Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Ditën e sotme është zhvilluar seanca gjyqësore për çështjen e Gërdecit. • Në seancë ishte i pranishëm edhe ish-ministri i Mbrojtes, Fatmir Mediu. • Pas daljes nga SPAK, Mediu tha për gazetarët se çdo akt i marrë nga ministri i asaj kohë ka qenë në përputhje me ligjin dhe në interes të vendit. • Ai tha gjithashtu se thirrja e dëshmitarëve dhe prezenca e tyre në seancë është detyrim i Prokurorisë. • Ndërkohë është zbardhur edhe dëshmia e ish-shefit të sektorit të Drejtësisë Juridike në Ministrinë e Mbrojtjes, Rezart Tërshana. • Në cilësinë e anëtarit të komisionit të vlerësimit të çmimeve, Tërshana theksoi se në tryezën e diskutimeve kishin edhe raportet e mëparshëm për shitjen e municionit, ofertën e SAK dhe kursin e këmbimit të dollarit. • Ai theksoi se mbi bazën e këtyre të dhënave caktohej dhe çmimi. • Gjatë dëshmisë ai theksoi se baruti nuk futej në kosto, sepse duhej të asgjësohej. • Gjithashtu u shpreh se nuk e dinte se çfarë ndodhi në Gërdec dhe pse nuk u asgjësua baruti. • Nga ana tjetër, SPAK ka kërkuar nga SHBA marrjen në pyetje të disa shtetasve amerikanë në lidhje me çështjen e Gërdecit. • Në lidhje me këtë kërkesë, SHBA ka paraqitur një kërkesë për drejtësinë shqiptare. • Në një letërporosi SHBA ngre pyetjet se cili është statusi i tyre penal, çfarë interesi dhe për çfarë duhen dëshmitë e tyre. • Mësohet se në datë 12 maj do kryhet një video konferencë me pesë përfaqësues të Amerikës, mes tyre përfaqësues të kompanisë Sac.
4 artikuj për këtë temë.
TIRANË- Ditën e sotme është zhvilluar seanca e radhës për çështjen "Gërdeci". Ndërkohë është zbardhur edhe dëshmia e ish-shefit të sektorit të Drejtësisë Juridike në Ministrinë e Mbrojtjes, Rezart Tërshana
Në cilësinë e anëtarit të komisionit të vlerësimit të çmimeve, Tërshana theksoi se në tryezën e diskutimeve kishin edhe raportet e mëparshëm për shitjen e municionit, ofertën e SAK dhe kursin e këmbimit të dollarit. Sipas Klodiana Lalës, ai theksoi se mbi bazën e këtyre të dhënave caktohej dhe çmimi.
“Për të nxjerr çmimin ne shikonim elementet e koston në njërën anë dhe mbetjet në anën tjetër, ky ekuacion përcaktonte çmimin. Ishte caktuar një formulë e ndarë në dy shtylla. Ne llogarisnim vetëm se sa kishim të ardhurat nga tunxhi dhe bronzi. Kostot e transportit s’kishim si i llogarisnim ne pasi komisioni nuk kishte informacion as për magazinat, as ku do të bëhej demontimi dhe as si do të bëhej transporti, nga pika A në pikën B. Janë strukturat ushtarake ato që dinë se ku do merren fishekët dhe ku do të demontohen. Ne shikonim kostot që kishim kur ne bënim me financim të buxhetit të shtetit.”, sqaroi ai.
Gjatë dëshmisë në GJKKO dëshmitari theksoi se baruti nuk futej më kosto, sepse duhej të asgjësohej. Ai shton se nuk ishte në dijeni se çfarë ndodhi në Gërdec dhe pse nuk u asgjësua baruti.
“Nuk di çka ndodhur në Gërdec që nuk u asgjësua baruti. Kompania “SAK” ishte e vetmja që shprehu interes, na interesonte se deri në 2008 kishin qenë me humbje demontimet që i kushtonin buxhetit të shtetit deri në atë periudhë deri në 35 milionë dollarë.”, theksoi ai. Tërshana tha se nuk do të kishte bërë asgjë ndryshe në Gërdec, edhe pas 17 vitesh.
TIRANË- SPAK ka kërkuar nga SHBA për marrjen në pyetje të disa shtetasve amerikanë në lidhje me çështjen e Gërdecit. Në lidhje me këtë kërkesë, SHBA ka paraqitur një kërkesë për drejtësinë shqiptare.
Sipas gazetares Anila Hoxha në një letërporosi SHBA kërkon të dijë se cili është statusi i tyre penal, çfarë interesi dhe për çfarë duhen dëshmitë e tyre. Më tej gazetarja zbulon se në datë 12 maj do kryhet një video konferencë me pesë përfaqësues të Amerikës, mes tyre përfaqësues të kompanisë Sac.
Amerikanët që kërkohen që të merren në pyetje nga SPAK janë Patrik Henry dhe katër të tjerë. Mihal Delijorgji dhe Luan Hoxha nuk u paraqitën në seancë ndërsa do ripërsëritet njoftimi i tyre në seancën e radhës në 13 mars.
TIRANË- Pas daljes nga SPAK, ish-ministri i Mbrojtjes Fatmir Mediu tha për gazetarët se çdo akt i marrë nga ministri i asaj kohë ka qenë në përputhje me ligjin dhe në interes të vendit. Ai tha gjithashtu se thirrja e dëshmitarëve dhe prezenca e tyre në seancë është detyrim i Prokurorisë.
“Komenti i parë është që dua të falënderoj median për ndjekjen e këtij procesi. Dshmitarët janë thirrur nga prokuroria për të dëshmuar. Sot, përfaqësuesi, shefi i sektorit të drejtorisë juridike theksoi se çdo akt që ka nxjerrë ministri, ka qenë në përputhje me ligjin. Sa i përket thirrjes së dëshmitarëve, ky është detyrim i prokurorisë, që t’i bëjë të mundur të jenë prezent. Nëse s’kanë pyetje vetë për dëshmitarët, të kenë dëshirën që të dëgjojnë pyetjet tona.
Mendoj se nëse ka mangësi se si ka vepruar prokuroria, nuk është përgjegjësi e mbrojtjes. Duhet ta kishin bërë dhe me dëshmitarët që ka thirrur prokuroria. Mendoj se është kompania që ka pasur kontratën. Kompania ka bërë transaksionet që ka bërë këtë proces. Kam pritur 17 vjet, jam gati te pyetem për çdo gjë”, tha Mediu.
Gjykata më herët i ka kërkuar policisë të njoftojë Mihal Deligjorgjin dhe Dritan Minxollin, të cilët kërkohen si dëshmitarë, por ende nuk janë gjetur adresat e tyre. Ish-ministri i Mbrojtjes, Fatmir Mediu akuzohet për shpërdorim detyre nga SPAK në lidhje me tragjedinë e Gërdecit, ku nga shpërthimi i punishtes së demontimit të armëve mbetën 26 të vrarë dhe qindra të plagosur.
TIRANË- Ish-ministri i Mbrojtjes Fatmir Mediu është paraqitur para pak minutash në ambienet e SPAK, pasi pritet të mbahet seanca e radhës për çështjen "Gërdeci".
Kujtojmë se seanca e fundit u shty për shkak të mungesës së gjyqtares Irena Gjoka, e cila ishte angazhuar në një aktivitet.
Shtyrja e seancës bëri që të shtyhet edhe marrja në pyetje e 4 dëshmitarëve të paraqitur, mes të cilëve, Dritan Minxolli, ish-drejtor i fabrikës së Gërdecit dhe ish-ushtarakut Sokol Ngjeçi.
