Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Operacion kundër mafias italiane, Ndragheta. • ‘Eureka’ ka vendosur në pranga 108 persona, nga 150 të shpallur në kërkim në 8 vende të Europës. • Sipas mediave italiane, ku është padyshim operacioni më i madh i kryer ndonjëherë kundër mafies kalabreze në Evropë. • Më shumë se një mijë policë u përfshinë në kërkimet mëngjesin e sotëm në Gjermani dhe tre mijë në Itali, duke treguar se kontrollet kanë prekur edhe Spanjën, Portugalinë, Francën, Rumaninë dhe Slloveninë. • Të arrestuarit ishin të lidhur me trafikun e kokainës midis Amerikës së Jugut dhe Evropës. • Pika kyçe mendohet se është pporti i Antëerpen. • Hetuesit kanë zbuluar se fluksi i parave menaxhoheshin nga organizata të përbëra nga subjekte të shtetësisë së huaj, të specializuara në marrjen e parave, ose nga njerëz që lëviznin para në territorin e Europës. • Por lëvizjet përfshinin Panamanë, Kolumbinë, Brazilin, Ekuadorin, Belgjikën dhe Holandën. • Shumat e lëvizura janë rreth 22 milionë e 300 mijë euro. • Paratë pjesërisht ishin ripërdorur për blerjen e makinave dhe mallrave luksoze, si dhe për të financuar aktivitete tregtare në Francë, Portugali dhe Gjermani, duke përdorur skemën e hapjes së lavazhe. • Sipas hetuesve, një nga bandat furnizohej me kokainë nga Amerika e Jugit nga shqiptari Denis Matoshi (Eldi Dizdari) i cili aktualisht është në arrati në Dubai. • Hetimet kanë nisur që nga qershori i vitit 2019. Hetuesit zbuluan funksionimin e tre bandave kriminale që synonin trafikun ndërkombëtar të drogës, të cilat i kishin bazat e tyre në Itali si dhe jashtë saj. • Të arrestuarit akuzohen për trafik ndërkombëtarë drogë në sasi të mëdha, pastrim parash, grup të strukturuar kriminal, trafik armësh.
3 artikuj për këtë temë.
TIRANË- Dalin pamjet e megaoperacionit "Eureka" që ka shkatërruar disa banda kriminale që kishin lidhje me mafian e Ndragheta. 108 persona janë arrestuar pas një operacioni anti-drogë të zhvilluar në Itali në disa qytete të vendit, ndërsa në pamje duken qartë armët e gjetura, pakot me kokainë dhe bizhuteritë e shtrenjta bashkë me orat Rolex.
Të arrestuarit janë nën akuzë për trafik ndërkombëtarë drogë në sasi të mëdha, pastrim parash, grup të strukturuar kriminal, trafik armësh.
Po ashtu, sipas hetuesëve, grupet e trafikut të kokainës do të pastronin rreth 22.3 mln euro, të gjitha këto të ardhura nga krimi. Paratë dërgoheshin në Panama dhe në vende të tjera, ndërsa në Europë pastroheshin duke hapur lavazhe.
ITALI- Tjetër goditje ndaj Ndrangheta-s. Në 24 orët e fundit janë shënuar dhjetra arrestime dhe konfiskime në Gjermani dhe në Belgjikë, me vlerë mbi 25 milionë euro. "La Stampa" ka zbuluar detaje nga megaoperacioni "Eureka", duke bërë me dije se mes tyre ishte dhe një shqiptar, i shumëkërkuari Eldi Dizdari (Denis Matoshi). Hetimi ka nisur me bandat Pelle, Strangio, Nirta, Giampaolo, Mammoliti dhe Giorgi, që në vitin 2019 pasi ishinvendosur në lupë anëtarët e bandës "Nirta di San Luca". Por dosja u fry aq shumë saqë u përfshi edhe Ndragheta.
“Gjatë hetimeveu dokumentua organizimi i një dërgese në Brazil të një kontejneri plot me armë lufte, të ardhur nga një vend i ish-Bashkimit Sovjetik."
Për të trafikuar armët dhe kokainën ishin krijuar disa organizata. Shoqata e parë e rikonstruktuar ka të bëjë me familjen Nirta, "Versu" të San Luca, e cila kishte bazë në Brazil, e përfaqësuar nga i arratisuri Vincenzo Pasquino, i kapur në vitin 2021 së bashku me bosin e drogës, Rocco Morabito.
E dyta i përket familjes Mammoliti "Fischiante" të Bovalino me 'nyje' në Pulia, Abruzzo, Lazio, Toskana dhe Lombardi dhe që ka kontakte të drejtpërdrejta me furnizuesit amerikano-jugor të kokainës dhe me trafikantë ndërkombëtarë si Denis Matoshi (Eldi Dizdari), aktualisht i arratisur në Dubai. Shoqata e tretë, i përket familjes Strangio "Fracascia" të lidhur me bandat Nirta-Strangio të përfshira në masakrën e Duisburgut të vitit 2007. Kjo organizatë e tretë, sipas hetuesve, kishte degë të qëndrueshme në Genk (Belgjikë), Mynih (Gjermani), Spanjë dhe Canberra (Australi).
Gjyqtari hetues i Reggio Calabria, me kërkesë të DDA, ka urdhëruar sekuestrimin e aseteve me vlerë rreth 25 milionë euro. Aksioni u zhvillua në Itali, Portugali, Gjermani dhe Francë, etj.
Kush është Eldi Dizdari?
Eldi Dizdari, i njohur gjithashtu si Denis Matoshi, vuante një dënim në Dubai të Emirateve të Bashkuara Arabe. Fillimisht ai u ndalua pas një urdhër-arresti ndërkombëtar të lëshuar nga autoritetet italiane në kuadër të goditjes së grupit “Los Blancos”, të cilët trafikonin kokainë nga Ekuadori në drejtim të Italisë dhe vendeve të tjera të Bashkimit Europian. Por më pas u lirua.
Matoshi/Dizdari, sipas autoriteve italiane, është udhëheqës i grupit kriminal shqiptar (KOMPANIA BELLO) - një sindikatë transnacionale e krimit të organizuar e përfshirë në trafik droge dhe operacione kontrabande midis Amerikës së Jugut dhe Evropës me një vlerë prej 350 milion euro. Ai u arrestua në Dubai, por pas lirimit të tij, është ende e paqartë nëse autoritet italiane do vijojnë të kërkojnë esktradimin e Dizdarit në Firence, aty ku një pjesë e grupit të kokainës pak kohë më parë morën dënime nga drejtësia italiane, por deri më tani Italia nuk ka marrëveshje ekstradimi me Emiratet e Bashkuara Arabe.
ITALI- Një operacion në bashkëpunim me karabinerët del Ros dhe komanda e Reggio Calabria është finalizuar duke vënë në pranga 108 persona, raporton 'Ansa'.
Të dyshuarit akuzohen se janë të përfshirë në mafian dhe trafikun ndërkombëtar të drogës.
Operacioni i quajtur 'Eureka' kishte si synim ndalimin dhe arrestimin e pjestarëve të bandave Nirta-Strangio të San Luca dhe Morabito di Africo. Aksioni u zhvillua edhe në zonat e tjera si: Catanzaro, Vibo Valentia, Pescara, Milano, Salerno, Catania, Savona, Bolonja, Vicenza, L'Aquila, Ancona, Roma dhe Cagliari.
Ende nuk ka më shumë detaje rreth këtij aksioni. Pritet që në orët në vijim të dalin detaje si emrat e personave të ndaluar e nëse në mesin e tyre ka shqiptarë./Dosja.al
