Aktualitet

E sulmoi ariu kur po kulloste bagëtitë në mal, bariu me plagë në kokë e këmbë, sillet me helikopter drejt Tiranës

  • I fashuar dhe gjithë gjak, pamjet nga spitali, si e dëmtoi bariun ‘lufta’ me arushën në Kukës
  • Bariu Ekrem Onuzi është sulmuar nga një ari teksa po kulloste bagëtitë e tij. Prej dy orësh është njoftuar Salla e Emergjencave për helikopter, por mjeti i transportit është vonuar ndërkohë që i plagosuri lufton me vdekjen. Banorët e zonës bëjnë me dije se gjendja e 45-vjeçarit është shumë e rëndë.
    Featured image of article: E sulmoi ariu kur po kulloste bagëtitë në mal, bariu me plagë në kokë e këmbë, sillet me helikopter drejt Tiranës Ekrem Onuzi, personi i sulmuar nga ariu dhe zjarri i ndezur

    KUKËS- Një bari i identifikuar si Ekrem Onuzi është sulmuar nga një ari. Ngjarja ka ndodhur në malin e Gjallicës në zonën e quajtur Sasat.

    Nga sulmi i kafshës së egër mësohet se 45-vjeçari ka marrë dëmtime të rënda në kokë, në shpatull dhe në këmbë.

    Banorë të zonës bëjnë me dije se i riu ka qënë në stan me bagëtitë e tij dhe sapo qentë kanë pikasur arushën t’u afrohej i janë sulur. Kafsha e egër e nxitur nga qentë ka sulmuar barin duke i shkaktuar plagë të rënda.

    Edhe pse është njoftuar në kohë rekord, sipas banorëve, helikopteri ka mbërritur në orën 13:20, thuajse tre orë pasi ata kishin telefonuar për ndihmë. Sipas banorëve, ajri ishte e vetmja rrugë për transportin e banorit të fshatit Nangë pasi për të shkuar në stane me këmbë duhet të paktën katër orë. 

    Për më shumë bëhu pjesë e grupit më viral në Facebook, Dosja.al

    Fillimisht të plagosurit i kanë vajtur në ndihmë barinj të tjerë që kishin stanet pranë tij dhe banorë të fshatit. Ata kanë treguar se gjendja e 45-vjeçarit është shumë e rëndë dhe se helikopteri po vonon që të vijë.

    Për t’i ardhur në ndihmë pilotëve për pikasjen e vendit ku edhe ka ndodhur ngjarja, banorët kanë ndezur një zjarr. Tanimë ai është nisur drejt Tiranës me helikopterin e Ministrisë së Mbrojtjes.

    Ende nuk dihen detaje lidhur me gjendjen e bariut të sulmuar nga një kafshë e egër kaq e rrezikshme që banon në pyjet e Shqipërisë.

    (k.m/dosja.al)

    • 17:00

      Me shenja në fytyrë dhe jashtë rrezikut për jetën, publikohet foto nga spitali e bariut që u sulmua nga ariu

      Bariu nga Kukësi, Ekrem Onuzi, që u sulmua sot nga një ari ka mbërritur në Tiranë. Transporti i tij është bërë me helikopter dhe tashmë ai ndodhet në spitalin e Traumës në kryeqytet nën kujdesin e mjekëve.

      Ekrem Onuzi, bariu që u sulmua nga ariu

      Onuzi ka plagë të shumta në fytyrë, krahë, këmbë dhe pjesë të tjera të trupit si pasojë e sulmit nga ariu. “Me Ekrem Onuzin, sfidantin e ariut të murrmë! Me disa dëmtime por falë zotit jashtë rrezikut per jetën. Shërim të shpejtë dhe të plotë Ekrem Onuzi!”, shkruan një qytetar që ka publikuar dhe foton e Onuzit.

    • 13:53

      U sulmua nga ariu në mal, helikopteri mbërrin pas tre orësh në Gjallicë, bariu niset drejt Tiranës

      Mbërrin më në fund ndihma për bariun Ekrem Onuzi, i cili u sulmuar nga një ari. Mësohet se helikopteri ka arritur në vendin e quajtur Sasat në orën 13:20 dhe është nisur me urgjencë drejt Tiranës.

    • 13:25

      Dalin FOTOT: U sulmua nga ariu, kush është bariu që jetonte në stanin e tij në bjeshkët e Gjallicës

      Dalin fotot e bariut të sulmuar nga arusha në zonën e quajtur Sasat në malin e Gjallicës. Personi që shihni në fotot e mëposhtme është bariu Ekrem Onuzi, banor i fshatit Nangë.

      Në një kërkim në Facebook, Onuzi ka shpërndarë foto nga stani i tij bashkë me bagëtitë në mal. 45-vjeçari ka qënë mjaft aktiv duke shpërndarë foto nga bjeshkët e Gjallicës dhe nga stanet e tjera.

    • 13:25

      Kukësi në ‘këmbë’, niset helikopteri tek bariu i plagosur nga arusha, Safet Gjici: Do çohet me urgjencë drejt Tiranës

      Safet Gjici

      Kryebashkiaku i Kukësit, Safet Gjici ka dhënë detaje nga gjendja e personit të sulmuar nga ariu në zonën Sasat. Sipas tij, helikopteri i Ministrisë së Mbrojtjes është nisur menjëherë në zonë për të marrë të lënduarit.

      “Helikopetri është nisur dhe për punë minutash është atje. Gjallica ka shumë kafshë të egra. I plagosuri është i fshatit Nangë. Është nisur helikopteri i Ministrisë së Mbrojtjes. Do ta marrin dhe do të niset me urgjencë drejt Tiranës,”- tha Gjici në një lidhje për Report Tv.

    • 13:25

      Del EMRI i të sulmuarit nga ariu në malin e Gjallicës, flet banori i zonës: Ishte me dhentë

      Foto ilustruese

      Dalin detaje të reja nga ngjarja e rëndë që ka ndodhur në Kukës, ku një person është sulmuar nga ariu. Mësohet se emri i personit të plagosur është Ekrem Onuzi.  Një banor i zonës, në një lidhje telefonike për “Report Tv”, tha se prej tre orësh kanë kërkuar një helikopter pasi është e pamundur që të ndërhyhet me këmbë për shkak të terrenit të vështirë.

      I plagosuri është Ekrem Onuzi. Ka qënë me dhentë, i sulmuan qentë arushën dhe më pas ajo i është sulur atij. Gjendja është katastrofë. I kanë shkuar persona të fshatit atje për ta ndihmuar. Kemi tre orë që kemi njoftuar. Është e pamundur që të transportohet në rrugë tokësore. Duhet katër orë që të shkojnë atje,”-tha banori.

    • 12:52

      Jeta në fije të perit, njeriu sulmohet nga ariu, ndez zjarr për t'u pikasur nga helikopteri

      Pasi sulmuar nga ariu, një banor i zonës kërkon ndihmë nga autoritetet për ta dërguar në spital. Pavarësisht plagëve të rëndë, personi i sulmuar ka arritur që të njoftojë vetë sallën e emergjencave. Për ta bërë më të lehtë gjetjen e tij nga helikopteri, ai ka ndezur një zjarr.

    Shto Koment