EKZEKUTIMI i Vuksanit brenda banesës në Shkodër, arrestohet pas 21 orësh autori, u fsheh në shtëpinë e një gruaje

Pamje nga vendi i ngjarjes

Pas 21 orësh në kërkim, policia  e Shkodrës, së bashku me forcat speciale RENEA, kanë bërë të mundur arrestimin e Lekë Vuksanit, 34-vjeçari që dyshohet se ka vrarë me armë zjarri, Petrit Vuksanin, ngjarje e ndodhur mesditën e së martës në këtë qytet.

Pas kreu krimin, ai është larguar nga vendi i ngjarjes, duke marrë me vete edhe armën tip kallashnikov. 34-vjeçari ka qëndruar gjatë pasdites i fshehur pak metra larg banesës ku dyshohet se vrau Petrit Vuksanin, bashkëfshatarin e tij me të njëjtin mbiemër por që nuk kanë lidhje familjare.

Pas kontrolleve të policisë nëpër të gjithë zonën por edhe vëzhgimeve me drone, ai është ndjerë i frikësuar dhe në orët e mbrëmjes është futur me dhunë në shtëpinë e një gruaje, në rrugën “Pjetër Budi” duke e kërcënuar nën presionin e armës për t’a strehuar dhe për të mos njoftuar uniformat blu.

Këto të fundit, kanë arritur ta lokalizojnë 34 vjeçarin dhe pas negociatave edhe me forcat RENEA, mëngjesin e kësaj të mërkure, ka pranuar të bashkëpunojë dhe të mos kundërshtojë forcat e rendit. Lekë Vuksani më pas është arrestuar dhe në banesën ku ishte futur me dhunë i është gjetur edhe arma me të cilën ka kërcënuar gruan e shtëpisë por njëkohësisht edhe arma me të cilën dyshohet se ka kryer krimin.

Ndërkohë prokuroria e Shkodrës, po vijon hetimet për vrasjen  ku po merret ne pyetje 34 vjeçari. Pista kryesore është ajo e konfliktit për qiranë e banesës, ku ai nuk i ka paguar paratë pronarit dhe më pas e ka vrarë./TopChannel

Leke Vuksani

SHKODËR- Ky është momenti i arrestimit të Lekë Vuksanit, autorit të vrasjes së Petrit Vuksanit. Policia bën të ditur se Vuksani u lokalizua në një banesë në rrugën “Pjetër Budi”, Shkodër, ku ishte strehuar pasi kishte kërcënuar pronaren e kësaj banese për t’i hapur derën dhe për të mos kallëzuar.

Në këtë banesë, u gjet edhe arma e zjarrit automatik me të cilën dyshohet se autori kreu vrasjen. 

NJOFTIMI I POLICISË:

Pas 21 orësh kërkime dhe ndjekje, lokalizohet, kapet dhe vihet në pranga autori i dyshuar i vrasjes së kryer mesditën e djeshme, në lagjen “Tom Kola”. Gjendet dhe sekuestrohet arma e zjarrit automatik me të cilën dyshohet se u krye vrasja.

34-vjeçari u lokalizua në një banesë në rrugën “Pjetër Budi”, Shkodër, ku ishte strehuar pasi kishte kërcënuar pronaren e kësaj banese. Strukturat operacionale të DVP Shkodër dhe ato të Komisariatit të Policisë Shkodër, në bashkëpunim me Forcën Speciale RENEA, pasi 21 orësh, si rezultat i kërkimeve dhe ndjekjes së pandërprerë policore, me mbështetjen e informacioneve të siguruara nga inteligjenca informative, kanë bërë të mundur lokalizimin, kapjen dhe vënien në pranga të shtetasit L. V., 34 vjeç, banues në Shkodër. 34-vjeçari u lokalizua në banesën e një shtetaseje, në rrugën “Pjetër Budi”, Shkodër, banesë në të cilën kishte mundur të strehohej pasi gjatë natës kishte kërcënuar pronaren e kësaj banese për t’i hapur derën dhe për të mos kallëzuar.

Gjithashtu, në të njëjtën banesë, u gjet edhe arma e zjarrit automatik me të cilën dyshohet se autori kreu vrasjen. Shtetasi L. V. dyshohet se rreth orës 12:15, të ditës së djeshme, në lagjen “Tom Kola”, vrau me armë zjarri automatik, në banesë, shtetasin P. V., 51 vjeç. Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon punën për dokumentimin e plotë ligjor të këtij rasti.

Petrit dhe Leke Vuksani

SHKODËR- Arrestohet pas 21 orësh arrati, autori i vrasjes së Petrit Vuksanit, Lekë Vuksani. Policia e Shkodrës, në bashkëpunim me forcat speciale RENEA, kanë mundur të lokalizojnë dhe arrestojnë autorin 34-vjeçar i cili kreu një ditë më parë vrasjen. Sipas forcave blu, u bë gjetja dhe sekuestrimi edhe i armës së zjarrit tip automatik, me të cilën dyshohet se autori kreu krimin. 

"Pas 21 orësh kërkime dhe ndjekje, Policia e Shkodrës, në bashkëpunim me Forcën Speciale RENEA, kap dhe vë në pranga autorin e dyshuar të vrasjes së 51-vjeçarit. Lokalizohet, kapet dhe vihet në pranga shtetasi L. V., 34 vjeç, banues në Shkodër. Policia gjen dhe sekuestron armën e zjarrit automatik me të cilën dyshohet se autori kreu krimin. Ky shtetas dyshohet se rreth orës 12:15, të datës 02.05.2023, në lagjen “Tom Kola”, vrau me armë zjarri automatik, në banesë, shtetasin P. V., 51 vjeç. Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon punën për dokumentimin e plotë ligjor të këtij rasti"- njofton sot policia. 

Një ditë më parë, Lekë Vuksani, rreth orës 12:15, u fut brenda banesës së Petrit Vuksanit, duke e qëlluar disa herë me armë zjarri. Pas krimit, ai u arratis, për t'u arrestuar ditën e sotme. Motivi i krimit, raportohet të ketë qenë largimi i Lekës nga banesa dhe qiraja. Viktima i kërkoi Lekë Vuksanit që të lironte shtëpinë që i kishte lënë me qira gjatë kohës që nuk ndodhej në Shqipëri./Dosja.al

Petrit Vuksani

TIRANË- Një ditë më parë u vra me armë zjarri Petrit Vuksani në Shkodër. Autori, ishte Lekë Vuksani, i cili qëlloi për vdekje në shtëpinë e tij 51-vjeçarin, në lagjen “Tom Kola” të Shkodrës (Lexo më shumë). Shkak, sipas të gjitha informacioneve që ka gazetarja Kalaja, u bë pikërisht fakti se viktima i kërkoi Lekë Vuksanit që të lironte shtëpinë që i kishte lënë me qira gjatë kohës që nuk ndodhej në Shqipëri.

Raportohet se pavarësisht mbiemrit që është një koincidencë, molla e sherrit ka qënë fakti që viktima është kthyer nga Anglia para 1 muaji dhe ka kërkuar që të lirohet banesa.

Lekë Vuksani nuk ka rënë dakord duke thënë se kishte një kontratë dhe nuk mund ta nxirrte nga shtëpia. Konfliktet kishin rreth 1 muaj që vijonin. Ngjarja duket të ketë qenë e paramenduar, pasi Lekë Vuksani ka shkuar dhe ka hapur zjarr ndaj 51-vjeçarit në banesë.

Autori i dyshuar nuk njihej si person problematik dhe rezulton pa precedentë penalë./Dosja.al