Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Ylli i kinematografisë shqiptare, Margarita Xhepa ndërroi jetë në moshën 93-vjeçare. • Aktorja u lind më 2 prill të vitit 1932, në qytetin e Lushnjës, prej ku nisi edhe hapat e parë drejt karrierës së saj. • Homazhet për aktoren do të mbahen në hollin e Teatrit Kombëtar të Operas dhe Baletit. • Ministria e Ekonomisë, Kulturës dhe Inovacionit pas komunikimeve me familjen e aktores, njofton se homazhet do të mbahen nesër më datë 4 prill në orën 10:00-13:00. • Margarita Xhepa ishte nga Zonjat e Mëdha të teatrit dhe filmit shqiptar që ka skalitur memorien e publikur shqiptare me role brilante që prej fillimit të saj, në vitet 60 dhe deri më tani. • Nga viti 1950 u aktivizua si artiste probiste në Teatrin Popullor (Teatri Kombëtar) dhe njëkohësisht studioi në Liceun Artistik, dega e Dramës. • Xhepa krijuar mbi 150 role në teatër, midis të cilëve mund të përmendim: Majlindën tek filmi "Majlinda", Dafina tek Lumi i vdekur, Filja tek Cuca e maleve, Zonja Mëmë tek Kush e solli Doruntinën, Nëna tek Përballë vetes etj. • Ajo ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit. • Në rolet e tjera nga dramaturgjia botërore spikasin Klea tek Dhelpra dhe rrushtë, Lena tek Xhaxha Vanja, Ledi Milford tek Luiza Miler, Zonja Berling tek Vizita e inspektorit, Zonja Lomen tek Vdekja e një komisioneri, Ana Andrejevna tek Revizori, Marsela tek Qeni i kopshtarit, Mashenka tek Mashenka, Shejla tek Morali i zonjës Dulska, apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë. • Në maj të vitit 2004, u rikthye në skenën e Teatrit Kombëtar për të shkëlqyer në dramën "Streha e të harruarve", një tjetër sukses në karrierën e saj 50-vjecare.
8 artikuj për këtë temë.
TIRANË- Pas vdekjes se aktores së njohur shqiptare, Magarita Xhepa, ka reaguar regjisori i shquar Mevlan Shanaj. Në një lidhje të drejtëpërdrejtë në ‘in memorium’ në “Shqipëria Live”, Shanaj u shpreh se ajo ishte njeri madhështor dhe ashtu siç ishte në pamjë, te tillë kishte dhe shpirtin.
"Njeri madhështor. Siç kishte pamjet, ashtu kishte shpirtin. Ishte margaritë. Me Margaritën çdo burrë bie në dashuri. Kështu më ka ndodhur edhe mua. Isha i vogël kur e pashë te Ofelia. U dashurova”, u shpreh Shanaj.
Shanaj tha se ajo ishte një njeri që jepte vetëm dashuri dhe në psikologjinë e saj nuk ekzistonte e keqja. Ai tha se ajo nuk edinte sa shumë donin të gjithë duke shprehur dëshirën që ajo të ishte sikur vetëm 5 minuta gjallë dhe ta shihte sa shumë dashuri i kanë dhuruar të gjihë sot.
“Krenaria është e shqiptarëve, ajo ishte e jona. Ajo nuk dinte asnjë fjalë të keqe. E keqja nuk ekzistonte në psikologjinë e Margaritës. Ishte njeri që të jepte dashuri. Te Margarita, ishte e bekuar dashuria. Ajo e dinte që ishte Margarita, po jo sa shumë e donin. Do doja ta ngjallja 5 minuta të shihte çfarë dashurie kanë dhënë për të sot nga të gjithë, në të gjitha mediat”, shtoi ai.
Shanaj bëri thirrje që kjo ditë të shpallet ditë zie pasi na ka ikur një pasuri kombëtare.
“Administrata duhet të çohet të thotë zi kombëtare, se iku një pasuri kombëtare”, përfundoi Shanaj.
TIRANË- Kryedemokrati Sali Berisha ka shprehur ngushëllimet për familjen Xhepa, pas ndarjes nga jeta e aktores së shquar, Margarita Xhepa. Teksa ftoi të mbanin një minutë heshtjë në nder të saj, Berisha tha se ajo ishte përfaqësuese e skenës shqiptare dhe një aktore e papërsëritshme.
Kryetari i Partisë Demokratike shtoi se ajo mbeti një nga artistet më të çmuara të Shqipërisë duke ndarë dhimbjen me familjarët dhe të afërmit e të ndjerës.
"Dua të shpreh ngushëllimet e mia për të ndjera familjes Xhepa, miqve, bashkëpunëtorëve dhe të gjithë artdashësve të Shqipërisë, pasi sot u nda nga jeta artistja më përfaqësuese e skenës shqiptare në disa dekada, Margarita Xhepa. Margarita Xhepa është një artistë e papërsëritshme që shndriti në dhjetëra dhe qindra role në skenën e teatrit dhe në film.
Me një talent të rrallë. Me një forcë interpretimi të jashtëzakonshëm. Ajo mbeti gjithnjë një nga artistet më të dashura, më të çmuara të Shqipërisë. Ndaj me këtë rast, duke ndarë dhimbjen dhe zinë me familjen Xhepa, me të gjithë miqtë dhe të afërmit e të ndjerës Margarita Xhepa, me të gjithë artdashësit që e kanë dashur, vlerësuar dhe çmuar kaq shumë, ju ftoj të mbajmë një minutë heshtje në nderim të kujtimit të saj," tha Berisha.
TIRANË- Vdekja e aktores së njohur shqiptare, Margarita Xhepa, ka trishtuar të gjithë artistët vendas ditën e sotme ku të gjithë kolegët e saj nuk kanë ngurruar të shprehin ngushëllimet. Ndër to është aktorja e shquar Yllka Mujo, ku në një lidhje të drejtëpërdrejtë me Klan News, ka shprehur trishtim dhe e quan një lajm të trishtë jo vetëm për atë por për të gjithë për të gjithë Shqipërinë.
“Një lajm shuam i trishtuar edhe pse e dinim që nuk është në gjendje shumë të mirë, mirëpo shpresa gjithmonë na mbante që mund të ndodhë edhe çudia. Mirëpo nuk ndodhi. Nuk ndodhi dhe është shumë e trishtueshme në rradhë të parë për familjen, për komunitetin e artistëve që e kemi njohur dhe kemi punuar me të, edhe për mbarë Shqipërinë. Çfarë mund të them për Margaritën. Një grua e shkëlqyer, një aktore e madhe, një nënë jashtëzakonisht e përkushtuar, një njeri jashtëzakonisht modest, një punëtore e palodhur. Nuk e di çfarë epitetesh mund t’i vësh një njeriu që ka bërë një emër kaq të madh qoftë në kinema qoftë në teatër”, shprehet Mujo.
Mujo u shpreh më tej se ajo ditën e sotme kishte vendosur ta vizitonte në spital, por nuk mundi pasi ky lajm ishte si një rrufe në qiell të hapur dhe komplet i papritur.
“Absolutisht nuk kam pasur mundësi sepse kam qenë shumë e zënë më punë këto kohë, por që jam informuar përmes telefonit duke pyetur se si është dhe sinqerisht sot e kisha vendosur që do të merrja një tufë me lule dhe do të shkoja. Kjo na erdhi si rrufe në qiell të hapur”, tha aktorja Mujo.
E pyetur nëse kishte ndonjë rol të preferuar, Mujo u shpreh se nuk mund të veçonte vetëm një pasi Margarita i kishte të gjitha rolet të spikatura.
“Unë kam pasur fatin të interpretoj me të dhe e kam pasur edhe partnere në karrierën time, por Margarita i ka të gjitha rolet e spikatura”, shtoi Mujo.
TIRANË- Ndarja nga jeta e aktores së shquar shqiptare, Margarita Xhepa ka tronditur botën e artit dhe jo vetëm. Në një intervistë për RTSH 24, aktorja Rajmonda Bulku ka shprehur trishtimin për humbjen e ikonës së kinematografisë. Bulku kujton momentin kur e ka takuar për herë të parë të ndjerën, në moshën 16-vjeçare, gjatë xhirimeve për filmin 'Dimri i Fundit' dhe ka theksuar talentin e bukurinë që e karakterizonte aktoren.
Margarita ishte një aktore dhe një mikeshë që do na mungojë të gjithëve. Në filmin “Dimri i Fundit”, unë isha 16-vjeçe ku shkoj për të luajtur rolin dhe aty për herë të parë pash Margarita Xhepën. Ajo ishte aq e bukur sa vetëm rrija dhe e shikoja. Në një moshë të re ajo duhet të luante rolin e një fshatare dhe vetëm e nxinin që ta rrisnin në moshë, por ajo vetëm ndriçonte. Atë nuk e shëmtoje dot se ajo e bënte rolin me talentin e saj të mrekullueshëm. Sytë e asaj ndritën dhe performancat e saj ishin të jashtëzakonshme. Kontaktin e parë e kisha 16-vjeçe, por pastaj ishim kolege në teatër dhe ishte kënaqësi të punon me Margaritën. Ajo ishte një talent dhe mbeteshe pa frymë me bukurinë dhe talentin e saj. Ishte një mike shumë e mirë, mund të komunikoje shumë lehtësisht me të. Margarita kishte një zemër të madhe dhe një mendje të hapur me të gjitha moshat”, u shpreh aktorja Bulku.
Bulku ka shtuar më tej se Margarita Xhepa ka lënë gjurmë jo vetëm në kinematografinë vendase por edhe tek ajo greke. Bulku tha se aktorja e ndjerë ishte një figurë dimensionale dhe tepër e përkushtuar në çdo rol që i jepej.
“Margarita kishte lënë gjurmë edhe në Greqi, me të duhet të krenohemi jo vetëm brenda por edhe jashtë. Ishte e mrekullueshme me një sharmë femëror të rrallë në kinema. Luajti shumë bukur edhe tragjedinë, ishte një figurë shumë dimensionale, ajo luante në komedi, ka luajtur dramën shqipe me shumë personalitet për gruan shqiptare. Çfarëdo roli që t’i jepje Margaritës ajo zhytej e tëra, ishte mjaft e përkushtuar, kërkuese dhe këmbëngulëse për të bërë më të mirën. Ishte model i disiplinës, punës dhe seriozisht dhe nëse ti punoje me të do shkojë në gjurmën e saj. Ajo jetoi deri në fund duke e dashur skenën, ekranin dhe takimet me njerëzit”, shtoi ajo.
Në përfundim Bulku kujtoi momentin dhe bisedën e fundit që kishte kur e ka takuar në spital duke shtuar se ajo ishte gjithmone optimiste edhe kurrë nuk ankohej.
“Bisedën e fundit e kisha kur ajo ishte në spital dhe nuk thoshte jam keq, ishte gjithmonë optimiste. Të ikësh si Margarita është vlerë, është nder dhe do të kujtohet në mënyrë të jashtëzakonshme. Do të kujtohet për mrekullitë që i dha artit dhe shoqërisë shqiptare”, përfundoi Bulku.
TIRANA- Kryeministri Edi Rama ka raguar me anë të një postimi në rrjetet sociale për ndarjen nga jeta të aktores Margarita Xhepa. Rama ka postuar disa foto të ikonës ndësa ka shkruar vetëm "Lamtumirë yll".
Ylli i kinematografisë shqiptare, Margarita Xhepa ndërroi jetë në moshën 93-vjeçare. Aktorja u lind më 2 prill të vitit 1932, në qytetin e Lushnjës, prej ku nisi edhe hapat e parë drejt karrierës së saj. Homazhet për aktoren do të mbahen në hollin e Teatrit Kombëtar të Operas dhe Baletit.
Ministria e Ekonomisë, Kulturës dhe Inovacionit pas komunikimeve me familjen e aktores, njofton se homazhet do të mbahen nesër më datë 4 prill në orën 10:00-13:00. Margarita Xhepa ishte nga Zonjat e Mëdha të teatrit dhe filmit shqiptar që ka skalitur memorien e publikur shqiptare me role brilante që prej fillimit të saj, në vitet '60 dhe deri më tani.
TIRANË- Drejtori i Teatrit Kombëtar, Indrit Çobani ka reagur së fundmi me anë të një postimi në platformën Facebook për vdekjen e ikonës Margarita Xhepa. Çobani u shpreh se do t'i jenë gjithmonë mirënjohës për kontributin e lënë pas në mendjen, zemrën dhe trashëgiminë e kombit.
Aktorja shqiptare Margarita Xhepa u nda nga jeta ditën e sotme, një ditë pasi festoi 93-vjetorin e saj duke lënë pas një humbje për artin shqiptar.
TIRANË- Margarita Xhepa, aktorja ikonë e kinematografisë shqiptare, lindi më 2 prill 1934 dhe u nda nga jeta ditën e sotme, një ditë pasi festoi 93-vjetorin e saj. Një nga Zonjat e Mëdha të teatrit dhe filmit shqiptar që ka skalitur memorien e publikur shqiptare me role brilante që prej fillimit të saj, në vitet 60 dhe deri më tani. Në maj të vitit 2004, u rikthye në skenën e Teatrit Kombëtar për të shkëlqyer në dramën "Streha e të harruarve", një tjetër sukses në karrierën e saj 50-vjecare.
Nga viti 1950 u aktivizua si artiste probiste në Teatrin Popullor dhe njëkohësisht studioi në Liceun Artistik, dega e Dramës. Ka krijuar mbi 150 role në teatër, midis të cilëve mund të përmendim; Majlindën tek shfaqja "Majlinda", Dafina tek Lumi i vdekur, Filja tek Cuca e maleve, Zonja Mëmë tek Kush e solli Doruntinën, Nëna tek Përballë vetes etj.
Ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit.
Në rolet e tjera nga dramaturgjia botërore spikasin Klea tek Dhelpra dhe rrushtë, Lena tek Xhaxha Vanja, Ledi Milford tek Luiza Miler, Zonja Berling tek Vizita e inspektorit, Zonja Lomen tek Vdekja e një komisioneri, Ana Andrejevna tek Revizori, Marsela tek Qeni i kopshtarit, Mashenka tek Mashenka, Shejla tek Morali i zonjës Dulska, apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë.
Veç roleve në teatër, aktorja ka realizuar edhe 32 role në kinematografi, duke punuar me shumicën e regjisorëve shqiptarë. Me K. Dhamon xhiron Vitet e para dhe Gjurmët, me I. Muçajn e K. Mitron Dimri i fundit, Tokë e përgjakur, Një djalë edhe një vajzë dhe Apasionata, me Viktor Gjikën, Gjeneral gramafoni, me E. Musliun,Rrethi i kujtesës dhe Vitet e pritjes, me Kujtim Çashkun, Dora e ngrohtë, me Dhimitër Anagnostin, Gurët e shtëpisë sime, me P. Milkanin, Pranvera s'erdhi vetëm, me S. Kumbaron, Koncert në vitin 1936, me Gj. Xhuvanian E diela e fundit dhe I dashur armik.
Në vitin 1997, interpretoi në filmin grek "Mirupafshim". Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.
TIRANË- Është ndarë nga jeta në moshën 93- vjeçare, ikona e kinematografisë shqiptare Margarita Xhepa. Aktorja e njohur shqiptare ka festuar ditën e djeshme ditëlindjen. Ajo lindi më 2 prill të vitit 1934, në qytetin e Lushnjës, prej ku nisi edhe hapat e parë drejt karrierës së saj.
Margarita Xhepa ishte nga Zonjat e Mëdha të teatrit dhe filmit shqiptar që ka skalitur memorien e publikur shqiptare me role brilante që prej fillimit të saj, në vitet 60 dhe deri më tani. Në maj të vitit 2004, u rikthye në skenën e Teatrit Kombëtar për të shkëlqyer në dramën "Streha e të harruarve", një tjetër sukses në karrierën e saj 50-vjecare.
Nga viti 1950 u aktivizua si artiste probiste në Teatrin Popullor (Teatri Kombëtar) dhe njëkohësisht studioi në Liceun Artistik, dega e Dramës.
Xhepa krijuar mbi 150 role në teatër, midis të cilëve mund të përmendim: Majlindën tek filmi "Majlinda", Dafina tek Lumi i vdekur, Filja tek Cuca e maleve, Zonja Mëmë tek Kush e solli Doruntinën, Nëna tek Përballë vetes etj. Ajo ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit.
Në rolet e tjera nga dramaturgjia botërore spikasin Klea tek Dhelpra dhe rrushtë, Lena tek Xhaxha Vanja, Ledi Milford tek Luiza Miler, Zonja Berling tek Vizita e inspektorit, Zonja Lomen tek Vdekja e një komisioneri, Ana Andrejevna tek Revizori, Marsela tek Qeni i kopshtarit, Mashenka tek Mashenka, Shejla tek Morali i zonjës Dulska, apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë.
