Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Fushata elektorale për '14 Majin' po përmbyllet me tensione në Kukës. •Gjatë mbrëmjes, dy banorë të fshatit Bushat, Bedri dhe Nebi Sinamati denoncuan Lavdrim Gjicin, vëllain e kandidatit të Partisë Socialiste për Bashkinë Kukës Safet Gjici, për presion dhe dhunë deri në nxjerrjen e armës së zjarrit nga shoqëruesi i tij. •Ata denoncuan se janë kërcënuar sapo kanë dalë para shtëpisë së tyre në orët e vona të mbrëmjes. •Pas këtij incidenti reagimi i qytetarëve ka qenë i menjëhershëm, duke u grumbulluar para Drejtorisë së Policisë së Kukësit në mbështetje të dy të afërmve të kërcënuar me armë para banesës së tyre. •Kandidati i koalicionit “Bashkë Fitojmë” Admir Sinamati ndërhyri për të shtensionuar situatën para Drejtorisë së Policisë Kukës. • Sinamati dënoi aktin e shëmtuar të vëllait të kundërshtarit të tij politikë dhe tha se kjo situatë ka ardhur si shkak i tensionimit të gjendjes, presioneve të vazhdueshme. •Policia ka bërë shoqërimin e mjetit, por edhe të personave të përfshirë në këtë incident zgjedhor.
4 artikuj për këtë temë.
KUKËS- Policia ka reaguar për incidentet e ndodhura në Kukës. Me anë të një njoftimi, bëhet me dije se banorët që fillimisht kanë denoncuar vëllanë e kryebashkiakut Safet Gjici për presin dhe shit-blerje votash, kanë ndryshuar dëshminë e tyre. Njoftohet se ata pas marrjes në pyetje nga policia kanë deklaruar se ishte një keqkuptim mes tyre dhe se konflikti ndodhi për motoive të dobta.
Njoftimi i Policisë:
Sqarim i Drejtorisë Vendore të Policisë Kukës Në lidhje me një rast të publikuar në media, ku pretendohet për kanosje me armë të qytetarëve, për dhënien e votës, në fshatin Bushat, ju sqarojmë se: Më datë 11.05.2023, rreth orës 23:50, shtetasi B. S., banues në fshatin Bushat, ka njoftuar Policinë se kishte një konflikt me disa shtetas, në fshatin Bushat. Shërbimet e Policisë kanë shkuar menjëherë në adresën e dhënë nga shtetasi B. S. dhe nga verifikimet paraprake ka rezultuar se ky shtetas ishte përshirë në një konflikt për motive të dobëta, në rrugë, me 3 shtetas të tjerë.
Në vijim të veprimeve, shërbimet e Policisë kanë shoqëruar në Komisariat, shtetasit e përfshirë në konflikt: B. S., N. S., të dy banues në fshatin Bushat, Q. H. dhe L. Gj., të dy banues në Kukës. Gjithashtu, është shoqëruar në Komisariat, automjeti tip “Mercedes Benz”, me të cilin qarkullonin shtetasit Q. H. dhe L. Gj. Gjatë kontrollit të ushtruar në këtë automjet nuk është gjetur asnjë send i kundërligjshëm.
Gjatë kryerjes së veprimeve procedurale, palët e përfshira në konflikt nuk kanë ngritur pretendime që gjatë konfliktit të jenë kanosur me armë, për asnjë motiv, por kanë deklaruar se konflikti ka ardhur si pasojë e një keqkuptimi. Në përfundim të veprimeve procedurale, të katërt shtetasit e shoqëruar u lanë të lirë. Materialet për këtë rast i kaluan Prokurorisë, për vlerësim.
KUKËS- Kandidati i Partisë Socialiste për Bashkinë e Kukësit për '14 Majin', Safet Gjici, ka dalë publikisht para mediave për të sqaruar ngjarjet që trazuan qytetin një natë më parë. Duke mohuar se kishte shit-blerje votash, ai thekson se në pamje ishin vetëm njerëzit e tij që dalin në terren për të kontrolluar territorin, e sipas tij, për ta mbrojtur nga bandat.
Më tej, ai bën thirrje që të bllokohen të gjitha makinat me targa të huaja dhe me xhama të zinj që lëvizin në zonë. Ai shton, se kanë më shumë prova që do t'i dërgojnë para organeve ligjzbatuese.
“Video kishte pamje që njerëzit tonë dalin në terren për të kontrolluar furgonin e bandës që blejnë vota ditë për diell, janë turrë si hiena në çdo njësi administrative vetëm për të blerë vota dhe për të bërë presione, video tregohet qartë që s’ka as armë as para. Ne jemi në kontroll, kontrollojmë territorin nga bandat dhe furgoni i bandave që i ka rreth kandidati i Non Gratave.
Të bllokohen të gjitha makinat me targa të huaja dhe me xhama të zeza që lëvizin në territor. Kemi prova dhe video dhe do i çojmë në organet ligjzbatuese”, tha Gjici.
KUKËS-Pas incidentit që u shënua në orët e vona të mbrëmjes në Kukës, u shoqëruan 4 persona, mes tyre dhe vëllai i Safet Gjicit. Policia tha se iu ka bërë kontroll të të shoqëruarve, por s’u gjetën sende të paligjshme.
Mbrëmjen e kaluar, Bedri dhe Nebi Sinamati banorë të fshatit Bushat denoncan Lavdrim Gjicin, vëllanë e kandidatit të Partisë Socialiste për Bashkinë Kukës Safet Gjici, për presion dhe dhunë deri në nxjerrjen e armës së zjarrit nga shoqëruesi i tij në këmbim të votës.
“Fillimisht dolëm me automjetin tonë nga banesa dhe po shkonim te shtëpia e kushëririt tjetër. Sapo kemi dalë në rrugën e lagjes na është bllokuar rruga nga një automjet. Në vendin e parë të mjetit dallohet qartë se është i ulur Lavdrim Gjici, vëllai i kandidati të PS-ës për Bashkinë Kukës së bashku me një person tjetër”, deklaruan banorët.
Më pas, banorët shkuan në drejtim të Drejtorisë së Policisë së Kukësit në mbështetje të 2 kushërinjve që pretendojnë se janë kërcenuar nga socialistët. Aty ka mbërritur edhe kandidati i koalicionit “Bashkë Fitojmë” Admir Sinamati, i cili tha se ky është një akt i shëmtuar nga ana e kundërshtarit të tij./Dosja.al
KUKËS- Tensione në Kukës! Qerim Halili është ndaluar nga qytetarët dhe mbështetësit e Partisë Demokratike pasi akuzohet se po blen vota. Në një video të shpërndarë nga JOQ, raportohet se me të është edhe Lad Gjici, vëllai i kryebashkiakut të Kukësit, Safet Gjici.
"Qytetari Qerim Halili me Lad Gjici vellai kryetarit te Bashkis Kukes blejne vota kerce*nojne me ar*m banorin e fshatit Bushat Kukes. G class 300 mije euro,"-shkruhet në denoncim.
