Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Ramazan Rraja, nipi i deputetit të Partisë Socialiste Rrahman Rraja është shpallur në kërkim nga Prokuroria e Posaçme Kundër Korrupsionit dhe Krimit të Organizuar (SPAK). • Në orët e para të mëngjesit të sotme, RENEA dhe oficerë të BKH-së kanë zbarkuar në Nikël, në vilën 3-katëshe të Ramazan Rrajës për të ushtruar kontroll dhe për ta marrë në pyetje nipin e deputetit të PS-së si person në dijeni, lidhur me atentatin ndaj prokurorit Arjan Ndojit. • SPAK pretendon se Ramazan Rraja, bashkë me kushëririn e tij që ndodhet aktualisht në burg, Redjan Rraja, kanë organizuar atentatin ndaj prokurorit Ndoja, ngjarje e ndodhur më 1 nëntor 2019, ku mbeti i vrarë shoferi i shënjestrës, Andi Maloku. • Banesa e Rrajës është kontrolluar për rreth dy orë dhe brenda saj nuk është gjetur asgjë e paligjshme përveç. Në banesë ndodhej deputeti i PS-së Rrahman Rraja me familjen e tij. Ai është shprehur se nipi i tij është shpërngulur në Tiranë prej kohësh e nuk jeton më aty. Pas kontrolleve, efektivët dolën duarbosh që aty.
1 artikuj për këtë temë.
KRUJË- Për dy orë rresht, agjentët e Byrosë Kombëtare të Hetimit të mbështetur nga grupet e RENEA-s kanë ushtruar kontroll në një vilë trekatëshe në Nikël të Krujë, e cila rezulton në pronësi të Ramazan Rrajës, i shpallur në kërkim nga Policia e Shtetit. Xhungël.al shkruan se operacioni është zhvilluar në orët e para të mëngjesit të sotëm, në vijim të hetimit për atentatin e 1 tetorit të vitit 2019, që për shënjestër kishte prokurorin Arjan Ndoj, por mbeti i vrarë shoferi i tij Andi Maloku, efektivë kanë bastisur vilën e rrethuar me mure të larta e kamera sigurie.
Por, brenda saj kanë gjetur vetëm deputetin e Partisë Socialiste Rrahman Rraja dhe familjen e tij. Ka qenë një vendim i Gjykatës së Posaçme të Shkallës së Parë për Korrupsionin dhe Krimin e Organizuar, i lëshuar në sekret të plotë, më datë 17 janar 2023, pa praninë e palëve dhe të sekretares gjyqësore, i cili ka miratuar kërkesën e Prokurorisë së Posaçme kundër Korrupsionit dhe Krimit të Organizuar.
Qëllimi i kontrollit të banesës dhe automjetit, ishte gjetja apo zbulimi i provave me rëndësi për hetimin që po kryen SPAK, por asgjë e tillë nuk ka ndodhur. Vetë deputeti i PS-së Rrahman Rraja ka deklaruar para efektivëve se në atë vilë jeton ai bashkë me familjen, ndërsa nipi i tij Ramazan Rraja prej kohësh është zhvendosur në Tiranë.
Ramazan Rraja u ndalua për herë të fundit dy muaj më parë nga Policia e Shtetit, në qafë-Kashar. Ai ishte bashkë me Rexhep Rrajën e tre miq të tjerë kur u ndalua teksa lëvizte me makinë të blinduar. Ai u pyet për masakrën e Fushë Krujës, ngjarje e ndodhur më 17 korrik të vitit 2022, ku mbeti i vrarë Brilant Martinaj, Besmir Hoxha dhe Diklen Vata dhe sipas raportimeve, u mbrojt me faktin që në atë kohë ndodhej jashtë vendit e nuk kishte lidhje me ngjarjen.
