Aktualitet

Pamje nga përplasja/ Bashkia nxjerr jashtë godinës FRD, Meta shkon në ndihmë, përplaset me Policinë Bashkiake: Do t’ju fut në burg me duart e mia! Veliaj: President i alkoolizuar! Basha: S’kemi frikë nga bisha e plagosur (ZHVILLIMET)

VIDEO
  • DOKUMENTI/ Sot u bë ‘zonë lufte’, godina ku qëndron FRD-ja është në pronësi të Bashkisë
  • Përplasja e Metës me efektivët e policisë bën ‘bujë’ në mediat serbe
  • Presidenti Ilir Meta është përplasur me efektivët e Policisë Bashkiake. Dosja.al ka siguruar pamjet e plota të sherrit brenda ambienteve në zyrat e FRD. Ai i ka dalë në mbrojtje drejtuesit të FRD-së, Sali Shehu, i cili thotë se ky vendim i Bashkisë së Tiranë ka një prapavijë politike. Ndërsa vetë Shehu lajmëron se ka bërë gati një kallëzim penal, duke shtuar se ambientet nuk do të lirohen.
    Featured image of article: Pamje nga përplasja/ Bashkia nxjerr jashtë godinës FRD, Meta shkon në ndihmë, përplaset me Policinë Bashkiake: Do t’ju fut në burg me duart e mia! Veliaj: President i alkoolizuar! Basha: S’kemi frikë nga bisha e plagosur (ZHVILLIMET) Momentet e perplasjes dhe Lulzim Basha
    Përditësuar:

    TIRANË–Presidenti Ilir Meta është përplasur fizikisht ditën e sotme me efektivët e Policisë Bashkiake të Tiranës, të cilët kërkonin të nxirrnin jashtë godinës Frymën e Re Demokratike. Meta shkoi në ndihmë të Sali Shehut, kryetari i ri i FRD-së i cili e mori në telefon. Meta ka shkuar me urgjencë në godinë dhe është përplasur fizikisht me efektivët e Policisë duke i kërcënuar ata që të mos zbatojnë urdhra të paligjshëm. 

    “Dilni përjashta se do ju çoj në burg me duart e mia”, dëgjohet të thotë Meta me tone të ashpra ndaj tyre në video. Sherri ka përfshirë anëtarët e FRD-së bashkë me efektivët e Policisë së Shtetit. 


    Pas sherrit, Meta arriti ti nxjerrë jashtë efektivët e policisë bashkiake dhe i paralajmëroi ata. Meta doli në një deklaratë për mediat dhe tha se ky është një puç. Meta kërkoi që opozita të zgjohet pasi maxhoranca po cënon zgjedhjet. Një paralajmërim Meta e ka pasur edhe për kryebashkiakun e Tiranës, Erion Veliaj, të cilit i ka kërkuar që të distancohet nga kërkesat që i ka bërë kryeministri Edi Rama. Këtë të fundit edhe njëherë e ka cilësuar si person me probleme të shëndetit mendor.

    Veliaj në një prononcim për mediat është shprehur se ngjarja do të ndiqet penalisht. Presidentin Meta ai e quajti të alkoolizuar dhe person që ka kaluar në një fazë degjenerimi.

    Ndërkohë, në zyrat e FRD-së ka shkuar dhe kreu i PD-së Lulzim Basha, së bashku me përfaqësues të Lëvizjes Socialiste për Integrim. Basha tha se opozita është zgjuar si shenjë reagimi ndaj thirrjes së Metës. “S’kemi frikë nga bisha e plagosur”-tha kreu i PD.

    Por si degjeneroi përplasja?

    Një shkresë e datës 3 mars, nga Bashkia Tiranë në adresë të Sali Shehut, si kryetar partie ku iu kërkohet që të boshatisin zyrat me argumentin se godina është e amortizuar, por sipas Shehut, kjo është një goditje politike në mes të fushatës. Shehu tha se do të bëjë kallëzim penal, duke shtuar se vetëm të arrestuar mund ta nxjerrin nga godina që më ligj ka prej prillit të vitit 2016. 

    Për më shumë bëhu pjesë e grupit më viral në Facebook, Dosja.al

    Shkresa për lirimin e godinës u lëshua dy javë pasi Fryma e Re Demokratike vendosi ti bashkohej koalicionit opozitar në zgjedhjet e 25 prillit 2021.

    “I nderuar z.Sali Shehu, nënkryetar i FRD-së! Bashkia e Tiranës është në një proces të vazhdueshëm të sistemimit të zyrave, për stafin dhe njësitë administrative. Nisur nga ky fakt dhe nevoja për rikonstruksion e godinës nga amortizimi, ju kërkojmë që të lironi ambientet  që ndodhen në katin e 3 në godinën, në rrugën Abdi Toptani, Tiranë. Lutemi nga ana e juaj të bashkëpunoni me Bashkinë e Tiranës, për marrjen e masave për lirimin të ambienteve brenda 10 ditëve nga marrja e njoftimit,”-shkruhet në njoftim.

    Prej krijimit të saj nga ish-presidenti Bamir Topi, FRD është e vendosur në ish-selinë e Partisë Demokratike në qendër të Tiranës. Kohët e fundit, FRD u rikthye në vëmendje të mediave pasi iu bashkua koalicionit të Partisë Demokratike, ku Shehu ishte pjesë e listës së emrave të zgjedhur nga kryedemokrati Lulzim Basha për zgjedhjet e 25 prillit. Pas bashkimit të FRD me PD, Bamir Topi dha dorëheqjen nga pozicioni i tij kryetar partie. 

    (k.m;f.g/dosja.al)

    • 17:12

      Përplasja tek zyrat, FRD i nis letër Bashkisë: Ndaloni këtë marrëzi, mos provokoni

      Fryma e Re Demokratike i ka dërguar një letër Bashkisë së Tiranës, me anë të së cilës kërkon tërheqjen e kësaj të fundit nga vendimi për bastisjen e zyrave të tyre. Pak orë pas përplasjes mes efektivëve të Policisë Bashkiake dhe anëtarëve të FRD-së, ku mori ojesë edhe Presidenti Ilir Meta bashkë me anëtarë të tjerë të Opozitës, FRD-ja shkruan se Bashkia Tiranë ka kërkuar boshatisjen e zyrave me anë të një shkrese pa vulë dhe pa firmë.  Këtë gjë, FRD-ja e konsideron një provpkim të rëndë, që sipas tyre bie ndesh me ligjin mbi partitë politike. Sipas FRD-së, partia ë tyre është në të drejtën e saj për të qëndruar në ato zyra, edhe pse Bashkia Tiranë, pretendon ndryshe.

      “Nga zyrat e Bashkisë Tiranë ka ardhur një shkresë e pafirmosur, e pavulosur në mënyrë jo institucionale, e cila bën fjalë për lirimin e ambiente që disponon FRD që nga muaji prill 2016. Fryma e Re Demokartike e quan si provokim të rëndë që bien ndesh flagrant me ligjin mbi partitë politike. Aq më keq tentativat e neveritshme për të fikur dritat si dhe përdorimi i policisë bashkiake, e cila paguhet nga taksat e shtetit shqiptar për të ndaluar, antarët e partisë së Frymës së Re Demokratike, të ngjiten në selinë e tyre, janë të papranueshme , thellësisht politike, dhe mjaft të rrezikshme në këtë prag zgjedhjesh. Zoti, Kryetar, ju bëjmë me dije që ne jemi në të drejtën tonë, të drejtë të cilën na e siguron ligji mbi Partitë Politike, neni 22, pika b, paragrafi 2 të cilën e citojmë ‘Partitë Politike pajisen me ndërtesë, për selinë e tyre qendrore dhe zyra vendore; Këtë të drejtë e ka dhe parti politike, mesatarja e votave të së cilës në tri zgjedhjet e fundit parlamentare ka qenë mbi 1 përqind në shkallë vendi’. Zoti Veliaj, FRD nuk mund ta besojë se këto veprime janë urdhëruar nga ju, prandaj duhet menjëherë që të urdhëroni ndalimin e kësaj marrëzie provokuese që bie ndesh me frymën e bashkëpunimit politik që duhet të ketë vendi në prag të zgjedhjeve pasi ky është një nga kushtet e integrimit të Shqipërisë dhe është vendosur në rezolutën e BE-së. Kërkojmë në mënyrë urgjente ndërhyrjen tuaj të menjëhershme për të ndalur këtë akt të paprecedentë, të paligjshëm, dhe thellësisht politik,”– shkruhet ndër të tjera në letër.

    • 16:04

      Me maskë të kuqe, djali i Ilir Metës mbështet të atin pas përplasjes me efektivët, mbërrin në zyrat e FRD-së


      Besart Meta, djali i Presidentit Ilir Meta ka shkuar pranë zyrave të Frymës së Re Demokratike për të mbështetur Opozitën në aksionin e saj kundër Bashkisë Tiranë që kërkoi sot lirimin e këtyre zyrave. Siç shihet edhe në videon e publikuar nga Dosja.al, Meta mban një maskë të kuqe vënë dhe qëndron mes turmës së të rinjve. Aty ndodhen edhe anëtarë të tjerë të Opzitës si kryedemokrati Lulzim Basha, Petrit Vasili dhe Erisa Xhixho.

    • 16:00

      ‘Opozita të zgjohet!’/ Basha i përgjigjet Metës: Jemi në krye të detyrës, presidenti po mbron Kushtetutën


      Kryetari i Partisë Demokratike, Lulzim Basha i është përgjigjur thirrjes së presidentit Ilir Meta që opozita të zgjohet dhe të reagojë ndaj sulmeve të maxhorancës. Jashtë selisë së “Frymës së Re Demokratike”, Basha tha se opozita është në krye të detyrës dhe se presidenti po bën gjithë çfarë mundet për të mbrojtur Kushtetutën.

      PJESË NGA BISEDA ME GAZETARËT: 

      Basha: Opozita ka qenë dhe është në krye të detyrës, edhe presidenti është në lartësinë e detyrës për të mbrojtur Kushtetutën në kushtet e një shteti, i cili është në funksion të mafias, Ndraghetës së Veliaj dhe Edi Ramës. Fundi është afër. Shqiptarët janë të bashkuar.

      A ka lidhje ngjarja me koalicionin tuaj?

      Basha: Hakmarrja është tipari më dallues i Edi Ramës në 8 vite. Kjo është dhunë ndaj opozitës. Kjo nuk na tremb. Dhuna ka qenë e vetmja alternativë që ka pasur për shqiptarët.

      Reagimi i Metës?

      Basha: I bëj thirrje të gjithë gazetarëve që të pasqyrojnë me objektivitet atë që ka ndodhur.

    • 15:58

      Me kë u takua Rama? Basha përsërit DENONCIMIN: Darkoi me kriminelë në Kryeministri


      Kryedemokrati Lulzim Basha ka përsëritur denoncimin e tij ndaj kryeministrit Edi Rama. Pas deklaratës së bërë në Durrës, jashtë selisë së “Fryma e Re Demokratike” Basha tha se dy ditë më parë, Rama ka mbledhur në qeveri persona me rekorde kriminale, por nuk bëri me dije emra.

      I them Edi Ramës dhe kriminelëve që ke darkuar para dy netësh në kryeministri,oligarkëve qëu jep paratë që vjedh shqiptarëve, nuk e ndalni dot ndryshimin. Më 25 prill zgjedhja është e qartë, ose do të mbetemi këtu, ose do të bashkohemi për të çliruar Shqipërinë. Skena si këto që shqiptarët i kanë përjetuar do të vazhdojnë nëse 25 prilli do të mbetet dita e status quo. Po nuk ka shans mbi tokë që kjo të ndodhë. Edi Rama do të largohet. Të gjithë do të ndryshojnë,”-tha Basha.

    • 15:55

      “Hape derën të *** Erion Veliajn, motrën”/ Turma e revoltuar çan kordonin e policisë, futet brenda zyrave të FRD-së


      Turma e mbështetësve të Partisë Fryma e Re Demokratike ka zbarkuar në zyrat e partisë që është mbushur me efektivë të Policisë Bashkiake. Siç shihet edhe në pamje, të revoltuar të gjithë qytetarët në turmë i gjujnë derës dhe nisin ofendimet. “Hape derën…ore hape derën…të q*** Erion Veliajn, motrën…ta *** motrën, hape derën,”- thinë ata dhe futen brenda.

    • 15:47

      Përplasja tek zyrat e FRD/ Basha MESAZH Ramës: S’ke shans ta trembësh opozitën! Ke humbur mendjen, je në panik për humbjen


      Kryetari i Partisë Demokratike, Lulzim Basha ka dhënë një mesazh për kryeministrin Edi Rama pas përplasjes së policisë bashkiake dhe zyrtarëve të partisë “Fryma e Re Demokratike”. Pas takimit në Durrës, Basha erdhi me urgjencë në Tiranë duke takuar në selinë e FRD, kryetarin dhe aleatin e tij, Sali Shehu. Pas takimit, numri një i PD-së i dërgoi një mesazh kryeministrit Edi Rama, të cilit iu drejtua se nuk e trembte dot opozitën me sulmet. Më tej, Basha ka vijuar me sulmet e tij, duke e cilësuar Ramën si një “bishë të plagosur” që e ndjen pranë fundin e tij.

      Para disa ditësh një mik i huaj, shumë i njohur për shqiptarët më shkruante; duket qartë që fitorja po vjen. Kam një këshillë të fundit; humbësi bëhet i rrezikshëm ditët e fundit. Populli e njeh si “ruaju bishës së plagosur”. I them nuk ke shans ta trembësh popullin që kja vendosur të të largojë me votë. Nuk ke shans ta trembësh opozitën. 25 prilli është ditë ndryshimi. E dini ju, e dimë ne dhe ndërkombëtarët që do na qëndrojnë pranë. E di edhe Edi Rama. Nga ngjarja e sotme është njëseri ngjarjes që tregojnënjë gjë; ka humbur mendjen, ka dalë nga fiqiri nga paniku i humbjes dhe nga drejtësia që po i vjen. Me një letër bakalli mendojnë se do të ushtrojnë presion ndaj opozitës. Shqiptarët e dinë sepse e kanë vuajtur. Kjo nuk na duhet fare. Dhunën e kanë ndjerë mijëra familje që u kanë prishur banesa, artistët dhe elita që kulmoi me prishjen e teatrit. E ka ndjerë sipërmarrja, e kanë ndjerë të rinjtë shqiptarë që largohen 12 herë më shumë. E kanë ndjerë studentët. E pra dhuna e Edi Ramës dhe sjella e shtetit të kapur prej tij ka qenë burimi i të këqijave. Shpresa nuk mungon për të nesërmen. Përsëris angazhimin tim, dhe koalicionit tonë se asgjë nuk e ndal ndryshimin. Ju ftoj që të jemi bashkë dhe të vendosur, shumica absolute e shqiptarëve. Dua t’i them pakicës,“- tha Basha.

    • 15:35

      Pas situatës së tensionuar, Lulzim Basha mbërrin tek zyra e FRD-së, të pranishëm edhe përfaqësues të LSI-së

      Kreu i Partisë Demokratike,  Lulzim Basha, ka mbërritur së fundmi tek zyrat e FRD, pas situatës së tensionuar që ndodhi ditën e sotme. Së bashku me Bashën kanë qenë edhe përfaqësues të LSI-së. Pak më herët tek zyrat e FRD, ka qenë edhe Presidenti Meta, i cili pati një përplasje me policinë bashkiake.

    • 14:52

      Sulmi në selinë e FRD, Berisha: Presidenti në mbrojtje të kushtetutës! Provokacion puçist, terrorist i Edvin Drogës ndaj opozitës

      Sali Berisha

      Ish-kryeministri Sali Berisha ka reaguar me një postim në faqen e tij në ‘Facebook’ pas pushtimit të zyrave te FRD nga policia bashkiake dhe ndërhyrjes së Presidentit të Republikës, Ilir Meta. Berisha thotë se Meta ishte në mbrojtje të Kushtetutës, ndërsa ngjarjen e quan si një veprim puçist të kryeministrit Edi Rama, termë që këto dy ditët e fundit e ka përdorur shpesh edhe presidenti Meta për të akuzuar Ramën.

      ‘Dënoj me ashpersinë më të madhe provokacionin puçist, terrorist të Edvin Drogës ndaj koalicionit opozitar’, shkruan Berisha në mesazhin e tij.

      REAGIMI:Veprime puçiste terroriste të Edvin Drogës! Urdheron pushtimin e zyrave të FRD pas nënshkrimit të marrveshjes me PD! Presidenti në mbrojte të kushtetutës! Dënoj me ashpersinë më të madhe provokacionin puçist, terrorist të Edvin Drogës ndaj koalicionit opozitar.

    • 14:17

      Përplasja e Metës me policinë te zyrat e FRD, Shehi: Akt neodiktature, u rrezikua jeta e Presidentit!

      Dashamir Shehi

      Kreu i LZHK-së Dashamir Shehi ka reaguar pas sulmit që ndodhi ditën e sotme në zyrat e FRD-së në Tiranë. Shehi shkruan në ‘Facebook’ se presidentit Meta iu rrezikua sot jeta teksa u përball me policët e Bashkisë së Tiranës dhe njerëz të veshur civilë, që kishin zaptuar zyrat e FRD-së.Shehi shprehet se skena të tilla në institucione të rëndësisë së veçantë dëmtojnë rëndë imazhin e vendit dhe janë tregues i një klime politike agresive që mund të ketë pasoja edhe më të rënda.

      POSTIMI:Bastisja e FRD, akt neodiktature, u rrezikua jeta e Presidentit !Bastisja e zyrave të FRD-së nga Policia Bashkiake është një akt i papranueshme dhe tregues se demokracia është në rrezik.Prania e civilëve në krah të punonjësve të Policisë Bashkiake është një akt flagrant dhe jeta e Presidentit Ilir Meta sot ishte në rrezik.Skena të tilla dhunë në institucione të rëndësisë së veçantë dëmtojnë rëndë imazhin e vendit dhe janë tregues i një klime politike agresive që mund të ketë pasoja edhe më të rënda.Sjellja e Bashkisë Tiranë është e papranueshme dhe vjen pas nënshkrimit të koalicionit të FRD me opozitën e bashkuar.Këto sjellje të qeverisë dhe Bashkisë Tiranë në prag të zgjedhjeve elektorale dëmtojnë klimën politike. I bëj thirrje Ramës për reflektim pasi vendit nuk i duhet këtë periudhë një klimë e tensionuar politike.

    • 13:40

      Përplasja te FRD, Vasili i përvishet Veliajt: Pis bashkiak me Mickey mouse, flliqësira e pamoralshme, maskarenj, s’na i merrni dot liritë tona!


      Nënkryetari i Lëvizjes Socialiste për Integrim, Petrit Vasili shkoi sot në mesditë në mbështetje të Sali Shehut në ambientet e partisë Fryma e Re Demokratike për tu solidarizuar me të pas përplasjes me policinë. Vasili tha se bashkia nuk ka ndjekur asnjë rregull ligjor ndërsa e quajti Erion Veliajn një “pis bashkiak, flliqësirë dhe të pamoralshëm”.

      “Kuptoni kush është shteti i Rilindjes. Shihni shkresën, është pa emër, pa mbiemër, vetëm pisa bashkiakë. Vetëm këta mund të duan të instalojnë një shtet të tillë, nuk fshihen dot nga humbja. Këtu janë liritë e cënuara, të prekura, një liri e palëvizshme. Këtyre lirive iu bëjmë të gjithë mbrojtjen. S’ka pis bashkiak, me mickey mouse pa mickey mouse, mi vrimash që ti marrë. Nuk ia falim këtyre flliqësirave. Jemi të gjithë bashkë, LSI, PD, FRD. Çdo parti. Nuk na dhunojnë dot këta maskarenj dhe imoralë.”-tha Vasili. 

    • 13:40

      Sherri tek FRD-ja, Sali Shehu: Zyrat tona s'ka burrë nëne që ti marrë!


      Kryetari i ri i Frymës së Re Demokratike, Sali Shehu tha se zyrat e FRD nuk do të boshatisen. Shehu u përgjigj interesit të mediave pas vizitës së Petrit Vasilit nga LSI, në seli dhe tha se: Këto janë zyra të FRD. Nuk ka burrë nëne që ti marrë. Në fund të fundit ne jemi këtu për t’ju thënë shqiptarëve se jemi këtu për një gjë më të mirë. Kjo nuk ka ndodhur as në kohë të Enver Hoxhës. Më lejoni t’ju përshëndes dhe Vasilin. 

    • 13:39

      Partia Demokratike reagon pas sherrit tek FRD: Akt brutal i urdhëruar nga Edi Rama, shkaku lidhet me koalicionin me ne

      Partia Demokratike ka dalë në mbështetje të Frymës së Re Demokratike dhe kryetarit Sali Shehu pas përplasjes që pasoi sot me policinë Bashkiake. Në një reagim për mediat, PD dënon aktin e nxjerrjes nga zyra që e cilëson si brutal dhe të urdhëruar nga Edi Rama.REAGIMI I PD:Partia Demokratike dënon aktin bruta, të urdhëruar nga Edi Rama kundër partisë Fryma e Re Demokratike. Përdorimi i forcës policore kundër një partie politike është treguesi më domethënës se Edi Rama është kundërshtar i lirisë dhe i demokracisë.Vendimi për të nxjerrë FRD-në nga selia për arsyen e vetme se doli në opozitë dhe iu bashkua koalicionit të PD-së provon se Edi Rama është një një politikan hakmarrës dhe i rrezikshëm për demokracinë dhe për qytetarët.Edi Rama po vepron në panik, pasi ai e kupton më mirë se kushdo që është i humbur. Në 25 prill , pushteti i tij autoritarist, shteti i tij policor do të marrë fund! Qytetarët do të votojnë për PD dhe koalicionin tonë për të sjellë ndryshimin!
    • 13:39

      E quajti të alkoolizuar , zëdhënësi i Metës i përgjigjet Veliajt: O vemje! Mos e detyro Presidentin t’u bëjë thirrje qytetarëve të të përzenë

      Zëdhënësi i presidentit Ilir Meta, Tedi Blushi ka kërcënuar kryebashkiakun Erion Veliaj që të mos e detyrojë kreun e shtetit që t’u kërkojë qytetarëve ta nxjerrin jashtë Bashkisë së Tiranës. Pas përplasjes fizike në të cilën Meta u përfshi gjatë bastisjes së zyrave të “Frymës se Re Demokratike” në Tiranë, kryebashkiaku Veliaj e cilësoi kreun e shtetit si një person të alkoolizuar dhe në fazë degradimi. Pak pas deklaratës së Veliajt, Blushi shkruan në rrjetin e tij social Facebook që Veliaj mos të guxojë të urdhërojë më sulme të tilla, ndryshe Meta do t’i vendosë përballë popullin. Mos e detyro Presidentin e Republikës t’u bëjë thirrje qytetarëve të të përzenë që sot nga Bashkia e Tiranës, si një qen rrugësh të pasterilizuar, o provokator ordiner i skizofrenit me kartelë. O vemje, mbaj shënim: 1. Nuk ke për t’i shpëtuar KURRË dënimit mbarëqytetar, as për shembjen kriminale të Teatrit Kombëtar, as për aferën e zezë sterrë të inceratorëve dhe as për shumë afera të tjera. 2. MOS GUXO MË të bësh veprime të paligjshme dhe të porositësh dhunë kundër Opozitës, se do të dorëzojmë te gjykatësi popull o horr gjirizash dhe t’i besoj e kupton mirë se çdo do të thotë kjo,”- shkruan Blushi.
    • 13:17

      “Rrugaç lagjeje”, Veliaj i përgjigjet Metës: Është në fazë degjenerimi, i alkoolizuar

      Kryebashkiaku Erjon Veliaj e ka quajtur presidentin Ilir Meta, të alkoolizuar dhe person që ka kaluar në një fazë degjenerimi. Veliaj tha për ‘reporttv’ se Bashkia ofron një mundësi shumë të mirë rehabilitimi për të alkoolizuarit dhe burrat e dhunshëm, marrë shkas nga veprimet që presidenti bëri ditën e sotme ndaj efektivëve të policisë.

      DEKLARATA:Meta po kalon një fazë degjenerimi total, psqik total, mendor, teksa është i alooklizur, ne si Bashki kemi një mundësi shumë të mirë rehabilitimi për të alkoolizuar dhe burrat e dhunshëm dhe do ishim shumë të lumtur që t’ia ofronin këtë shërbim.

    • 13:15

      Dhuna ndaj efektivëve/ Veliaj: Do të bëjmë kallëzim penal për ata që dhunuan policët

      Kryetari i Bashkisë së Tiranës, Erjon Veliaj ka bërë të ditur se do të procedojnë penalisht të gjithë personat që morën pjesë ditën e sotme në përplasjen që ndodhi ditën e sotme në zyrat e FRD-së në Tiranë. Në një lidhje direkte me ‘reporttv’, Veliaj tha se zaptuesit duhet të largohet e se qyteti duhet ti kthehet qytetarëve.

      DEKLARATA: Ne do të transferojmë zyrat, Bashkia merr me qira në privat dhe lë zyrat e veta dhe lë në zaptim zyra nga politkanët e lodhur, një mënyrë për të kursyer paratë e qytetarë, do duhet t’i përdorim këto zyra për njerëzit që i shërbejnë qytetit, jo partitë, do i procedojmë penalisht të gjithëve, dhe nëse do e dini si do përfundojnë kjo histori, zaptuesit do të largohet, qyteti do i kthehet qytetarëve.

    • 13:10

      Dhuna në zyrat e FRD, Veliaj: Çdo i marrë dhe rrugaç të vijë, Bashkia nuk do e lejojë

      Kryebashkiaku Erjon Veliaj ka reaguar pas dhunës që ndodhi pak minuta më parë në ambientet e zyrave të FRD-së. Veliaj tha për ‘Reporttv’ se Bashkia e Tiranës do të lejojë zaptimin e zyrave. Ndër të tjera ai tha se të vijë çdo i marrë dhe rrugaç, por Bashkia nuk do lejojë që partitë të zaptojnë pronat e tyre.

      DEKLARATA:Ata që kanë një politikë zaptimi, duhet ta kuptojnë se nuk duhet bërë zaptim. Cdo i marrë dhe rrugac të vijë Bashkia e Tiranës nuk do e lejojë, vendi ka rregulla për partitë politike, partitë të marrin me qera ku të duan por jo të zaptojnë pronat e bashkisë. Nuk iu takon strehim në pronat bashkiake. Ai e din qe prej 3 vitesh që nuk duhet të jetë aty.

    • 13:19

      ARSYEJA e SHERRIT/ Pse kërkon bashkia të nxjerrë jashtë godinës FRD-në 2 javë pas firmosjes së koalicionit me opozitën e bashkuar

      Me argumentin se godina është e amortizuar, Fryma e Re Demokratike duhet të zbrazë zyrat ku ndodhet që prej vitit 2016. Bashkia e Tiranës argumenton nga ana e saj se është duke zbatuar ligjin. Bashkia pretendon se zyrat dhe selitë iu jepen partive politike që kanë përfaqësim në Kuvend apo kanë në përbërje një ish-President.

      Çfarë parashikon ligji?

      Në nenin 22, pika b, thuhet qartësisht se partitë që kanë përfaqësim në Kuvend, marrin edhe seli dhe zyra vendore. Sipas kryebashkiakut Erion Veliaj, tashmë që Bamir Topi është larguar si kryetar, bashkia nuk ka më detyrim ti japë zyra pasi FRD nuk ka as përfaqësim parlamentar, nuk ka në përbërje një ish-president e as nuk ka marrë 1% të votave në zgjedhjet e fundt.

      Më herët selitë janë lëshuar edhe nga Paskal Milo dhe Zef Bushati, por ligji nuk është ndjekur njësoj për Skënder Gjinushin. Deri para vitit 2019, kur Partia Social Demokrate e Gjinushit të kalonte në pronësi të Tom Doshit, Gjinushi kishte disa legjislatura pa mandat në Kuvend dhe as nuk ka patur në përbërje një president, por selia i ishte dhënë “apriori” nga qeveritë e të gjitha ngjyrave për përdorim. Kësisoj, kjo “rastësi” 2 javë pas largimit me mllef të Topit dhe firmosjes së koalicionit opozitar që përkon me bastisjen e zyrave është kontradiktore me rastet e tjera.

    • 13:04

      MOMENTI-VIDEO E PLOTË/ Sherri tek FRD-ja, grushta, shpulla dhe sharje, përplasja fizike ku u bë pjesë dhe presidenti Ilir Meta


      Kërkesa e Bashkisë Tiranë që Fryma e Re Demokratike, ish-partia e Bamir Topit, tashmë në koalicion me opozitën, të bastiste zyrat me qëllim rinovimi dhe mirëmbajtje. Kjo kërkesë nuk u pranua nga kryetari i ri i Partisë, Sali Shehu, i cili kërkoi ndihmë nga presidenti Ilir Meta.

      Meta shkoi tek zyrat ku brenda ndodheshin efektivët e policisë bashkiake, ata të rendit dhe anëtarët e FRD-së.

      Situata ka dalë jashtë kontrollit dhe sherri verbal ka kapërcyer në sharje, grushta dhe shpulla. Presidenti Ilir Meta nxorri jashtë policët ndërsa nuk munguan as fyerjet. “Ikni o b.q.”-dëgjohet në video.

      Sherri i plotë i Metës me Policinë Bashkiake:

      Ilir Meta: Ça bëhet kështu more? Kështu e duan këta? Ore do t’ju çoj në burg me duart e mia. Përjashta, Përjashta, Përjashta, Përjashta,  s’dua asnjë fjalë.

      Një i pranishëm: Përjashta ka të drejtë.

      Tjetri: Legen muti mos më kap me dorë o bq.

      Ilir Meta: Dilni more jashtë. Dilni jashtë se do vij unë jashtë.

    • 12:41

      “I them kryepalaços së bashkisë Bandë”, Meta paralajmëron Veliajn: Mos iu bind më të çmendurit!


      Presidenti i Republikës Ilir Meta është përfshirë sot në një përplasje fizike tek zyrat e Frymës së Re Demokratike, atje ku policia bashkiake ka kërkuar që prej paradites që të zbrazen zyrat. Pas qetësimit të situatës, presidenti ka kërkuar nga kryebashkiaku Erion Veliaj që të mos i bindet më urdhërave të kryeministrit Edi Rama, të cilin e quajti të “çmendur”.

      Ilir MetaDo të jetë vonë edhe për të jo vetëm për qytetarët në rast se do të tolerojë partinë bandë. Po i paralajmëroj edhe një herë policinë bashkiake dhe policinë e shtetit. Të mos përfundoni si policët e Mubarakut nën këpucët e popullit shqiptar. Mos u bëni si policët e Mubarakut. I them kryepalacos së bashkisë bandë se çfarë ke bërë me firma. Mos iu bind më urdhërave të të çmendurit se ai do të nxjerrë kartelën më 25 prill apo më para.

    • 12:38

      ‘Po kaloja rastësisht, më telefonoi Saliu…’/ Meta i ashpër, s’përmbahet nga selia e FRD: Përpjekje për grusht shteti, opozita të ZGJOHET!


      Presidenti Ilir Meta ka kërkuar nga opozita që të reagojë pas kërkesës së Bashkisë së Tiranës për zbrazjen e godinës së Frymës së Re Demokratike. Pas përplasjes me efektivët e Policisë, Meta në një prononcim të shkurtër shpjegoi se po kalonte në zonë rastësisht, kur kishte marrë një telefonatë nga Sali Shehu për ta ndihmuar.

      E konsideroj si një përpjekje për të realizuar një grusht shteti. Ti sjellësh një partie zyretare opozitare menjëherë pasi nënshkruan një marrëveshje me PD për të marrë pjesë në zgjedhje, ti sjellësh një shkresë të tillë as vulë dhe as emër tituallari as nr protokolli të bërë vetëm për të dhunuar fizikisht e fizikisht çdo forcë opozitare që synoin të konkurojë në zgjedhje. Kjo është Bashki-bandë. Është tepër irrituese. Është paralajmërim për qytetarët për përpjekjet mafioze për të vënë dorë në procesin zgjedhor. I bëj thirrje opozitës të zgjohet dhe të mos lejojë më prekje të rregullave të garës se do të jetë vonë. Jam pas telefonatës së Shehut. Jam këtu pas telefonatës së Shehut po kaloja këtu rastësisht. Ju e patë sesi dhunohet kreu i FRD së Tiranës. Po iu paralajmëroj edhe njëherë, zbatoni ligjet mos përfundoni si Policët e Mubarakut nën këpuët e popullit. Kaq! Ti e di shumë mirë çfarë ke bërë me firma, mos iu bind me urdhërave të të çmendurit se do nxjerrë kartelën e të sëmurit psiqik,”-tha Meta.

    • 12:33

      PËRPLASJE FIZIKE/ Meta konfortohet me policinë bashkiake: Dilni jashtë ose do t’ju fus në burg me me duart e mia!


      Presidenti Ilir Meta është përplasur fizikisht me efektivët e Policisë Bashkiake, pasi ka shkuar në zyrat e Frymës së Re Demokratike ku takoi nga afër kreun e partisë, Sali Shehu. “Dilni nga zyrat ose do t’ju çoj në burg me duart e mia”-ka thënë Meta.

    • 12:32

      Presidenti shqetësohet! Bashkia i kërkoi FRD-së të lirojë zyrat, Meta shkon takon me urgjencë Sali Shehun, përplasje në godinë

      Presidenti Ilir Meta ka shkuar në ambientet e zyrave të Partisë “Fryma e Re Demokratike” dhe është përplasur me efektivë të Policisë Bashkiake. Ai i ka dalë në mbrojtje drejtuesit të FRD-së, Sali Shehu, i cili thotë se ky vendim i Bashkisë së Tiranë ka një prapavijë politike. Meta i ka kërkuar efektivëve që të dalin jashtë godinës, duke i kërcënuar se do t’i dërgonte me duart e tij pas hekurave të qelisë.

    • 12:21

      Policia Bashkiake do t’i nxjerrë jashtë, Sali Shehu: Nuk dal, le të më arrestojnë


      Kryetari i “Fryma e Re Demokratike” Sali Shehu ka reaguar për herë të parë pasi zbarkimit të efektivëve të Policisë Bashkiake në ambientet e partisë së tij. Në një prononcim të shkurtër për mediat, Shehu pretendon se e gjitha është sulm i pastër ndaj partisë që ai drejton. Më tej, Shehu shtoi se do të përgatisë një kallëzim penal ndaj Bashkisë së Tiranës.

      “Kjo është një tentativë e neveritshme kundër FRD. Nuk na lejojnë të futemi brenda. Kemi përgatitur kallëzim penal për Bashkinë. Do jem në zyrë nëse e kanë vendosur le të më arrestojnë,”- deklaroi Shehu.

    • 11:47

      ME FOTO: Policia bastis zyrat e FRD-së në Tiranë, ASKUSH nuk lejohet që të hyjë brenda godinës

      Policia bashkiake ka rrethuar mëngjesin e sotëm zyrën e partisë së Frymës së Re Demokratike në vend. Dosja.al ka siguruar pamje nga momenti nga rrethimi që i është bërë godinës. Sipas efektivëve, zyrat janë pronë e Bashkisë së Tiranës.

    3 Komente në “Pamje nga përplasja/ Bashkia nxjerr jashtë godinës FRD, Meta shkon në ndihmë, përplaset me Policinë Bashkiake: Do t’ju fut në burg me duart e mia! Veliaj: President i alkoolizuar! Basha: S’kemi frikë nga bisha e plagosur (ZHVILLIMET)

    1. Kjo Parti ka antare ne keshillin bashkiak. Emri me poshte:

      58

      Alketa Budurushi

      FRD

    2. me popull injorant me president hajdut skisha pare deri me sot , ca bohet mer jemi ne mesjete

    3. Po kaloja rastesisht thote mender presidenti i dehur hahahahahaha Bashkia duhet ta lere FRPD ne zyra derisa te behen zgjedhjet dhe me pas shikohet qendrimi sipas ligjit. Por mender presidenti po telendiset keshtu hahahahaha Fiks si tha Manjani, Rama nuk ka ndermend ta shkarkoje Meten por ta telendisi hahahahaha

    Shto Koment