Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
• Kryetari i Partisë së Lirisë, Ilir Meta deklaroi ditën e sotme se akzuat e ngritura ndaj tij për sigurims të shtetit janë kryer nga Qeveria dhe nga Drejtori i Agjencisë për Media dhe Informim, Endri Fuga. • Gjatë konferencës së sotme me gazetarët, Meta paralajmëroi se do të marrë masa ligjore ndaj Autoritetit të Dosjeve për akuzat e ngritura ndaj tij. • Meta tha se është verifikuar një herë për çështjen nëse ka qenë apo jo i përfshirë në Sigurimin e Shtetit, në kohën e Berishës.
8 artikuj për këtë temë.
TIRANË- Kryetari i Partisë së Lirisë, Ilir Meta deklaroi ditën e sotme se mbrëmjen e djeshme ishte i ftuar në një darkë nga Presidenti Bajram Begaj, aty ku ishte e pranishme dhe ambasadorja Yiuri Kim. Ai u shpreh se duroi deri në fund të mbrëmjes, si dhe tha se dëgjoi disa fjalime të një halldupi.
'Unë kam qenë i ftuar nga Presidenti i Republikës në një darkë ku ishte dhe ambasadorja amerikane dhe përfaqësues të ndryshëm të institucioneve. Në ftesat që kam patur nga Presidenti dhe ambasadat. Kam dëgjuar dhe një fjalim qesharak të një halldupi aty, por për shkak të marrëdhënieve me SHBA, kam qëndruar me durim. Nuk mendoj që është momenti në këto situate varfërie për të harxhuar miliona euro për festa dhe gjëra të tilla. Është e drejtë e tyre. Përkushtimi më serioz në marrëdhëniet me SHBA, është lufta kundër korrupsionit. Në këto vite, Shqipëria ka rënë 27 vende për korrupsionin. Angazhimi më i madh i Partisë së Lirisë është revolucioni antikorrupsion.'-tha Meta.
TIRANË- Kryetari i Partisë së Lirisë Ilir Meta ka bërë një denoncim ditën e sotme. Gjatë një konference për shtyp me gazetarët, Meta ka deklaruar se një situatë e rëndë ka ndodhur në Tepelenë për sa i përket korrupsionit. Ai ka thënë se sipas qytetarëve që kanë bërë denoncimin 1.5 km rrugë By-passi pa TVSH nmë Tepelenë ka kushtuar 23 mld euro.
"Sa i takon korrupsionit, baza e triumfit të lirisë, dua të falënderoj qytetarë nga Tepelena që kanë denoncuar një situatë të rëndë në Tepelenë ku 1.5 km rrugë By-passi pa TVSH ka kushtuar 23 mld euro. Hajdutllëk i tmerrshëm thotë një qytetar. Nuk është e mora vetëm për bazë atë denoncim, pasi bëra verifikim se vlera e kontratës është 2 mln e 389 mln lekë pa TVSH, 24 mln lekë. Ishte planifikuar që të dilte nga krahu tjetër i lumit, 11 mln euro. Shkon 28 mln euro për 1.5 km. Ne do t’i denoncojmë dhe do t’i ndjekim këto plaçkitje në mënyrë profesionale. Në këtë forcë politike do të promovohen ata që kanë prova me fakte”, tha Meta.
TIRANË- Kryetari i Partisë së Lirisë, Ilir Meta tregoi ditën e sotme se emri i tij doli si sigurims i shtetit falë një loje që është kryer nga qeveria. Gjatë konferencës me gazetarët, Meta u shpreh se Lindita Nikolla nuk disponon asnjë dosje e se kjo është kryer nga Drejtori i Agjencisë për Media dhe Informim, Endri Fuga.
'Nikolla nuk ka asnjë dosje. Të jeni të sigurtë për këtë çështje, ajo merr letrat që ia fabrikon Endri Fuga, bëjnë lojëra në media.'-tha Meta.
TIRANË- Kryetari i Partisë së Lirisë, Ilir Meta deklaroi ditën e sotme se nuk ka SPAK e Prokurori që të shpëtojë Autoritetin e Dosjeve nga hetimi. Gjatë konferencës për mediat, Meta u shpreh se është 10 hapa para të gjithëve e se e di shumë mirë se kush ua ka dërguar e-mail që pretendonte se ai është sigurims.
'Unë kam të qartë çdo gjë, jam 10 hapa para të gjithëve. Përpjekja e tyre karagjozëve për shkak se kanë karaktere të përshtira, Unë kam punë të tjera, sot na erdhi denoncimi për bypassin. Ne do të jemi duke dokumentuar vjedhjet e tyre. Nuk ka prokurori e SPAK që ta shpëtojë Autoritetin nga kjo.'- tha Meta.
TIRANË- Kryetari i Partisë së Lirisë, Ilir Meta bëri të ditur se është ngritur një grup pune i cili do të merret në lidhje me akuzat që janë ngritur ndaj tij nga Autoriteti i Dosjeve. Gjatë konferencës për mediat, Meta tha se Autoriteti do të mbajë përgjegjësi ligjore.
'Do mbajnë përgjegjësi ligjore, për këtë rast është një grup pune. Unë jam 1 milionë përqind i pastër. Unë e di shumë mirë burimin e kësaj intrige dhe interesin për të manipuluar opinionin publik. Tani nuk ka më opozitë që e shet ndeshjen 5 vjet para, tani ka opozitë të vërtetë, ky regjim i kalbur do ta rrëzojë përdhe shumë shpejt, se ata përdhe janë, po i kishte zënë përsipër gjumi e nuk kishte kush ti dilte si alternativë. Tani alternativa është e qartë.'- tha Meta.
TIRANË- Kryetari i Partisë së Lirisë, Ilir Meta deklaroi ditën e sotme se Autoriteti i Dosjeve do të përballet me ligjin për akuzat që ka ngritur ndaj tij. Gjatë konferencës për mediat, Meta tha se nuk ka qënë asnjëherë në konvikt, siç thuhet në dosje në akuzat që janë ngritur ndaj tij, se është sigurims i shtetit.
' Jam i sigurtë që qëndrimi edhe i deputetëve të Partisë së Lirisë do të jetë transparencë e plotë për cilindo që ka qenë bashkëpunëtor i Sigurimit të Shtetit i favorizuar apo gjithçka tjetër. Absolutisht Partia e Lirisë është në krye të betejës për të shembur këtë sistem të kalbur të shantazhit që nuk bëhet, por bëhet me metoda banale, sigurimsash për të tërhequr vëmendjen nga vjedhjet që iu bëhen popullit dhe për të mbajtur në shantazh politikanë, gazetarët etj.
Eshtë një përgjegjësi e madhe, e Autoritetit që po përmenden emra në publik. Emra të cilët dikur kanë qënë 19 vjec e sot i kanë fëmijët 20 vjec. Se Autoriteti i Dosjeve është institucion që duhet të kujdeset në mënyrën më të përgjegjshme që të mos rilëndohen viktimat e asaj periudhe. Autoriteti e di se Ilir Rexhep Metaj nuk ka qënë bashkëpuntor i shtetit, se ka qënë i konfirmuar që në kohën e të madhërishmit Berisha. Ato e dinë shumë mirë se kush ka qënë bashkëpuntori se ajo ndodhet në dy dosjet. Ashtu sikurse e dinë se Meta nuk ka jetuar në konvikt e nuk ka pasur mundësi që të spiunojë, unë që 1 vjec kam ardhur në Tiranë, kam bërë çerdhen te Pazari i Ri. Nuk kam jetuar në asnjë kohë në konvikt. Personi ne fjalë, këtë çështje nuk e ka diskutuar asnjëherë, se Meta nuk kishte në plan të arratisej në atë kohë se kishte në plan të dilte me të gjitha 10-ta e të dilte pedagog. Do të përmbajnë dhe përgjegjësi individuale. '- u shpreh Meta.
TIRANË- Kryetari i Partisë së Lirisë, Ilir Meta iu drejtua administratës me një thirrje. Gjatë konferencës për mediat, Meta kërkoi nga punonjësit që të mos bashkëpunojnë me qeverinë të cilën e quajti bandë.
'Siç e theksova, me këtë forcë politike do të promovohen ato që luftojnë korruopsionin me prova, do promovohen më shumë kur partia bashkë me opozitën të jenë në krye të vendit. Na duhen njerëz të tillë që nesër të promovojnë luftën kundër korrupsionit. Mos të bëhen bedelë, e dini fatin e ish minitrave e të tjerëve të cilën u bene kurban.'- tha Meta.
TIRANË-Kryetari i Partisë së Lirisë, Ilir Meta deklaroi ditën e sotme se emigrimi i të rinjve është kthyer në një problem të rëndë për vendin. Në konferencën për mediat, Meta tha se Shqipëria po zbrazet nga emigrimi masiv i të rinjve.
'Problem shumë madhor për shoqërinë tonë. Tregon një krizë të madhe të shoqërisë sonë, të vendit tonë. Tema ka të bëjë me emigrimin e minorenëve shqiptarë pa prindër. Shqipëria nuk po zbraz vetëm nga truri por dhe nga fëmijët, nga ata pa prindër. Raporti mujor, i ministrisë së çështjes sociale të Italisë, tregon se numri i fëmijëve zë vendin e tretë të atyre pas Ukraina dhe Egjipti. Duke lënë pas shumë vende që janë në konfliktit. '- tha Meta.
