Grabitet me armë zjarri “OTP Bank”/ Autori i merr paratë nga duart një personi që po i depozitonte, largohet me skuter. Policia: Po punohet për identifikimin dhe kapjen e tij

TIRANË- Detaje të reja vijojnë të zbardhen nga grabitja me armë zjarri në filialin e “OTP Bank” në Tiranë. Mësohet se autori kishte ndjekur një të moshuar e cila ishte nisur drejt bakës për të depozituar para. Ai është futur pas të moshuarës në institucion dhe me një armë zjarri e ka kërcënuar dhe i ka grabitur para që do të dorëzonte në arkë.

Autori ka qenë i pajisur me kokore dhe menjëherë pas grabitjes është larguar pa gjurmë me anë të një skuteri. Ndërkohë, policia ka ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit./Dosja.al

TIRANË- Detaje të reja vijojnë të dalin nga grabitja me armë zjarri në filialin e “OTP Bank” në Tiranë. Nën kërcënimin e armës, autori i ka marrë klientit në OTP 10-15 mijë paund. Qytetari ka qenë duke depozituar shumën e parave në bankë kur ka ndodhur ngjarja dhe ende se kishte dorëzuar shumën e parave.

Siç raportohet, autori është afruar pranë bankës me një skuter nga kryqëzimi i Komunës së Parisit, ka lënë skuterin jashtë dhe ka më pas hyrë menjëherë në ambientet e bankës duke kryer grabitjen. Pasi ka marrë paratë është larguar nëpërmjet rrugës “Sulejman Delvina” dhe dyshohet se ka braktisur skuterin në një garazh, duke vijuar drejt zonës së bllokut./Dosja.al

TIRANË- Detaje të reja janë zbuluar në lidhje me grabitjen e ndodhur pak më parë në filialin e “OTP Bank” në Tiranë. Autori i cili ende nuk është i identifikuar, ka qenë i maskuar dhe i veshur me të zeza dhe më pas është larguar nga vendi i ngjarjes me skuter.

Ai ka mbërritur pranë bankës me një skuter nga drejtimi i kryqëzimit të Komunës së Parisit dhe e ka lënë mjetin jashtë ambienteve të bankës dhe ka hyrë menjëherë brenda, ku nën kërcënimin e armës ka marrë një shumë parash. Pas grabitjes, autori është larguar me shpejtësi me skuter në drejtim të rrugës “Sulejman Delvina”, ku ka braktisur skuterin një një garazh dhe më pas ka ikur drejt ish-Bllokut.

Blutë sqaruan se menjëherë pas marrjes së njoftimit, janë ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit. Ndërkohë, grupi hetimor po punon për identifikimin e autorit dhe dokumentimin e rastit./Dosja.al

foto ilustruese

TIRANË- Policia e Tiranës ka reaguar lidhur me grabitjen e ndodhur mesditën e sotme në një filial të OTP Bank në rrugën “Gjin Bue Shpata”. Blutë bëjnë me dije se personi i maskuar ka hyrë në ambientet e bankës dhe dyshohet se në kërcënimin e armës, ka marrë një shumë parash. 

Menjëherë pas marrjes së njoftimit, janë ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit. Ndërkohë, grupi hetimor po punon për identifikimin e autorit dhe dokumentimin e rastit.

Njoftimi i Policisë: 

Rreth orës 12:26, në rrugën “Gjin Bue Shpata”, një shtetas i maskuar ka hyrë në ambientet e një banke dhe, dyshohet se në kërcënimin e një sendi në dukje armë, ka marrë një shumë parash. Menjëherë pas marrjes së njoftimit, janë ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit. Grupi hetimor po punon për identifikimin e autorit dhe dokumentimin e rastit./Dosja.al

TIRANË- Një bankë e nivelit të dytë pranë stadiumit “Dinamo” është grabitur nga një person i armatosur. Mësohet se personi me armë zjarri është futur brenda bankës dhe ka marrë një shumë parash.

Sipas informacioneve, paratë ka arritur t’ia marrë një qytetari që sapo po i depozitonte./Dosja.al