Aktualitet

Mori 6 mijë € për të nxjerrë nga burgu një person, arrestohet gjyqtarja Mimoza Margjeka në Durrës, avokati dhe një qytetar, e komanduara në Apelin që s’i dha mandatin Sakos

  • Arrestohet dekani i fakultetit të Juridikut në Universitetin “Aleksandër Moisiu” në Durrës
  • Mori 6 mijë euro për të liruar të dënuarin, kjo është gjyqtarja nga Durrësi që u arrestua për korrupsion
  • Kush është avokati i lënë në arrest shtëpie, djali iu të cilit u vra nga Kostandin Xhuvani në 2014-ën
  • Skënder Demiraj si prokuror apeli kërkoi lirimin nga salla të Fatos Nanos më 1995
  • Trafikanti që liroi gjyqtarja Mimoza Margjeka pasi mori 6 mijë euro, po transportonte emigrantët e paligjshëm drejt Malit të Zi kundrejt 100 eurove
  • Bali, për të dalë nga burgu, përmes avokatit të tij, Skënder Demiraj ka kontaktuar me bashkëshortin e gjyqtares Margjeka, Arben Cara, duke i transferuar kështu edhe 6 mijë euro. Në këtë mënyrë, ai la qelinë dhe doli në “arrest shtëpie”. Në lidhje me këtë ngjarje, është caktuar masa e ‘arrestit me burg’ edhe për:
    Featured image of article: Mori 6 mijë € për të nxjerrë nga burgu një person, arrestohet gjyqtarja Mimoza Margjeka në Durrës, avokati dhe një qytetar, e komanduara në Apelin që s’i dha mandatin Sakos Valbona Sako dhe foto ilustruese
    Përditësuar:

    DURRËS– Mimoza Margjeka, e komanduar si gjyqtare në Apelin e Durrësit, është vënë në pranga pasi akuzohet se ka përfituar 6 mijë ruo, në mënyrë të paligjshme për të nxjerrë nga qelia personin e identifikuar si Orion Bali, i arrestuar nga Prokuroria pranë Gjykatës së Shkallës së Parë Pogradec, për veprën penale “Ndihmë për kalim të paligjshëm të kufijve”, parashikuar nga neni 298/3 i Kodit Penal.

    Bali, për të dalë nga burgu, përmes avokatit të tij, Skënder Demiraj ka kontaktuar me bashkëshortin e gjyqtares Margjeka, Arben Cara, duke i transferuar kështu edhe 6 mijë euro. Në këtë mënyrë, ai la qelinë dhe doli në “arrest shtëpie”. Në lidhje me këtë ngjarje, është caktuar masa e ‘arrestit me burg’ edhe për:

    -Nejton Balin dhe Klaudjo Zhillën, të dyshuar për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, në bashkëpunim, parashikuar nga neni 319 e 25 i Kodit Penal.

    -Arben Carën, i dyshuar për kryerjen e veprës penale “Korrupsioni pasiv i gjyqtarit, prokurorit dhe i funksionarëve të tjerë të organeve të drejtësisë”, në bashkëpunim, parashikuar nga neni 319/ç e 25 i Kodit Penal.

    – Ndërsa në “arrest shtëpie”, parashikuar nga neni 237 i Kodit të Procedurës Penale, u la shtetasi Skënder Demiraj (avokati), i dyshuar për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, në bashkëpunim, parashikuar nga neni 319 e 25 i Kodit Penal.

    Por, kush është gjyqtarja Mimoza Margjeka?

    Valbona Sako, kandidatja e PS-së që fitoi në Durrës në zgjedhjet e 30 qershorit, nuk e mori mandatin pasi gjyqtarja Mimoza Margjeka vendosi të mos ja japë. Sipas Margjekës shkak për mosdhënien e mandatit është regjistrimi i kandidates tjetër të BD-së për kreun e Bashkisë, Valbona Sakollari, jashtë afateve të përcaktuara me ligj. Ndërkohë, portalet dhanë një tjetër shkak për mosdhënien e mandatit. Gazeta Tema shkruante se bashkëshorti i gjyqtares Mimoza Margjeka është një simpatizant i flaktë i PD-së dhe se kjo gjë ka ndikuar në vendimin e Margjekës. Madje, e njëjta medie publikoi edhe foton e Carës me dy gishtat lart.

    NJOFTIMI I SPAK: 

    Për më shumë bëhu pjesë e grupit më viral në Facebook, Dosja.al

    Prokuroria e Posaçme Kundër Korupsionit dhe Krimit të Organizuar Tiranë ka regjistruar procedimin penal Nr.186/2020. Në kuadër të hetimeve të kryera për këtë procedim penal, në bashkëpunim me Drejtorinë e Përgjithshme të Policisë së Shtetit, (Drejtorinë Hetimore Qendrore), nëpërmjet përdorimit të metodave proaktive dhe të posaçme të hetimit, është bërë i mundur evidentimi dhe dokumentimi i një akiviteti korruptiv në sistemin e drejtësisë. Konkretisht ka rezultuar se shtetasit Nejton Bali, Klaudjo Zhilla dhe Skënder Demiraj (me profesion avokat), në bashkëpunim me njëri tjetrin, kanë konsumuar veprën penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, parashikuar nga neni 319 e 25 i Kodit Penal, duke i dhënë shtetases Mimoza Margjeka, me detyrë gjyqtare, aktualisht e komanduar në Gjykatën e Apelit Korçë, nëpërmjet bashkëshortit të saj, shtetasit Arben Cara, një shumë prej 6.000 (gjashtë mijë) eurosh, si përfitim të paligjshëm. Kjo shumë parash, është dhënë me qëllim ndryshimin e masës së sigurimit, nga “arrest në burg” në “garanci pasurore”, ndaj shtetasit Orion Bali, i arrestuar nga Prokuroria pranë Gjykatës së Shkallës së Parë Pogradec, për veprën penale “Ndihmë për kalim të paligjshëm të kufijve”, parashikuar nga neni 298/3 i Kodit Penal. Në shkëmbim të përfitimit të paligjshëm ka rezultuar se Gjykata e Apelit Korçë ka ndryshuar masën e sigurimit nga “arrest në burg” në “garanci pasurore”, për këtë shtetas.

    Mbështetur në provat e administruara dhe pas kërkesës së prokurorit të Prokurorisë së Posaçme, Gjykata e Posaçme e Shkallës së Parë, për Korrupsionin dhe Krimin e Organizuar Tiranë, me vendimin nr. 92 datë 05.09.2020 ka caktuar :

    Masën e sigurimit “arrest në burg”, parashikuar nga neni 238 i Kodit të Procedurës Penale, ndaj shtetasve Nejton Bali dhe Klaudjo Zhilla, të dyshuar për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, në bashkëpunim, parashikuar nga neni 319 e 25 i Kodit Penal.

    Masën e sigurimit “arrest në burg”, parashikuar nga neni 238 i Kodit të Procedurës Penale, ndaj shtetasit Arben Cara, i dyshuar për kryerjen e veprës penale “Korrupsioni pasiv i gjyqtarit, prokurorit dhe i funksionarëve të tjerë të organeve të drejtësisë”, në bashkëpunim, parashikuar nga neni 319/ç e 25 i Kodit Penal.

    Masën e sigurimit “arrest në shtëpi”, parashikuar nga neni 237 i Kodit të Procedurës Penale, ndaj shtetasit Skënder Demiraj, i dyshuar për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, në bashkëpunim, parashikuar nga neni 319 e 25 i Kodit Penal.

    Masën e sigurimit “arrest në shtëpi”, parashikuar nga neni 237 i Kodit Procedurës Penale, ndaj shtetases Mimoza Margjeka, e dyshuar për kryerjen e veprës penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, në bashkëpunim, parashikuar nga neni 319/ç e 25 i Kodit Penal. Sot, në datë 09.09.2020, Policia e Shtetit ka ekzekutuar vendimin e gjykatës që cakton masat e sigurimit personal, duke arrestuar shtetasit e mësipërm.

    (a.b;f.m/dosja.al)

    • 21:18

      Trafikanti që liroi gjyqtarja Mimoza Margjeka pasi mori 6 mijë euro, po transportonte emigrantët e paligjshëm drejt Malit të Zi kundrejt 100 eurove

      Ditën e sotme SPAK zbuloi dhe goditi një rast korrupsioni në sistemin e drejtësisë. Në këtë operacion ra në pranga gjyqtarja Mimoza Margjeka pasi mori ryshfet për ndryshimin e masës së sigurisë së Orion Balit 32 vjeç. Arrestimi i këtij të fundit ndodhi më 5 korrik të këtij viti ku u kap në Pogradec së bashku me dy persona të tjerë për trafikun e 14 emigrantëve të paligjshëm në kuadër të operacionit “Perimetri”.

      Foto ilustruese

      Ato po transportonin emigrantët e paligjshëm të cilëve iu kishin marrë 100 euro për ti dërguar në kufi me Malin e Zi. Plani i tyre u pre në mes, pasi u arrestuan dhe shkalla e parë i la në burg. Vëllai i Orion Balit ishte ai që ndërhyri në sistemin e drejtësisë përmes avokatit dhe pronarit të hotelit në Korçë arriti te burri i gjyqtares që i dha 6 mijë euro duke ndryshuar masën e sigurisë në apel.

    • 20:45

      E shkuara e avokatit që u la me arrest shtëpie nga SPAK, Skënder Demiraj si prokuror apeli kërkoi lirimin nga salla të Fatos Nanos më 1995

      Avokati i lënë në arrest shtëpie nga SPAK, Skënder Demiraj është babai i një prej katër të rinjve të vrarë nga Kostandin Xhuvani, i dënuar me 35 vite burg. Por 25 vite më parë, Skënder Demiraj ka qënë Prokuror i Apelit. Në atë kohë ish kryetari socialist Fatos Nano i burgosur politik do të dënohej me 10 vite burg.

      Fatos Nano, Skender Demiraj

      Cështja e Nanos ishte në Gjykatën e Apelit në Tiranë, ku avokatët kërkuan lirimin e tij. Prokurori Skënder Demiraj kërkoi prishjen e vendimit të Gjykatës së Tepelenës si të padrejtë.

      Ai tha se, në bazë të raporteve të përcaktuara nga tri gjykatat, Nano të dënohej me 7.6 vjet dhe fakti që ai kishte vuajtur dhe përfituar nga amnistitë e faljes 7 vjet e 11 muaj e 12 ditë, ai duhej të lirohej. Nga ana e tij trupi gjykues vendosi lënien në burg të Nanos. Demiraj është qytetar nderi i Burrelit i dhënë nga këshilltarët e majtë dhe të djathtë në vitin 2012.

      Skënder Demiraj ka mbaruar studimet e larta në vitin 1976 në Fakultetin Juridik dhe ka punuar prokuror në Kukës, Mat, Pukë, Krujë e Tiranë. Ai në vitin 1991 ka kryer detyrën e kryetarit të Komitetit Ekzekutiv të rrethit Mat, si përfaqësues i Partisë Demokratike.

    • 19:59

      Kush është avokati i lënë në arrest shtëpie, djali iu të cilit u vra nga Kostandin Xhuvani në 2014-ën

      Një prej personave që policia la në arrest shtëpi ditën e sotme, është avokati Skënder Demiraj pasi u dyshua për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”. Mirëpo Demiraj nuk është emër i panjohur në media. Avokati është babai i një prej katër të rinjve të vrarë nga Kostandin Xhuvani. Ky i fundit në 4 nëntor të vitit 2014 vrau 4 persona në një lokal nate në Tiranë, mes tyre Arbër Demirajn, djalin e avokatit.

      Kostandin Xhuvani, djali i ish-deputetes së PS Luiza Xhuvanit, është dënuar me 35 vite burgim për vrasjen e Edison Jahon, Enea Xhajn, Arbër Demirajn dhe italianin Gianpaolo Azzola.

      Skender Demiraj

      Por, kush është Skënder Demiraj?

      Demiraj është qytetar nderi i Burrelit i dhënë nga këshilltarët e majtë dhe të djathtë në vitin 2012. Skënder Demiraj ka mbaruar studimet e larta në vitin 1976 në Fakultetin Juridik dhe ka punuar prokuror në Kukës, Mat, Pukë, Krujë e Tiranë. Ai në vitin 1991 ka kryer detyrën e kryetarit të Komitetit Ekzekutiv të rrethit Mat, si përfaqësues i Partisë Demokratike. Në vitin 1997, Skënder Demiraj është zgjedhur anëtar i Këshillit të Lartë të Drejtësisë, në 2001-shin është zgjedhur nga mbledhja e përgjithshme e prokurorisë anëtar i Këshillit të Prokurorisë dhe nga ky këshill si kryetar, funksion që e ka kryer deri në vitin 2005. Në maj të vitit 2005 ka dhënë dorëheqjen si prokuror dhe ka kandiduar si deputet i Partisë Socialiste në zonën elektorale nr.19 Mat-thuhet në CV-në e Demirajt.

      Si ndodhi arrestimi i Demirajt?

      Mimoza Margjeka, e komanduar si gjyqtare në Apelin e Durrësit, është vënë në pranga pasi akuzohet se ka përfituar 6 mijë euro, në mënyrë të paligjshme për të nxjerrë nga qelia personin e identifikuar si Orion Bali. Ky i fundit për të dalë nga burgu, përmes avokatit të tij, Skënder Demiraj ka kontaktuar me bashkëshortin e gjyqtares Margjeka, Arben Cara, duke i transferuar kështu edhe 6 mijë euro. Demiraj (avokati), u dyshua për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë” duke u lënë në “arrest shtëpie”.

    • 19:26

      ME FOTO/ Mori 6 mijë euro për të liruar të dënuarin, kjo është gjyqtarja nga Durrësi që u arrestua për korrupsion

      Është publikur në media fotoja e Mimoza Margjeka, gjyqtarja e dyshuar se mori rryshfet për të ndryshuar masën e sigurisë për të dënuarin për transport të paligjshëm të emigrantëve, kundrejt një pagese prej 6000 eurosh. “Faxnews” ka publikuar foton e gjyqtares që akuzohet se ka marrë pagesën përmes bashkëshortit të saj Arben Cara, nga Nejton Bali, Klaudjo Zhilla dhe avokati Skënder Demiraj.

      Mimoza Margjeka

      Margjeka njihet si gjyqtarja që nuk njohu rezultatin e zgjedhjeve lokale në Durrës vitin e shkuar. Ajo nuk i dha në shkallën e parë mandatin kryebashkiakes së PS që garoi vetëm, Valbona Sako. Sipas saj zgjedhjet ishin nul, për shkak të regjistrimit të kandidates tjetër të BD-së për kreun e bashkisë, Valbona Sakollari, jashtë afateve të përcaktuara me ligj.Ndërkohë, portalet dhanë një tjetër shkak për mosdhënien e mandatit. Gazeta Tema shkruante se bashkëshorti i gjyqtares Mimoza Margjeka është një simpatizant i flaktë i PD-së dhe se kjo gjë ka ndikuar në vendimin e Margjekës. Madje, e njëjta medie publikoi edhe foton e Carës me dy gishtat lart.

    • 15:55

      Arrestohet dekani i fakultetit të Juridikut në Universitetin “Aleksandër Moisiu” në Durrës

      Arben Cara, dekani i fakultetit të Juridikut në Universitetin “Aleksandër Moisiu” është vënë në pranga. Ai është bashkëshorti i gjyqtares së Apelit Korçë, Mimoza Margjeka, e cila u arrestua për korrupsion aktiv pasi kishte marrë ryshfet 6 mijë euro që të ndërhynte tek e shoqja dhe të ndryshonte masën e sigurisë për një të arrestuar.

      Universiteti Aleksander Moisiu

      Bashkëshorti i Margjekës është simpatizant i PD-së dhe kjo gjë ka ndikuar në vendimin e bashkëshortes së tij për ti dhënë 6 mijë euro që të ndryshonte vendimin. Pas një hetimi disa mujor nën drejtimin e SPAK, nënë operacionin e koduar “Starova” është vënë në pranga dekani i fakultetit.

    Një Koment në “Mori 6 mijë € për të nxjerrë nga burgu një person, arrestohet gjyqtarja Mimoza Margjeka në Durrës, avokati dhe një qytetar, e komanduara në Apelin që s’i dha mandatin Sakos

    1. Filloi gjuetia e shtigave.Aspaku me bekimin amerikan ka dorë të lirë dhe hap çështje kundër armiqve të partisë.Si dikur.

    Shto Koment