Afera e Inceneratorit të Tiranës/ SPAK lëshon sot gjashtë urdhërarreste, Këlliçi: Kamikazja me 3 mbiemra i dha kohë grupit kriminal të arratisen

foto e postuar nga kellici

TIRANË- Anëtari i Kryesisë së Partisë Demokratike, Belind Këlliçi ka risjellë në vëmendje përmes një postimi në rrjetet sociale, mungesën e një reagimi zyrtar lidhur me operacionin e SPAK për Inceneratorin e Tiranës.

Këlliçi shkruan se deri më tani janë 132 milionë euro nga taksat e qytetarëve të Tiranës të djegura nga inceneratori. Ai shtron disa pyetje se “çfarë vallë, ta ketë detyruar SPAK të dështojë në mënyrë kaq spektakolare?”. Ndërkohë në fund të postimin ka ironizuar raportin e SPAK që do të paraqitet të hëjnë para Kuvendit të Shqipërisë.

POSTIMI I KËLLIÇIT: 

Ende asnjë njoftim zyrtar nga “super mega” aksioni i SPAK për inceneratorin fantazmë të Tiranës, të cilin edhe sot pronari faktik e pagoi 80.000 euro nga taksat tona! Zero arrestime, zero ndalime!

Deri më tani janë 132 milionë euro nga taksat e qytetarëve të Tiranës të djegura nga inceneratori, së bashku me ato masat e famshme të ndalimit për Grupin e Strukturuar Kriminal dhe kreun e grupit Erion Veliaj!!!

Vallë çfarë mendoni, të dashur miq, ta ketë detyruar SPAK të dështojë në mënyrë kaq spektakolare?

a) Gjoba që pronari faktik thotë se ka paguar në SPAK

b) Të qenit “kolegë” me pronarin faktik

c) Urdhër nga ai i “gjati” që firmosi bonusin 8%

d) Të gjitha opsionet e mësipërme

Jepni lirisht mendimet tuaja të dashur miq!

PS: Shumë kurioz jam për raportin e punës së SPAK përpara Kuvendit të Shqipërisë ditën e hënë! Me siguri do flitet për arritje dhe suksese të reja të reformës në drejtësi!

sali berisha

TIRANË- Kreu i Partisë Demokratike, Sali Berisha ka publikuar një denoncim në rrjete sociale, ku shprehet se se po zhduken dokumente dhe po anullohen fletë-arreste në SPAK lidhur me aferën e inceneratorit të Tiranës. 

Berisha ka publikuar denoncimin e një qytetari dhe shkruan se janë zhdukur dokumentat që kanë ardhur nga Bullgaria për kompaninë “Gogla” të vëllait të Erion Veliaj dhe të tjerëve, që provojnë se vodhën miliona euro nga djegësi i Tiranës.

POSTIMI I BERISHËS:

Zhdukje mafioze të dokumentave në Skap!

Ja si anullohen mandat-arrestet nga Skrapi.

Zhduken dokumentat që kanë ardhur nga Bullgaria për kompaninë “Gogla” të vëllait të Erion Veliaj dhe të tjerëve, që provojnë se vodhën miliona euro nga djegësi i Tiranës.

Lexoni denoncimin e mëposhtëm.
Pershendetje dr po ju shkruaj per te ju njoftua se Dosjes te ardhur nga Bullgaria ku me dokumenta zyrtare deshmohet vjedhja e miljona euro te djegesit te Tiranes nga vllau i Erion Velise me kompanine e tij gogla dhe me Lori Cafe e Top Çenel Eva Blushi, Vjollca Hoxha po i zhdukin.

Ditën e sotme Prokuroria e Posaçme ka firmosur një grup të dytë urdhëarrestesh lidhur me aferën e Inceneratorit të Tiranës. Në lidhje me këto fletëarrestime nuk ka asnjë konfimim dhe asnjë vënie në pranga.  Prokurori i çështjes që ka kërkuar masat e sigurisë është Dritan Prenci, ndërsa janë firmosur nga gjyqtarja e GJKKO-së, Irena Gjoka. Mësohet se urdhërarreste janë lëshuar për Denisa Tollkucin, Dashamir Ymeraj dhe për tre shtetas të huaj. Por asnjë nga urdhërarrestet nuk është ekzekutuar pasi personat nuk u gjetën gjatë operacionit të SPAK. Ndaj tyre raportohet se është ngritur akuza "pastrim i parave" dhe "grup i strukturuar kriminal". Lidhur me fletëarrestet e lëshuar ditën e sotme nuk ka ende një konfirmim zyrtar nga ana e SPAK. 

foto e postuar nga belind kellici

TIRANË- Anëtari i Kryesisë së Partisë Demokratike, Belind Këlliçi ka reaguar për fletëarrestet e lëshuar nga SPAK lidhur me aferën e inceneratorit të Tiranës. 

Këlliçi shkruan në një postim në Facebook se gjyqtarja Irena Gjoka të cilën e cilëson si "kamikazja me 3 mbiemra", pasi i dha dy javë kohë grupit kriminal të inceneratorit ka firmosur sot diskretitimin final të SPAK. Ai akuzon Gjokën për dekonspirim të operacionit të SPAK.

Më tej ai shton se "pronari faktik i inceneratorit vijon promovimin e pyllit orbital", duke iu referuar kryebashkiakut të Tiranës, Erion Veliajt! Këlliçi ka denoncuar vazhdimisht skandalet e lidhura me aferën e inceneratorit të Tiranës.

POSTIMI I PLOTË: 

Kamikazja me 3 mbiemra, pasi i dha dy javë kohë të arratisen e të zhdukin provat Grupit të Strukturuar Kriminal të inceneratorit, sot ka firmosur diskretitimin final të SPAK-ut! Deri më tani, nga Megaoperacioni i SPAK, asnjë i ndaluar!!!

Të gjithë me pushime, të gjithë duke vijuar pastrimin e parave brenda e jashtë vendit, ndërkohë pronari faktik i inceneratorit vijon promovimin e pyllit orbital!

Bravo kolegët, po thyejnë rekord botëror

Foto ilustruese

TIRANË- Ditën e sotme është raportuar se SPAK ka lëshuar disa urdhër arreste në lidhje me Inceneratorin e Tiranës. Kjo është hera e dytë që raportohet për disa urdhër arreste nga SPAK për inceneratorin e Tiranës. 

Ndërkohë në lidhje me këto fletëarrestime nuk ka asnjë konfimim dhe asnjë arrestim. Mësohet se urdhërarreste janë lëshuar për Denisa Tollkucin dhe Dashamir Ymeraj. Ndërkohë tre urdhërarrestet e tjera janë lëshuar tre shtetas të huaj por asnjë nga urdhër arrestet nuk është realizuar.