e gjithë kësaj e do të përpiqem të flas sa më shkurtë të jetë e mundur, që është diçka që nuk e kam virtyt. Ju duhet të punoni fortë sot, por ju duhet ca kohë të shijoni qytetin. Qeveritë marrin meritën ose fajin për atë që bëjnë si duhet. Por qeveritë nuk marrin kurrë meritën për atë që parandalojnë. Nëse qeveritë do të gjykoheshin përmes të dhënave reale mbi atë që parandalojnë ë të ndodhë, mendoj se njerëzit do të kishin një mendim më të mirë për to. Ne e dimë se si ndihesh kur kjo ndodh. Ndryshe nga shumë ju, uroj që kurrë të mos përballeni më këtë, ne na u desh të përballeshim, e pamë veten mes një sulmi kibernetik të keq e të gjerë që synoi strukturën tonë digjitale. Ne kemi investuar në infrastrukturën tonë digjitale, në mënyrë që të bëjmë një kapërcim dhe të lëmë pas krahëve një histori të rëndë ryshfeteve”, tha Rama./Dosja.al
TIRANË- Kryeministri Edi Rama ka thënë se Shqipëria është e para që solli shërbimet online, ndonëse nuk kishte asnjë sportel për ofrimin e tyre më parë. Gjatë fjalës së tij në konferencën e NATO-s për mbrojtjen kibenetike, kryeministri Rama vlerësoi edhe përkushtimin e Shqipërisë, për rritjen e kapaciteteve ndaj mbrojtjes digjitale.
Për këtë Rama përmendi rastet e 48 sulmeve kibernetike, me të cilat është përballur vendi më parë. Ai tha se ngritja e një sistemi mbrojtës ndaj sulmeve kibernetike ishte një synim dhe investim, për të parandaluar situata të tilla.
"Është një nder të kesh kaq shumë shtete miqësore të mbledhur këtu dhe është kënaqësi që t’iu mbështesësh. E para do të thoja që qeveritë marrin meritën ose fajin për atë që duhet, por kurrë nuk marrin meritë për atë se çfarë parandalohet. Nëse qeveritë do të gjykoheshin mbi të dhënat reale për ato që pritet të parandalojnë, mendimi do ishte shumë më ndryshe. Ndryshe nga shumë ju, ne na u desh të përballemi dhe e pamë veten në mes të një sulmi kiberentik që synoi infrastrukturën tonë digjitale.
Ne kemi investuar në mënyrë që të bëjmë një kapërcim dhe të lëmë pas krahëve. U bëmë nga të parat vende që nuk kishin sporteleve për shërbime dhe sollëm 90% të tyre brenda në xhepat e tyre. Ky ishte synimi një investim i jashtëzakonshëm. Jam shumë krenar të them që kemi një prej mureve më të mira mbrojtëse të sulmeve kibernetike të NATO-s. Sot përballemi me një sulm kibernetik në çdo tre minuta, por kemi arritur t’i sprapsim. Kemi pasur 48 sulme që kanë lënë gjurmë, por nuk kanë lënë asnjë pasojë. Jemi mes të mirëve. Jemi mes të parëve që kombinuam sulmet kibernetik me inteligjencën artificiale. I mbijetuam një sulmi kibernetik që na vijn në shëngjestër çdo ditë," tha Rama./Dosja.al
TIRANË- Sekretari i Përgjithshëm i NATO-së Mark Rutte ka deklaruar se duhet që të rriten shpenzimet për mbrojtjen kibernetike. Në një video-mesazh për konferencën e NATO-së në Tiranë, Rutte thekson se vendet e aleancës janë përgjegjëse për mbrojtjen e tyre. Në fund të mesazhit të tij, Rutte shtoi se në NATO të gjithë janë të bashkuar dhe asnjë nuk qëndron i vetëm.
"Më vjen keq që nuk jam me ju personalisht, Sot tastiera është armë lufte që shënjestron shoqëritë tona çdo ditë. Po rrisim investimet në hapësirat kibernetike. Vendet janë përgjegjëse për mbrojtjen, por NATO ofron rrjet unik. NATO është aleancë vlerash të përbashkëta dhe do të vazhdojmë të promovojmë një reagim të bazuar në norma në hapësirat kibernetike. Në NATO askush nuk qëndron i vetëm, të gjithë qëndrojmë së bashku në këtë epokë digjitale kundër çdokujt që kërkon të na dëmtojë," tha ai./Dosja.al
TIRANË- Shqipëria do të presë sot dhe nesër samitin për Mbrojtjen Kibernetike të NATO-s, ku do të jenë pjesëmarrës ekspertë dhe përfaqësues nga vendet anëtare të saj. Kjo do të shërbejë si një mundësi për forcimin dhe ndërtimin e strategjive që synojnë mbrojtjen kibernetike.
Ndaj për këtë policia ka njoftuar qytetarët së cilat do të jenë rrugët që do të bllokohen, në kuadër të zhvillimit të Konferencës së NATO-s për Mbrojtjen Kibernetike. Policia ka njoftuar se në kuadër të këtij eventi do të kufizohet lëvizia e automjeteve në bulevardin “Dëshmorët e Kombit”, nga semafori pranë Presidencës deri te sheshi “Nënë Tereza”, në rrugën “Gjergj Filipi”, si dhe në aksin që lidh hotel “Marriott” me bulevardin “Dëshmorët e Kombit”.
Ndërsa për këmbësorët do të jetë i bllokuar trotuari nga hyrja e hotel “Rogner” deri te Pallati i Kongreseve, përgjatë gjithë periudhës së zhvillimit të konferencës. Kufizimet do të jenë në fuqi nga ora 07:00 e datës 9 tetor 2025, deri në orën 15:00 të datës 10 tetor 2025.
Njoftimi i policisë
Drejtoria Vendore e Policisë Tiranë/Njoftim. Në kuadër të zhvillimit të Konferencës së NATO-s për Mbrojtjen Kibernetike, më datat 8–10 tetor 2025, në Pallatin e Kongreseve, Tiranë, Policia e Tiranës ka hartuar një plan të posaçëm masash, me qëllim garantimin e mbarëvajtjes së këtij aktiviteti, si dhe garantimin e rendit dhe sigurisë publike gjatë tij.
Konkretisht, në funksion të përmbushjes së këtyre qëllimeve, janë ndërmarrë këto masa: Kufizimi i lëvizjes së automjeteve në bulevardin “Dëshmorët e Kombit”, nga semafori pranë Presidencës deri te sheshi “Nënë Tereza” (përfshirë sheshin), rrugën “Gjergj Filipi”, si dhe në aksin që lidh hotel “Marriott” me bulevardin “Dëshmorët e Kombit”;
Për këmbësorët do të jetë i bllokuar gjatë gjithë periudhës së zhvillimit të konferencës, trotuari nga hyrja e hotel “Rogner” deri te Pallati i Kongreseve. Kufizimet do të jenë në fuqi nga ora 07:00 e datës 9 tetor 2025, deri në orën 15:00 të datës 10 tetor 2025. Policia e Tiranës iu bën thirrje qytetarëve, për mirëkuptim dhe bashkëpunim. Gjithashtu, ftojmë të shmangni lëvizjet e panevojshme në zonat e kufizuara, si dhe të respektoni sinjalistikën dhe udhëzimet e punonjësve të Policisë në terren. Për çdo rast nevojë për ndihmë ose orientim, drejtojuni punonjësve të Policisë ose telefononi në numrin pa pagesë 112./Dosja.al
