Aktualitet

Shembet ndërtesa prej xhami tek Arena Kombëtare, bizneset kundër, Veliaj: Çibani i fundit i Lulit (FOTO+VD)

Shembet godina katërkatëshe pranë “Arenës Kombëtare" në Tiranë nga dy fadroma. Biznesmenët u përplasën me policinë pasi tentuan të futen brenda në objekt. Sipas tyre ata nuk kanë marrë asnjë njoftim zyrtar. Erion Veliaj thumboi Lulzim Bashën, duke e quajtur ndërtesën çiban të Lulit.
Featured image of article: Shembet ndërtesa prej xhami tek Arena Kombëtare, bizneset kundër, Veliaj: Çibani i fundit i Lulit (FOTO+VD) Shembja e godinës pranë “Arenës Kombëtare”
Përditësuar:

Tiranë- Pas disa orësh pune është shembur godina katërkatëshe me fasada xhami pranë “Arenës Kombëtare” në Tiranë. Prishja e saj nuk u bë me shpërthim të kontrolluar, me tritol por nëpërmjet 2 fadromave. Puna për prishjen e saj nisi që në mëngjes, ku fadromat po punuan për shembjen e godinës dhe në të ndodheshin disa biznese. Nuk munguan  edhe përplasjet mes biznesmenëve dhe policisë pasi ata kanë deklaruar se nuk ka marrë asnjë njoftim zyrtar për këtë prishje. Madje ata tentuan të futen edhe në godinë.

Nuk ka mungoi edhe një reagim i Erion Veliajt i cili shprehet janë “prishur katet pa leje të Lulit dhe kunatit famëkeq”.

Theksojmë se që  prej orës 07:00 të mëngjesit të sotëm ka një perimetër të madh sigurie në këtë zonë, ku është ndaluar edhe qarkullimi i mjeteve. Duhet të themi se zona është mbuluar nga tymi. Prishja e ndërtimeve pranë stadiumit bëhet për të liruar hapësirat e zëna. Në këtë hapësirë është planifikuar që të ndërtohet një parkim.

J.V/Dosja.al.

  • 16:33

    Malltezi thirrje publike Veliajt: Prish çibanin tek Parkut i Madh i Tiranës, por kujdes

    Jamarbër Malltezi, ka reaguar pas prishjes së godinës para stadiumit “Arena Kombëtare”. Malltezi shprehet se ndërtesa që u shemb sot është ndërtuar pas dhënies së lejes nga Edi Rama, gjë të cilën e quan absurde.

    Më tej ai i bën thirrje Veliajt që të shkojë dhe të prishë një godinë, që sipas tij ësthë e kundraligjshme tek hyrja e Parkut të Madh të Tiranës.

    Prishe dhe ktheja ate park qytetareve qe te them une Faleminderit! Kjo pasi as punetoret e bashkise nuk guxojne te ujisin shkurret aty se banditi i Yllit te Partise ka zaptuar toke per lokal dhe parkim sipas qefit dhe zotrote SNUK!!!”, shton zyrtari i PD.

    Dokumenti i publikuar nga Jamarbër Malltezi

    POSTIMI I PLOTË

    Meqe po prish nje ndertese me leje ndertimi absurde nga edvin rama, dhe pasi e ke paguar sa frengu pulen permes shpronesimin per interes publik (gje te cilen nuk e pranon per hallexhinjte e Unazes se Madhe), eja te lutem dhe vepro me te njejtin standard dhe prish cibanin e kundraligjshem San Giovanni mu tek hyrja e Parkut te Madh te Tiranes!!! Prishe dhe ktheja ate park qytetareve qe te them une Faleminderit! Kjo pasi as punetoret e bashkise nuk guxojne te ujisin shkurret aty se banditi i Yllit te Partise ka zaptuar toke per lokal dhe parkim sipas qefit dhe zotrote SNUK!!! POR KUJDES: prishe per tia kthyer qytetareve (me shpronesim publik po deshe) jo prishe per te ndertuar qiellgervishtes 22 katesh sic ke bere planet e vjedhjes!!! E ben dot?

  • 16:33

    Ina Zhupa përgënjeshtron Veliajn: U ndërtua në kohën e Ramës, ja dokumenti

    Zëdhënësja e Partisë Demokratike, Ina Zhupa, ka reaguar pas akuzave të Erion Veliajt se ndërtesa që u shemb sot para “Arenës Kombëtare” ishte ndërtuar në kohën kur Lulzim Basha ishte në krye të Bashkisë Tiranë.

    Në një reagim në Facebook, Zhupa është shprehur se Veliaj ka gënjyer sërish sot qytetarët, pasi sipas saj leja për godinën është dhënë nga Edi Rama. Për të vërtetuar këtë gjë, ajo ka publikuar dhe dy dokumente ku shihet se leja për objektin është firmosur nga Rama në Vitin 2002.

    POSTIMI I PLOTË

    Kryemashtruesi Erion Veliaj që nuk kursen as jetën e femijëve për para, mashtroi edhe sot për të fshehur një aferë tjetër korruptive. Lejen për ndërtimin e godinës në sheshin Italia, e ka firmosur Edi Rama 17 vjet më parë, kur drejtonte Bashkinë e Tiranës dhe Veliaj e di më mirë se kushdo këtë gjë.

    Kjo leje, e dhënë nga Edi Rama, tani do t’u kushtojë shqiptarëve miliona euro kompensim financar. Vetem 4 muaj më parë, Rama dhe Veliaj, edhe pse e dinin se godina do të prishej, e legalizuan. Madje dy punonjës të ALUIZNIT u shkarkuan vetem sepse nuk pranuan legalizimin.

    Pyetja eshte se kush është përfituesi i vërtetë i kompensimit financiar që do të bëhet për këtë godinë? Rama? Veliaj? Apo të dy? Për të mbuluar të vërtetën dhe skandalin pas këtyre pyetjeve, Erjon Veliaj zgjedh të bëjë atë që di më mirë, mashtruesin.

    Propaganda bajate nuk e mbulon dot të vërtetën se Erion Veliaj është bashkëpunëtor në pastrimin e parave të krimit nëpërmjet betonizimit të Tiranës. Kjo është një nga arsyet pse qytetarët e Tiranës refuzuan drejtimin e qytetit prej tij, njësoj siç refuzojnë qeverisjen e Edi Ramës. Ai do të jape shpejt llogari para drejtesise se pakapur dhe para qytetarëve shqiptare për çdo aferë kriminale, nga Teatri Kombetar dhe zhvendosja e Lanës, tek vrasja e Ardit Gjoklaj. Bashkëngjitur janë dy dokumente: 1. leja e firmosur nga Edi Rama në 2002.

  • 11:18

    DOKUMENTET/ Ndërtesa te ‘Arena’ u ngrit me lejen e Ramës, u prish për t’u kthyer në parkim privat

    Kryebashkiaku Erion Veliaj e quajti “cibanin e Lulit”, por ndërtesa e cila u shemb sot tek ‘Arena Kombëtare’, është ndërtuar me lejen e firmosur nga kryeministri Edi Rama në vitin 2002.
    Dosja.al ka siguruar lejen e firmosur nga kryeministri Edi Rama, asokohe kryetar Bashkie.  Në vitin 2001, Policia Bashkiake e Lulzim Bashës ka pezulluar punimet dhe çështja ka kaluar në gjykatë.  Policia Bashkiake ka pezulluar ndërtimet. Gjykata ka vendosur që të riniset ndërtimi.

    Ditën e sotme, Bashkia Tiranë dhe IKMT kanë shembur godinën tek Arena Kombëtare, stadium që po shkon drejtë përfundimit. Kryetari i Bashkisë Erion Veliaj, tha se kjo ndërtesë biznesi i ka marrë “frymën”, Arenës.
    Ndërkohë që pas shembjes së kësaj godine, Dosja.al ka mësuar se në këtë hapësirë është planifikuar të jetë parkim privat, që do t’u shërbejë të gjithë tifozëve që do të zgjedhin të shohin ndeshjet nga “Arena Kombëtare”.
    o
    (F.g/dosja.al)

  • 10:43

    Momentet kur ndërtesa katërkatëshe në Tiranë 'rrëzohet' në tokë, zona mbulohet nga tymi

    Shembet ndërtesa 4 katëshe pranë “Arenës Kombëtare”. Shembja është bërë me anë të fadromave dhe jo me shpërthim të telekomanduar, siç ka funksionuar me disa prej ndërtesave të tjera në Shqipëri, Lidhur me këtë ka reaguar edhe kreu i Bashkisë së Tiranës, Erion Veliaj, i cili shpreh se është çiban i fundit i Lulit.

  • 9:36

    Përplasje pranë Arenës Kombëtare, biznesmenët tentojnë të futen në godinë: S'kemi marrë njoftim zyrtar

    Vazhdon shembja e godinës 4 katëshe pranë “Arenës Kombëtare”. Sipas personave që ushtrojnë aty biznesin nuk ka pasur asnjë njoftim zyrat se godina do të shembej sot. Ka pasur një përplasje mes tyre dhe policisë pasi kanë tentuar të futen brenda në godinë.  Ata janë shprehur se të paktën të marrin dokumentet që kanë brenda.

    Duhet të themi se brenda godinës ka mobilje dhe orendi pasi nuk janë hequr.

  • 9:00

    Shembja e ndërtesës, reagon Veliaj: Prishje për të fortët, shtuan katet pa leje në kohën e Lulit e Kunatit famëkeq

    Godina pranë “Arenës Kombëtare”

    Kryebashkiaku i Tiranës, Erion Veliaj ka reaguar për shembjen e ndërtesës 4 –katëshe, tek sheshi “Italia”. Në një postim në Twitter, Veliaj shkruan: “Shpronësim për ata me leje, prishje për të fortët që shtuan katet pa leje në kohë të Lulit e Kunatit famëkeq”,

    Çibani i fundit!  Ikën ngrehina e mbetur nga aksi qendror i Tiranes për ta hapur plotësisht Sheshin “Italia” për Arenën Kombëtare.  Shpronësim për ata me leje, prishje për të fortët që shtuan katet pa leje në kohë të Lulit e Kunatit famëkeq”, shkruan Veliaj në Twitter.

     

     

Shto Koment