Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Po mbahet sot mbledhja e Komisionit Hetimor për të dhënat TIMS ku janë thirrur për të dëshmuar ministri i Brendshëm Taulant Balla, ish-drejtori i IT-së në Policinë e Shtetit Ervin Muça dhe drejtori i Policisë së Shtetit, Muhamet Rrumbullaku. • Mësohet se kryetari i Komisionit, Ervin Salianji propozoi që kur Balla, Muça dhe Rrumbullaku të merren në pyetje, mbledhja të bëhej me dyer të hapura, por kjo kërkesë është rrëzuar nga anëtarët e mazhorancës. • Salianji është shprehur se dëshmia me dyer të mbyllura po pengon hetimin, ndërsa Gogu ka kundërshtuar duke thënë se dëshmia e Ballës duhet të bëhet me dyer të mbyllura pasi sipas tij i kanë bërë kërkesë Këshillit të Rregullores për një sërë çëhtjesh. • I pari ka dëshmuar me dyer të mbyllura, për shkak të të dhënave sensitive, ministri i Brendshëm, Taulant Balla. • Teksa ka përfunduar dëshmia e Ballës, në Komisionin Hetimor për TIMS, përfaqësuesi i PS, Toni Gogu ka deklaruar se edhe dëshmia e Drejtorit të Përgjithshëm të Shtetit, Muhamet Rrumbullaku, duhet të vijojë me dyer të mbyllura. • Por kjo gjë është kundërshtuar nga kryetari i Komisionit Ervin Salianji i cili ka deklaruar se mazhoranca po pengon hetimet, dhe se kjo e fundit ka frikë të pëballet me drejtuesit e institucioneve. • Në fakt edhe dëshmia e Rrumbullakut u vendos të merrej me dyer të mbyllura.
7 artikuj për këtë temë.
TIRANË - Të tjera debate janë regjistruar në mbledhjen me dyer të mbyllura që u mbajt pasditen e kësaj të marte në Komisionin Hetimor për TIMS. Ka qënë kryetari i Komisionit, Ervin Salianji, ai i cili ka refuzuar që mbledhja të zhvillohet me dyer të mbyllura duke thënë se gazetarët duhet të ndjekin mbledhjen, ndërsa është shprehur se në këtë mënyrë mazhoranca po pengon hetimet.
Ndërkohë anëtarët e mazhorancës kanë kundërshtuar duke thënë se tre dëshmitarët e thirrur për të dëshmuar (Balla, Muça dhe Rrumbullaku) duhet të dëshmonin me dyer të mbyllura pasi të dhënat janë sensitive dhe nuk duhet të dalin jashtë dyerve të mbledhjes.
Pjesë nga debatet:
Ervin Salianji: I latë gazetarët të presin pas porte.
Toni Gogu: Shiko z. Kryetar se ju e keni zakon që bëni shoë, harruat të njoftoni gazetarët pasi përfundoi dëshminë ministri i Brendshëm dhe tani fajësoni Komisionin. Keni një kërkesë paraprake ose deklaratë paraprake nga Drejtori i Përgjithshëm i Policisë së Shtetit që kërkon që dëshmia të bëhet me dyer të mbyllura për shkak të sekretit, të të dhënave sensitive që mund të dalin.
Ervin Salianji: Kanë filluar punë drejtorët në Policinë e Shtetit 20 ditë para se të hapeshin aplikimet, pavarësisht se janë refuzuar. Pavarësisht është në masë arresti, vijon ai të jetë drejtor. Keni kapur këtë elementin e shoë-ut televiziv, këtu, te Rai, te Bildi… Në fakt kjo është katandisja që i keni bërë ju Shqipërisë dhe që po e turpëroni nga dita në ditë. Transparenca than çdo kalbëzim. Ça frike keni nëse nuk ka shkelje? Edhe ju hahet, edhe ju djeg! Thoni që doni ta mbroni paligjshmërinë, ne do e çojmë deri në fund këtë komision, hapur, mbyllur, fshehtas. Nëse doni ta bëjmë në bodrum dhe keni frikë nga drita, ça jemi ne? Lakuriqë nate? Ç’është ky muhabet mo?! Këtu do vendosim bashkë! Tha një propozim nënkryetari i komisionit nga një kërkesë që paskan bërë. Ikën me vrap se mos ishin kamerat herën e kaluar. Ju e njihni këtë fakt prandaj e keni çuar në Këshillin e Rregullores. Si e doni ju ta bëj këtë paligjshmëri, me vullnetin politik?.
Ramadan Likaj: Nëse ky komision vijoi punën 3 orë, iu bënë pyetje ministrit. Ne nuk morëm ndonjë dokument të klasifikuar. Duhet që ne të vazhdojmë seancën e hapur për publikun. Nëse drejtori i përgjithshëm, ka dokumente të klasifikuara, mund të të thotë nuk përgjigjem. Unë mendoj që mazhoranca këkron me çdo kusht seancën me dyer të mbyllura. Për çfarë? Kur ne duam të zbardhim sa më shpejt se çfarë ka ndodhdur me sistemin TIMS. Publiku duhet ta marrë vesh se çfarë ka ndodhur në atë sistem. Dokumente ka sa të duash. Nuk e di ku ishte ai dokument i klasifikuar.
Xhemali Qefalia: Varet si ju e lexoni shkresën…
Ervin Salianji: Parsh e lexojmë, jo mbrapsht!
Xhemali Qefalia: Nëse drejtori i Policisë mendon se mbledhja duhet të jetë e hapur, atëherë po. Pse duhet të bëjmë debat me njëri-tjetrin?!
Ervin Salianji: Gjithçka që është sekret shtetëror ta bëjmë me dyer të mbyllura.
Lefter Gështenja: Edhe dëshmia që dha ministri i Brendshëm nuk kishte asnjë sekret, nuk na u tha ndonjë sekret i klasifikuar. Këtu ishim në komision dhe nuk kishte sekrete. Mendoj se mbledhja duhet të zhvillohet me dyer të hapura, publiku të njihet me atë që ka ndodhur, edhe për hir të transparencës.
Nasip Naço: Dëshmia e Drejtorit të Përgjithshëm përbën sekret, qoftë edhe për atë dëshmitarin tjetër që pret. Pse kërkoni, qoftë edhe pa dashje të shkelni ligjin. Nga dëshmia e drejtorit mund të jepen detaje që mund të ndihmojnë atë dëshmitarin tjetër.
TIRANA- U desh 1 orë debat, në mbledhjen e Komisionit Hetimor për Sistemin TIMS, që PS të votonte që Drejtori i Policisë së Shtetit, Muhamet Rrumbullaku të dëshmonte me dyer të mbyllura.
Teksa futej në mbledhje, Rrumbullaku u pa me disa dosje voluminoze që mbaheshin nga shoqëruesit e tij. Mendohet se këto dosje do t'i shërbejnë atij gjatë dëshmisë. Më herët, ka dëshmuar po me dyer të mbyllura, për shkak të të dhënave sensitive, ministri i Brendshëm Taulant Balla.
TIRANA- Drejtori i Përgjithshëm i Policisë së Shtetit, Muhamet Rrumbullaku do të dëshmojë me dyer të mbyllura në Komisionin Hetimor për sistemin TIMS. Teksa u paraqit në mbledhje, Rrumbullaku u shpreh se i takon këtij komisioni për të vendosur nëse dëshmia e tij duhej të bëhej me dyer të hapura ose jo.
Rrumbullaku tha se dëshmia e tij në Komisionin Hetimor përbën sekret, për shkak të informacioneve që klasifikohen si sekret shtetëror.
TIRANË - Teksa ka përfunduar dëshmia e Ministrit të Brendshëm Taulant Balla në Komisionin Hetimor për TIMS, përfaqësuesi i PS, Toni Gogu ka deklaruar se edhe dëshmia e Drejtorit të Përgjithshëm të Shtetit Muhamet Rrumbullaku duhet të vijojë me dyer të mbyllura. Por kjo gjë është kundërshtuar nga kryetari i Komisionit Ervin Salianji i cili ka deklaruar se mazhoranca po pengon hetimet, dhe se kjo e fundit ka frikë të pëballet me drejtuesit e institucioneve.
Pjesë nga debati:
Salianji: Pavarësisht masës së marrë nga dy gjykata për drejtorin e IT ai është në detyrë dhe vetëm i pezulluar, s’ka marrë asnjë masë për të goditur paligjshmërinë sipas rendit të ditës kemi në dëgjesë drejtorin e policisë rrumbullaku për shkak të bojkotit të maxhorancës shkresa është hedhur për votim sipas parashikimeve, nëse mbledhjet nisin me kuorum di që kërkesë merret me shumicën e anëtarëve të pranishëm, pikë të parë të kërkesës që të jetë i hapur për publikun për të komunikuar me qytetarët shkeljet në lidhje me ndërhyrje në sistemin e TIMS.
Gogu: Ky organ flet përmes vendimmarrjes dhe vendimmarrja ka qenë që të shtyhet derisa anëtarët të pajiseshin me certifikatë sigurie, shumica janë pajisur me certifikatë sigurie, administruam dëshminë e zotit Taulant Balla. Kërkesën formale të drejtorit ta hidhni në votim, mbledhja të vijojë me dyer të mbyllura.
Salianji: Edhe një herë tjetër duhet të vë në pah se si përfaqësuesit e PS vjedhin, i hanë gërmat , është hedhur për të vazhduar mbledhje e hapur, më thoni dot se si mund ta zhbëjmë këtë? Meqë PS ka frikë të përballet me drejtuesit e institucioneve, ju thoni t mbyllim në mënyrë të paligjshme.
TIRANA- Dëshmia e ministrit të Brendshëm Taulant Balla ka përfunduar pas 3 orësh në Komisionin Hetimor për Sistemin TIMS. Dëshmia e Ballës u dha me dyer të mbyllura, për shkak të të dhënave sensitive.
Lidhur me këtë, deputeti socialist, njëkohësisht nënkryetar i Komisionit, Toni Gogu, tha se edhe dëshmia e kreut të Policisë së Shtetit, Muhamet Rrumbullakut, duhet të bëhet me dyer të mbyllura. Ai tha se ka një kërkesë formale nga drejtori i Përgjithshëm i Policisë së Shtetit, që kërkon këtë gjë.
TIRANË - Ka nisur me debate mbledhja e Komisionit Hetimor për TIMS, aty ku është thirrur për të dëshmuar Ministri i Brendshëm Taulant Balla, Drejtori i Përgjithshëm i Policisë së Shtetit, Muhamet Rrumbullaku dhe ish-drejtori i IT në Policinë e Shtetit, Ervin Muça.
I pari që është marrë në pyetje është ministri Balla, dëshmia e të cilit po zhvillohet me dyer të mbyllura, çfarë ka sjellë dhe përplasje mes kryetarit të komisionit Ervin Salianji dhe anëtarit të mazhorancës, Toni Gogu.
Salianji është shprehur se dëshmia me dyer të mbyllura po pengon hetimin, ndërsa Gogu ka kundërshtuar duke thënë se dëshmia e Ballës duhet të bëhet me dyer të mbyllura pasi sipas tij i kanë bërë kërkesë Këshillit të Rregullores për një sërë çëhtjesh.
Pjesë nga debati:
Salianji: Është jetike, e domosdoshme për demokracinë që të ketë përballje të hapura, por për të mos bllokuar punën e komisionit kemi votuar që mbledhja të zhvillohej me dyer të mbyllura, por siç e citoj vendimin e ndërmjetëm, pa patur nevojë për t’u pajisur me certifikata sigurie të deputetëve. Duhet të kthejmë në ligjshmëri punën e komisionit. Jemi në kushte të reja dhe vendimmarrja e kaluar nuk ishte e mundur për shkak se ministri i Brendshëm pretendoi se kishte informacion të klasifikuar, të hedhim në votim dhe të kthejmë në vendim të ri të ndërmjetëm, mbledhja me dëshmitarin e parë Taulant Balla ministër i Brendshëm, nuk ka në këndvështrimin tim që të jemi njohur me ndonjë dokument të klasifikuar propozoj që mbledhja të jetë e hapur.
Toni Gogu: Dëshmia e Ballës duhet të zhvillohet me dyer të mbyllura. I kemi bërë kërkesë Këshillit të Rregullores për një sërë çështjesh. Filloni menjëherë nga dëgjimi i ministrit të Brendshëm, duke filluar në këtë mënyrë zyrtarisht hetimin dhe pa u zgjatur shumë në fjalë që populli i barazon me fukarallëk, me fukarallëk të këtij sistemi. Vazhdoni mbledhjen që kemi lënë përgjysmë me dyer të mbyllura.
Salianji: Kemi një vendimmarrje të re të ndërmjetme. Mbledhjet duhet të jenë të hapura për transparentë të plotë. Përballja dhe dhënia llogari të plotë. I kemi thirrur për të dhënë llogari. Çështja shqetëson qytetarët, partnerët. I keni bërë kërkesa Kuvendit, shpresoj të mos jenë truke për të penguar procesin, e dhimbshme që një parti politike doni të bojkotoni komisionin siç bëtë herën e kaluar. Kështu që kërkesat e mia si kryetar i komisionit me qejf do i ishin drejtuar komuniteteve fetare për t’ia mbajtur gjithsecilit mendjen në vend dhe lutje zotit që të jeni në këtë mbledhje më të qetë dhe të jeni në anën ligjit e moralit dhe jo të kundërt.
TIRANË - Ka nisur mbledhja e Komisionit Hetimor për të dhënat TIMS. Ditën e sotme janë thirrur për të dëshmuar ministri i Brendshëm Taulant Balla, ish-drejtori i IT-së në Policinë e Shtetit Ervin Muça dhe drejtori i Policisë Muhamet Rrumbullaku.
Mësohet se kryetari i Komisionit, Ervin Salianji propozoi që kur Balla, Muça dhe Rrumbullaku të merren në pyetje mbledhja të bëhej me dyer të hapura, por kjo kërkesë është rrëzuar nga anëtarët e mazhorancës. Mësohet se i pari që po dëshmon në mbledhjen me dyer të mbyllura është Ministri Balla, i cili ka deklaruar se ka informacione të klasifikuara.
