Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
•Banorët e Bërxullës në Bashkinë Vorë kanë dalë ditën e sotme në protestë për autostradën që pritet të lidhë Thumanën me Fierin. •Ata deklarojnë se nuk do të lejojnë vazhdimin e projektit pa u sqaruar më parë për kompensimin e vlerës së tokes apo të shtëpive që preken nga projekti. •Në protestën e sotme nuk kanë munguar tensionet. Disa prej banorëve janë përplasur me policinë, e cila ua ndalonte daljen në rrugë, duke shmangur bllokimin e saj. Një prej banoreve tentoi që t'u dilte para makinave mirëpo u ndalua nga efektivët. • Banorët e zonësthonë se kompania Gener2 që ka fituar projektin me koncesion për 35 vite, në kundërshtim me ligjin, ka nisur punën në terren pa pasur një leje ndërtimi. Ata pretendojnë se nuk kanë marrë asnjë njoftim lidhur me projektin, e as për shpronësimet. •Banorët u shprehën se nëse nuk merren masa për kërkesat e tyre do të protestojnë sërish në ditët në vijim. •Thirrja e tyre shkon për kryeministrin Edi Rama, prej të cilit kërkojnë një takim për negociim. •Janë rreth 200 banorë të Fushë-Prezës dhe Bërxullës, të cilët preken nga shkatërrimi i pronave dhe tokave bujqësore. Një pjesë e këtyre banesave ende janë në proces legalizimi, ndërsa për tokat bujqësore kanë çertifikatë pronësie.
4 artikuj për këtë temë.
TIRANË- Një prej protestuesve në Bërxullë tentoi aktin e rëndë, atë të vetëvrasjes. Edhe pse zona ishte e mbushur me efektivë policie, e moshuara tentoi që të dilte në rrugë duke iu dalë para mjeteve. Qytetarja e cila kundërshton projektin Thumanë-Kashar-Fier, u shpreh se është lodhur duke mos marrë asnjë përgjigje për këtë projekt që rrezikun shembjen e banesave të tyre. Fatmirësisht, ajo u ndalua në kohë nga policia dhe qytetarët.
DEBATI:
Gruaja: Mos më prekni me dorë, asnjë të mos më prekë, aty do dal, në rrugë.
Polici: Bllokimi i rrugës është vepër penale.
Gruaja: Të mos më prekë njeri, jam në të drejtë të zotit. Mos më prekni me dorë, maskara.
Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier. Ata paralajmërojnë bllokimin e rrugës që të çon drejt Rinasit, por kjo tentativë e tyre ka hasur në rezistencën e policisë.
TIRANË- Banorët e Bërxullës dolën ditën e sotme në protestë për të kundërshtuar projektin 'Thumanë-Kashar-Fier'. Një prej tyre, kërkoi takim me kryeministrin Edi Rama, në mënyrë që të gjendet një formë negociimi. Po ashtu, banori sqaroi se protesta e tyre nuk ka lidhje me politikën, pasi kanë bindjen se politikanët pavarësisht grindjeve të tyre në Kuvend, jashtë saj janë miq dhe konsumojnë kafe.
'A kështu do futemi në europë ne? Çdo ditë protesta? I bëj thirrje kryeministrit urgjentisht që të nisë negociatat me qytetarët, firma pse nuk del me një leje? Pse nuk pezullohen ndërtimet direkt kur nuk ka një leje. A ka një projekt? Ne nuk jemi as të majtë e as të djathë, se ata zihen në parlament kurse kafen e pinë bashkë.'- u shpreh ai.
Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier. Ata paralajmërojnë bllokimin e rrugës që të çon drejt Rinasit, por kjo tentativë e tyre ka hasur në rezistencën e policisë.
TIRANË- Me tensione është shoqëruar protesta e sotme në Bërxullë, aty ku banorët kanë dalë në kundërshtim për projektin e rrugës Thumanë-Kashar. Ata janë përplasur me policinë, e cila nuk i lejon që të kalojnë në rrugë. Një prej tyre, paralajmëroi policët se çështja mes tyre do të shkojë deri në SPAK.
'Mos e prek, nesër do ju padis, mbaje mend, nuk e ul gishtin, mos e prek fëmijën. Do ju padis nesër në SPAK, jam në tokën time dhe kjo nuk është rrugë nacionale, se kjo rrugë do prishet. '- thotë qytetari.
Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar. Ata paralajmërojnë bllokimin e rrugës që të çon drejt Rinasit, por kjo tentativë e tyre ka hasur në rezistencën e policisë.
TIRANË- Banorët e zonës së Bërxullës, kanë dalë ditën e sotme në protestë duke kundërshtuar ndërtimin e projektit Thumanë-Kashar. Një prej qytetarëve është shprehur se projekti është ndryshuar disa herë e se nuk është bërë aspak transparencë.
'Nuk firmosim asnjë kontratë. Projekti ka ndryshuar disa herë. Projekti është bërë pa asnjë transparencë.
Mos e shisni veten për 500 mijë lekë. Dhe unë kam qënë dikushi dikur. Po na vjedhin. Nga kryebashkiaku, te deputetë te ministra, sa herë kanë ardhur për të na kërkua vota. I kemi të gjitha me data se sa investim është bërë. Të gjithë e dimë sesa funksionin se kam qënë më lart se ju.
Në kohën kur kam qënë administrator, unë e bëja publike, mblidhja banorët, bëja seminare. Kurse tani as projekt nuk dimë, dhe asgjë. Këta e bëjnë se janë vampira deputetë, asnjë konsultim. Dhe kryetari i Bashkisë ka bërë shkelje. Asnjë gjë nuk është bërë.
Kanë ardhur dy deputetë. Nuk kemi mbështetje as nga politika, as nga Veliaj dhe as nga policia. Kryetari i bashkisë vorë është ping pong, kur ta marrin vesh kur është do jetë shumë vonë. Nuk kam ardhur këtu për të ndalu qarkullimin, po të më vejë piketën të shpia që do shembet nuk e lejoj, më vjen dhe administratori si buf dhe më thotë do ta shembim shtëpinë.'- shprehet një nga banorët.
Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier. Ata paralajmërojnë bllokimin e rrugës që të çon drejt Rinasit, por kjo tentativë e tyre ka hasur në rezistencën e policisë.
