Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Kryeprokurori i SPAk Altin Dumani ka bërë një takim më gazetarët ditën e sotme. • Në takimin me dyer të mbyllura, Dumani ka folur në lidhje me hetimet dhe aferat më të 'nxehta' në aktualitetin dhe politikën shqiptare. • I pyetur në lidhje me hetimet për zhdukjen e Ervis Martinajt, Dumani u shpreh se nuk ka asnjë provë që ai është i vdekur. • Për hetimet për aferën e sterilizimit, kreu i SPAK u shpreh se çështja është nën hetim por theksoi se dy ish-ministrat Shkëlqim Cani dhe Ilir Beqaj të ndiqen penalisht. • Duke komentuar arratisjen e ish-zv/kryeministrit Arben Ahmetaj, Dumani theksoi se hetimet ndaj tij kanë nxjerr të reja suprizuese. • Po ashtu theksoi se në Francë është dërguar kërkesa për ekstradimin e Behar Bajrit. • Sa për raportimet se është kërcënuar, Dumani i ka deklaruar këto lajme si të pavërteta.
5 artikuj për këtë temë.
TIRANË- Gjatë takimit informal me gazetarët, kreu i SPAK, Altin Dumani është pyetur për disa nga operacionet në fushën e drogës dhe ngjarjet e tjera kriminale, të cilave u ka dhënë përgjigje.
Një nga ngjarjet e bujshme është ajo e të shumëkërkuarit Ervis Martinajt, i cili rezulton i zhdukur pa gjurmë që prej datës 9 gusht. Dumani nuk ka dhënë shumë detaje për fazat e hetimit, por ai u shpreh se për aq kohë sa e konsiderojmë të gjallë, po hetojmë.
Familjarët e Ervis Martinaj kanë dorëzuar një celular, çfarë po bën SPAK për këtë?
Dumani:Nuk kemi prova se ai ka vdekur. Për aq kohë sa e konsiderojmë të gjallë, po hetohet.
Kryeprokurori ka treguar gjithashtu për skuadrat e përbashkëta të hetimit në vendet e Ballkanit Perëndimor, si dhe po bashkëpunohet me autoritetet e Amerikës Latine. Ai tregoi se ka pasur rritje të numrit të sekuestrimeve pasurore dhe procesimeve penale.
TIRANË- Për dosjen e komentuar të sterilizimit, pas sugjerimeve të Gjykatës së Posaçme, Dumani tha se është një çështje ende nën hetim. Dumani u shpreh për gazetarët se Prokurorët po reflektojnë sugjerimet e Gjykatës e Posaçme Antikorrupsion që për dosjen e sterilizimit, kërkoi ndjekje penale ndaj dy ish-ministrave Shkëlqim Cani dhe Ilir Beqaj.
Ai u shpreh se “nuk kam koment për vendimin e gjyqtarit Bani. E drejta e tij t’i gjykojë si të dojë faktet. Unë kam bindjet e mia për faktet. Çështja është në hetim paraprak”.
“Nuk përjashtohet mundësia në çdo kohë të ketë persona të tjerë nën hetim. S’kam koment për vendimin e gjyqtarit. Vijon të jetë nën hetim nga dy prokurorët e çështjes (Edvin Kondili e Eneid Nakuçi). Kam ushtruar kompetencat e mua si drejtues i prokurorisë sa më takon ligji. Sa i takon hetimit pasuror, është praktikë në SPAK që kryhet si për veprën penale të korrupsionit edhe për krimin e organizuar, është hetim paralel”- shtoi ai.
TIRANË-Altin Dumani, Kryprokurori i SPAK është përgjigjur në lidhje me lajmet që qarkullojnë se është kërcënuar në lidhje me hetimet e ndodhura kohët e fundit. Gazetarët e kanë pyetur kryeprokurorin nëse i ka shtuar masat e sigursë në takimin e zhvilluar me dyer të mbyllura në prani të gazetarëve, pas intensitetit të ngjarjeve që po hetohen. Nga ana tjetër Dumani ka përmendur dhe dosjet që janë në hetim.
“Nuk janë të vërteta lajmet që jam kërcënuar. Nuk jam kërcënuar asnjëherë, masat e sigurisë janë ato që kanë qenë”, -tha Dumani përpara gazetarëve.
TIRANË- Kreu i SPAK Altin Dumani në një takim informal me gazetarët, dha detaje sa i përket një sërë çështjeve. Për “Metamorfozën” kreu i akuzës i konsideron të ligjshme aktet e mbërritura nga pertnerët, duke sjellë praktikën dhe vendimet e formës së prerë të disa gjykatave të vendeve europiane që i kanë njohur transkriptet si të ligjshme.
Kreu i SPAK njoftoi se është bërë kërjesa për ekstradimin nga Franca të Behar Bajrit, i cili u arrestuar në 4 shtator në një lokal në Strasburg pasi ishte shpallur në kërkim në muajin korrik për llogari të dosjes “Metamorfoza”.
"Është thënë publikisht që janë gjetur komunikime në aplikacionin SKY. Ka pasur aludime për lidhje të personave të pushtetshëm në krim Ne kemi dërguar kërkesën për ekstradimin e Behar Bajrit. Presim finalizimin e procedurave.”-tha Dumani.
Ai the se për procedimin në fjalë po bëhen veprime hetimore aktive, por nuk preferoi të jepte një qëndrim nëse do ketë një fazë të re.
“Deri kur u regjistrua ky procedim, flitej se zyrtarë e drejtues kryenin korrupsion apo ishin të përfshirë në krim, por s’kishte veprime konkrete. Sot është fakt që janë të arrestuar. Kemi shumë punë për të bërë lidhur me këtë çështje”,- tha kreu i SPAK.
TIRANË- Kreu i Prokurorisë së Posaçme Kundër Korrupsionit dhe Krimit të Organizuar, Altin Dumani ka zbuluar se ka zhvillime të reja lidhur me Arben Ahmetajn, i cili ndodhet ende në arrati. 'TopChannel', raporton se gjatë një takimi me gazetarët, Dumani tha se ka zhvillime surprizuese, por ende nuk dihet vendndodhja e ish-zv.kryeministrit i cili është shpallur në kërkim nga SPAK për disa akuza.
“Nuk kemi të dhëna konkrete se ku ndodhet Arben Ahmetaj. Është verifikuar dhe e kemi të qartë se kur ka dalë nga Shqipëria. Ka zhvillime të reja dhe surprizuese”-tha Dumani para gazetarëve.
Kujtojmë se Ahmetaj, është shpallur në kërkim ndërkombëtar prej 24 korrikut 2023, pasi akuzohet për “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”./Dosja.al
