Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Një aksident i rëndë ka ndodhur mëngjesin e sotëm në aksin Sarandë-Ksamil. • Një motor me turistë italianë është përplasur me një makinë tip Mercedes, e cila drejtohej nga një 17-vjeçar. • Nga aksidenti kanë humbur jetën drejtuesi i motorit dhe pasagjeri me emrat Gritto Domenico dhe Vicenzo Tizziano. • Shkaku i aksidentit ende nuk dihet. • Ndërkohë që për shkak të aksidentit, është pezulluar nga puna shefi i Policisë Rrugore Sarandë Adriatik Shehu. • Po ashtu ka nisur menjëherë hetimi administrativo-disiplinor për të gjithë zinxhirin komandues të Sektorit të Policisë Rrugore në Drejtorinë Vendore të Policisë Vlorë
6 artikuj për këtë temë.
Vincenzo Tizzano, 32-vjeç, ishte në Shqipëri me mikun e tij, Domenico Gritto, 24-vjeç për pushime dhe për të festuar ditëlindjen. Mediat italiane shkruajnë se pak para se të humbiste jetën së bashku me mikun e tij Domenico Gritto, Tizzano ishte duke festuar ditëlindjen.
Tragjedia pas ditëlindjes së 32-vjeçarit
Gritto dhe Tizzano po ktheheshin nga një klub, pasi festonin ditëlindjen e këtij të fundit. Dinamika e aksidentit po hetohet nga policia lokale, e cila ka kryer konstatimet në vend. Autori 17-vjeçar u ndalua për shkelje të qarkullimit rrugor, me pasojë vdekjen e dy personave (nuk kishte leje drejtimi duke qenë i mitur) dhe për drejtim të parregullt. Ai së shpejti do të merret në pyetje.
Domenico Gritto, 24-vjeç dhe Vincenzo Tizzano, 32-vjeç, rreth orës 3 të mëngjesit, po ktheheshin me skuter në Sarandë (nga Ksamili), një qytet bregdetar shumë i preferuar nga pushuesit italianë, kur një Mercedes Benz, i drejtuar nga një 17-vjeçar i doli para.
Nga ana tjetër, 17-vjeçari që drejtonte makinën dhe një i moshës së tij kanë mbetur të plagosur lehtë dhe janë transportuar për në spitalin e Sarandës.
ITALI- Mediat italiane kanë përcjellë lajmin e rëndë ku dy turistë italianë humbën jetën në një aksident tragjik. Domenico Gritto, 23-vjeç dhe Vincenzo Tizzano, 33-vjeç, me origjinë nga Pozzuoli, humbën jetën mëngjesin e sotëm nga një aksident rrugor në Sarandë. Mediat italiane kanë publikuar fotot e dy turistëve që humbën jetën.
SHKRIMI
Dy të rinj nga Pozzuoli (Napoli), Vincenzo Tizzano, 33-vjeç dhe Domenico Gritto, 23-vjeç, të dy me banim në Monterusciello, humbën jetën gjatë natës në një aksident në Shqipëri, ku ndodheshin me pushime. Ata po ktheheshin në banesat e tyre, pasi festuan ditëlindjen e Tizzano-s. Sipas hetimeve, motori i tyre është përplasur me një Mercedes, që drejtohej nga një 17-vjeçar, i cili do t'i kishte prerë rrugën mjetit të tyre.
Përplasja ka ndodhur rreth orës 03:00 të mëngjesit të sotëm, më 24 gusht, përgjatë rrugës që lidh Sarandën me Ksamilin. Dy të rinjtë napolitantë, me motor Honda, po vijonin drejt Sarandës; janë përplasur me një Mercedes që shkonte në drejtim të kundërt në të cilin ndodheshin një 17-vjeçar, ndonëse pa leje drejtimi, dhe një 16-vjeçar. Burimet vendase bëjnë të ditur se sipas asaj që është hetuar nga policia, aksidenti është shkaktuar nga një manovër e papritur e Mercedesit, i cili ka ndryshuar papritur drejtim duke i prerë rrugën motorit.
Trupat e dy napolitanëve kishin mbetur të ngecur poshtë automjetit, dhe janë nxjerrë më vonë. Dy të rinjtë italianë kanë vdekur menjëherë nga plagët e rënda. Nga ana tjetër, dy të miturit mësohet se kanë mbetur të plagosur lehtë dhe janë shtruar në spitalin e Sarandës.
SARANDË- 17-vjeçari Elio Rr., i cili përplasi për vdekje dy turistët italianë në orët e para të mëngjesit, është vënë në pranga. I riu akuzohet per dy vepra penale: “shkelje e rregullave të qarkullimit rrugor” me pasojë vdekjen e disa personave sipas nenit 290/4 dhe “drejtim i automjeteve në menyrë të parregullt” sipas nenit 291.
Dy turistë italianë, Gritto Domenico dhe Vicenzo Tizziano humbën jetën në aksident. Motori me të cilin lëviznin nga Ksamili drejt Sarandës, u përplas nga një mjet tip "Mercedes Benz" që drejtohej nga 17-vjeçari. Aksidenti ndodhi rreth orës 03:00, në aksin rrugor Sarandë-Ksamil, në vendin e quajtur “Hidrovor”.
“Benzi” që drejtohej nga 17-vjeçari Elio Rr., i ka prerë rrugën motorit. Për pasojë ndërruan jetë në vend dy turistët italianë.
TIRANË- Pezullohet nga detyra shefi i seksionit të policisë rrugore të Sarandës dhe ka nisur një hetim për zinxhirin komandues për shkak të aksidentit që ndodhi në orët e para të mëngjesit në aksin rrugor “Sarandë–Ksamil”.
Reagim i Drejtorisë së Përgjithshme të Policisë së Shtetit
Drejtori i Përgjithshëm i Policisë së Shtetit ka urdhëruar ngritjen e një grupi të posaçëm, me specialistë nga Drejtoria e Standardeve Profesionale dhe nga Departamenti për Sigurinë Publike (Drejtoria e Policisë Rrugore) në Drejtorinë e Përgjithshme të Policisë së Shtetit, për të analizuar rastin, për të nxjerrë përgjegjësitë në lidhje me shkakun e ndodhjes së këtij aksidenti, si dhe për menaxhimin në tërësi të qarkullimit rrugor në territorin e bashkisë Sarandë.
Ndërkohë, është pezulluar menjëherë nga detyra Shefi i Seksionit të Policisë Rrugore në Komisariatin e Policisë Sarandë, Nënkomisar A. Sh. Pezullimi i tij u bë në zbatim të nenit 209, të Rregullores së Policisë së Shtetit, për shkelje të rëndë të atributeve/kompetencave të Policisë, në lidhje me pasojat e aksidentit të ndodhur në orët e para të mëngjesit të sotëm, në aksin rrugor “Sarandë –Ksamil”, ku humbën jetën 2 turistë italianë, konkretisht shtetasit D. D., 24 vjeç dhe V. T., 32 vjeç.
Gjithashtu, ka nisur menjëherë hetimi administrativo-disiplinor për të gjithë zinxhirin komandues të Sektorit të Policisë Rrugore në Drejtorinë Vendore të Policisë Vlorë, për mospërmbushje të procedurave standarde të punës, në lidhje me marrjen e masave për parandalimin e aksidenteve rrugore, gjatë sezonit turistik.
Policia e Shtetit është e angazhuar maksimalisht, 24/7, në të gjithë territorin e vendit, për të garantuar rendin dhe sigurinë publike, si dhe për të parandaluar aksidentet rrugore. Në këtë kuadër fton qytetarët që të denoncojnë çdo shkelje të rregullave të qarkullimit rrugor dhe çdo paligjshmëri në tërësi, duke iu garantuar anonimat të plotë, reagim të menjëhershëm dhe profesional.
SARANDË- Policia ka konfirmuar vdekjen e dy personave italianë që u përfshinë në një aksident në vendin e quajtur 'Hidrovori'. Sipas forcave blu, në aksin rrugor Sarandë-Ksamil, automjeti tip “Mercedes Benz”, me drejtues shtetasin E. R., 17 vjeç, është përplasur me një motomjet tip “Honda”. Si pasojë e përplasjes kanë humbur jetën shtetasi italian D. G., 24 vjeç dhe një shtetas tjetër, ende i paidentifikuar, që udhëtonin me motomjetin tip “Honda”.
Drejtuesi i automjetit, shtetasi E. R. është dërguar në spital, bashkë me shtetasin M. R., pasagjer në automjet.
NJOFTIMI I POLICISË:
Rreth orës 03:00 të datës 24.08.2023, në aksin rrugor Sarandë-Ksamil, në vendin e quajtur “Hidrovor”, automjeti tip “Mercedes Benz”, me drejtues shtetasin E. R., 17 vjeç, është përplasur me një motomjet tip “Honda”. Si pasojë e përplasjes kanë humbur jetën shtetasi italian D. G., 24 vjeç dhe një shtetas tjetër, ende i paidentifikuar, që udhëtonin me motomjetin tip “Honda”.
Drejtuesi i automjetit, shtetasi E. R. është dërguar në spital, bashkë me shtetasin M. R., pasagjer në automjet. Grupi hetimor po punon për sqarimin e rrethanave të aksidentit.
SARANDË- Një aksident i rëndë ka ndodhur mëngjesin e sotëm në aksin Sarandë-Ksamil. Mësohet se një motor është përplasur me një makinë. Nga aksidenti kanë humbur jetën drejtuesi i motorit dhe pasagjeri, të cilët ishin turistë italianë.
Dy turoistët italianë që kanë humbur jetën nga aksidenti janë Gritto Domenico dhe Vicenzo Tizziano. Në vendngjarje ka shkuar policia së bashku me grupin hetimor për të bërë të mundur zbardhjen e ngjarjes.
