Berisha kandidat i vetëm/ Përfundojnë zgjedhjet në PD: Kryedemokrati konfirmohet në si kryetar

selia pd

KORÇË- Ka përfunduar numërimi në Korçë për zgjedhjen e kreut të Partisë Demokraike. Sipas të dhënave, nga 4.721 anëtarë me të drejtë vote në këtë degë, në votim kanë marrë pjesë 435 anëtarë, duke reflektuar një pjesëmarrje relativisht të ulët në proces.

417 vota janë konsideruar të vlefshme dhe 18 të pavlefshme ndërsa 392 anëtarë kanë qenë pro Sali Berishës, 18 kundër dhe 7 kanë abstenuar.

Mbyllet numërimi në Maliq:

724 pro

7 kundër

4 të pavlefshme

Mbyllet numërimi për Pustecin:

15 votues nga 66 aktivë.

13 PRO

1 ABSTENIM

1 E PAVLEFSHME

Mbyllet numërimi në Kolonjë:

213 pro

4 abstenim

Mbyllet numërimi në Korçë:

392 pro

18 kundër

7 abstenim

18 te pavlefshme./Dosja.al

GJIROKASTËR-  Ka përfunduar numërimi i votave për zgjedhjet e brendshme të Partisë Demokratike në degën e Gjirokastrës.

Kreu aktual Sali Berisha, i cili ishte kandidati i vetëm në garë për kreun e ri të partisë, ka siguruar 270 vota pro.

Sipas rezultateve zyrtare, u regjistruan gjithashtu 11 vota kundër, 5 abstenime dhe 5 vota të pavlefshme./Dosja.al

Ervin Salianji

TIRANË-  Ervin Salianji ka reaguar pas publikimit të shifrave nga seli blu rreth pjesëmarrjes në zgjedhjet për kreun e PD-së.

Në një postim në Facebook, Salanji këmbëngul se pjesëmarrja e demokratëve në zgjedhje është disa herë më e ulët se numri që pretendon opozita.

Sipas Salianjit, deri në orën 18:00, në referendum kanë marrë pjesë në të gjithë Shqipërinë vetëm 3885 anëtarë, ndërkohë nga ana tjetër, deputetja Albana Vokshi deklaroi se deri në orën 18:00 kanë marrë pjesë mbi 28 mijë demokratë në nivel kombëtar.

Postimi i Salianjit: 

"Braktisje totale e farsës për të uzurpuar PDSh!
Demokratët përbuzën dhe poshtëruan provokimin për gjasme zgjedhje; pjesëmarrja ne degët qëndër qarku deri në përfundim në orën 18:00;
Votues që morën pjesë: 3,885
Tiranë 1,072
Durrës 321
Kukës 370
Korçë 165
Dibër 194
Lezhë 345
Elbasan 256
Berat 141
Vlorë 210
Gjirokastër 120
Fier 220
Shkodër 471
Tani teatri me shtyrje orari ishte i tepért, votojnë miliona shqiptarë dhe nuk shtyhet si mund të shtyhet tek degët e medha qe ne total kanë as 20.000 votues sipas uzurpatorit por nderkohë nuk kanë votuar as 4000 gjithsej!", shkruan Salianji./Dosja.al

foto nga procesi

TIRANË- Procesi i votimit për referendumin për kryetarin e Partisë Demokratike është mbyllur në disa qarqe të vendit, ndërsa mësohet se, ka nisur faza e numërimit të votave.

Procesi ka përfunduar në qarkun e Dibrës, si dhe në disa në qytete si Kavaja, Lushnja dhe Saranda, ku tashmë kanë nisur edhe procedurat e numërimit të fletëve të votimit.

Në Berat dhe Skrapar ka nisur ose ka përfunduar numërimi, duke shënuar kalimin në fazën përmbyllëse të procesit zgjedhor në këto qytete. Procesi pritet të mbyllet  në të gjitha njësitë organizative, ndërsa rezultatet përfundimtare do të dalin pas mbylljes së numërimit në çdo qendër votimi./Dosja.al

Ivi Kaso

TIRANË- Komisioni i Organizimit dhe i Kontrollit të Operacioneve Elektorale (KOKOE) ka vendosur të shtyjë orarin e votimit në disa degë të mëdha të Partisë Demokratike deri në orën 19:00.

Sipas njoftimit të Kasos, ky vendim erdhi pas kërkesave të disa degëve të mëdha dhe degëve në qendrat e qarqeve, ku kishte ende fluks të lartë votuesish dhe pritej që ky fluks të vazhdonte.

Kaso gjithashtu,u bën thirrje të gjithë anëtarëve në degët e mëdha të Tiranës dhe të qarqeve që të shfrytëzojnë këtë orë shtesë për të ushtruar të drejtën dhe detyrimin e tyre statutor për të votuar.

Deklarata e Kasos: 

"Jam këtu përpara jush për të ndarë një komunikim në emër të Komisionit të Organizimit dhe të Kontrollit të Operacioneve Elektorale. Sikurse e dini, edhe me vendim të KOKOE-s është parashikuar ora 18:00 si orari i mbylljes së procesit të zgjedhjeve të ditës së sotme. Si pasojë e disa kërkesave që kanë ardhur pranë KOKOE-s nga disa degë të mëdha, sikurse është edhe dega 2 që voton këtu në seli, KOKOE ka marrë vendim që për këto degë të mëdha, të cilat, në të cilat ka fluks votimi dhe presin fluks që të vazhdojë edhe mbas orës 18:00, procesi të qëndrojë i hapur deri në orën 19:00 për këto degë të mëdha, në mënyrë që t'u jepet mundësia të gjithë demokratëve që të votojnë dhe të shprehin pëlqimin e tyre për procesin e rikonfirmimit të kryetarit të partisë.

Është proces i cili është drejt përfundimit në disa degë të vogla, të cilat e kanë ezauruar procesin për shkak të kohëzgjatjes së tyre. Por veçanërisht në degët qendër qarku si dhe në disa degët më të mëdha të Tiranës, të cilët kanë një numër të lartë votuesish, është parashikuar mbas komunikimit të tyre me KOKOE-n, është marrë vendim përkatësisht për çdo degë, që ky proces të mbyllet në orën 19:00. Përfitoj nga rasti t'u bëj thirrje të gjithë demokratëve të degëve të mëdha të Tiranës si dhe të degëve veçanërisht të qendrës së qarkut, të qarqeve më të mëdha të cilat kanë kërkuar që procesi të zgjatet deri në orën 19:00, që të dalin dhe të kenë mundësi që të ushtrojnë të drejtën dhe detyrimin e tyre statutor për të votuar në procesin e sotëm. Faleminderit.", njofton Kaso./Dosja.al

foto ilustruese

TIRANË- Procesi i sotëm i votimit për kreun e Partisë Demokratike është shoqëruar me mesazhe revolte nga ana e disa votuesve.

Në njërën prej fletëve të votimit, një anëtar i PD-së ka zgjedhur të shfaqë hapur pakënaqësinë e tij, duke shënjestruar Sekretarin e Përgjithshëm të opozitës, Flamur Noka.

Vihet re se votuesi e ka lënë krejtësisht të paprekur pjesën ku vendosej fati i kandidatit të vetëm, Sali Berisha. Në fletë nuk është shënuar asnjë opsion, as pro, as kundër dhe as abstenim./Dosja.al

fleta e votimit

Sali Berisha

TIRANË- Kreu i PD-së, Sali Berisha, e cilësoi procesin e referendumit si shembullor dhe demokratik.

Në një deklaratë për mediat, Berisha u bëri thirrje të gjithë anëtarëve që ende nuk kanë votuar, të marrin pjesë në këtë proces, pasi sipas tij përbën një standard të rëndësishëm të funksionimit demokratik modern. Ai u shpreh se, se do të përmbushë me përkushtim të madh detyrimet ndaj besimit të anëtarëve.

Deklarata e plotë:

"Së pari, përshëndes të gjithë demokratet dhe demokratët që kanë votuar gjer tani në mbarë Shqipërinë në një proces shembullor. Në një proces në të cilin në mënyrën më demokratike referendare shprehin besimin ose shprehin vullnetin e tyre për kryetarin apo dhe kundër tij.

Me këtë rast ftoj të gjithë demokratët e tjerë që nuk kanë votuar, të përmbushin këtë detyrim të rëndësishëm statutor. Të përmbushin këtë detyrim të rëndësishëm ndaj një procesi më demokratik që ekziston në të gjitha partitë moderne evropiane dhe botërore, një pjesë të tyre më falni, se janë pakicë.

Shumica përdorin procedura të tjera, duke përfshirë edhe vetëm duartrokitjen në sallë për zgjedhjen e kryetarit. I garantoj, se do të përmbush me përkushtim të madh detyrimet e mia ndaj besimit të tyre, ndaj qëndrimeve të tyre", njoftoi Berisha./Dosja.al

Albana Vokshi

TIRANË- Deputetja e Partisë Demokratike, Albana Vokshi theksoi se procesi i votimit në degët e Partisë po vijon normalisht dhe me pjesëmarrje të rregullt.

Në një deklaratë për mediat, Vokshi njoftoi se deri në orën 15:00, në 77 degët e Partisë Demokratike kanë votuar 28 mijë e 379 anëtarë. Deputetja nënvizoi se listat e votuesve janë përditësuar vazhdimisht, duke reflektuar lëvizjet në diasporë dhe anëtarësimet e reja.

Deklarata e Vokshit:

"Atëherë, kohë pas kohe po jap informacionin e orës 3.Në daljen e fundit ju informuam për pjesëmarrjen midis orës 12 e gjysmë. Nga kontaktet që kemi pasur me të gjitha degët, po ju informoj që pjesëmarrja deri në orën 15:00 në 77 degët e Partisë Demokratike, rezulton që të jetë 28,379 votues. Mendoj që kjo dalje është vetëm për pjesëmarrjen, për procesin e votimit. Me të mbaruar procesi i votimit neve do t'ju japim të gjitha sqarimet për numrin e votuesve të Partisë Demokratike që kanë të drejtë vote dhe janë ftuar sot.

Kjo do të thotë që janë punuar listat, janë pastruar listat. Një pjesë janë larguar në diasporë, por do t'ju japim të gjitha detajet e nevojshme. Pra, jemi transparentë deri në fund, ju kemi dhënë një numër siç është sot. Nesër mund të rritet ai numër sepse ka anëtarësime të reja, mund të zvogëlohet sepse ikin nga diaspora. Pra, është 'working progress', por sot është ky numri i cili është ftuar për të votuar për referendumin, për të zgjedhur kryetarin e Partisë Demokratike. Faleminderit.", njoftoi Vokshi./Dosja.al

TIRANË- Në degën nr 5 në zonën e ‘Vasil Shantos’ në kryeqytet, është shtuar fluksi i demokratëve që i janë drejtuar QV-së për të votuar në referendumin e votëbesimit për kryetarin e PD-së Sali Berisha.

Sipas komisionerëve, procesi ka qenë i qetë, me një kulmim gjatë paradites dhe një rinisje të fluksit pas orës 14:00. Mësohet se mbi, 400 anëtarë kanë hedhur tashmë votën e tyre dhe se, = qendra do të qëndrojë e hapur edhe përtej orarit zyrtar./Dosja.al

Albana Vokshi

TIRANË- Drejtuesja e Komisionit të Operacioneve Elektorale në PD, Albana Vokshi ka dhënë detajet e fundit në lidhje me procesin e zgjedhjeve në Partinë Demokratike.

“Pjesëmarrja deri në orën 13:00 është 19 202 anëtarë. Në asnjë degë nuk është raportuar problem”

Vokshi tregoi dhe porosinë që u është dhënë QV në degë të PD-së: Të zbatohet udhëzimi që të mos lejohet asnjë anëtar për të votuar nëse nuk e ka emrin në listë dhe të lëshuar nga PD.

Demokrati

TIRANË- Një demokrat ka shprehur pakënaqësi lidhur me procesin e zgjedhjeve për kreun e Partisë Demokratike. Në një video, anëtari demokrat e krahasoi situatën me periudhën e diktaturës komuniste.

“Në kohën e Enverit votonim me urdhër për një. U kthye sistemi me urdhra edhe sot në PD”, u shpreh ai./Dosja.al

Mereme Sela

TIRANË- Demokratët duket se e kanë bërë Mereme Selëm pjesë të 'garës' për kryetarin e PD-së. Një anëtar i PD, ia ka dhënë votën mjekes Sela, edhe pse në fletën e votimit ishte vetëm emri i Sali Berishës.

Vota

Që prej orës 08:00 ka nisur procesi i votimit, ku do të jenë mbi 90 qendra votimi në të gjithë vendin./Dosja.al

Ervin Salianji

TIRANË- Ish-deputeti Ervin Salianji ka replikuar në distancë me Sali Berishën, i cili pasi votoi për kreun e PD-së tha se Salianji është një përfaqësues i botës së krimit. Sipas Salianjit, deri më tani në votime nuk kanë marrë pjesë as 1 mijë anëtarë dhe për këtë thotë se do e faktojë me prova reale, edhe nëse Berisha do përpiqet të manipulojë shifrat.

Postimi i Plotë:

Pergjigje për Sali kolltukun; për njeriun më e dhimbshme se humbja është poshtërimi, qesharakëzimi dhe përbuzja përmes talljes. Sot je kthyer në simbolin e votimit pa garë, uzurpatorit pa zgjedhje dhe pa dinjitet politik, vrasesin e shpreses se qytetarëve për ndryshim! Deri tani, në të gjithë Shqipërinë nuk kanë marrë pjesë as 1000 anëtarë. Do t’i faktoj me prova reale sa ka qenë pjesëmarrja dhe si po përgatitesh ta manipulosh atë me shifra false.

Meqë e ke me qejf; Je i pashpresë. Frika nga gara të çoi në uzurpimin e Partisë Demokratike dhe në aleancë të hapur me Ramën për të forcuar regjimin Rama-Berisha. Demokratët nuk ta pranojnë më modelin e partisë private, ku votohet pa zgjedhje dhe përjashtohet kush mendon ndryshe. Bashkë me demokratët do ta çmontojmë regjimin Rama-Berisha dhe do të rrëzojmë praktikat puniste të votimit farsë, që poshtërojnë pluralizmin dhe mbajnë peng opozitën shqiptare. Falenderime pafund per qindra demokrate që me sjellin me foto fletet e votimit dhe mijëra te tjere qe e kane perbuzur farsen duke e bojkotuar!

Albana Vokshi

TIRANË- Deputetja e PD-së Albana Vokshi, në cilësinë e kryetares së Komisionit të Organizimit dhe Kontrollit të Operacioneve Elektorale (KOKOE) në PD deklaroi shifrën e anëtarëve demokratë që janë thirrur për të votuar në referendumin e votëbesimit për kreun e PD-së. Gjatë prononcimit ajo tha se procesi i votimit deri tani po shkon i qetë dhe ka pjesëmarrje të lartë.

"Atëherë, kjo është dalja e parë e KOKOE-s, për të, duke qenë transparentë, po ju informojmë për të dhënat e para që kemi marrë nga 77 degë të Partisë Demokratike. Janë 87 qendra votimi të hapura në orën 8. Votimi do të vazhdojë deri në orën 18. Procesi ka nisur dhe po vijon i qetë, pa asnjë problem, dhe me pjesëmarrje të lartë. Deri në orën 11, në bazë të informacioneve që kemi marrë nga degët, nga komisionet e votimit nga degët, kanë votuar 11.906 votues. Kjo është e dhëna që kemi marrë tani. Të dhënën tjetër për numrin e votuesve do ta japim çdo dy orë ose çdo tre orë deri në orën 18. Dhe në orën 18 më pas do bëjmë mbylljen e të gjithë numërimit dhe pastaj votimin në të gjitha degët," tha Vokshi./Dosja.al

Sali Berisha

TIRANË- Kryetari i Partisë Demokratike, Sali Berisha ka votuar paraditen e sotme në referendumin për kryetarin. Duke folur për gazetarët, Berisha u shpreh se ky është një proces shembullor, ndërsa ka ftuar të gjithë demokratët që të përmbushin këtë detyrim, që rrjedh nga statuti i partisë.

"Përshëndes të gjithë demokratët dhe demokratet që kanë votuar gjer tani në mbarë Shqipërinë në një proces shembullor. Në një proces në të cilin në mënyrën më demokratike referendare i shprehin besimin, ose shprehin vullnetin e tyre për kryetarin apo dhe kundër tij. Me këtë rast ftoj të gjithë demokratët e tjerë që nuk kanë votuar të përmbushin këtë detyrim të rëndësishëm statutor. Të përmbushin këtë detyrim të rëndësishëm ndaj një procesi më demokratik që ekziston në të gjitha partitë moderne evropiane dhe botërore, në një pjesë të tyre më falni se janë pakicë, shumica përdorin procedura të tjera duke përfshirë edhe vetëm duartrokitjen në sallë për zgjedhjen e kryetarit. I garantoj, i garantoj se do të përmbush me përkushtim të madh detyrimet e mia ndaj besimit të tyre, ndaj qëndrimeve të tyre. Faleminderit," tha Berisha./Dosja.al

Sali Berisha

TIRANË- Kryetari Sali Berisha mori pjesë në votim nw referendumin brenda Partisë Demokratike. Berisha u shoqërua në qendrën e votimit nga bashkëshortja e tij, ndërsa procesi vijon normalisht në të gjithë vendin.

Ivi Kaso

TIRANË- Deputeti i PD-së Ivi Kaso i cili është dhe anëtar i Komisionit të Organizimit dhe Kontrollit të Operacioneve Elektorale në PD, deklaroi se procesi i votimit po vijon normalisht pa asnjë problematikë. Nga selia e PD-së ku votoi për referendumin e votëbesimit Ivi Kaso deklaroi se rezultati paraprak do të jepet pak pasi të mbyllen QV ora 18:00 ndërsa rezultati përfundimtar do të konsiderohet i tillë kur kutitë me materiale të votimit do të paraqiten fizikisht në selinë e PD-së së bashku me procesverbalet

“Proces i qetë që ka nisur në të gjithë vendin pa asnjë problematikë, nga informacionet që kemi marrë në të gjithë qendrat në të gjithë Shqipërinë. Ka masivitet deri tani. Jemi duke mbledhur të dhënat e para dhe për pak kohë sa të përpunohen do bëhen publike. Është për të përshëndetur që në një ditë të tillë demokratët janë masivisht në QV në cdo degë të PD-së dhe me votën e tyre do të votëbesojnë kreun e PD-së.

Do të ketë shpallje paraprake të rezultatit në momentin e mbylljes që është parashikuar në orën 18:00. Rezultatet paraprake do të dërgohen përmes komunikimit elektronik pranë selisë qëndrore të PD-së, jo proces verbale. Rezultati përfundimtar do të konsiderohet i tillë kur kutitë me materiale të votimit do të paraqiten fizikisht në selinë e PD-së së bashku me procesverbalet dhe të kemi një hartim të një rezultati përfundimtar që do të jetë zyrtari. Për rezultatin paraprak nuk do të pritet shumë kohë. Në daljen publike që do të bëjë KOKOE për pak kohë do të bëjnë me dije këto detaje,” tha Kaso./Dosja.al

Ervin Salianji

TIRANË- Ish-deputeti Ervin Salianji, ka postuar foto nga fletët e votimit për kreun e PD, ku disa demokratë kanë vënë emrin e tij në fletë. Me anë të një postimi në rrjetet sociale, Salianji shprehet mirënjohës ndaj demokratëve nga e gjithë Shqipëria, të cilët po dërgojnë mesazhe dhe foto nga qendrat e votimit për të treguar se Partia Demokratike nuk është pronë personale.

Ai thekson se reagime kanë ardhur nga degë të ndryshme të vendit, nga Shkodra deri në Korçë, Vlorë, Kukës, Fier, Dibër, Elbasan, Gjirokastër, Berat, Lezhë, Durrës dhe Tiranë. Në fund të reagimit, Salianji shprehet se beteja për rikthimin e Partisë Demokratike tek anëtarët dhe qytetarët do të vazhdojë.

Postimi i Plotë:

Falenderim dhe mirënjohje për çdo demokrat që sot ka zgjedhur të shënojë qartësisht preferencën e tij. Po më vijnë qindra mesazhe dhe foto nga demokratë që, përmes votës, shkrimit të emrit apo refuzimit të farsës, po tregojnë se Partia Demokratike nuk është pronë personale. Ju jam mirënjohës secilit nga Shkodra në Korçë, Vlore, Kukës, Fier, Dibër, Elbasan, Gjirokastër, Berat, Lezhe, Durres e Tiranë. Nga çdo degë po vërshojnë reagimet dhe fotot e fletes se votimit! Falenderim edhe për mijëra demokratë të tjerë që e kanë braktisur dhe përbuzur farsën e uzurpimit të Partisë Demokratike për interesa personale. Kur gara vritet, kur alternativa përjashtohet dhe kur vula përdoret për të mbajtur peng opozitën, demokratët dinë të reagojnë me dinjitet. Këto mesazhe janë më shumë se mbështetje personale. Janë një refuzim i frikës, i imponimit dhe i shndërrimit të PD-së në një strehë për interesa personale! Ne nuk dorëzohemi. Do ta çmontojmë këtë farsë me kurajo, me demokratë të lirë dhe me besimin se Partia Demokratike do t’u kthehet anëtarëve dhe qytetarëve.

PD

TIRANË- Demokratët do tu drejtohen këtë të shtunë kutive të votimit për zgjedhjen e kryetarit që do të drejtojë forcën politike në katër vitet e ardhshme. Në garë do të jetë vetëm lideri historik i demokratëve, Sali Berisha, i cili e ka cilësuar procesin e 23 majit si një “referendum” për drejtimin e partisë.

Procesi i votimit do të nisë në orën 08:00 dhe do të mbyllet në 18:00 në të gjitha degët e demokratëve në rrethe. Ndryshe nga proceset e mëparshme zgjedhore brenda partisë, këtë herë votat do të numërohen në qendrat ku është votuar dhe jo në selinë qendrore të PD-së, ndërsa rezultati pritet të publikohet mbrëmjen e së shtunës.

Gjatë periudhës parazgjedhore, Komisioni i Zgjedhjeve në PD përjashtoi kandidatët që kërkuan të hynin në garë përballë Berishës, duke lënë në fletën e votimit vetëm emrin e tij./Dosja.al