Aktualitet

Krim pasioni në Kavajë/ Ish-i dashuri gjen parukieren me 3 burra, vritet nga miku polic, viktima i kërkoi seks më herët

  • Pica, birra, dhe “miell” të bardhë mbi divan/ Si e ndërpreu viktima ‘festën’
  • Si u vra Dritan Haxholli në Kavajë, 16 plumba në ‘Far West’ në sy të fëmijëve (FOTO)
  • Bledar Toçi me lidhje të forta politike, nip i ish-deputetit socialist
  • DINAMIKA/ 16 plumba breshëri, ish-i dashuri viktimë u tërbua kur pa 3 burra te parukierja e tij
  • Ngjarje e rëndë në Kavajë. Një konflikt i armatosur që përfundoi me një viktimë dhe me një të plagosur. Viktima bezdiste ish të dashurën Marsida Qatja. kjo e fundit thirri për ndihmë të dashurin e ri Bledar Toçi. Pasi pa njerëz në shtëpi viktima hapi zjarr duke plagosur policin, ky i fundit e vrau me armën e shërbimit. Në apartamentin duplex jetonin edhe fëmijët e parukieres 30-vjeçare.

    KAVAJË– 4 burra dhe një grua të përfshirë në një krim pasioni, i cili ka tronditur qytetin e vogël të Kavajës. Dritan Haxholli, 41 vjeç, i njohur ndryshe edhe si “Tan Peza“, ka mbetur i vrarë pas një përplasjeje me armë zjarri në shtëpinë  e ish-të dashurës së tij, 30-vjeçares Marsida Qatja. Dinamika e vrasjes ka ndryshuar që prej momentit të parë të raportimit, përshkak edhe të dëshmisë kontradiktore që autori dhe gruaja e përfshirë në këtë krim kanë dhënë në polici. Fillimisht, Marsida Qatja ka pretenduar se polici Bledar Toçi është kushëriri i saj, që ajo e kishte thërritur për ndihmë, ndërsa pas verifikimeve është zbuluar se ata nuk kanë asnjë lidhje farefisnore me njëri-tjetrin.

    Dritan Haxholli, ka qenë në një lidhje dashurie me Marsida Qatjan, lidhje kjo që sipas gruas parukiere ka përfunduar 2 javë më parë. Ditën e djeshme ata kanë shkëmbyer mesazhe me njëri-tjetrin, si edhe janë takuar në mbrëmje, kur Dritani i ka kërkuar që të flejështëpinë e saj. Ajo s’ka pranuar dhe i ka kërkuar që të largohet, pasi mes tyre gjithçka ka përfunduar. Viktima është larguar, dhe në ndihmë të parukieres ka shkuar i dashuri i ri, Bledar Toçi, shef i Sigurisë së Burgut të Durrësit, Bledar Toçi.

    Skena e krimit zhvendoset në apartamentin e 30-vjeçares, tip duplex, ku ajo jetonte me tre fëmijët e saj, dy prej të cilëve i kishte nga martesa e parë. Ndërsa nga martesa e dytë kishtë një vajzë 2-vjeçare, ndërkohë që burri i dytë ishte në burg në Gjermani.

    Pas telefonatës së Marsida Qatjas, Bledar Toçi ka shkuar në banesën e vajzës bashkë me dy miq të përbashkët, Xhuljo Biturku dhe Ermir Cela. Ata kanë darkuar në këtë apartament, ku kanë konsumuar pije alkoolike, pica, makarona, por dyshimet e policisë janë se kanë pirë edhe kokainë.(Në banesë është gjetur një pluhur i bardhë në divan, që pritet të ekzaminohet). Në katin e dytë të këtij apartamenti, flinin fëmijët e parukieres, ndërkohë që pak pas mesnate, poshtë pallatit ku jetonte Marsida Qatja, ka shkuar viktima, Dritan Haxholli. 

    Sapo ka pikasur se në banesë ndodheshin tri burra, ai ka humbur qetësinë dhe ka nisur të shajë dhe ofendojë parukieren dhe tri personat që ndodheshin në banesë.

    Haxholli ka filluar që të qëllojë me tytën një kallashnikovi dritaren e banesës së Qatjes. Për të qetësuar situatën, Marsida ka thirrur brenda në banesë Dritanin, i cili sapo ka hyrë në shtëpi ka qëlluar me automatik efektivin duke e plagosur. Ky i fundit i është përgjigjur me armën e shërbimit, duke e lënë të vdekur në vend. Plot 16 fishekë janë shkrepur nga viktima dhe polici, ndërkohë që e gjithë ngjarja është zhvilluar në një banesë ku ndodheshin tri fëmijë të mitur.

    Pas vrasjes së Haxhollit, 31-vjeçari është dërguar me emergjencë drejt spitalit e Traumës në Tiranë ku edhe ka marrë gjithë mjekimin e nevojshëm. Policia e Shtetit ka bërë arrestimin e tij në spital, por edhe të të vëllait të tij, Bernard Toçi. Në banesën e policit u gjetën 7 doza kokainë, ndërkohë që burime nga policia thonë se vëllai i policit ishte vënë nën hetim prej kohësh si shpërndarës droge në Durrës. Polici, është nipi i ish-deputetit socialist Fatmir Toçi, ndërsa viktima është hetuar më parë për krim ndaj personit dhe trafik droge.

    (F.g/dosja.al)

    • 18:19

      Vrasja në Kavajë, ish-bashkëshorti i Marsidës: Dy fëmijët kanë qenë me mua, kam raporte të mira me të

      Ish-bashkëshorti i parukieres Marsida Qatja, ka folur pas ngjarjes së rëndë të ndodhur sot në Kavajë. Në një intervistë me gazetaren e “Panorama” Etleva Delia, E. S., babai i dy fëmijëve të Marsidës, është shprehur se në momentin e ngjarjes djali dhe vajza nuk kanë qenë në banesë por kanë qenë në shtëpinë e tij.

      Marsida Qatja dhe banesa ku ndodhi ngjarja

      Ai deklaroi se me Marsiden janë ndarë prej katër vitesh me marrëveshje, por vijojnë të ruajnë një raport të mirë mes tyre, dhe se nuk kanë probleme. “Fëmijët për fat të mirë kanë qenë të dy me mua mbrëmë, në shtëpinë time, pasi më kishte ardhur edhe motra. Janë shqetësuar nga ngjarja, sidomos djali që është 14 vjeç sepse shikon mediat, ndërsa vajza është 9 vjeçe dhe nuk e ke kuptuar çfarë ka ndodhur. Unë me Marsiden kemi raporte të mira, vazhdoj të flas edhe sot me familjarët e saj, ndërsa sa i takon jetës së saj, janë gjera personale”, u shpreh ai.

      Sinka, duke folur për ngjarjen tragjike ku mbeti i vrarë me armë zjarri 41-vjeçari Dritan Haxholli dhe u plagos polici Bledar Toçi, tha se nuk ka njohje me ta. Më tej ai deklaroi se kujdestarinë e fëmijëve e ka Marsida, por kohët e fundit, për shkak të lindjes së djalit të vogël, më së shumti fëmijët kanë qëndruar me të. “Më kanë telefonuar për të më ofruar ndihmë psikologjike për fëmijët, por deri tani të dy janë mirë, nuk janë në gjende shoku”, pohoi ish-bashkëshorti i Marsidës.

    • 17:21

      ‘S’di si t’ja shpjegoj burrit’, u gjet me tri burra në shtëpi, parukierja tregon si ndodhi: Dritani desh na vrau se nuk e ftuam për darkë (VD)

       Marsida Qatja flet për “News24” dhe “BalkanWeb” pas ngjarjes së rëndë, që tronditi Kavajën dhe mbarë vendin ditën e sotme, ku u vra 41-vjeçari Dritan Haxholli dhe u plagos polici Bledar Toçi.

      Në intervistën e dhënë gazetarit të “News24” dhe “BalkanWeb”, Klement Baçi, 30-vjeçarja tregoi ngjarjen e rëndë, që ndodhi në banesën e saj, ku 41-vjeçari Haxholli hyri nga dritarja dhe qëlloi me breshëri kallashnikovi, por që u vra nga polici Toçi, i cili ishte duke darkuar me Qatjan dhe dy burra të tjerë.

      “Ndjehem shumë keq. Jo pa qëllim doja të kontaktoja me ju, sepse nuk janë të vërteta fare që ishte ish i dashuri. Personi na kërcënonte, i binte dritares. Kërkova ndihmën e Bledarit, shokut tonë, meqë ishte dhe polic. Nuk mendoja se do arrinte situata deri këtu. I thashë se jam me fëmijë dhe ai na shqetëson. Bledi tha se do më ndihmonte, se do e zgjidhte si njeri, meqë isha femër e vetme, me fëmijë.

      Ndërkohë, që unë isha me shokun tim Xhulion, Bled kishte 15 minuta që kishte hyrë brenda, Dritani i ra dritares me armë, unë i kërkova të hynte brenda. Ai filloi të qëllonte direkt me armë. Polici, që ishte dhe shoku jonë, u vetëmbrojt normalisht, se po na vriste dhe mua me djalin e vogël, nuk kishte fëmijë të tjerë brenda.

      Më vjen keq për motrën, që është cenuar për punën e agjencisë. Motra ime s’ka të bëjë fare me këtë çështje. As në agjenci s’ka hyrë ndonjëherë, as bileta fiktive, as kontakte, madje s’kemi pas as shoqëri të përbashkët. Unë jam dhe e martuar, jo më larg se sot me vjen një letër nga burri im, që shkruhen fjalët nga më të ndryshmet.

      Unë e kaloj shumë mirë me atë, më do dhe e dua. Kam një marrëdhënie shumë të mirë me burrin, iki njëherë në muaj dhe e takoj në Gjermani, pasi është në burg. Këta kanë arritur, qoftë te motra, qoftë tek unë, deri në shkatërrim familje. Mua më vjen keq dhe për viktimën, pasi edhe atë e kishim shok, nuk është se nuk kishim kontakte”, tha Qatja.

    • 16:52

      'Festë me kokainë'/ Kartë, lugë, dhe çakmak, ja çfarë u gjet në shtëpinë e parukieres, dyshohet se grupi ka përdorur drogë (FOTO)

      Në banesën e 30-vjeçares Marsida Qatja në Kavajë, policia ka gjetur pluhur të bardhë të dyshuar kokainë, por edhe sende të tjera që shërbejnë për përgatitjen e drogës për konsum. Mbi tavolinën e shtëpisë është gjetur një kartë telefoni për të ndarë në viza drogën, lugë gjelle, si edhe çakmak. Dyshohet se Marsida Qatja bashkë me tri burrat kanë konsumuar kokainë para se të ndodhte krimi i pasionit.

    • 16:29

      Gruaja me 3 meshkuj në shtëpi, zbulohet emri i burrit të Marsida Qatjas, Berisha e akuzoi si vrasës më 2015

      Sali Berisha, Marsida Qatja, Bledar Toci dhe Dritan Hoxhalli

      Zbulohet identiteti i burrit të Marsida Qatjas, parukierja e cila ishte shkaku i vrasjes në Kavajë. Burime për Dosja.al bëjnë me dije se ai është Indrit Hyseni, dhe është burri i dytë i 30-vjeçares.  Çifti është prind i një fëmije 2 vjeç, ndërkohë që edhe Hyseni është një person me precedent penalë. Aktualisht ai vuan dënimin në një burg të Gjermanisë, pasi është i dënuar për trafik droge. Ish-kryeministri Sali Berisha e ka përmendur Hysenin si pjesë e bandës së Elvis Roshit, dhe se sipas tij ka qenë i dënuar për vrasje.

      “A e dini se ne Kavaje policia eshte e tulatur dhe inegzistente pasi shefi komisariatit qendron cdo dite me banden e Elvis Rroshit, Indrit Hyseni i sapo dale nga burgu i denuar per vrasje 16 vet, Artan MUça i denuar 18 vjet per vrasje ne iTali, Emiljano Leka i denuar per Vrasje si edhe Roland Xhihani i arrestuar dje per perdhunim te nje vajze nen kercenimin e ames te cilet levizim me makinat e marr me qera nga Elvis Rroshi e banda e tij me logon e ps, keta jane persona qe qellojne me arme ne qytet e ne rrethina shkojn ee i bejne prsion simpatizanteve te pd se di ti vrasin, a e dini qe policia nuk i kontrollon asnjeher mjetet e tyre pasi jane nen urdherat e Elvis Rroshit dhe Arberesh Vokshit qe eshte shef komisariati hajdut e rrugaç”, shkruante Berisha më 2015.

      Hyseni, ndërkohë ishte interesuar për ngjarjen që ka tronditur sot Kavajën. Më herët ai dërgoi një kushëri për të parë atë që ka ndodhur në banesën ku jetonte Marsida Qatja.

    • 16:29

      Iu vra djali pas sherrit për ish-të dashurën, nëna rrëfen detaje: Doli nga shtëpia në darkë dhe…

      Dritani Haxholli doli në orën 22:00 të mbrëmjes së djeshme nga banesa, për mos t’u kthyer më kurrë. Por nëna e tij e moshuar, me të cilin ai jetonte nuk ishte shqetësuar, pasi ky ishte një ritual i zakonshëm tashmë për të birin e saj 41-vjeçar, i cili u vra pak pas mesnate në Kavajë pas një sherri për ish-të dashurën. Gazetarja Dorjana Bezat, pasi ka mbërritur në banesën private të viktimës, ka folur me nënën, ndërsa kjo e fundit jashtë kameras ka pohuar se lajmin e kobshëm e kishte mësuar nga televizori.

      “Dritani u largua rreth orës 22:00 nga banesa dhe nuk u kthye më”, pohoi nëna. Ajo nuk ishte shqetësuar për këtë fakt se daljet për të kanë qenë të zakonshme. Ajo e ka dëgjuar lajmin e rëndë në TV dhe aty ka dhënë kujën”, tha gazetarja Dorjana Bezat.

      Bledar Toçi, Marsida Qatja dhe Dritan Haxholli

      Ndërkohë, gazetarja Bezat ka siguruar për ‘BalkanWeb’ të tjera detaje nga viktima, i cili prej disa kohësh ishte në një lidhje me Marsida Qatjan, e martuar dhe nënë e 3 fëmijëve. Sipas familjarëve të 41-vjeçarit, ky i fundit kishte qenë për shumë kohë në burg në Greqi dhe Shqipëri, për drogë, ndërsa theksojnë se ai kishte temperament të vështirë.

      “Dritan Haxholli ka qenë në burg në Greqi dhe në Shqipëri për shpërndarje të lëndëve narkotike. Familjarët deklaruan se marrëdhënia me Marsidën ka qenë një veç lidhje pasioni dhe jo serioze, pasi ai nuk ia kishte prezantuar atyre, pasi ajo ishte e martuar. Ata shprehen se Dritani ishte tip problematik dhe konfliktual dhe rrinte i armatosur. Më herët ai ka qenë i martuar dhe është divorcuar, ndërsa ka një vajzë 13 vjeçe që jeton me nënën e saj. Por ata nuk prisnin që kjo ngjarje të ndodhte, përsa kohë që lidhjen me Marsidën nuk ishte serioze” pohoi në raportim Bezat.

      Ndërkohë që familja ka hapur dyert e mortit, trupi i pajetë i 41-vjeçarit nuk ka shkuar ende në banesë pasi po i nënshtrohet ekspertizës mjeko-ligjore. Kujtojmë se ngjarja e rëndë ndodhi mbrëmë rreth orës 01:00 në lagjen nr.2 në Kavajë, ku Haxholli hyri në banesën e ish-të dashurës dhe qëlloi me armë policin Bledar Toçi, ky i fundit mbeti i plagosur.

    • 14:22

      'S'dinim gjë për të dashurin', flet halla e parukieres në Kavajë: U martua që 14 vjeçe, u nda nga burri i parë me 2 fëmijë...

      Familjarët e Marsida Qatjas nuk kanë qenë në dijeni për faktin se ajo ka pasur një lidhje jashtëmartesore me Dritan Haxhollin, i cili mbeti i vrarë pas një sherri në banesën e saj.

      Marsida Qatja dhe pamje nga banesa

      Halla e saj ka deklaruar për gazetaren e ‘News24’ dhe ‘BalkanWeb’ Dorjana Bezat se Marsida ishte martuar që 14 vjeçe me burrin e parë, lidhje nga e cila erdhën në jetë dy fëmijë. Më pas ajo tregoi se me burrin e dytë 30-vjeçarja solli në jetë një djalë, që aktualisht është 2 vjeç.

      “Marsida është martuar 14 vjeçe, me burrin e parë ka 2 fëmijë, ndërsa me burrin e dytë ka një djalë. Ne nuk e dimë që Marsida ka pasur lidhje me Dritanin”, pohoi e tronditur halla e saj.
    • 13:27

      Gruaja parukiere me tri meshkuj në shtëpi, burri nga Gjermania merr situatën në kontroll, dërgon kushëririn...

      Marsida Qatja, shkaku i ngjarjes së rëndë që ndodhi në Kavajë, është e martuar për herë të dytë. Qatja, ka një fëmijë 2 vjeçe me burrin e dytë, i cili është në burg në Gjermani ku vuan dënimin.

      Tvklan shkruan se për ngjarjen e rëndë, është interesuar nga Gjermania vetë burri. Ai ka kërkuar të mësojë se çfarë ka ndodhur me gruan dhe tre fëmijët e tij në banesën ku ndodhi krimi.

      Një i afërm i burrit të Marsida Qatjas, ka shkuar në banesën e saj në Kavajë, ku i ka dërguar disa foto përmes rrjeteve sociale, për të parë të gjithë situatën pas vrasjes dhe versionin e plotë të historisë.

      Por duket se situata nuk ka nevojë për koment. Grila e thyer, pllakat të lyera me gjaka, mbeturina nga darka dhe pluhur mbi divan, janë pamjet që i janë dërguar burrit të Marsida Qatjas. Në momentin që ndodhi krimi, në banesë ndodhej i dashuri i ri i Qatjas, dhe dy miq të përbashkët të të dyve.

    • 13:00

      'Me Dritanin e zgjidh unë', zbardhet dëshmia e parukieres: Muajin e fundit donte seks, iu ankova Bledarit

      Njeriu që u kthye në shkakun e ngjarjes së rëndë sot në Kavajë me një viktimë, Marsida Qatja gjatë marrjes në pyetje ka deklaruar në polici se prej kohësh ka pasur marrëdhënie me Dritan Haxhollin.  Lidhja ka kohë që është ndërprerë por pavarësisht ndarjes, ka deklaruar 30-vjeçarja, muajin e fundit Dritan Haxholli, ka shkuar disa herë tek banesa e saj dhe ka insistuar për të kryer marrëdhënie seksuale me të. Marsida Qatja e ka refuzuar, por 41-vjeçari e ka shqetësuar përsëri, duke bërë që 30-vjeçarja t’i ankohet Bledar Toçit më 9 tetor 2019. Ky i fundit i cili i ka deklaruar asaj  se “këtë problem do ta zgjidhte ai me Dritanin”.

      Në mbrëmjen e datës 9 tetor 2019 Bledar Toçi ka shkuar në banesën e Marsidës dhe ka qëndruar së bashku me të, në prani edhe të Xhuljo Biturku, fqinj dhe shokë me Marsida Qatja si dhe Ermir Çela, shok i saj. Rreth orës 23: 30 tek banesa e Marsida Qatja ka shkuar Dritan Haxholli, i cili ka pasur me vete edhe një armë zjarri automatik dhe me qytën e armës ka goditur dritaren e kuzhinës së banesës së e cila ndodhet në katin e parë të pallatit. E ndodhur nën presionin e ish-të dashurit të saj, Marsida Qatja ka komunikuar me Haxhollin, duke i thënë që të vinte brenda për tu sqaruar dhe në vijim ajo ka hapur derën  e banesës së saj dhe në këto momente është futur në derë me armë në dorë dhe ka konstatuar se në banesë ndodhej Bledar Toçi. Dritan Haxholli ka qëlluar me armë në drejtim të tij duke plagosur atë ku në këto momente Bledar Toçi ka nxjerrë një armë zjarri  pistoletë që kishte me vete dhe ka shkëmbyer zjarr me Dritan Haxhollin i cili ka mbetur i vdekur në vend. E gjithë përplasja ka ndodhur brenda ambienteve të shtëpisë 67 metra katror dhe në prezencë të fëmijës 2 vjeçar të Marsida Qatjas, që fatmirësisht nuk ka pësuar asnjë lëndim dhe ndodhej në gjumë në katin e dytë të apartamentit duplex.  Në vendngjarje ka pasur 16 gëzhoja ndërsa janë sekuestruar dhe automatiku me 28 fishekë në karikator dhe pistoleta. Ndërkohë kanë vazhduar veprimet e tjera hetimore ku është bërë kontrolli banesës së Bledar Toçi në lagjen 2 ne Kavajë ku në banesën e tij ju gjetën vëllait të tij Benard Toci një sasi kokaine e ndarë në 7 doza me sasi afërsisht 4 gramë. Policia ka ngritur dyshime se lënda narkotike shpërndahej në ambientet e brendshme të burgut të Durrësit dhe në clubet e Kavajës. Marrë nga Shqiptarja.com

    • 12:07

      Pica, birra, dhe "miell" të bardhë mbi divan/ Si e ndërpreu viktima 'festën' që po bëhej te shtëpia e parukieres në Kavajë

      Skena që shihet në ngjarjen që ka ndodhur në Kavajë, ku mbeti i vrarë 41-vjeçari Dritan Haxholli është e denjë për kinematografi. Tri burra dhe një grua, u ndërprenë teksa po darkonin në shtëpinë e kësaj të fundit, nga ish-i dashuri ‘stalker’ Dritan Haxholli. Në banesën e saj, shihen kuti picash, kanaçe birrash dhe ushqim mbi tavolinë.

      Një pjatë është ende e vendosur mbi tavolinë, që mund të jetë përdorur edhe si tavëll për hirin e cigares, por policia dyshon se është përdorur për të konsumuar kokainë. Në pamje shihet edhe një pluhur i bardhë mbi divan, por ende nuk dihet nëse është kokainë apo jo.

      E gjithë kjo ‘festë’ në shtëpinë  e parukieres Marsida Qatja u ndërpre nga viktima, i cili shkoi dhe qëlloi me kallashnikov, dhe më pas gjeti vdekjen, pasi ish-polici e vrau me armën e shërbimit.

    • 11:55

      Kasaphanë brenda apartamentit, kush ishin dy  burrat që ishin me policin në shtëpinë e parukieres nga Kavaja (EMRAT+FOTO)

      Një kasaphanë mund të quhet ajo që ka ndodhur në mesnate në shtëpinë e nënës së tri fëmijëve, Marsida Qatja. Parukierja nga Kavaja, e cila deri tani akuzohet nga policia për mashtrim, ishte e martuar dy herë dhe kishte tri fëmijë nga të dyja martesat. E ndarë nga burri i parë, ndërsa të dytin e kishte në burg në Gjermani, Qatja kishte patur një lidhje dashurie me viktimën Dritan Haxholli. Pas ndarjes, ajo është lidhur me policin që kreu vrasjen, Bledar Toçi, ndërkohë që interesante është edhe prania e dy burrave të tjerë në banesën e saj. Burime për Dosja.al bëjnë me dije se ata janë Xhuljo Biturku, djali që shihni në këtë foto dhe Ermir Çela.  Xhuljo është fqinj i Marsidës ndërsa Ermiri shok i saj.

      Xhuljo Biturku
    • 11:40

      Dora e lyer me gjak, i shtrirë përtokë, del FOTOJA/ Si u vra Dritan Haxholli në Kavajë, 16 plumba në 'Far West' në sy të fëmijëve...

      Dosja.al siguron foton e viktimës në ngjarjen e rëndë që ndodhi sot në Kavajë, ku pas një përplasje me armë zjarri humbi jetën Dritan Haxholli. Në pamjen e siguruar duket 41-vjeçari i shtrirë përtokë, ndërkohë që dora e tij duket e lyer me gjak.

      Dritan Haxholli, viktima

      I veshur me një këmishë ngjyrë blu dhe një triko të zezë, viktima shihet i shtrirë në apartamentin e Marsida Qatjas, aty ku ndodhi vrasja. Plot 16 plumba u lëshuan në këtë apartament, ndërkohë që në momentin e krimit, në banesë ndodheshin edhe tri fëmijët e mitur të 30-vjeçares, Marsida Qatja.

    • 11:33

      Vrau 41-vjeçarin se i kërkoi seks mikeshës së tij,  Bledar Toçi me lidhje të forta politike, nip i ish-deputetit socialist

      Fatmir Toci, ish-deputet dhe autori, Bledar Toci

      Detaje të reja janë zbuluar për vrasjen që ka ndodhur mesnatën e kësaj të enjteje në Kavajë, ku mbeti i vdekur 41-vjeçari, Dritan Haxholli. Burime për Dosja.al bëjnë me dije se autori i ngjarjes, Bledar Toçi, përveçse mban postin e Shefit të Sigurisë së Burgut në Durrës, është edhe nipi i ish-deputetit socialist, Fatmir Toçi. Ish-deputeti Toçi u hoq nga listat e PS në vitin 2017 nga kryeministri Edi Rama. Toçi ka qenë deputet i qarkut.

    • 11:25

      Vrasja në Kavajë, prokuroria nis hetimet për Marsida Qatjan, sebepi i sherri akuzohet për mashtrim

      Prokuroria e Durrësit ka nisur hetimet për 30-vjeçaren Marsida Qatja, e cila ishte shkaku i sherrit që solli vrasjen e Dritan Haxhollit dhe plagosjen e policit të burgjeve, Bledar Toci. Prokuroria e akuzon Qatjan për mashtrim, pasi akuzohet se ka dhënë një dëshmi të rreme, duke thënë se e ka policin të afërm.

    • 10:20

      FOTO/ Ky është viktima në Kavajë që u vra nga polici pas sherrit për të dashurën, mbante dy identitete

      Del fotoja e viktimës, Dritan Haxhollit i cili humbi jetën pas sherrit me të dashurën në Kavajë. Viktima mbante dy emra Dritan Haxholli dhe Tan Peza.

    • 10:20

      ‘Molla’ e sherrit gruaja e martuar, burri i jetonte në Itali, kërkoi ndihmë nga polici për të dashurin

      Viktima Dritan Haxholli, efektivi Beldar Toçi dhe pamje nga banesa në Kavajë.

      Detaje të reja kanë dalë nga ngjarja e rëndë në Kavajë, ku mbeti i vrarë Dritan Haxholli dhe u plagos efektivi i policisë Bledar Toçi.

      Burime për Dosja.al bëjnë me dije se molla e sherrit është gruaja me iniciale M.Q. Kjo e fundit është e martuar dhe burri i saj  jetonte në Itali. Ende nuk dihet identiteti i saj.

      Si ndodhi sherri:

      Fillimisht ka pasur një sherr me mesazhe mes gruas me inciale M.Q dhe viktimës Dritan Haxholli. Haxholli pas mesazheve të tensionuara me të dashurën e tij,  e ka njoftuar atë që do të shkojë në banesën e saj për t’u “sqaruar”. Gruaja duke e ditur tipin e tij, ka njoftuar për ndihmë katër persona të tjerë, mes tyre edhe Bledar Toçi.

      Më pas Dritan Haxholli ka hyrë në banesën gruas me iniciale M.Q rreth orës 00:40 të mëngjesit të sotëm, ku aty ishte edhe efektivi i policisë. Pas konfliktit, Dritan Haxholli ka qëlluar me armë zjarri tip kallashnikov ndaj efektivit të policisë duke e plagosur atë. Menjëherë është përgjigjur me breshëri plumbash edhe efektivi, ku ka mbetur i vrarë Haxholli. Bledar Toçi ndodhet jashtë rrezikut për jetën në spital.
    • 8:53

      Vrasja në Kavajë, Policia tregon si ndodhi sherri, breshëria e plumbave në drejtim të policit

      Bledar Toçi

      Policia ka dhënë detaje ngjarjen e rëndë në Kavajë, ku humbi jetën Dritan Haxholli dhe u plagos efektivi i policisë Bledar Toçi. Policia sqaron se viktima Dritan Haxholli ka hyrë në banesën e vajzës me iniciale M.Q rreth orës 00:40 të mëngjesit të sotëm. Aty ndodhej edhe efektivi i policisë Bledar Toçi. Pas konfliktit, se të dy kanë pasur lidhje intime me vajzën, Dritan Haxholli ka qëlluar me armë zjarri ndaj efektivit të policisë duke e plagosur atë. Menjëherë është përgjigjur me breshëri plumbash edhe efektivi, ku ka mbetur i vrarë Haxholli. Bledar Toçi ndodhet jashtë rrezikut për jetën.

      Njoftimi i policisë:

      Rreth orës 00.40, në Lagjen nr. 2 Kavajë, shtetasi D. H., banues në Kavajë, ka hyrë në banesën e shtetases M. Q. Në banesë ndodhej dhe shtetasi B. T, banues në Kavajë, punonjës i Policisë së Burgjeve.

      Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë. Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje.

      Shtetasi B.T, ndodhet jashtë rrezikut për jetën.

      Grupi hetimor po vijon punën për sqarimin e mëtejshëm të rrethanave të ngjarjes.

    • 8:53

      U vra nga polici se kishin të një njëjtën të dashur, zbulohet identiteti i viktimës në Kavajë

      Dritan Haxholli

      Detaje të reja dalin nga vrasja dhe plagosja e ndodhur orët e para të mëngjesit të sotëm në Kavajë. Mësohet se viktima është Dritan Haxholli.

    • 8:31

      Zbulohet shkaku i vrasjes në Kavajë, polici dhe autori kishin të njëjtën të dashur… po shkonin të dy tek ajo (Detaje)

      Zbulohen detaje nga vrasja dhe plagosja e ndodhur orët e para të mëngjesit në qytetin e Kavajës. Mësohet se viktima dhe i plagosuri kanë qënë të dy në shtëpinë e të dashurës së tyre ku edhe janë takuar me njëri-tjetrin. Dyshohet se vrasja ka ndodhur si pasojë e një konflikti të çastit për motive të dobëta.

      Dritan Haxholli, Bledar Toçi dhe Marsida Qatja
    • 8:17

      Kush është polici që ngeli i plagosur në Kavajë, në gjendje të rëndë

      Tronditet Kavaja. Pas një sherri një person ka humbur jetën dhe është plagosur një efektiv policie. Dosja.al mëson se ai është Blediar Toçi i cili është dërguar me urgjencë në Spitalin e  Traumës pasi është në gjendje të rëndë.

    • 8:59

      Del fotoja e Bledar Toçit/ Polici i burgjeve që mbeti i plagosur pas përplasjes me armë në Kavajë

      Del fotoja e policit i cili ngeli i plagosur pas breshërisë së plumbave në banesën e të dashurës në Kavajë.

      Nga kjo ngjarje e rëndë humbi jetën Dritan Haxholli dhe u plagos efektivi i policisë Bledar Toçi. Toçi mban detyrën si punonjës i policisë së burgjeve.

      Si ndodhi sherri: 

      Policia sqaron se viktima Dritan Haxholli ka hyrë në banesën e vajzës me iniciale M.Q rreth orës 00:40 të mëngjesit të sotëm. Aty ndodhej edhe efektivi i policisë Bledar Toçi. Pas konfliktit, se të dy kanë pasur lidhje intime me vajzën, Dritan Haxholli ka qëlluar me armë zjarri ndaj efektivit të policisë duke e plagosur atë. Menjëherë është përgjigjur me breshëri plumbash edhe efektivi, ku ka mbetur i vrarë Haxholli.

      Bledar Toçi ndodhet jashtë rrezikut për jetën në spital.

    • 10:44

      “Nuk të dua më”/ ‘Molla’ e sherrit e vrasjes në Kavajë gruaja e martuar, si kërkoi ndihmë nga i dashuri polic

      Kavajë- Detaje të reja kanë dalë nga ngjarja e rëndë në Kavajë, ku mbeti i vrarë Dritan Haxholli dhe u plagos efektivi i policisë Bledar Toçi.

      Burime për Dosja.al bëjnë me dije se molla e sherrit është gruaja Marisda Qatja. Kjo e fundit është e martuar dy herë dhe ka dy fëmijët. Aktualisht burri i dytë është në burg në Gjermani dhe me këtë fundit ka vetëm një nga fëmijët.

      Burimet bëjnë me dije viktima bashkë me Mardisa Qatjan ishin duke ngrënë darkë poshtë pallatit. Në një moment ai i kërkon që të kalojnë natën bashkë po kjo e refuzon, duke i thënë se nuk e do më.  Ky insistonte dhe ajo thirri të dashurin tjetër, policin.

      Si ndodhi sherri në banesë:

      Më pas Dritan Haxholli ka hyrë në banesën gruas, rreth orës 00:40 të mëngjesit të sotëm, ku aty ishte edhe efektivi i policisë, i cili ishte lajmëruar nga gruaja.  Pas konfliktit, Dritan Haxholli për të dashurën e tyre, viktima ka qëlluar me armë zjarri tip kallashnikov ndaj efektivit të policisë duke e plagosur atë. Menjëherë është përgjigjur me breshëri plumbash edhe efektivi, ku ka mbetur i vrarë Haxholli. Bledar Toçi ndodhet jashtë rrezikut për jetën në spital.

    Shto Koment