Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Gjykata e Posaçme ka nisur procesin gjyqësor ndaj kryebashkiakut, Veliaj dhe 29 të bashkëpandehurve. • Seanca në themel për Veliajn është shoqëruar me debate në lidhje me njohjen e dosjes nga ana e palës mbrojtëse. • Në fjalën e tij, Maks Haxhia ngriti shqetësimin në cilësinë e kreut të Dhomës së Avokatisë, duke kërkuar të dihet nëse avokatja e caktuar kryesisht është njohur me dosjen. • Ai theksoi se kjo është e rëndësishme për garantimin e një procesi të rregullt ligjor, duke shtuar se kolegia duhet të shprehet qartë mbi këtë çështje, edhe në funksion të përgjegjësive disiplinore. • Ndërkohë, prokurori Ols Dado reagoi, duke i kujtuar Haxhias se në seancën e sotme nuk është kryetari i Dhomës së Avokatisë, por si avokat. • Ndërsa avokati Plarent Ndreca mbështeti qëndrimin e Haxhias, duke argumentuar se ai nuk mund të ndajë rolet e tij. • Këtu ndërhyri gjykata duke theksuar se çdo pjesëmarrës në proces mund të ketë role të tjera jashtë tij, por ato nuk lidhen me shqyrtimin konkret. • Gjatë seancës për dosjen Veliaj, mbrojtja e Elman Abule ka kërkuar ndarjen e çështjes së tij nga dosja si dhe shqyrtimin nga një tjetër gjykatë dhe jo GJKKO. • Në një njëjtën linjë si Abule është dhe Klotilda Bushka ka kërkuar shqyrtimin e çështjes në një gjykatë tjetër.
4 artikuj për këtë temë.
TIRANË- Ish-deputetja Klotilda Bushka ka kërkuar sot në Gjykatën e Posaçme ndarjen e çështjes së saj nga gjyqi Veliaj-Xoxa. Në seancën e sotme në GJKKO, avokati i Bushkajt ka kërkuar gjithashtu dhe shpalljen e moskompetencës nga ana e GJKKO të çështjes dhe kalimin e saj në një gjykatë normale. Për të mbështetur kërkesën e tyre, avokati i Bushkës ka sjell një dokument që ajo nuk është më deputete.
“Për të pandehurën Klotilda Bushka, e mbrojtura prej nesh zonja Bushka që në fazën e hetimit paraprak, nuk e ka pranuar akuzën dhe e ka cilësor si të pambështetur në prova dhe fakte. Gjyqtari i seancës paraprake e kaloi çështjen për gjyq, ne kemi kërkuar pushimin e çështjes në atë proces. Së pari konfirmojmë kërkesën për gjykim të shkurtuar, kërkojmë ndarjen e çështjes dhe moskopetencën lëndore të kësaj gjykate dhe dërgimin e çështjes në një tjetër gjykatë. Ne kemi sjell një dokument që Bushka nuk është më deputete”, tha avokati Henrik Ligori.
Ish-deputetja e Partisë Socialiste, Klotilda Bushka është marrë e pandehur nga Prokuroria e Posaçme në kuadër të hetimeve për kryebashkiakun e Tiranës, Erion Veliajn. Sipas raportimeve, Bushka akuzohet për kryerjen e veprës penale "veprime që pengojnë zbulimin e së vërtetës".
Në një nga mbledhjet e grupit parlamentar të PS-së, Bushka i kishte mohuar akuzat e ngritura ndaj saj dhe tha se ajo e ka kushërirë ish-drejtoreshën e BYL-A-s Ina Goxhajn, të përmendur në dosjen e Veliajt-Xoxës si person i vënë nën presion nga Bushka./Dosja.al
TIRANË- Gjatë seancës për dosjen Veliaj, mbrojtja e Elman Abule ka kërkuar ndarjen e çështjes së tij nga dosja si dhe shqyrtimin nga një tjetër gjykatë dhe jo GJKKO.
Ndërkohë vetë biznesmeni deklaroi se kërkon gjykim të shkurtuar. Ndër të tjera ai pohoi se i qëndron kërkesës së bërë nga avokatja e tij.
“Kërkojmë që të ndahet çështja për Elman Abulen dhe më pas shpalljen e moskompetencës lëndore nga ana e Gjykatës së Posaçme dhe dërgimin e çështjes për gjykim në një tjetër gjykatë." , ka deklaruar avokatja.
“Unë kërkoj gjykim të shkurtuar, i qëndroj kërkesës së bërë nga ana e avokates”, ka deklaruar biznesmeni./Dosja.al
TIRANË- Gjykata e Posaçme ka nisur procesin gjyqësor ndaj kryebashkiakut, Veliaj dhe 29 të bashkëpandehurve. Mësohet se, gjykata pohoi caktimin e një avokateje kryesisht për ish-efektivin e Policisë së Burgjeve, Fation Baci, poashtu i pandehur në çështje.
Ky veprim nga gjykata, ngjalli debat mes palëve, nëse ishte njohur avokatja apo jo me aktet e dosjes. Ndërkohë siç u lajmërua më herët, Veliaj nuk është i pranishëm në sallën e gjyqit.
Maks Haxhia: Në cilësinë e kreut të dhomës Kombëtare të Avokatisë, dua të di nëse avokatja e caktuar kryesisht është njohur me aktet e dosjes, apo jo. Ajo do të përgjigjet nëse po zbaton rregullat, pasi ka një komitet disiplinor.
Ols Dado: Nuk je kryetar i Dhomës ti këtu, je avokat.
Plarent Ndreca, avokat i Veliajt: Maks Haxhia i ka të dy cilësitë, edhe avokat, edhe kreu i DHKA. Procesi i rregullt ligjor lidhet edhe me mënyrën se si e ushtrojnë profesionin avokatët. Kam një kërkesë. Në 17.3.2026 jam pajisur me prokure nga Erion Veliaj. Kam ndërmarrë të gjitha veprimet për t’u njohur me dosjen. Ju kam dërguar edhe një shkresë për oraret në të cilat mund të paraqitesha në gjykatë. Në 26 mars kam marrë përgjigje. Fillimisht mu tha se do ta merrja elektronike, por më pas nuk ma dhanë.
Kam qenë çdo ditë në gjykatë për t'u njohur me aktet. Është një volum shumë i madh. Klienti im ju ka vënë në dijeni se nga 169 fashikuj, mungojnë disa prej tyre. Kërkoj një afat 2-javor për të saktësuar çfarë mungon në dosje, të na vendoset në dispozicion dhe për të vlerësuar se si do të bëjmë mbrojtjen tonë. Ky proces nuk ka vetëm dimension individual, por edhe publik, për shkak se klienti im është kryebashkiak i zgjedhur. Na garantoni kushte të nevojshme për ushtrimin e profesionit dhe një mbrojtje efektive./Dosja.al
TIRANË- Sot në Gjykatën e Posaçme ka nisur seanca ndaj kryebashkiakut Erion Veliaj dhe 29 personave të tjerë. Deri më tani, mësohet se Veliaj ka zgjedhur të përfaqësohet nga avokati i tij, Plarent Ndreca.
Ndërkohë, në sallën e gjyqit janë të pranishëm të pandehurit Elman Abule dhe Fatjon Baci. Ndërsa në orën 13:00, Veliaj pritet të paraqitet në Gjykatën Administrative lidhur me padinë që ka depozituar kundër njërit prej prokurorëve të çështjes, Ols Dado./Dosja.al
