Rajoni

Ceremonia për 20-vjetorin e Çlirimit, Bill Clinton përkrah Thaçit, si lindi Kosova e lirë

Kosova feston 20-vjetorin e Clirimit. Emocione të shumta në sheshin "Skënderbeu" për ish-presidentin Bill Clinton. Clinton dhe Albright treguan vendimin për të bombarduar trupat serbe që po kryenin genocid në Serbi. Të pranishëm në ceremoni, Rama e Meta.
Featured image of article: Ceremonia për 20-vjetorin e Çlirimit, Bill Clinton përkrah Thaçit, si lindi Kosova e lirë Ceremonia
Përditësuar:

PRISHTINË- Sot në Kosovë është zhvilluar ceremonia e 20 vjetorit të çlirimit nga forcat serbe. Në një ceremoni të zhvilluar në sheshin “Skënderbeu” në Prishtinë kanë marrë pjesë liderët e Kosovës e Shqipërisë, por dhe figura të larta të SHBA.

Të pranishëm kanë qenë ish-presidenti i SHBA, Bill Clinton i cili dha urdhër në 1999 që të bombardohej Serbia.  Sot përshëndeti qytetarët e Kosovës dhe ish-Sekretaria e Shtetit, Meledeine Albright, që tha se kishin marrë vendimin e duhur që i sollën lirinë Kosovës.

Ndërkohë liderët që mbajtën fjalë falënderuar SHBA për ndihmën e madhe që u ka dhënë këto 20 vite.

Të pranishëm në ceremoni ishin edhe presidenti shqiptar Ilir Meta dhe kryeministri Edi Rama. Bill Clinon nuk i dha as dorën kryeministrit Edi Rama, i cili spikati sërish për syzet “fancy” që kishte zgjedhur.

(F.g & A.S/dosja.al)

  • 18:13

    "Keni shkelur mbi gjakun e dëshmorëve”, babai i ushtarit të vrarë të UÇK-së, ‘përplaset’ me zyrtarët në Kosovë

    Në kuadër të 20 vjetorit të të Ditës së Çlirimit të Prizrenit, gjatë homazheve në varrezat e dëshmorëve në Landovicë, babai i dëshmorit Agron Bytyqi, Islami, veteran i UÇK-së, ka akuzuar politikanët se janë duke shkelur mbi gjakun e dëshmorëve për interesa personale dhe klanore.

    Në një moment, ai shihet teksa drejton gishtin me akuza në drejtim të disa zyrtarëve shtetërorë, në mesin e të cilëve ishte edhe kreu i Komunës së Prizrenit, Mytaher Haskuka, deputeti Zafir Berisha e të tjerë. Ai tha se një pjesë e mirë e pushtetarëve janë të pabesë e tradhtarë.

  • 16:39

    20-vjetori i Çlirimit të Kosovës/ Lëvizja Vetëvendosje në Shqipëri homazhe tek busti i Adem Jasharit: Sakrificë e pashembullt e dëshmorëve

    Foto nga ceremonia e 20 vjetorit të Çlirimit të Kosovës

    Sot, 20 vite më parë, lufta çlirimtare e shqiptarëve dhe bombardimet e NATO-s u finalizuan me tërheqjen, pothuajse pas një shekulli, të regjimit shovinist të Beogradit nga Kosova. Kjo datë çeli rrugën e pavarësisë e atë të bashkimit kombëtar me Shqipërinë, qëllimit historik dhe politik të të gjithë shqiptarëve.

    Lëvizja VETËVENDOSJE! Qendra në Shqipëri bëri sot homazhe dhe vendosi një kurorë te përmendorja e komandatit Adem Jashari në Tiranë.

    Hovi i Ushtrisë Çlirimtare të Kosovës nuk do të ishte i njëjtë pa aktin sublim të familjes Jashari. Hapi vendimtar i administratës së presidentit Bill Klinton dhe aleatëve të NATO-s do të qe i pamundur dhe i pamendueshëm pa sakrificën sublime të popullit të Kosovës. Emrat e ndritur të Fehmiut dhe Xhemës, të burgosurve dhe rezistencës, studentëve dhe Ukshinit, sintetizohen në themelimin e UÇK-së dhe në ditën e ngadhënjimit të saj.

    Lufta çlirimtare kundër makinerisë gjakësore serbe, e nxori çështjen shqiptare si rrallëherë në krye të axhendës së marrëdhënieve ndërkombëtare, të Shteteve të Bashkuara dhe të Bashkimit Evropian. Sakrifica e pashembullt e 59 dëshmorëve të rënë në betejën e familjes Jashari në Prekaz, na mëson se vetëm atëherë kur lirinë e duam më shumë se jetën, jeta fiton dinjitetin moral dhe historik që i takon njerëzimit. Lufta çlirimtare e Kosovës dhe fitorja e saj i hap udhën një historie tjetër: mendimi politik botëror kuptoi se drejtësia qëndron në kahjen e mbështetjes së përpjekjes çlirimtare të shqiptarëve. Dëshmorët e themeluan këtë drejtësi. Ne na takon ta mbajmë gjallë. Përgjegjësia e të gjithëve ne në Tiranë, Prishtinë, Shkup, Ulqin, Preshevë dhe mërgatë, pra kudo ku flitet shqip, është besnikëria ndaj këtyre datave.

  • 16:23

    Iu ul në gjunjë për ta falenderuar, ky është kamerieri shqiptar që emocionoi Bill Clinton në mes të New York (FOTO)

    E përmendi edhe sot në fjalimin e tij para liderëve kryesorë të Shqipërisë dhe Kosovës, dhe për Bill Clinton është një njeri i rrallë.

    Ai është Arben Hysenaj, shqiptari nga Peja, që u përmend nga Bill Clinton pasi i ishte ulur në gjunjë në New York dhe e kishte falenderuar për atë që Clinton bëri për Kosovën.

    Bill Clinton dhe shqiptari Arben Hysenaj

    “Qe 19 vjet që prej kur kam dalë nga Shtëpia e Bardhë, gjëja më e mrekullueshme që më ndodh, është që më ndal dikush në Neë York, apo diku tjetër në botë, për të bërë një fotografi. Apo kur isha në një hotel, një kamarier shqiptar erdhi dhe më ra në gjunjë për të më falënderuar. Kjo është një gjë e mrekullueshme”, ka thënë Clinton i emocionuar.

    Arben Hysenaj, punon si kamerier në “The Sea Fire Grill”, në Neë York të Shteteve të Bashkuara të Amerikës. Kjo foto është shkrepur më 17 shkurt të 2019 në 11-vjetorin e Pavarësisë së Kosovës.

  • 14:16

    Bill Clinton e injoroi, Rama reagon dhe kapet prapë me Metën: Pa koment! (VIDEO)

    Pasi Edi Rama u injorua nga Bill Clinton në Kosovë, ka reaguar sërish. Në një postim në Instagram Rama ka nxjerrë deklaratat e presidentit Ilir Meta dhe Juncker-it për zgjedhjet.

    “Pa koment” shkruan Rama në videon që ka publikuar,  ku presidenti Meta shprehet se zgjedhjet e 30 qershorit ishin të dëmshme nëse zhvilloheshin, ndërsa Juncker shprehet se  nëse nuk zhvillohen do të dëmtojnë prespektivën europiane. Pra Rama është kapur sërish me Metën edhe pas takimit  në Kosovë, që në fakt pati shumë të papritura.

    Theksojmë se pasi Clinton përfundoi fjalën e tij në ceremoninë në Prishtinë,  zbriti nga podium anashkaloi Ramën, dhe takoi krye-parlamentarin e Kosovës, Kadri Veseli dhe presidentin e Shqipërisë, Ilir Meta.

     

     

    View this post on Instagram

     

    Pa Koment

    A post shared by Edi Rama (@ediramaal) on

  • 14:08

    'S'ka të drejtë të rrijë në atë zyrë', pas deklaratave të bujshme, Rama e Meta bëjnë paqe në Kosovë (VD)

    Pak ditë pasi kryeministri deklaroi në Burrel se presidenti Ilir Meta nuk ka të drejtë që të qendrojë më në zyrë, pas vendimit për anulimin e zgjedhjeve, një takim i përzemërt në dukje ka ndodhur në Prishtinë.

    Gjatë ceremonisë për 20-vjetorin e Clirimit të Kosovës nga trupat serbe, Rama dhe Meta kanë shtrënguar duart me njëri-tjetrin.

    Urojmë që kjo të jetë një shenjë paqeje mes kreut të shtetit dhe kryeministrit, në një situatë politike të pazakontë.

  • 13:52

    Meta takon Clinton dhe i bën karshillëk Ramës, presidenti retushon kryeministrin (FOTO)

    Presidenti i Republikës Ilir Meta ka takuar ish-presidentin e SHBA-ve, Bill Clinton, dhe ka ndarë disa foto nga takimi me të. Në fotot e tij, presidenti duket se e ka prerë imazhin e kryeministrit shqiptar, Edi Rama, duke fokusuar liderët kosovarë dhe qytetarë të thjeshtë.

    “Gëzuar 20-vjetorin e lirisë Kosovë🇽🇰 e dashur! Falënderim dhe mirënjohje përjetë SHBA🇺🇸, NATO-s dhe Presidentit Klinton!”- shkruan Meta, teksa ndan me ndjekesit e tij, nje album fotosh nga takimet e sotme.

  • 13:32

    Bill Clinton 'shpjegon' pse s'takoi kryeministrin Edi Rama (FOTO)

    Pas incidentit në ceremoninë për 20-vjetorin e Clirimit të Kosovës, ish-presidenti Bill Clinton u largua pa takuar kryeministrin Edi Rama.

    Kaq ka mjaftuar që rrjeti të mbushet me krijime nga më pikantet.

    Kështu, “I Huaji”, personazhi kontravers i Dosja.al ka krijuar një fotomontazh ku shpjegohet pse Clinton nuk e takoi Ramën.

  • 13:11

    Bill Clinton injoron Ramën, syzet e diellit të kryeministrit i bëjnë “gjëmën” para të gjithëve

    Ish-presidenti i Shteteve të Bashkuara të Amerikës, Bill Clinton ka injoruar hapur kryeministrin Edi Rama në takimin e zhvilluar sot në Kosovë me rastin e 20-vjetorit të Çlirimit të Kosovës.

    Clinton përfundoi fjalën e tij dhe zbriti nga podium ku përshëndeti liderët e pranishëm në ceremoni.

    Clinton e anashkaloi Ramën, dhe takoi kryeparlamentarin e Kosovës, Kadri Veseli dhe presidentin e Shqipërisë, Ilir Meta.

    Por Clinton nuk e takoi Ramën, ai u largua pa i dhënë dorën kryeministrit të Shqipërisë.

    Me gjasë, syzet e kryeministrit, alla Stivie Wonder, kanë bërë që ai të mos njihet nga Clinton e për pasojë edhe të mos përshëndetet nga ky i fundit.

  • 13:01

    Haradinaj fjalë zemre për Clinton: Na dhuruat lirinë, ndaluat trenat e vdekjes me avionat e jetës

    Kryeministri Ramush Haradinaj në një fjalë të tijën në ceremoninë e 20 vjetorit të clirimit të Kosovës ka falenderuar ish-Presidentit e Amerikës, Bill Clinton.

    Gjatë fjalës së tij ai tha se Clinton i dha lirinë Kosovës dhe ndali trenat e vdekjes së Serbisë.

    Bill Clinton i emocionuar

    Për shumë kohë kohë populli ynë e ka kërkuar lirinë. Populli priste nga zoti ndihmën, të gjithë qëndronin sëbashku, spastrimi etnik dhe trenat e vdekjes u ndalën nga ju zoti presidenti. U ndalën nga avionat e jetës. Sot ky popull është fal jush. Sot kosova është shteti i të gjithëve, ku të gjithë jetojnë së bashku”, ishte kjo pjesë nga fjala e Haradinajt.

  • 13:01

    “Jemi gati të bëjmë paqe me Serbisë”, Haradinaj thirrje Vuçiçit: Njihe Kosovën

    Ramush Haradinaj nga ceremonia për 20 vjetorin e clirimit të Kosovës ku morën pjesë dhe shumë figura ta larta të SHBA ka bërë thirrje për pajtim me Serbinë.

     Guximtarët pajtohen, tha ai, dhe shtoi se Kosova është e guximshme dhe kërkon që të pajtohet me Serbinë dhe popullin serb.

     “Paqet e bëjnë të guximshim dhe ne jemi gati që të bëjmë paqen me Serbinë. Ne jemi gati të pajtohemi me ta. I bëjmë thirrje dhe presidentit Vuçiç që të njohin Kosovën. President Klinton ju jeni në shtpinë tuaj. Zoti e bekoftë Kosovën dhe zoti I bekoftë të gjithë”, u shpreh Haradinaj.

  • 12:53

    Momenti kur Bill Clinton preket, ish-presidenti i SHBA fshin lotët e gëzimit në Kosovën e lirë (FOTO)

    Ish-presidenti i SHBA-ve, Bill Clinton është emocionuar gjatë ceremonisë për 20-vjetorin e Clirimit të Kosovës. Clinton u prek, kur presidenti Hashim Thaçi tha se sa të jetë Kosova mbi dhe, gjithnjë do t’i jetë mirënjohëse SHBA-ve.

    Clinton u pa i emocionuar teksa fshiu disa herë lotët nga mikpritja dhe ovacionet e shqiptarëve që e falenderonin gjatë ceremonisë.

  • 12:44

    FOTO/ Si e shpëtoi NATO dhe SHBA Kosovën, pamjet historike nga toka e çliruar nga serbët

    Më 12 qershor 1999 Kosova u çlirua nga trupat serbe pas një genocidi të dhimbshëm me mijëra viktima. Ishin NATO dhe SHBA, dy faktorët vendimtarë që shpëtuan Kosovën nga një luftë e cila u shpëtua nga humanizmi.

  • 12:36

    20-vjetori i Çlirimit, Palmer: Duhet marrëveshje Kosovë-Serbi, SHBA do të jetë krah jush

    Në fjalimin e tij para të pranishmëve në 20-vjetorin e Çlirimit të Kosovës, Matthew Palmer, zv.ndihmës Sekretari Amerikan i Shtetit tha se Kosova dhe Serbia duhet të arrijnë një marrëveshje për të mirën e qytetarëve të dy vendeve.

    Pjesë nga fjala e Palmer:

    Qytetarët e Kosovës kanë treguar se mund të jenë një partner i besueshëm për SHBA. Ruajtja e vlerave për Kosovën që sot është e rritur dhe e pjekur, në 20-vjetorin kanë ndryshuar tensionet në jetët tona. Sot, SHBA do të jenë përkah jush, por sot nuk merr më askush vendime për ju. Duhet lënë mënjanë retorika nacionaliste. Shpalosja e viktimave të luftës nuk ju ndihmon ju për të ndërtuar një shtet demokratik. Sot, Kosova duhet të punojë për një paqe demokratike. Duhet një marrëveshje gjithëpërfshirëse me Serbinë, që do të sillte pranimin e dyanëshëm. Jeta e qytetarëve do të përmirësohej. Kosova dhe Serbia do të jenë gjithnjë fqinj. Të dy vendet duhet të zhbllokojnë të ardhmen dhe të drejtohen nga ardhmëria dhe përparimi. Nëse Kosova nuk ecën përpara, atëherë do të prishet cikli. Shfrytëzojeni mundësinë për një të ardhme më të mirë. Kjo është koha më e mirë.

  • 12:26

    Thaçi turpërohet në prani të Clinton dhe Albright, masa i fishkëllen kur merr fjalën

    Para pak çastesh ka filluar ceremonia e shënimit të 20 vjetori të hyrjes së NATO-së në Kosovë dhe çlirimit të Kosovës që po mbahet në sheshin qendror të Prishtinës.

    Qytetarët e shumtë që janë grumbulluar për të përcjellë nga afër këtë ceremoni, e kanë pritur me ovacione të mëdha momentin kur është përmendur emri i presidentit Bill Clinton duke thirrur “USA USA USA”.

    Megjithatë me fishkëllima është pritur presidenti i Kosovës, Hashim Thaçi, në momentin kur i është dhënë fjala për hapjen e kësaj ceremonie.

    Qytetarët kanë reaguar duke shprehur pakënaqësinë e tyre, karshi Thaçit.

    Në këtë ceremoni po marrin pjesë edhe gjenerali Wesley Clarck dhe personalitete të shumta. Marrë nga Gazeta Ekspress

  • 12:22

    'Na thonin Kosova është vend i vogël', Bill Clinton rrëfen prapaskenat e vendimit: Kujtoni luftën

    Ish-presidenti i SHBA, Bill Clinton u ka dhënë mesazh të gjthë qtyetarëve në Kosovës se nuk janë të vegjël, por treguan se kur bëhen bashkë dhe luftojnë mund të fitojnë

    Clinton tha se në këto 20 vite Kosova ka treguar se është një vend pro amerikan dhe i ka dhënë paqe një brezi të të tërë.

    “Ne jemi përpjekur që të ndalim dhunën në Bosnje dhe shkova dhe thashë që të bëja paqe në Irlandën e Veriut. Kishte njerëz që thonin se jemi vend i vogël. Por dhe vendet e vogla mund të jenë të mëdha nëse ngrihen dhe luftojnë jo vetëm për vetëveten, Kosova e bëri këtë gjë dhe luftoi jo vetëm për vetëveten.

    Para se bëni të gjitha gjërat jeni mirënjohës se nuk ka pasur kthim të dhunës sistematike dhe kjo është meritë e të gjithë qytetarëve të Kosovës. Mos harroni asnjëherë se kur keni sfida para vetes, tashmë keni bërë diçka të mrekullueshme dhe i keni dhënë një brezi të tërë jetën me paqe.

    Tani, NATO është një triumf që vepron shumë mirë në botë dhe shpresojmë se asgjë nga shekulli i kaluar nuk do të rikthehet sërish. SHBA ka qendruar gjithmonë krah jush, jo vetëm me mua, por dhe me Xhorxh Bush që njohu pavarësinë tuaj”, tha ish-Presidenti.

  • 12:12

    Bill Clinton hero në Kosovë, fjalimi historik: Jam krenar, e dua këtë vend, faleminderit!

    Ish-presidenti i SHBA, Bill Clinton ka lëshuar një fjalim historik në Prishtinë në 20-vjetorin e Clirimit të Kosovës.

    Pjesë nga fjala e Clinton

    Faleminderit që na u bashkëngjitët. Falenderoj popullin e Kosovës për mikpritjen e mrekullueshme që më bëtë mua dhe Hillarit. E dua këtë vend dhe gjithnjë do e dua këtë vend, është nderi më i madh në jetën time që kam qendruar me ju për liri dhe kundër spastrimit etnik. Jam krenar që jam këtu me Madelaine dhe gjeneralin. Faleminderit që jeni me mua këto. Kam një poster të vogël në zyrën time në Neë York, është një pamje e Prishtinës pas luftës. Kam një fotot të Madaleine të Ëestler dhe Tony Bleir. Ccdo ditë e shoh atë foto për t’i kujtuar vetes cili ka qenë qëllimi kryesor i politik. Më kujtohen fytyrat e qytetarëve që takova para 20 vitesh në shkollën filler në Ferizaj. 79 ditë të bombardimeve nga NATO e kanë fituar luftën, por vetëm qytetarët e Kosovës e kanë fituar Paqen. Pas 20 vitesh mund t’ju them se ju e keni fituar paqen. Në kohët e paqes, ne nuk dimë ccfarë të vlerësojmë. Themi ccfarë duhet të kishim bërë më parë. Por shikoni, kujtohuni pak për Murin e Berlinit. Shumë mendojnë se do të jemi miq, e shumë menduan se do të ndodhte ashtu, por ka shumë pak humbje dhe fitore në kohë paqeje. S’doja që shekulli i 20-të të përfundonte ashtu, prandaj u munduam të ndalnim dhunën në Bosnje.

  • 12:08

    Albright pritet me duartrokitje: Kemi bërë gjënë e duhur, luftuam tiraninë për liri

    KOSOVË- Ish-sekretarja e Shtetit të SHBA, Medeline Albrinht ka mbajtur një fjalë në ceremoninë e 20 vjetorit të çlirimit të Kosovës. Ajo tha se Kosova në këto 20 vite ka bërë një punë shumë të mirë dhe ka treguar se e do demokracinë.

    Kam kënaqësinë që të jem me të gjithë sot ju. Lufta në Kosovë ka qenë një përballje mes vrasjeve barbarare dhe të dretjave të njeriut. Ka qenë një luftë mes demokracisë dhe tiranisë.  Për 11 aleanca jonë u mbajtën të fortë dhe treguam botës se çfarë ndodh kur në luftojmë bashkë. Gjatë luftës unë takova një djalosh që kishte një letër në dorë dhe shkruante se e dotne Amerikën dhe donte të qëndronte në Kosovë. Unë i thash se NATO do të jetë aty me ju dhe do u ndihmojë që të jeni të sigurtë. Kosova pas disa javësh ishte më në fund e lirë. Shumë ka ndyshyar nga ajo ditë e 20 viteve më parë dhe sot të gjithë kosovarët shprehen se janë për demokraci dhe po vendosin bazat për një demokraci të fortë. Ju keni bërë shumë për të bërë këtë gjë. S’ka qenë vendim i lehtë, por Clinton donte që Kosova të ishte shtet i lirë. Më telefonoi në mesnatë para bombardimeve dhe më tha Madaleine ne po bëjmë gjënë  e duhur.”, ishte kjo një pjesë nga fjala e ish-Sekretares së Shtetit.

  • 11:56

     “Sa të ketë Kosovë mbi dhé, ju jemi mirënjohës’, Thaçi falenderim prekës: Na ndihmuat

    Presidenti i Kosovës, Hashim Thaçi në fjalën e tij në ceremoninë për 20-vjetorin e Çlirimit të Kosovës falenderoi SHBA dhe vendet që ndihmuan Kosovën.

    “Sa te ketë Kosovë mbi këtë dhe do t’ju jemi gjihnjë mirënjohës për atë vendim që morët në pranverën e 1999. Ju them prapë faleminderit “Thank You”. Edhe pas luftës, ju sërish na ndihmuat. 12 qershori, ditë historike. Dita e lindjes së Kosovës. “-tha Thaçi.

  • 11:50

    20-vjetori i çlirimit të Kosovës, Rama e Meta bëhen bashkë në Prishtinë, ulur ngjitur me Clinton (FOTO)

    Kryeministri Edi Rama është i pranishëm bashkë me presidentin Ilir Meta në sheshin “Skënderbeu” në Prishtinë, ku po zhvillohet ceremonia për festimin e 20-vjetorit të Clirimit të Kosovës.

    Pavarësisht betejës politike në Shqipëri, Rama e Meta janë krah njëri-tjetrit në Kosovë, ku vetëm 2 karrige i ndajnë nga ish-presidenti i SHBA, Bill Clinton.

    Thaci ne fjalim, Rama e Meta krah njeri-tjetrit

Shto Koment