Foto ilustruese
TIRANË- Vdes në spitalin e Traumës, Llesh Deda, 61-vjeçari që u qëllua me sqepar disa ditë më parë nga gruaja e tij, Drane Deda. Burime për Dosja.al bëjnë me dije se Deda ndodhej në koma në spital prej disa ditësh, por nuk ka mundur të shpëtojë për shkak të plagëve. I moshuari u qëllua nga e shoqja pas një sherri në familje.
Ngjarja e rëndë ndodhi disa ditë më parë në fshatin Sanxhak në Kurbin. 58-vjeçarja, Drane Deda e qëlloi të shoqin me sqepar, (mjet prerës i mprehtë), pas një debati për motive banale.
Llesh Deda kishte shkuar në shtëpi nën efektin e alkoolit dhe kishte debatuar me të shoqen. Debati që ka nisur fillimisht me fjalë mes çiftit të bashkëshortëve ka degraduar në dhunë fizike.
Në përplasje e sipër, Drane Deda e ka qëlluar të shoqin me sqepar dhe më pas është vetëdorëzuar në polici. Çifti kishte 10 fëmijë, ndërsa aktualisht mësohet se gruaja është në komisariatin e policisë në Kurbin.
(F.g/dosja.al)
