Babai vret djalin në Maliq/ 50-vjeçari i dehur tentoi të hidhte të moshuarin në pus, 77-vjeçari e qëlloi me çekiç në kokë

MALIQ- Dëshmia e 77-vjeçarit që vrau djalin e tij me çekiç në Maliq është zbardhur. Shefki Bylykbashi ka deklaruar para policisë se nuk dnte që ta vriste, por nuk po e duronte dot sjelljen e tij. Sipas tij, djali kishte nisur që të pinte ditë për ditë dhe e bezdiste shumë të moshuarin.

“Më bezdiste shumë kohët e fundit, ai më parë nuk pinte kështu, por filloi të pinte çdo ditë. Nuk duroja dot më këtë sjellje. Nuk doja ta bëja këtë veprim, nuk doja ta vrisja, por nuk po më mbante më durimi, ma solli në atë pikë që nuk duroja dot më”, ishin fjalët që 77-vjeçari ka thënë në polici.

Adriatik Lilo

MALIQ- Banorët e fshatit Zvezdë kanë folur pas ngjarjes së rëndë që ndodhi pasditen e djeshme në Maliq. Ata kanë deklaruar se familja Bylykbashi ka qenë e rregullt dhe se nuk kishin dijeni për problemet që kishin ata në familje.   

Ndërkohë që kryetari i fshatit Adriatik Lilo ka theksuar faktin nse Hamdi Bylykbashi kishte nisur të pinte shumë për shkak se kishte kaluar dy ndarje. Po ashtu ai ka shtuar se ishte ai që lajmëroi ambulancën, pasi i kishin thënë se viktima i kishte rënë murit me kokë në gjendje të dehur.

“Shumë familje e mirë. Këtë që ndodhi askush nuk e besonte. Njerëz të punës, pa fjalë, familje e rregullt. Djali ka pasur nja dy divorce, po nuk është ndonjë gjë. Po bën 1 vit e gjysmë a 2 që është kthyer nga Gjermania. Jetonte me të atin. Pijen e kishte rënduar, mbase dhe ndarja, larg fëmijëve. Unë isha në punë kur më morën në telefon, një djalë nga fshati që punon me makinë dhe më thanë që kishin lajmëruar për të çuar djalin në spital. E kishte marrë familja i kishte thënë hajde se kemi djalin, i ka rënë murit me kokë i dehur dhe duam ta çojmë në spital. Kishte vajtur ky e kishte parë gjak gjithë shtëpia dhe iu kishte thënë s’mund ta fus në makinë, lajmëroni ambulancën. Më merr mua në telefon të lajmëroja ambulancën se djali i Shefkiut i ka rënë murit me kokë dhe është shumë keq. I bie unë ambulancës, vjen ambulanca e merr, në spital deklaruan se ndërroi jetë. Kishte qenë gjallë kur e ka marrë ambulanca”, tha kryetari i fshatit.

Ai tregoi më tej se dhe 77-vjeçari për shkak të gjendjes së të birit ishte në depresion dhe nuk ishte mirë.

“Babai nuk ishte i goditur. Nuk e di çfarë të them se nuk kam qenë aty. I ati si gjithmonë, i njëjti ishte. Ka kaluar depresion, nuk ka qenë mirë dhe i ati këto kohët e fundit. Nuk ka qenë ai Shefki që ka qenë i pari se unë jam rritur me ta dhe i njoh shumë mirë. Kanë qenë familje e nderuar. Vetëm me pijen. Hamdiu ishte djalë i vetëm. S’e kam parë viktimën, më thanë që është shumë keq, me gjak, i dëmtuar, ka çarë kokën dhe duhet ambulanca kaq”, tha ai.

Ndërsa banorët e tjerë kanë shtuar se Hamdoi kishte 4 muaj që ishte kthyer nga Gjermania.  

“Brenda në familje s’e dimë si i kishin brenda familjes, për ne mirë ishin. Ky ishte në Gjermani, rrinte atje, me familje, me fëmijë e të tërë. Kohët e fundit, kishte nja 4 muaj që ishte kthyer në fshat. 50-vjeçari ishte martuar dy herë. Ka tre fëmijë. Pinte si gjithë të tjerët, një gotë raki, djem të rinj. Nuk e dimë asnjë të vërtetën, brenda për brenda familjes”, tha një banor.

Shefki dhe Hamdi Bylykbashi

MALIQ- Fotot e mëposhtme janë të 50-vjeçarit të vrarë nga babai i tij 77-vjeçar Shefki Bylykbashi. Hamdiu u vra pasditen e djeshme në fshatin Zvezdë nga babai i tij, pasi tentoi që ta hidhte atë në pusin me uji. 

Për vetmbrojtje 77-vjeçari mori një çekiç dhe qëlloi në kokë disa herë djalin e tij, i cili ndërroi jetë rrugës për në spital.

Policia

MALIQ- Detaje të reja janë zbardhur nga vrasja e 50-vjeçarit në Maliq. Mësohet se Hamdi Bylykbashi kishte nisur alkoolin rregullisht pas ndarjes nga gruaja e tij. 

Ai kishte disa muaj që ishte kthyer nga Franca dhe jetonte në Maliq, ndërkohë që ish-bashkëshortja jetonte jashtë vendit. Për shkak të alkoolit, Hamdiu u konfliktua ditën e djeshme me babanë e tij, Shefki Bylykbashi. Pasi ndodhi ngjarja familjarët nuk kanë treguar të vërtetën në polici, pasi deklaruar se 50-vjeçari ishte rrëzuar dhe për shkak të plagëve që kishte marrë humbi jetën. 

Policia

MALIQ- Dinamika e vrasjes së rëndë ditën e djeshme në Maliq është zbardhur. Mësohet se Hamdi Bylykbashi, 50 vjeç kishte shkuar në shtëpi i dehur. Në këtë moment ishte konfilktuar me babanë e tij, 77-vjeçarin Shefki Bylykbashi.

Pas debateve verbale, 50-vjeçari tentoi që ta hidhtë babanë e tij në pusin e ujit që kishin në oborrin e banesës. Por i moshuari me një çekiç, qëlloi djalin e tij disa here në kokë. Për shkak të plagëve 5të shumta që mori, Hamdiu humbi jetën në momentin që po transportohej në spital.

Policia

MALIQ- Hamdi Bylykbashi është 50-vjeçari që u vra ditën e djeshme nga babai i tij Shefki Bylykbashi. Ngjarja ndodhur pasditen e djeshme në oborrin e banesës së tyre në Maliq. Fillimisht ka qenë 50-vjeçari Hamdi, i cili i dehur është konfliktuar me babanë e tij 77-vjeçarin me emrin Shefki.

Hamdiu kishte tentuar që ta hidhte babanë në pusin me ujë që ata kanë në oborrin e shtëpisë. Në këtë moment, i moshuari mori një çekiç dhe qëlloi disa herë djalin e tij në kokë. Për shkak të dëmtimeve të shumta, 50-vjeçari humbi jetën në ambulancë teksa po transportohej në spital. 

MALIQ- Vdekja e 50-vjeçarit ditën e djeshme në Maliq është zbardhur. Fillimisht ngjarja u raportua si një ngjarje aksidentale, ku 50-vjeçari Hamdi Bylykbashi i dehur ishte rrëzuar dhe për shkak të dëmtimeve kishte vdekur. Por bëhet me dije se 50-vjeçari në gjendje të dehur pasditen djeshme ishte konfliktuar me babain e tij, 77-vjeçarin Shefki Bylykbashi të cilin kishte tëntuar ta hidhte në një pus. Por i moshuari kishte marrë një çekiç dhe e qëlloi djali disa herë në kokë dhe si pasojë e dëmtimit të rëndë, 50-vjeçari humbi jetën rrugës për në spital.

Njoftimi i Policisë:

Maliq/U raportua fillimisht si ngjarje aksidentale, por pas hetimeve të thelluara nga grupi hetimor zbardhet ngjarja e ndodhur pasditen e djeshme, në fshatin Zvezdë, ku humbi jetën 50-vjeçari H. B. Vihet në pranga babai i viktimës, autor i dyshuar i vrasjes (me sende të forta) të djalit të tij. Shërbimet e Komisariatit të Policisë Maliq, pasditen e djeshme, pas marrjes së njoftimit se në spitalin e Korçës, ishte sjellë i pajetë shtetasi H. B., 50 vjeç, banues në fshatin Zvezdë, Maliq, menjëherë kanë shkuar në spital dhe në vendngjarje, me qëllim verifikimin e rastit.

Fillimisht familjarët e tij kanë deklaruar se 50-vjeçari, duke qenë në gjendje të dehur, ishte rrëzuar aksidentalisht në banesën e tij dhe për pasojë kishte marrë dëmtime në kokë. Pas hetimeve të thelluara të kryera nga grupi hetimor i përbërë nga specialistët për Hetimin e Krimeve të Komisariatin e Policisë Maliq dhe specialistët e Seksionit për Hetimin e Krimeve të Rënda të DVP Korçë, nën drejtimin e Prokurorisë së Rrethit Gjyqësor Korçë, u bë e mundur zbardhja e plotë e rrethanave të kësaj ngjarjeje. Nga hetimet e thelluara dhe provat e siguruara rezultoi se pasditen e djeshme, 50-vjeçari duke qenë në gjendje të dehur, është konfliktuar në banesë me babain Sh. B., 77 vjeç, të cilin ka dashur t'a hedhë në pusin e ujit në oborr.

Më pas 77-vjeçari, e ka goditur disa herë në kokë me mjete të forta (çekiç që përdoret për të thyer gurë), ku si pasojë e dëmtimit të rëndë, 50-vjeçari ka humbur jetën gjatë transportimit për në spitalin e Korçës. Në vijim të veprimeve procedurale, u bë arrestimi në flagrancë i shtetasit Sh. B., 77 vjeç, për veprën penale "Vrasja për shkak të marrëdhënieve familjare". Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.