Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Një ngjarje e rëndë ka ndodhur në orët e para të mëngjesit në rrugën “Xhanfize Keko” në Tiranë. • 52-vjeçari, Jakup Shahu ka qëlluar me thikë në bark dhe qafë gruan e tij. • 46-vjeçarja, Edlira Shahu ndodhet në spital jashtë rrezikut për jetën, ndërsa autori është arrestuar dhe akuzohet për veprën penale “Vrasja për shkak të marrëdhënieve familjare mbetur në tentativë”. • Sipas raportimeve shkak i kësaj ngjarjeje është bërë xhelozia nga ana e 52 vjeçarit. • Jakup Shahu rezulton person me precedent penal dhe sapo kishte dalë nga burgu. • Në vitin 2011 ka bërë vrasje dhe ka kryer 13 vite burg. • Çifti ishin prindër të një fëmije, e cila nuk ka qenë në banesë në momentin e ngjarjes. • Kanë qenë fqinjët ata që kanë dëgjuar të bërtiturat dhe kanë lajmëruar policinë.
3 artikuj për këtë temë.
TIRANË- Janë zbardhur detaje të reja lidhur me 52-vjeçarin, Jakup Shahu i cili goditi me thikë gruan e tij në qafë dhe në trup. Autori është arrestuar menjëherë nga policia, ndërsa sapo kishte dalë burgu, pasi ishte dënuar me 13 vite burg për një vrasje në Selitë të Tiranës në 2011.
Si plagosja e orëve të para të mëngjesit të sotëm ashtu dhe vrasja në 2011 kishin të njëjtin motiv: xhelozinë. Gjithashtu raportohet se para gjashtë muajsh ai ishte arrestuar nga policia e Tiranës për dhunë, por ka bërë burg vetëm tre ditë e më pas është lënë i lirë.
Vrasja në 2011
Gjatë një sherri mes banorëve të komunitetit rom në atë kohë në Selitë, Jakupi ka vrarë me kallashnikovë Arjan Mejdanin ndërsa shoku i tij Agron Isiu, plagosi dy të tjerë, babain e viktimës, Bujar Mejdani dhe kunati i këtij të fundit, Arben Muharremi. Pas vrasjes, ata tentuan të arratiseshin, por i mbaroi karburanti i makinës dhe u kapën nga policia.
Sherri mes Jakup Shahut dhe viktimës, Arjan Mejdani, ka pasuar si shkak konfliktin e vazhdueshëm të bashkëshorteve të tyre. Gratë e dy protagonistëve të ngjarjes pretendonin për tradhti bashkëshortore.
Shahu, kishte një lidhje jashtëmartesore me bashkëshorten e viktimës Arjan Mejdani. Kjo lidhje fillimisht është zbuluar nga bashkëshortja e autorit, e cila ka kërkuar shpjegime te gruaja e viktimës, pasi sipas saj, ishte ajo që i vardisej të shoqit.
Sipas dëshmitarëve, të cilët janë pyetur nga policia, gruaja e të dyshuarit Jakup Shahu, një javë para ngjarjes, ka shkuar për te lokali i viktimës, aty ku ndodhi edhe vrasja, dhe ka nisur të debatojë me gruan e Arjan Mejdanit, duke e akuzuar se i kishte marrë bashkëshortin.
Sherri mes dy grave ka vijuar pothuajse çdo ditë. Për konfliktin e vazhdueshëm është vënë në dijeni viktima Arjan Mejdani. Pasi ka dëgjuar variantin e gruas së tij, me të cilën kishte 3 fëmijë, Mejdani ka shkuar të takojë të dyshuarin Jakup Shahu, i cili banonte pranë shtëpisë së Mejdanit.
Duke debatuar me të, në mes është futur bashkëshortja e Shahut, e cila ka rrëfyer edhe historinë e tradhtisë nga ana e të shoqit dhe gruas së viktimës. Ky debat është bërë dy ditë para se të ndodhte ngjarja e rëndë mbrëmjen e së mërkurës. Sipas burimeve nga grupi hetimor, ky ka qenë edhe shkaku i debatit që nisi para se të përdoreshin armët.
Fillimisht viktima dhe të plagosurit kanë nisur të debatojnë me dy autorët në lokalin e tyre dhe më pas ata kanë nxjerrë armët nga një makinë që ishte i parkuar para lokalit dhe kanë nisur të qëllojnë në drejtim të tyre, ku Arjani ndërroi jetë 15 minuta pasi mbërriti në spitalin e Traumës dhe u plagosën dy familjarët e tij.
TIRANË- Një ngjarje e rëndë ka ndodhur në orët e para të mëngjesit në rrugën “Xhanfize Keko” në Tiranë. 52-vjeçari, Jakup Shahu ka qëlluar me thikë në bark dhe qafë gruan e tij.
46-vjeçarja, Edlira Shahu ndodhet në spital jashtë rrezikut për jetën, ndërsa autori është arrestuar dhe akuzohet për veprën penale “Vrasja për shkak të marrëdhënieve familjare mbetur në tentativë”. Sipas raportimeve shkak i kësaj ngjarjeje është bërë xhelozia nga ana e 52 vjeçarit.
Jakup Shahu rezulton person me precedent penal dhe sapo kishte dalë nga burgu. Në vitin 2011 ka bërë vrasje dhe ka kryer 13 vite burg. Çifti ishin prindër të një fëmije, e cila nuk ka qenë në banesë në momentin e ngjarjes. Kanë qenë fqinjët ata që kanë dëgjuar të bërtiturat dhe kanë lajmëruar policinë.
TIRANA- Një ngjarje e rëndë është regjistruar rreth orës 02:15 në rrugën “Xhanfize Keko” në Tiranë ku 52-vjeçari me inicialet E. Xh., dyshohet se ka goditur me mjet prerës në trup dhe në qafë bashkëshorten e tij. Mësohet se 46-vjeçarja ndodhet në spital nën kujdesin e mjekëve. Ndërkohë autori i dyshuar u arrestua në flagrancë për veprën penale "Vrasja për shkak të marrëdhënieve familjare", mbetur në tentativë.
Njoftimi:
Tiranë/Informacion paraprak
Më datë 23.05.2024, rreth orës 02:15, në rrugën “Xhanfize Keko”, shtetasi J. Sh., 52 vjeç, dyshohet se ka goditur me mjet prerës në trup dhe në qafë, bashkëshorten e tij, shtetasen E. Sh., 46 vjeçe.
46-vjeçarja ndodhet në spital nën kujdesin e mjekëve, ndërsa autori i dyshuar u arrestua në flagrancë për veprën penale "Vrasja për shkak të marrëdhënieve familjare", mbetur në tentativë. Grupi hetimor po punon për sqarimin e rrethanave të ngjarjes.
