Bota

Me kamion në Angli, brenda gjenden 39 persona të vdekur, ishin nisur nga Bullgaria (Foto+VD)

Shoferi 25-vjeçar i kamionit është arrestuar nga Policia vendase pasi akuzohet për vrasjen e tyre. 
Featured image of article: Me kamion në Angli, brenda gjenden 39 persona të vdekur, ishin nisur nga Bullgaria (Foto+VD) Pamje nga vendi i ngjarjes

BRITANI E MADHE- Tridhjetë e nëntë persona, përfshirë edhe një adoleshent, janë gjetur të pajetë prenda një kamioni në një park industrial në Essex të Anglisë. Shoferi 25-vjeçar i kamionit është arrestuar nga Policia vendase pasi akuzohet për vrasjen e tyre.

Automjeti besohet se ka ardhur nga Bullgaria dhe ka hyrë në Mbretërinë e Bashkuar në Holyhead në Uells të Shtunën. Në orën 1:40 të mëngjesit, policia thotë se ka marrë një  telefonatë nga ambulanca për një kamion të mbushur me njerëz, që qëndronte brenda parkut industrial të Waterglade.

Inspektori i Policisë Essex, Andreë Mariner tha për mediat se gjithë departamenti i tij ishte i përfshirë në zbulimin e shkakut të vdekjes masive.

Ky është një incident tragjik ku një numër i madh njerëzish kanë humbur jetën. Kërkimet tona janë duke vazhduar për të zbuluar atë që ka ndodhur. Ne jemi në proces të identifikimit të viktimave, megjithatë unë parashikoj që ky mund të jetë një proces i gjatë.”

Parku ku ishte vendosur edhe kamioni është lidhja kryesore për të marrë mjetet rrugore nga Anglia për të shkuar më pas drejt Uellsit në Irlandë. Më shumë se dy milion njerëz udhëtojnë nëpër të njëjtin port çdo vit.

Dyshohet se personat e vdekur ishin duke shkuar në Irlandë në mënyrë ilegale, por nuk përjashtohet edhe pista e vrasjes. Autoritetet britanike kanë nisur punën për zbardhjen e ngjarjes dhe identifikimin e të ndjerëve. 

Marrë nga Thurrockgazette.co.uk

(k.m/dosja.al)

  • 18:05

    Zbulohen detaje të tjera, identifikohet shoferi (FOTOT)

    Mo Robinson

    Detaje të tjera kanë dalë në pah pas ngjarjes së rëndë, ku 39 persona u gjetën të vdekur brenda një kamioni. Mediat vendase kanë publikuar fotot të shoferit 25-vjeçar, Mo Robinson, i cili ishte jetonte në Irlandën e Veriut.  Mësohet se ai ishte larguar nga shtëpia e tij, në një fshat të vogël afër Portadoën, në fundjavë për të marrë kamionin nga porti i Purfleet. 25-vjeçari është arrestuar nga Policia vendase, pasi akuzohet për vrasje të 39 personave, mes tyre edhe të një adoleshenti.  Robinson postonte vazhdimisht foto në rrjetet sociale, ku dukej edhe kamioni.

  • 12:27

    Përsëritet historia, si u gjetën në të njëjtin park 19 vite më parë 58 emigrantë të asfiksuar

    Kamioni me 39 të vdekur

    Dalin pamjet e para të kamionit në të cilin u gjetën 39 persona të vdekur. Siç duket edhe nga fotot, kamioni është i rrethuar nga ekspertë të cilët po kërkojnë të dhënë për të zbuluar shkakun e vdekjes masive.  Në të njëjtin park, në vitin 2000, 58 trupa të vdekur u gjetën në një kamion pasi kishin ardhur nga Belgjika. Ata ishin emigrantë dhe ndërruan jetë nga asfiksimi pasi ishin brenda në kamion për më shumë se 18 orë. Shoferi i kamionit, Perry Wacker, u dënua me 14 vjet burg për pjesëmarrje në  kontrabandë njerëzish.

Shto Koment