Politike

“Meta i zuri vendin Nard Ndokës”, Rama: Si Haxhiqamili, sa të ketë Lulin e Monikën s’do t’ja dijë për SHBA…

Kryeministri Edi Rama ka krahasuar presidentin Ilir Meta me Nard Ndokën dhe me Haxhi Qamilin.

TROPOJË– Kryeministri Edi Rama gjatë fushatës elektorale në Tropojë nuk ka lënë pa përmendur edhe kundërshtarët e tij politikë.

Rama ka krahasuar presidentin Ilir Meta fillimisht me ish-deputetin Nard Ndokën dhe më pas me Haxhi Qamilin.

Meta ka marrë përsipër pjesën e dhunës institucionale. Ka marrë përsipër molotovët institucionalë. Ka marrë përsipër t’i gjuajë me molotov Amerikës, Europës. Haxhi Qamili kur mori kot atëherë i çuan fjalë ata i thanë sikur po e tepron se po preken interesat e Francës,“-tha Rama.

Pjesë nga fjala e Ramës: 

Unë dhe Rexha nuk jemi me doktoraturë. Me doktoraturë kemi fallxhoren. Unë me Rexhën kemi vetëm doktoraturën e punës. Se di pse rrinë kot. Imagjonini të jesh Fatmir Mediu, se nuk e ka në llogari njeri. *dikush nga turma përmend Nard Ndokën. Nardi është një nivel më lart sepse ia ka zënë vendin Ilir Meta. Meqë ra fjala kam dy fjalë për Ilir Metën.  Meta ka marrë përsipër pjesën e dhunës institucionale. Ka marrë përsipër molotovët institucionalë. Ka marrë përsipër t’i gjuajë me molotov Amerikës, Europës. Haxhi Qamili kur mori kot atëherë i çuan fjalë ata i thanë sikur po e tepron se po preken interesat e Francës. Reagoi Amerika dhe Italia, tha unë nuk kam anuluar zgjedhjet në Amerikë. Njësoj si Haxhi Qamili, i cili tha sa të kem Shijakun dhe Kavajën nuk pyes Amerikën. Është ky vend që nxjerr Haxhi Qamilë.

Kryeministri Edi Rama zhvilloi këtë pasdite një takim elektoral në Tropojë dhe Kukës, ku prezantoi kandidatët për kryebashkiakë. Në Kukës Rama mbërriti me helikopter. Simpatizantët e PD-së marshuan drejt aeroportit të Kukësit për të penguar takim e Ramës, ku pati edhe përplasje mes efektivëve dhe protestuesve, ku këta të fundit çanë kordonin e policisë. Rama ftoi të gjithë qytetarët të marrin pjesë në votime më 30 qershor, me bindjen se do të fitojnë. Kryeministri shpalosi planin e PS për 4 vitet e ardhshme, teksa premtoi se do të punohet akoma më shumë për të përmirësuar cilësinë e shërbimeve dhe jetën e qytetarëve.

(k.m, a.m/dosja.al)

Shto Koment