Censi 2023/ Publikohen të dhënat e matjeve: 2.4 mln banorë në Shqipëri

Censi

TIRANË- Sot u publikuan rezultatet e Censit të popullsisë për vitin 2023. Gjetjet janë interesante dhe sipas shifrave që prezantoi kreu i INSTAT, Elsa Dhuli në Shqipëri jetojnë 2 402 113 banorë. Ndërkohë, sa i përket besimit fetar, 4 përqind janë përgjigjur se janë ateistë, 1.1 milionë myslimanë, katolikë 202 mijë, ortodoksë 174 mijë, bektashinj 116 mijë. Bie në sy se numri i besimtarëve të deklaruar të krishterë të besimit katolik janë më shumë se ata ortodoksë.

Fetë

Mysliman – 1.101.718
Mysliman-Bektashi 115.644
Krishterë-katolikë 201.530
Krishterë – Ortodoks 173.645
Ungjillorë – 9658
Tjetër besim – 3670
I pacilësuar – 332.155
Ateist – 85.311
Nuk përgjigjen – 244.331
Nuk disponohet – 134.451

Gjetjet

Minoritetet

Grekë – 23 485 persona

Egjiptianë – 12 400 persona

Romë – 9 800 persona

Bullgarë – 7 100 persona

Boshnjakë – 3 mijë persona

Maqedonas (Maqedonia e Veriut) – 2281 persona

Arumunë – 2 500 persona

Nuk janë përgjigjur – 134 451 persona

fotot ilustruese

SHQIPRI- Të dhënat e INSTAT-it për censin e popullsisë kanë zbuluar statusin e qytetarëve të Shqipërisë. Mësohet se sipas rezultateve të censit 2023, 54.9% e popullsisë në vendin tonë është e martuar. Ndërsa 36.6% e popullsisë së Shqipërisë përbëhet nga beqarë.

Konkrerisht, statusi martesor është:

54.9% të martuar 

36.6% beqar

7% i ve

1.4% të divorcuar.

Ines Nurja

TIRANË- Drejtuesja e Departamentit të Statistikave në Partinë Demokratike, Ines Nurja u shpreh se INSTAT ka manipuluar të dhënat. Në një deklaratë për mediat, pasi konferencës në INSTAT për censin në Shqipëri, Nurja tha se Eurostat ka treguar nga të dhënat se nga Shqipëria janë larguar 900 mijë banorë. Duke folur për numrin e banesave të shtuara, Nurja tha se nuk mund të jenë shtuar vetëm me 70 mijë për 12 vite sepse në një llogaritje të thjeshtë vetëm në Tiranë për 3 muaj Erjon Veliaj ka dhënë 231 mijë metra katrorë për ndërtim.

Deklarata e PD-së:

Sot INSTAT publikoi të dhënat e Census-it për numrin e popullsisë dhe banesave. Në të dyja rastet ka manipulim. Sepse, sipas INSTAT popullsia në Shqipëri është 2.4 milionë dhe për 12 vjet janë shtuar vetëm 70 mijë banesa. Ky është një mashtrim krye e këput. E para, manipulimi i të dhënave me numrin e popullsisë së mbetur në Shqipëri. Sipas të dhënave nga EUROSTAT, nga Shqipëria janë larguar mbi 900 mijë banorë vetëm në vendet e Bashkimit Europian, pa përfshirë këtu ata që janë larguar në Britaninë e Madhe, Kanada, Autrali, SHBA etj, për të cilët nuk ka një llogaritje zyrtare. E dyta, numri i banesave nuk mund të jetë shtuar vetëm me 70 mijë për 12 vite sepse në një llogaritje të thjeshtë vetëm në Tiranë për 3 muaj Erjon Veliaj ka dhënë 231 mijë metra katrorë për ndërtim. INSTAT-i ka mashtruar edhe me numrin e banesave.

Numri real i popullsisë ka qenë një çështje shumë e diskutuar si pasojë e largimeve të shumta nga Shqipëria në vitet e fundit. Si rrjedhim, përgjigje për këtë mund ta jepte vetëm një regjistrim popullsie i rregullt dhe i saktë, i cili sipas rezultateve të publikuara sot nuk ka ndodhur. Censusi duhet të ishte kryer ne vitin 2021, por: • U planifikua fillimisht në 2020 dhe nuk u krye për arsye të pandemisë. • Pas kësaj u shty përsëri në 2021 për arsye së përkonte me zgjedhjet e përgjithshme qendrore. • Në 2022, u shty përsëri për një arsye totalisht qesharake që INSTAT nuk arriti të bënte tenderin për blerjen e 8 mijë tabletave, diçka e paarsyeshme dhe e pabesueshme. Arsyeja e vërtetë është që qeverisë Rama nuk i intereson të dijë sa kemi ngelur.

Këtë arsye e përforcon dhe më tepër fakti që edhe kur u zhvillua në vitin 2023 pasi u shty dy herë, rezultatet dolën rreth 8 muaj më vonë me një arsyetim totalisht të pabesueshëm: ‘Të dhënat duhen të jenë të sakta’. Ndërkohë që në CENSUS-in e vitit 2011 të dhënat paraprake në nivel vendi dhe qarku kanë dalë pas gjashtë javësh (CENSUS-i u bë në tetor 2011 dhe rezultatet dolën më 21 dhjetor 2021). Ndërsa në vitin 2023 të dhënat për popullsinë e regjistruar duhen të dilnin sa të përfundonte dhe pyetësori i fundit sepse janë përdorur tabletat dhe çdo pyetësor shkon direkt në databazë. Ndërsa të dhënat në nivel qarku dhe bashkie mund të kërkonin disa javë më shumë. Pra 12 vjet më vonë të dhënat donin 8 muaj per t’u përpunuar gjë që është totalisht e pavërtetë. Po të shohim vendet e rajonit që ka përdorur të njëjtën metodogji me tableta i kanë botuar në një kohë më të shkurtër.

1. Kosova e zhvilloi CENSUS-in në 4 prill deri në 24 maj 2024. Më datë 27 maj është dhënë popullsia rezidente si numër, ndërsa më 12 korrik 2024 do publikohen ta dhënat ma ta detajuara paraprake (afërsisht për 7 javë). 2. Serbinë e zhvilloi CENSUS-in 1 deri 31 tetor 2022 dhe publikoi të gjitha rezultatet për 7 javë më datë 21 dhjetor 2022. 3. Mali i Zi e zhvilloi censusin 3 deri 30 Dhjetor 2023 dhe i publikoi rezultatet paraprake me 25 janar 2024 pra në më pak se një muaj. Sot del një shifër totalisht e pabesueshme nisur nga të dhënat indirekt te publikuara nga Eurostati: Instat jep një shifër te manipuluar pasi mbi këtë shifër do bëhet çdo politikë ekonomike dhe sociale për dhjetëvjeçarin e ardhshëm. Shpopullimi i Shqipërisë tashmë është i dokumentuar në databazën e vendeve ku kanë emigruar duke shkretuar vendin tonë nga fuqia punëtore, profesionistët, të rinjtë dhe fëmijët. Kjo politikë spastruese duhet të marrë fund. Më 11 Korrik të gjithë në protestë.

Foto ilustruese

TIRANË- INSTAT ka publikuar sot të dhënat e Censit të Popullsisë dhe Banesave 202. Ky është censi i tretë i kryer në Shqipëri, prej nga viti 1990, dhe i dymbëdhjeti në historinë e censeve në vend, prej vitit 1913. Të dhënat treguan një tkurrje prej gati 14% të popullsisë, rritje të moshës mediane në 42.5 vjeç. Ndërsa madhësia e një familjeje është reduktuar, në 3.2 anëtarë, nga 3.9 në 2011.

-Popullsia banuese në Republikën e Shqipërisë më 18 shtator 2023 rezultoi 2.402.113, me rënie prej 420 mijë persona, krahasuar me Censin e 2011. Popullsia banuese në Shqipëri, sipas numërimit në momentin e censit – mesnatën e së dielës dhe mëngjesin e së hënës 17-18 shtator 2023 rezulton 2,402,113, prej të cilëve, 49,6 për qind janë meshkuj dhe 50,4 për qind femra. Referuar Censit të Popullsisë dhe Banesave 2011, popullsia banuese në Shqipëri ishte 2.821.977, me një rënie prej 420 mijë banorë. Kjo rënie përshtatet me trendin e vërejtur gjatë tre dekadave të fundit, që prej Censit të vitit 1989. Numri i lindjeve ka ardhur në rënie, nga 53 mijë në vitin 2001 në 34 mijë në vitin 2011, ndërsa, numri i vdekjeve në këtë periudhë mbeti në nivele të qëndrueshme, rreth 20 mijë vdekje në vit, duke rezultuar me një shtesë natyrore pozitive.

Gjithashtu, referuar periudhës 2011-2023, popullsia e Shqipërisë karakterizohej nga një shtesë natyrore pozitive deri në vitin 2020, dhe në 2021 mbas pandemisë COVID-19, numri i vdekjeve tejkaloi numrin e lindjeve. Për vitin 2023, nga të dhënat administrative rezultuan rreth 24 mijë lindje dhe 22 mijë vdekje, duke shënuar rikthim në shtesën natyrore pozitive.

-Mosha mesatare e popullsisë së Shqipërisë sipas regjistrimit të popullsisë dhe të banesave në vitin 2023 është 42.5 vjeç, nga 35.3 vjeç në Censusin e vitit 2011.

Të dhënat e censit tregojnë se 96,8 për qind e popullsisë së moshës 15 vjeç e lart kanë përfunduar ose janë duke ndjekur shkollën, 97,2 për qind meshkuj dhe 96,4 për qind femra. Përqindja e popullsisë së moshës 15 vjeç e lart që nuk ka ndjekur asnjëherë shkollën ka rënë nga 4,1 për qind në Censin e vitit 2011 në 3,2 për qind në Censin e vitit 2023. Më shumë se gjysma (55,0 për qind) e popullsisë së moshës 15 vjeç e lart kanë përfunduar arsimin e mesëm ose arsimin e lartë. Për popullsitë përkatëse meshkuj dhe femra, kjo shifër është 57,9 për qind dhe 52,1 për qind. 38,8 për qind e popullsisë 15 vjeç e lart ka përfunduar arsimin e mesëm të ulët, dhe 34,8 për qind kanë përfunduar arsimin e mesëm të lartë, i konsideruar dhe si niveli minimal që ndihmon individët të kenë një pjesëmarrje të plotë në shoqëri dhe për të jetuar një jetë të plotë. Rreth 0,6 për qind e popullsisë 15 vjeç e lart nuk ka përfunduar asnjë nivel arsimor.

Njësitë Ekonomike Familjare dhe banesat

Pjesa më e madhe e popullsisë, 88,1 për qind jetonin në NjEF me përbërje tradicionale të bërthamave familjare 9 (fëmijë, bashkëshort, bashkëjetues dhe prindër). Nga pjesa tjetër e popullsisë (11,9 për qind), 7,6 për qind e tyre deklaruan se nuk kishin lidhje familjare dhe 4,3 për qind e popullsisë jetonin vetëm. Nga 103 mijë persona të cilët jetonin vetëm, 62,5 për qind e tyre ishin 60 vjeç e lart.

Bërthamat familjare më të shpeshta përbëheshin nga çifte të martuara ose bashkëjetues me fëmijë, 52,2 për qind, e ndjekur nga çifte të martuara ose bashkëjetues pa fëmijë, 37,5 për qind, ndërkaq prindërit e vetëm me fëmijë përbënin vetëm 10,3 për qind të tyre.

Pronësia, pajisjet afatgjata dhe shërbimet

Shumica e NjEF private (82,5 për qind) janë pronarë të banesës ku jetojnë ose janë në proces të marrjes së aktit ligjor të pronësisë. NjEF që jetojnë në banesa me qira përbënin 8,8 për qind të NjEF gjithsej dhe 8,7 për qind me marrëveshje tjetër banimi të pronësisë.

NjEF në Shqipëri zotërojnë më së shumti pajisje afatgjata kryesore si: televizorë, frigoriferë, telefon celular dhe lavatriçe, të paktën nga 96 për qind e NjEF (Figura 3.3). Pjesa më e madhe e NjEF, më shumë se 74 për qind kanë sistem fizik të lidhjes së internetit10

Qasja në teknologjinë e informacionit dhe komunikimit është rritur ndjeshëm që nga censi i kaluar. Zotërimi i televizorëve (5,6, pikë përqindje), TV dekoder (55,9 pikë përqindje), kompjuter ose laptop (8,3 pikë përqindje) dhe telefon celularë (9,4 pikë përqindje). Lidhja fizike e linjës së internetit ka shënuar rritje të konsiderueshme krahasuar me censin e mëparshëm, me 62,2 pikë përqindje. Ndërsa, zotërimi i telefonit fiks ka rënie të konsiderueshme, nga 28,5 për qind në 8,5 për qind të NjEF./ Monitor

Foto ilustruese

TIRANA- Teksa numri i banorëve u tkurr me rreth 400 mijë ndërmjet vitit 2011-2023, sipas rezultateve të Censit, stoku i banesave është rritur me gati 400 mijë që nga regjistrimi i vitit 2011. Sipas të dhënave zyrtare të censit në vitin 2023 rezultuan 1,082,529 banesa në të gjithë më një shtesë 57% që nga 2011 ku rezultuan 686, 405 banesa.

“Ky cens, vlerësoi në territorin shqiptar në datë 18 shtator 2023, 2 412 113 banorë, të cilët përbëjnë 755 950 familje, me madhësi mesatare 3.2 anëtarë për familje, të cilët jetojnë në 1 082 529 banesa të zakonshme. Por, nuk do të mjaftohemi me rezultatet që do të ndahen me ju sot, pasi puna dhe angazhimi ynë do të vijojë për sigurimin e informacioneve të detajuara, në nivel qarku, bashkie apo njësie më të vogël gjeografike. Analiza dhe studime tematike do të kryhen për fusha të ndryshme të jetës. Këto analiza do të jenë për përdoruesit një burim informacioni për të ndërtuar një të ardhme më të mirë, më të barabartë dhe të qëndrueshme për të gjithë shoqërinë”.

Sektori i ndërtimi është përfshirë në zhvillime të vrullshme vitet e fundit, duke bërë që për çdo 2.2 banorë të ketë një banesë. Të dhënat me detajuara për banesat dhe popullsinë do të publikohen gjatë muajit dhjetor. Drejtoresha e INSTAT Elsa Dhuli tha se, Censi është një fotografi e çastit që i referohet datës 17 tetor. Sipas saj, gjatë tre dekadave të fundit në demografinë e vendit kanë ndodhur zhvillime të rëndësishme.

Censet kanë ofruar të dhëna të vlefshme për të hartuar politika më të mira në të gjitha fushat, arsim, shëndetësi, ekonomi dhe zhvillim të qëndrueshëm. Ajo tha se Censi plotësoi një nga kushtet për negociatat dhe do të bëhen pjesë e statistikave të popullsisë. Në u përballem me sfida tha ajo për zhvillimin e këtij censi që nga tërmeti, të pandemia dhe gjetja e punonjësve në çdo njësi gjeografi të vendit.

“Aplikuam teknologji dhe ndeshëm sfida në marrjen në informacionin në terren. Kemi punuar me seriozitet. Siguria që të dhënat të jenë të mbrojtura ishte një sfidë. Përdorëm një sistem gjeo-hapsinor të digjitalizuar dhe metodologjitë shin të harmonizuara me standardet”, tha ajo./ Monitor

Elsa Dhuli

TIRANA- Drejtoresha e INSTAT, Elsa Dhuli, ka prezantuar rezultatet e censit, të vitit 2023. Dhuli tha se censi u arrit të realizohet pas disa sfidave që vendi kaloi. Një element i rëndësishë e që pritej me mjaft interes ishte numri i popullsisë në territorin shqiptar. Kështu, në bazë të të dhënave në Shqipëri rezultojnë 2.412.113 banorë.

Për të bërë një krahasim me censusin e vitit 2011 ku popullsia ishte 2,831,741 banorë, mund të themi se popullsia e vendit ka rënë me 409,831 banorë ose afro 17%.

“Ky cens, vlerësoi në territorin shqiptar në datë 18 shtator 2023, 2 412 113 banorë, të cilët përbëjnë 755 950 familje, me madhësi mesatare 3.2 anëtarë për familje, të cilët jetojnë në 1 082 529 banesa të zakonshme. Por, nuk do të mjaftohemi me rezultatet që do të ndahen me ju sot, pasi puna dhe angazhimi ynë do të vijojë për sigurimin e informacioneve të detajuara, në nivel qarku, bashkie apo njësie më të vogël gjeografike. Analiza dhe studime tematike do të kryhen për fusha të ndryshme të jetës. Këto analiza do të jenë për përdoruesit një burim informacioni për të ndërtuar një të ardhme më të mirë, më të barabartë dhe të qëndrueshme për të gjithë shoqërinë”, tha Dhuli.

Sektori i ndërtimi është përfshirë në zhvillime të vrullshme vitet e fundit, duke bërë që për çdo 2.2 banorë të ketë një banesë. Të dhënat me detajuara për banesat dhe popullsinë do të publikohen gjatë muajit dhjetor.

Drejtoresha e INSTAT Elsa Dhuli tha se, Censi është një fotografi e çastit që i referohet datës 17 tetor. Sipas saj, gjatë tre dekadave të fundit në demografinë e vendit kanë ndodhur zhvillime të rëndësishme. Ajo tha se Censi plotësoi një nga kushtet për negociatat dhe do të bëhen pjesë e statistikave të popullsisë.