Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Detaje të reja nga aksidenti tragjik në Kosovë i cili ndodhi mbrëmjen e djeshme datë 22 shkurt. • Arlind Isufaj 21- vjeç, Mergim Behluli 23- vjeç, Armend Muhadini 39- vjeç dhe një person tjetër i cili nuk është identifikuar ende por mësohet se është punonjës i Drejtorisë së Bujqësisë në Komunën e Ferizajt janë personat të cilët kanë humbur jetën në aksidentin tragjik në rrugën Ferizaj-Shtime. • Vdekjen e tyre e ka konfirmuar ekipi mjekësor që doli në vendin e ngjarjes, ndërsa si pasojë e këtij aksidenti kanë mbetur të lënduar edhe një çift. • QKUK konfimroi se gruaja ishte shtatzënë dhe ndodhet në gjendje kritike për jetën. • Zëdhënësi i Policisë së Kosovës për rajonin e Ferizajt, Kanun Veseli, ka deklaruar se në aksident janë përfshirë tre makina me targa vendore. Policia e Kosovës ka nisur hetimet rreth rastit.
4 artikuj për këtë temë.
KOSOVË- Dy persona të tjerë, burrë e grua kanë mbetur të plagosur rëndë nga aksidenti i djeshëm në Kosovë, ku humbën jetën 4 persona. Ata janë transferuar në Qendrën Klinike Universitare të Kosovës (QKUK).
Nga QKUK kanë thënë se gruaja e plagosur është në gjendje të rëndë shëndetësore, ndërsa burime brenda Qendrës kanë konfirmuar që ajo është shtatzënë.
“Një grua e datëlindjes 1996, është në gjendje të rëndë, ekipet mjekësore emergjente po bëjnë maksimumin, kurse personi tjetër që po merr trajtim ka lëndime më të lehta”- kanë thënë nga QKUK për Kallxo.
Prokurori Besnik Nuredini, i cili hetoi në vendin e ngjarjes, ka dhënë detaje në lidhje me rastin. Ai tha se katër viktimat kanë qenë në të njejtin makinë. Prokurori tha se për tre viktimat vdekja është konstatuar në vendin e ngjarjes ndërsa viktima e katërt ka vdekur në Emergjencë në Ferizaj.
KOSOVË- Besnik Nuredini, prokurori i cili hetoi në vendin ku ndodhi aksidenti tragjik në Kosovë mbrëmjen e djeshme në rrugën Ferizaj-Shtime, ku humbën jetën 4 persona dhe u plagosën dy të tjerë ka deklaruar se në aksident janë përfshirë fillimisht dy automjete më një makinë e tretë për të evituar përplasjen ka rënë në hendek.
“Në një automjet dyshohet se kanë qenë katër persona, në automjetin tjetër të aksidentuar janë dy të plagosurit që janë në gjendje të rëndë. Derisa vetura e tretë duke tentuar për të shmangur përplasjen, ka lëshuar rrugën dhe ka rënë në hendek”, deklaroi prokurori i rastit Nuredini.
Arlind Isufaj 21- vjeç, Mergim Behluli 23- vjeç, Armend Muhadini 39- vjeç dhe një person tjetër i cili nuk është identifikuar ende por mësohet se është punonjës i Drejtorisë së Bujqësisë në Komunën e Ferizajt janë personat të cilët kanë humbur jetën në aksidentin tragjik të mbrëmjes së djeshme në rrugën Ferizaj-Shtime. Vdekjen e tyre e ka konfirmuar ekipi mjekësor që doli në vendin e ngjarjes, ndërsa si pasojë e këtij aksidenti kanë mbetur të lënduar edhe një çift, që pësuan lëndime të rënda trupore. Zëdhënësi i Policisë së Kosovës për rajonin e Ferizajt, Kanun Veseli, ka deklaruar se në aksident janë përfshirë tre makina me targa vendore. Ndërkaq, edhe dy persona të tjerë janë duke marrë trajtim mjekësor si pasojë e lëndimeve nga aksidenti që ndodhi në dalje të Shtimes. Policia e Kosovës ka nisur hetimet rreth rastit.
KOSOVË- Policia ka zbardhur detaje të tjera lidhur me aksidentin tragjik me katër viktima që u shënua mbrëmjen e djeshme në rrugën Ferizaj-Shtimë në Kosovë. Sipas policisë njëra nga makinat që u perplas me dy të tjera ka dalë nga rruga. Shoferi i mjetit ka humbur kontrollin dhe ka përplasur dy makinat e tjera të cilat kanë kaluar në këtë rrugë dhe po lëviznin në drejtim të kundërt. Policia njofton se si pasojë e aksidentit, përveç katër viktimave, lëndime trupore kanë pësuar edhe dy persona të tjerë të cilët janë dërguar në QKUK për trajtim mjekësor.
“Ka ndodhur aksident trafiku në mes të tri veturave me targa vendore, deri te aksidenti dyshohet se ka ardhur kur drejtuesi i njërës nga veturat për arsye deri më tani të pa njohura, humb kontrollin mbi veturë dhe godet dy veturat tjera të cilat ishin duke lëvizur në drejtim të kundërt. Nga ekipi mjekësor në vendin e ngjarjes është konstatuar se tre viktima meshkuj kosovarë janë pa shenja jete, ndërsa tre të lënduar tjerë janë dërguar në emergjencën e Ferizajt, ku më pas ka ndërruar jetë edhe viktima e katërt mashkull kosovar ndërsa dy të lënduarit e tjerë janë dërguar në QKUK Prishtinë për tretman të mëtutjeshëm mjekësor. Në vendin e ngjarjes ka dalë edhe prokurori i shtetit”, thuhet në raportin e sotëm të policisë.
Aksidenti tragjik u shënua mbrëmjen e së mërkurës datë 22 shkurt në rrugën Ferizaj-Shtimë. Tre automjetet janë përplasur me njëra tjetrën duke shkaktuar vdekjen efatale të 4 personave.
KOSOVË- Katër persona humbën jetën mbrëmjen e kaluar në një aksident tragjik në Kosovë. Aksidenti ku janë përfshirë 3 automjete ka ndodhur në aksin rrugor Ferizaj -Shtime, në hyrje të Shtimes. Vikimat e këtij aksidenti tragjik janë Arlind Isufaj, 21-vjeç, Mergim Behluli, 23-vjeç dhe Armend Muhadini, 39-vjeç. Identiteti dhe mosha e viktimës së katërt ende nuk është bërë e ditur.
Në lidhje me aksidentin tragjik kanë reaguar edhe miqtë dhe të njohurit e viktimave të cilët shprehin ngushëllimet e tyre për tragjedinë e ndodhur.
Kryetari i Komunës së Ferizajt, Agim Aliu ka njoftuar se njëri nga të vdekurit në aksident ishte punonjës i Drejtorisë së Bujqësisë. Aliu, këtë e bëri të ditur përmes një shkrimi në Facebook, ku u shprehu ngushëllime familjarëve të viktimave.
“Pa fjalë, të tronditur nga aksidenti i sontëm në magjistralen Ferizaj-Shtime, ku humbën jetën 4 bashkëqytetarë, dy prej tyre nga fshati Dremjak i Ferizajt e dy nga Komuna e Shtimes, në mesin e tyre edhe një punonjës i Drejtorisë së Bujqësisë në Komunën e Ferizajt”.
