Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
TIRANË– Me unanimitet, Arjan Ndoja është shkarkuar nga detyra e prokurorit të Durrësit. Sot, trupa e Komisionit të Pavarur të Kualifikimit, e përbërë nga Olsi Komiçi, Xhensila Pine dhe Firdes Shuli, vendosi shkarkimin e prokurorit me pretendimin se ka probleme me pasurinë dhe lidhje me krimin. Pas seancës të KPK, Ndoja nënkuptoi se do e ankimojë vendimin në gjykatën e Strasburgut, ndërsa lëshoi dhe një mesazh “të koduar” duke u shprehur: Pas bubullimave pritet shiu! Në seancën e shkuar dëgjimore në KPK, Ndoja pati një përplasje me vëzhguesin e ONM-së, Theo Jacobs, i cili nuk u kursyer në kritika për çështje të ndryshme duke ia përmendur të gjitha shkeljet që evidentoi në dosjen e tij.
Ndoja ka qenë shënjestra e atentatit të 1 nëntorit 2019 në autostradën Tiranë-Durrës në afërsi të mbikalimit të Shkozetit. Ditën e ngjarjes, Ndoja ishte në automjet me një person me precedentë penalë, të njohur si i “forti i Sukthit”, Landi Muharremi nga Sukthi, dhe me Andi Malokun, ish-punonjës i policisë në komisariatin e Krujës, shofer i prokurorit. Ky i fundit ishte i vetmi që ndërroi jetë nga atentati. Ngjarja e rëndë ndodhi pasi disa herë, publikisht, kryeministri Edi Rama e kishte sulmuar duke e cilësuar si të lidhur me bandat dhe KÇK (e ashtuquajtura Kap ça të kapësh). Zanafilla e kësaj përplasjeje ishte arrestimi i Liridon Pulës, kreu i Kadastrës Durrës, në seancën gjyqësore të të cilit ishte i pranishëm dhe vetë asokohe zv.kryeministri Erion Braçe. Ky i fundit, po njësoj si shefi i tij nuk u kursye për të lëshuar akuza në drejtim të prokurorit Ndoja si dhe trupës gjykuese të shkallës së parë Durrës duke premtuar prerjen e fijeve mes drejtësisë dhe krimit të organizuar. Liridon Pula, pak ditë më pas u la i lirë nga Apeli, por sulmi ndaj Ndojën nuk ndaloi. Deri në momentin që iu bë atentat.
Si ndodhi atentati ndaj prokurorit?
Arjan Ndoja, bashkë me Landi Muharremin (Aleksandër Laho), dhe Andi Maloku ishin duke drekuar në zonën e plazhit në Durrës. Të tre, u nisën drejt Tiranës pas drekës dhe në zonën e mbikalimit të Shkozetit, u qëlluan nga një makinë Benz, në ecje, ku dyshohet se ka qenë brenda Redjan Rraja. Për pasojë u plagosën të tre, por në gjendje më të rëndë ishte Andi Maloku, i cili u bë mburoja e prokurorit Ndoja në atentat. Për shkak të plagëve të shumta, ai ndërroi jetë një javë më pas në spitalin e Traumës në Tiranë. Pas hekurave për këtë ngjarje janë Arjol Halilaj dhe Rejdan Rraja. Vetë Ndoja ka pranuar para trupit gjykues se pavarësisht personave me të cilët ndodhej ai në makinën ditën që u qëllua, shënjestra ka qenë ai vetë. Sipas Ndojës plumbat janë qëlluar nga ana ku ai ishte ulur si pasagjer dhe kjo gjë tregon se shënjestra ka qenë ai vetë. Ai është shprehur se nuk ka pasur asnjë shqetësim para atentatit përveç deklaratave të bëra nga kryeministri Edi Rama e zëvendësi i tij në atë kohë, të cilët e etiketuan si anëtar të ‘kap ça t’kapësh’ (KÇK). Pas atentatit, Këshilli i Lartë i Prokurorisë kërkoi hetim disiplinor ndaj Ndojës për sjellje që bien në kundërshtim me statusin e magjistratit.
Pasuria e Arjan Ndojës
Sipas BIRN, në deklarimin për të herë të parë në vitin 2003, prokurori Arian Ndoja deklaronte pasuri me vlerë 200 mijë lekë, ndërsa në fund të vitit 2016, pasuria e tij familjare kap vlerën e 129.9 milionë lekëve, duke shënuar një rritje me 649 herë. Në fund të vitit 2016, Ndoja zotëron familjarisht pasuri të paluajtshme me vlerë 44.8 milionë lekë, sende me vlerë të veçantë prej 21.5 milionë lekësh, likujditete bankare prej 12 milionë lekësh, automjete me vlerë 8.5 milionë lekë si dhe kursime në cash prej 633 mijë lekësh. Ndoja deklaron gjithashtu huadhënie me vlerë 42.2 milionë lekë si dhe pjesë në kapital prej 40 mijë lekësh. Të ardhurat familjare për periudhën deklaruese janë 142.8 milionë lekë, nga të cilat 73% kanë si burim aktivitetin privat të Ndojës dhe bashkëshortes së tij. Të ardhurat nga paga të subjektit dhe familjarëve zënë 10% të totalit, ndërsa të ardhurat nga shitja e pasurive të paluajtshme gati 9%.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 12 vite, dy prej deklaratave rezultojnë me probleme. Subjekti Arian Ndoja gjatë periudhës deklaruese 2004-2016 rezulton me burime të pamjaftueshme financiare në dy vite; në vitin 2010 në shumën 10,376,166 lekë dhe në vitin 2016 në shumën 31,396,034 lekë. Nga analiza cilësore e deklaratave të pasurisë, BIRN identifikoi një sërë “flamujsh të kuq” që lidhen me huadhëniet dhe transaksionet me pasurinë.
Arjan Ndoja përfundoi studimet në Shkollën e Magjistraturës në vitin 2002 dhe punoi fillimisht si prokuror në Prokurorinë e Durrësit. Në vitin 2004, Ndoja u largua nga prokuroria dhe punoi si avokat deri në vitin 2008, kur u rikthye në sistem. Para Fillimit të vitit 2008 deklarohet pasuri e shtuar në vlerën 86,851,831 lekë (konvertuar me kursin e vitit), me burim financiar të ardhurat nga ushtrimi i aktivitetit të avokatisë në total 750,000 euro. Në deklaratën Para Fillimit të Detyrës 2008 deklaron huadhënie me kontratë noteriale një personi fizik në shumën 75,000 euro. Po ashtu në vitin 2016, i jep hua pa interes kushëririt 88,000 euro si dhe 163,855 euro me kontratë noteriale për huadhënie shoqërisë “Artel 04” dhe një shtetasi. Në vitin 2016 subjekti ka nënshkruar një deklaratë noteriale për detyrim monetar në shumën 159,520 euro nga shtetasi me inicialet F.B. për shkak të mospërmbushjes së detyrimit sipas kontratës së porosisë.
Bashkëshortja e Ndojës në vitin 2012 deklaron të ardhura si juriste në shoqërinë “Rafaelo 2”, e njëjta shoqëri me të cilën në vitin 2016 nënshkruhet kontratë sipërmarrje për njësi shërbimi dhe apartamente në Shëngjin. Objekti i kësaj kontrate sipërmarrje është i paqartë, pasi i referohet kontratës së vitit 2015, por në deklaratën Periodike/Vjetore 2015 nuk ka të dhëna lidhur me këtë investim. Në vitet e mëparshme përmenden kontrata shpëmbimi dhe kontrata dhurimi në emër të bashkëshortes, por është e pamundur të bëhet lidhje logjike e transaksioneve me pasuritë e paluajtshme për shkak të informacionit të paplotë.
SHIKO EDHE KËTË:
I bënë atentat 2 vite më parë/Shkarkohet prokurori Arjan Ndoja, si reagoi pas shkarkimit…
(k.m/dosja.al)
Aksidenti i rëndë në Tiranë, si mund të shmangen ngjarje të tilla?
GREQI– Organet e 31-vjeçarit shqiptar që ndërroi jetë në Greqi do të dhurohen për personat që kanë nevojë. Mediat greke e quajnë këtë gjest të fami...
BRITANI E MADHE- Dy shqiptarë në Angli janë dënuar me 7.5 vite burg në total. Mediat britanike shkruajnë se Jetmir Metushi, i përfshirë në kultivimin e kanabisi...
TIRANË- Dosja.al ju sjell titujt kryesorë të portaleve për ditën e sotme. Dosja.al ka në faqe kryesore PD-në e cila sot do të mbledh këshillin kombëtar për...
SHBA– Ky është momenti kur Amber Heard dhe Johnny Depp i dolën njëri-tjetrit ballë për ballë ditën e djeshme. Pasi aktorja përshkroi në gjykatë, duke u dr...
TIRANË– Java mbyllet me shi! Pas disa ditësh diell, duhet të jeni të përgatitur pasi sot nisin reshjet e shiut. Sipas MeteoAlb: Territorin shqiptar p...
SHBA– Dua Lipa ka vendosur të heq dorë nga pirja e duhanit si një përpjekje për të përmirësuar shëndetin. Gjatë një interviste, artistja me origjinë shqip...
GREQI– Aksidente me autobusë nuk po ndodhin vetëm në Shqipëri. Mëngjesin e sotëm, Protothema raporton se në Glyfada, një autobus është “ngulitur” në një s...
TIRANË– Grupi Parlamentar i Partisë Demokratike është mbledhur ditën e sotme. Me ftesë të Enkelejd Alibeajt, 19 deputetët demokratë janë paraqitur në...
TIRANË– Familjarë, të afërm, shokë e qytetarë të Kavajës kanë ndezur qirinj e vendosur lule pranë komisariatit të policisë Kavajë në shenjë solidarit...
TIRANË– Ish-kryeministri Sali Bersha tha se resortin në Butrint do të ndërtojë vëllai i Damian Gjiknurit. I ftuar në “Open”, Berisha tha ...
