Aktualitet

Terror në Fier, sherri mes 2 familjeve që për pak s’përfundoi në tragjedi. 1 person i mori armën policit dhe qëlloi me breshëri në Urgjencë, 5 të plagosur (VD)

Një ngjajre e rëndë është shënuar sot në Fier. 5 persona janë lagopsur dhe tre janë arrestuar. Sherri mes dy grupeve ka nisur në Levan dhe përfundoi me përdorimin e armës brenda Urgjencës në Fier. Policia ka marrë në kontroll situatën dhe ka arrestuar autorët. Të plagosurit janë jashtë rrezikut për jetën

FIER- Një sherr masiv ka ndodhur në sot në mbrëmje në Fier. Pesë persona kanë mbetur të plagosur dhe tre të tjerë janë vënë në pranga për këtë ngjarje. Disa persona të ndarë në dy grupe kanë pasur si fillim një sherr në Levan, ku sipas informacioneve janë qëlluar me leva me njëri tjetrin.

Sherri mes dy grupeve ka vijuar dhe më pas duke përfunduar në Urgjencën e Spitalit Rajonal në Fier. Sipas informacioneve mësohet se dy grupet janë rrahur me njëri-tjetrin edhe në Urgjencën e Spitalit, ku një prej tyre ka qëlluar dhe me armë brenda godinës, duke terrorizuar të gjithë.

Para se të hynin në spital, personat e përfshirë në konflikt janë ndaluar dhe nga Policia Rrugore, por një prej tyre i ka marrë armën efektivit dhe ka qëlluar brenda ambienteve të spitalit. 

Në një reagim për mediat Drejtori i Policisë Fier, Andon Marko,  ka thënë se tashmë është arrestuar personi që i mori armën policit dhe qëlloi në spital, dhe bashkë me të janë shoqëruar dhe dy të tjerë. Ndërkohë nga ana tjerë drejtoresha e Spitalit të Fierit, Nevila Shuke, ka thënë se të plagosurit janë jashtë rrezikut për jetën.

Për më shumë bëhu pjesë e grupit më viral në Facebook, Dosja.al

Forca të shumta policie kanë rrethuar spitalit dhe është marrë në kontroll situata, ku po punohet për zbardhjen e plotë të ngjarjes, e cila mund të kishte përfunduar dhe në tragjedi. Në spital kanë mërritur dhe familjarët e të plagosurve të cilët duke bërtitur kanë kërkuar që të shohin të afërmit e tyre.

Kjo ngjarje sjell dhe njëherë frikën e sigurisë në vend, pasi vetëm në pak ditë kanë ndodhur disa krime. Mbrëmë një person mbeti i plagosur në Vlorë, pas një atentati me armë. Po ashtu dhe në Korçë një atentat me armë dështoi dhe fatmirësisht nuk pati asnjë të plagosur. Ndërkohë pak ditë më parë një breshëri plumbash në Tiranë i morën jetën ish-policit Santiago Malko.

(A.B. Dosja.al)

  • 23:06

    Policia reagim zyrtar: Konflikt mes dy familjeve, po kërkojmë personin e tretë

    Forcat e policisë në spitalin e Fierit

     

    Policia e Fierit ka reaguar pas ngjajres së rëndë të ndodhur sot, ku disa persona mbetën të plagosur. Në një reagim për mediat, Policia bën me dije se ka qenë një konflikt mes dy familjeve të cilat kanë paur një sherr me armë të ftohta me njëra-tjetrën.

    Po ashtu blutë e Fierit bëjnë me dije se janë arrestuar 2 persona dhe një tjetër është shpallur në kërkim. Më tej shtohet se të gjithë të plagosurit janë jashtë rrezikut për jetën.

    NJOFTIMI I PLOTË

    Në Levan të Fierit, gjatë një konflikti mes dy familjeve janë dëmtuar me sende të forta dy shtetas G.ZH dhe D.Zh, ndërsa shtetasit K.L. dhe E.M. janë lenduar me mjet prerës.

    Të plagosurit janë transportuar për në Spital, për ndihmë mjekësore. Në Urgjencën e spitalit një prej shoqërueseve të të dëmtuarve i ka marrë armën e zjarrit nga brezi punonjësit të policisë, i cili po ndihmonte për të futur të plagosurit në Urgjencë dhe ka plagosur me armë zjarri një prej familjarëve të palës tjetër, shtetasin A.ZH.

    Në ndihmë të punonjësve të Policisë kanë shkuar menjëherë forca të shumta policie duke kanë bërë bllokimin e dy shtetasve E.B. e D.B. dhe shoqërimin në ambientet e Drejtorisë Vendore të Policisë për veprime të mëtejshme.

    FNSH dhe shërbimet e Drejtorisë Vendore të Policisë po krehin zonën për të bërë të mundur kapjen edhe të një shtetasi tjetër të përfshirë në këtë ngjarje.

    Për hetimin e kësaj ngjarje Drejtori i Përgjithshëm i Policisë së Shtetit ka ngritur një grup të posaçëm hetimor me Specialistë të Hetimit të Krimeve të Rënda në Departamentin e Policisë Kriminale.

    Njëkohësisht me urdhër të Drejtorit të Përgjithshëm të Policisë së Shtetit në vendngjarje kanë shkuar edhe specialistët e Drejtorisë së Standarteve Profesionale në Polici, për të verifikuar veprimet e punonjësve që ishin në momentet e para në Urgjencën e spitalit.

    Nën drejtimin e Prokurorisë së Rrethit Gjyqësor Fier po vijon puna për zbardhjen e plotë të rrethanave të ngjarjes, motivit të konfliktit si dhe vënien para përgjegjësisë ligjore të personave përgjegjës.

  • 22:58

    Terrori në Fier, babai shkoi të vizitonte të birin e plagosur e u qëllua me armë (EMRI)

    Detaje të reja janë mësuar nga ngjarja e rëndë të ndodhur sot në Fier. Sipas informacioneve mëoshet se personi që është plagosur me armë të fohta në Levan është Gentjan Zhapa dhe është 33 vjeç. Zhapa është qëlluar me levë në kokë, nga perosnat e tjerë që po konfliktohej në Levan.

     

    Një nga të plagosurit

     

    Po ashtu mësohet se personi që mbeti i plagosur në spital është babai i tij. Burime bëjnë me dije babai ka shkuar në spital për të parë të birin, por aty është qëlluar nga personi që i mori armën policit dhe qëlloi në spital.

  • 22:12

    Skandali në Fier, personi që terrorizoi urgjencën armën ia mori policit

    Të tjera detaje janë mësuar nga ngjajra e rëndë që ndodhur sot në Fier. Sipas drejtorit të Policisë së Fier, personi që qëlloi me armë, armën e ka marrë një punonjës policie. Andon Marko, në një reagim për mediat u shpreh se policit të patrullës i kanë amrrë armën dhe më pas është qëlluar.

    “Kanë qenë dy persona që janë nisur në drejtimt të spitalit, dhe persona që kanë qene pjesë e sherrit të gjithë të identifikuar. Në momentin që personat e dëmtuar kanë ardhur në spitalin e Fierit ka ndodhur një incident ku policit të patrullës së përgjithshme, i kanë marrë aksidentalisht armën nga brezi dhe njëri shtetas që ne tani e kemi identifikuar ka qëlluar ndaj dy personave me të cilin kishin pasur konfliktin e mëparshëm. Kemi shoqëruar në polici dy persona, dhe po punojmë për kapjen e dy të tjerëve”, u shpreh Andon Marko.

  • 22:12

    Drejtoresha e Spitalit Fier jep detaje për të plagosurit: Janë jashtë rrezikut për jetën

     

    Një ngjarje e rëndë ka tronditur sonte qytetin e Fierit. Një person i armatosur ka hyrë në ambientet e Spitalit Rajonal Fier dhe ka qëlluar në drejtim të personave të tjerë, duke plagosur 3 prej tyre.

    Policia bëri me dije se ka arrestuar 2 persona dhe një tjerër është shpalllur në kërkim, ndërkohë që drejtoresha e spitalit ka dhënë detaje për të plagosurit.

    Nevila Shuke në prononcimin e saj për “News 24” u shpreh se 3 të plagosurit janë jashtë rrezikut për jetën. Ajo shtoi se të plagosurit po marrin ndihmën mjekësore të nevojshme.

  • 22:01

    Drejtori i Policisë sqaron ngjarjen: Sherri nisi në Levan, janë arrestuar 2 persona

    Pas identifikimit dhe shpalljes në kërkim të dy personave, policia bën me dije se ka mundur t’i arrestojë. Sipas informacioneve që vijnë nga Policia e Fierit, mëoshet se të dy personat janë arrestuar.

    Ndërkohë në një reagim për mediat nga spitali i Fierit, Drejtori i Policisë së këtij qyteti ka dhënë detaje për ngjajren.

    Ai ka bërë me dije se 3 persona kanë mbetur të plagosur dhe tashmë kemi dhe dy të tjerë që janë në pranga, si autorë të krimit.

    Ai ka sqaruar edhe dinamikën e ngjarjes, sipas të cilit, një sherr ka nisur në Levan dhe ka përfunduar me përdorimin e armëve në spital.

  • 21:56

    Policia blindon urgjencën e Fierit, në kërkim 2 persona

    Pas ngjarjes së rëndë në Fier, Policia ka blinduar spitalin, i cilu bë skenë krimi. Dy grupe të armatosura pas një sherri në Levan, përfunduan duke qëlluar me armë dhe brenda urgjencës duke i terrorizuar të gjithë.

    Policia ndërkohë ka nisur punën për zbardhjen e kësaj ngjarje dhe mësohet se ka shpallur në kërkim 2 persona.

    Autorët janë identifikuar dhe tashmë ai po kërkohen nga Policia për të përfunduar më pas në pranga.

  • 21:47

    Pamje të sherrit në Fier, njolla gjaku dhe njerëz që bërtasin në spital (VIDEO)

    Detaje të reja janë mësuar nga ngjarja e rëndë e ndodhur sot në Fier, ku tre persona mbetën të plagosur. Dosja.al ka siguruar dhe video nga vendi i ngjarjes dhe nga brenda spitalit, ku shihen forca të shumta policie që kanë rrethuar godinën.

    Në tokë ka njolla gjaku dhe dëgjohen të bërtitura që vijnë nga dhomat ku po mjekohen të plagosurit.

    Po ashtu shihet dhe një i plagosur, i cili po transportohet për në dhomën e operacionit, pasi duket se ka marrë plagë të rënda.

  • 21:47

    Detaje nga plagosja në Fier, sherri nisi në Levan, si u qëllua në spital

    Policia në spitalin e Fierit

    Detaje të reja janë zbardhur nga ngjarje e rëndë që u regjistrua mbrëmjen e sotme në Fier.

    Një person i armatosur ka hyrë në Urgjencës e Spitalit, duke lëshuar një breshëri plumbash dhe duke lënë 3 persona të plagosur rëndë.

    Ndërsa, mësohet se shkak për ngjarjen e rëndë dyshohet një sherr mes palëve, ngjarje e nisur në fshatin Levan. Policia ndodhet në vendngjarje dhe po punon për zbardhjen e plotë të ngjarjes së rëndë.

Shto Koment