Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Kryetari i PD-së Lulzim Basha pak orë para zgjedhjeve lokale i ka bërë thirrje të gjithë demokratëve që të distancohen nga dhuna dhe të bojkotojnë procesin e votimti.
Basha iu drejtua mbështetësve të PD-së duke i thënë që të bëjnë rezistencë në rrugë dhe sheshe, por me protesta paqësore dhe jo dhunë pasi ajo i intereson vetëm kryeministrit Edi Rama.
“Të dashur bashkëqytetarë e di që do të donit të mos kishte votime farsë, por e vetmja mënyrë do të ishte po të kishte vëllavrasje. Unë dhe demokratët nuk besojmë tek dhuna. Për nesër unë kam vetëm një thirrje: Mos bini pre e instinktit të dhunës! Mos bini pre e provokimeve për dhunë! Unë ju bëj thirrje të mos shkoni të votoni, të bojkotoni!,”-tha Basha.
Deklarata e plotë e Bashës:
Nesër në Shqipëri nuk ka zgjedhje. Zgjedhjet janë mekanizmi se si njerëzit vendosin për qeverisjen që duan, por nesër njerëzit nuk kanë asnjë zgjedhje. Zgjedhjet janë shprehje e vullnetit të lirë të njerëzve. por nesër nuk do të ketë liri dhe nuk do të ketë shprehje vullneti.
Zgjedhjet janë mekanizëm kushtetues dhe ligjor, por nesër do të shkelet Kushtetuta dhe ligji në një proces antikushtetues dhe thellësisht kriminal.
Të dashur bashkëqytetarë:
Unë e di që shumë prej jush kanë dashur dhe kanë pritur që nesër të mos kishte as votime farsë, të mos kishte asgjë. Por e vetmja mënyrë për ta arritur këtë, o të ishte mënyra e dhunshme, e cila do të shkaktonte vëllavrasje dhe humbje njerëzore e plagë shoqërore.
Dhuna nuk do të prodhonte as përfitime politike. Ajo thjesht do të sillte një ndjenjë të rremë të triumfit të çastit dhe do të linte plagë të hapura e probleme të pazgjidhura,
Unë dhe demokratët nuk besojmë tek rruga e dhunës!
Ndaj sot dua t’i them cdo demokrati dhe qytetari që është bashkuar në përpjekjet tona: Jini të gjithë krenarë, sepse i kemi bërë një shërbim të madh Shqipërisë duke mos rënë pre e dhunës së orkestruar nga Edi Rama!
Unë jam krenar me dinjitetin, qytetarinë dhe kurajon tuaj!
Falë tyre, ky regjim është plagosur për vdekje dhe do të rrëzohet shumë shpejt.
Unë e di, se ka shumë njerëz që mendojnë se me autokratë si Edi Rama, Dhuna është i vetmi mjet për ta hequr, se Edi Rama nuk kupton asnjë gjuhë tjetër, veç asaj të dhunës.
Këtë opinion ma kanë shprehur shumë anëtarë dhe mbështetës të Partisë Demokratike. Ma kanë shprehur shumë qytetarë, analistë politikë e të tjerë, por unë nuk besoj se dhuna është zgjidhja.
Unë besoj se forca jonë qendron tek drejtësia e asaj që kërkojmë, qëndron tek këmbëngulja, durimi dhe kurajo jonë.
Asnjë rezultat politik, asnjë pushtet politik që del nga dhuna, nuk ka sjellë kurrë asgjë të mirë për popujt dhe për qeverisjet e tyre.
Dhuna prodhon ndërrime mekanike të pushtetit, pa bërë asnjë pastrim dhe transformim. Dhuna krijon përligje kriminale tek ata që vinë në pushtet prej saj
Unë besoj se nga dhuna në 30 qershor nuk përfiton askush përveç Edi Ramës. Dhuna dhe viktimat i vlejnë vetëm Edi Ramës. Ai do arsye. Ai kërkon të sigurojë pretekstin e kundërshtarit të dhunshëm për të justifikuar shtetin e tij policor për të justifikuar dhunën dhe abuzimet dhe krimet që ka kryer deri tani. Rrëzimi i Edi Ramës nuk do të vijë duke përplasur shqiptarët me njëri-tjetrin, nuk mund të vijë duke goditur, duke rrahur apo lënduar njëri-tjetrin. Fundi i Edi Ramës po vjen nga braktisja e tij. Nga distancimi prej tij. Nga izolimi i tij.
Ky fund është pranë dhe, mbi të gjitha, sepse përpjekjet tona të deritanishme kanë qenë thellësisht europiane, thellësisht parimore dhe jo për pushtet personal.
Përgjegjësia dhe detyrimi im kryesor është interesi publik, është mirëqenia e njerëzve. Ky interes vjen mbi çdo interes partiak, vlen para çdo interesi vetjak.
Ndryshe nga Edi Rama që për pushtetin e tij personal është i gatshëm t’i çojë nesër shqiptarët në vëllavrasje, unë kam përgjegjësinë për jetën e çdo demokrati, çdo socialisti, çdo qytetari shqiptar.
Ndaj, për nesër unë kam vetëm një thirrje: Mos bini pre e instinktit të dhunës! Mos bini pre e provokimeve për dhunë! Unë ju bëj thirrje të mos shkoni të votoni, të bojkotoni!
Nëse jeni të detyruar të shkoni në qendrat e votimit nga hakmarrja e regjimit, rezistoni! Regjimit po i vjen fundi! Nuk kanë çfarë t’ju bëjnë!
Ngrijeni zërin nesër në protesta në rrugë! Sfidojeni regjimin kudo! Në mënyrë paqësore! Nesër është dita për të treguar vullnet me bashkim, me qëndresë dinjitoze, me vendosmëri dhe jo dhunë! Në këtë ditë të keqe për Shqipërinë, forca jonë janë vlerat që ne tregojmë, parimet mbi të cilat ne veprojmë!
Ne duam të jemi europianë dhe duhet të sillemi si europianë! Nesër dhe çdo ditë! Nesër duhet dhe do të dallohet qartë diferenca mes autokracisë kriminale të votimeve farsë dhe dinjitetit të një populli të tërë të bashkuar që sfidon regjimin.
Ditën e nesërme do të zhvillohen zgjedhjet lokale, ku opozita e bashkuar ka zgjedhur që t’i bojkotojë, ndërsa maxhorca garon e vetme në më shumë se 30 bashki.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Ndërkohë që jemi një ditë përpara zgjedjeve të 30 qershorit ku maxhoranca kandidon e vetme, ndërkombëtarët kanë mbërritur në Shqipëri. Misioni i vë...
SHBA- Media e njohur ndërkombëtare “The Economist” i ka kushtuar një artikull situatës politike në vendin tonë, krijuar së fundmi, pasi opozita nuk do të marrë ...
TIRANË– Ndërkohë që jemi një ditë përpara zgjedhjeve të 30 qershorit, gruaja e kryebashkiakut Erion Veliaj, i cili rikandidon për Tiranën, Ajola Xoxa...
TIRANË- 1 ditë para zgjedhjeve lokale, të cilat do të mbahen nesër në të gjitha qytetet e Shqipërisë, KQZ ka dalë në një deklaratë për mediat, duke bërë th...
TIRANË– Ditën e nesërme në vend do të mbahen zgjedhjet lokale të cilat opozita ka zgjedhur që t’i bojkotojë. Por mesa duket kryedemokrati Lulzim Basha do t...
TIRANË– Ndërkohë që jemi një ditë përpara zgjedhjeve të 30 qershorit ku opozita nuk od të marrë pjesë, fotografi Agim Rama ka publikuar një foto të v...
SHKODËR– Kryebashkiakja e Shkodrës Voltana Ademi ka reaguar pas hapjes së disa disa ambienteve të shkollave nga anëtarët e KZAZ-ve për të futur mater...
TIRANË- Ish-deputeti demokrat për qarkun e Shkodrës, Bardh Spahia ka publikuar një video, ku shihet sesi shpërthehet qendra shëndetësore në zonën e quajtur...
TIRANË– Ndërkohë që jemi një ditë përpara zgjedhjeve të 30 qershorit ish-kryeministri Sali Berisha është kthyer në Shqipëri.Siç shihet në foto...
TIRANË– Ish-Presidenti i Republikës, Alfred Moisiu, ka paralajmëruar arrestime të zyrtarëve të lartë. I ftuar në emisionin “Kjo Javë”, Moisiu tha se ...
