Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Një incident i presidentes së Kosovës, Vjosa Osmani ka ndodhur mbrëmjen e djeshme në aeroportin e Shkupit në Maqedoninë e Veriut. • Sipas raportimeve sigurimi i këtij aeroporti ka tentuar ti marrë telefonin personal Osmanit. • Këshilltari për media i presidentes, Bekim Kupina, e ka cilësuar këtë veprim si një shkelje të praktikave ndërkombëtare. • Kupina tha dje se veprimet e zyrtarit të sigurimit dukeshin se kishin për qëllim të provokonin delegacionin e Kosovës dhe të shkaktonin ndonjë incident. • Lidhur me incidentit ka reaguar sot edhe ministria e Punëve të Jashtme të Kosovës, ku shprehen se kanë kërkuar sqarime për trajtimin jodinjitoz sipas tyre të presidentes së Kosovës. • Sipas ministrit shqiptar në Maqedoninë e Veriut, Arben Taravarit, BDI-ja, partia e udhëhequr nga Ali Ahmeti, po përdor gënjeshtra dhe manipulime për të dëmtuar VLEN-in, dhe ka shtuar se Ministria e Punëve të Brendshme nuk ka kompetencë mbi sigurinë e aeroportit. • Për incidentin ka reaguar edhe "TAV", kompania e cila menaxhon me Aeroportin e Shkupit, ku janë shprehur se siguria e pasagjerëve nuk është rrezikuar dhe se veprimet e tyre kanë qenë në përputhje me ligjet në fuqi. • Më tej thuhet se sipas legjislacionit në fuqi, ata e kanë obligim që të kryejnë kontrolle për të gjithë pasagjerët, përfshirë edhe ata udhëtojnë nëpër pjesën VIP janë gjithashtu subjekt i kontrolleve.
6 artikuj për këtë temë.
KOSOVË- Ministrja e Jashtme e Kosovës, Donika Gërvalla, ka njoftuar se ka dërguar një notë proteste autoriteteve të Maqedonisë së Veriut pas incidentit të mbrëmshëm në aeroportin e Shkupit. Ku në këtë incident, sigurimi i aeroportit tentoi t’i marrë telefonin privat presidentes Vjosa Osmani dhe e shtyu atë. Gjithashtu në njoftimin e ministrisë, kërkohet që autoritetet maqedonase të ndërmarrin masa të menjëhershme për të hetuar këtë rast dhe për të siguruar që ngjarje të tilla të mos përsëriten në të ardhmen.
“Ministrja Gërvalla ka paraqitur një notë proteste pranë autoriteteve të Maqedonisë së Veriut, duke kërkuar sqarim të menjëhershëm dhe të plotë për këtë incident,” thuhet në njoftim.
Ministria e Punëve të Jashtme dhe Diasporës e Kosovës thekson se presidentja Osmani u ballafaqua me trajtim të papërshtatshëm dhe të kundërligjshëm nga ana e pjesëtarëve të sigurimit të aeroportit. Në përpjekje për të sqaruar situatën, Gërvalla ka takuar ambasadoren e Maqedonisë së Veriut në Kosovë menjëherë pas incidentit dhe ka zhvilluar një takim me zëvendëskryeministrin maqedonas, Arben Fetai.
Gjatë takimit, ata diskutuan rreth incidentit dhe nevojës për veprime të shpejta institucionale. Së fundmi, Gërvalla pranoi një telefonatë nga homologu i saj maqedonas, Timço Mucunski, ku u shprehën shqetësimet e institucioneve të Kosovës lidhur me këtë ngjarje. Pala maqedonase një ditë më parë tha se ka nisur hetimin e këtij rasti. Ministria e Brendshme e Maqedonisë së Veriut deklaroi se pasi Osmani kaloi kontrollin kufitar, erdhi një person nga sigurimi i kryetarit të Kuvendit, Afrim Gashi, polic me dy persona të tjerë [policë] dhe filluan të kërcënojnë punëtorët e Aeroportit dhe të pyesin se kush i ka shkaktuar problem presidentes.
MAQEDONIA E VERIUT- Sipas Maqedonisë së Veriut, incidenti me presidenten e Kosovës Vjosa Osmani ishte një keqkuptim, i cili tashmë është tejkaluar. Ndërkohë zëvendëskryeministri i parë, Izet Mexhiti, tha se organet shtetërore reaguan menjëherë për të lejuar udhëtimin e presidentes.
“Keqkuptimi i shkaktuar mes Ministrisë së Brendshme, kompanisë që menanoxhon aeroportin, TAV dhe sigurimit të Presidentes është sqaruar dhe tejkaluar pa komplikime dhe situata është tejkaluar pa pasoja”, thekson Mexhiti.
Po ashtu ka reaguar edhe kryetari i kuvendit të Maqedonisë së Veriut, Afrim Gashi, duke saktësuar se sigurimi i tij shkoi në aeroport për të parandaluar një skandal të mundshëm diplomatike dhe jo për të tensionuar situatën. Kompania që menaxhon aeroportin e Shkupit pretendon se ka respektuar rregullat për kontrollin standard të pasagjerëve.
“Ne i hedhim poshtë kategorikisht akuzat se punonjësi ynë nga departamenti i sigurisë ka tentuar të marrë telefonin”, lexohet në një deklaratë duke shtuar se nga ky protokoll sigurie përjashtohen vetëm të ftuarit zyrtarë të qeverisë së Maqedonisë së Veriut. BDI në opozitë kërkon që të mbahet përgjegjësi politike për skandalin diplomatik me presidenten Osmani.
SHKUP- Partia maqedonase opozitare, LSDM ka reaguar në lidhje me incidentin e mbrëmshëm me presidenten e Kosovës, Vjosa Osmani në Aeroportin e Shkupit. Në reagim LSDM pyet nëse autoritetet po fshehin versionin e vërtet të ngjarjes dhe për çfarë arsye po e bëjnë këtë. Sipas tyre në lidhje me ngjarjen palët kanë dalë me versione të ndryshme.
“Publiku është në konfuzion të plotë pas incidentit të djeshëm me presidenten e Kosovës, Vjosa Osmani, pasi të gjitha palët dolën me versionin e tyre të ngjarjes. Pyesim, a po fshihet versioni i vërtetë i asaj që ka ndodhur dhe për çfarë arsye?”, pyesin ata nga LSDM-ja opozitare.
Partia thotë se përderisa Kosova e cilëson ngjarjen si “skandal diplomatik”, publiku nuk u nderua as me një konferencë për media nga MPB-ja për të kuptuar se çfarë ndodhi. Në reagim thuhet se Ministria e Brendshme duhet të hetojë nesë me të vërtetë një person nga sigurimi i Gashit ka kërcënuar me armë zjarri punonjës të TAV-it. Më tej thuhet se është më se e qartë se dikush po përpiqet të fshijë disa fakte nën tapet. LSDM kërkon zbardhjen e plotë të ngjarjes dhe njoftim transparent nga MPB-ja.
"A është e vërtetë se një person nga sigurimi i Gashit ka kërcënuar me armë zjarri punonjës të TAV-it dhe cili ishte roli i tij? Ministria e Brendshme do ta hetojë dhe ta bëjë të ditur këtë në detaje apo do të tentojë ta fshehë rastin? Është më se e qartë se dikush po përpiqet të fshijë disa fakte nën tapet. LSDM kërkon zbardhjen e plotë të ngjarjes dhe njoftim transparent nga MPB-ja”, thuhet në reagimin e LSDM-së.
SHKUP- Kompania e cila menaxhon me Aeroportin e Shkupit, TAV ka reaguar në lidhje me incidentin e regjistruar me presidenten e Kosovës, Vjosa Osmani. Në reagimin TAV Maqedonia shprehet se siguria e pasagjerëve nuk është rrezikuar dhe se veprimet e tyre kanë qenë në përputhje me ligjet në fuqi.
Në reagim më tej thuhet se thuhet se sipas legjislacionit në fuqi, ata e kanë obligim që të kryejnë kontrolle për të gjithë pasagjerët. Me tej thuhe se edhe pasagjerët që udhëtojnë nëpër pjesën VIP janë gjithashtu subjekt i kontrolleve.
“TAV Maqedonia informon se në pajtim me Ligjin për Aviacionin dhe rregulloren ligjore ndërkombëtare lidhur me sigurinë e aviacionit civil ... operatori i aeroportit e ka detyrim ligjor të kryejë kontroll sigurie të të gjithë pasagjerëve, bagazheve dhe mallrave”, thuhet në reagim.
MAQEDONI- Ministëri i Shëndetësisë dhe një nga udhëheqësit e VLEN-it, koalicionit shqiptar në Qeverinë e Maqedonisë së Veriut, Arben Taravari, ka reaguar pas incidentit të presidentes së Kosovës, Vjosa Osmani në aerportin e Shkupit. Sipas Taravarit, BDI-ja, partia e udhëhequr nga Ali Ahmeti, po përdorë gënjeshtra dhe manipulime për të dëmtuar VLEN-in. Më tej ai ka shkruar se Ministria e Punëve të Brendshme nuk ka kompetencë mbi sigurinë e aeroportit.
“Si VLEN, shprehim shqetësimin tonë se si një parti politike në Maqedoninë e Veriut, konkretisht BDI, po përdor gënjeshtra dhe manipulime në përpjekje për të dëmtuar vetëm VLEN-in, pa u shqetësuar për pasojat që mund t’i sjellë Kosovës. Ne i bëjmë thirrje opinionit që të ndjekë faktet dhe jo propagandën e BDI-së.
Faktet janë si më poshtë: 1. MPB dhe shteti nuk kanë kompetencë mbi sigurinë e aeroportit, por kjo është në kompetencë të koncesionarit, në këtë rast TAV-it. 2. Sipas Konventës së Vjenës, udhëheqësit shtetërorë kanë trajtim të veçantë gjatë udhëtimit, por detajet e protokolleve të sigurisë i përcakton koncesionari i aeroportit.
3. Një keqkuptim i ngjashëm ka ndodhur edhe kur Talat Xhaferi ishte kryeministër teknik, pse BDI-ja nuk flet për këtë? Dhe e ftojmë BDI-në të përgjigjet nëse gjatë udhëtimeve të tyre kanë shmangur skanerat.” ka shkruar ai.
KOSOVË- Ministria e Punëve të Jashtme dhe Diasporës në Kosovë ka dalë me një reagim në lidhje me incidentin ndaj presidentes Vjosa Osmani në aeroportin e Shkupit. Në reagim thuhet se MPJD me shqetësim ka mësuar rreth incidentit të shkaktuar në Aeroportin e Shkupit në raport me trajtimin jodinjitoz të Presidentes së Kosovës, Vjosa Osmani. Ministria shtoi se kanë kërkuar sqarime.
“Ministria e Punëve të Jashtme dhe Diasporës, përmes Ambasadës së Kosovës në Shkup, ka nisur mbledhjen e informatave dhe që në orët e hershme të mbrëmjes ka kërkuar sqarime zyrtare nga ambasada e Maqedonisë së Veriut në Prishtinë dhe nga Ministria e Punëve të Jashtme të Maqedonisë së Veriut”, thuhet në reagim.
“MPJD do të mbajë publikun të informuar për veprimet e mëtejshme, për të sqaruar këtë situatë dhe për t’u siguruar që incidente të tilla të mos ndodhin në të ardhmen në raport me krerët e shtetit tonë”, thuhet në këtë njoftim.
Sipas raportimve sigurimi i këtij aeroporti ka tentuar ti marrë telefonin personal të Vjosa Osmanit. Këshilltari për media i presidentes, Bekim Kupina, e ka cilësuar këtë veprim si një shkelje të praktikave ndërkombëtare. Kupina tha se veprimet e zyrtarit të sigurimit dukeshin se kishin për qëllim të provokonin delegacionin e Kosovës dhe të shkaktonin ndonjë incident.
Ai shtoi se presidentja nuk e lejoi një gjë të tillë, pasi do të kishte qenë një shkelje e rëndë e protokollit. Sipas tij pala maqedonase mori çantën personale të presidentes, ndonëse ekipi i saj lejoj për të kaluar në sallën VIP, e cila ishte rezervuar nga Ambasada e Kosovës.
