Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË–Një ditë pas shkarkimit nga Kolegji i Posaçëm i Apelimit, anëtari i Gjykatës Kushtetuese, Besnik Muçi, i ka dërguar një letër institucionit ku shërben prej disa javësh. Në letrën që Muçi i ka dërguar Gjykatës Kushtetuese, i kërkon që vendimi për të, të jepet nga ky organ, dhe se deri në ditën që do të merret vendimi, ai do të vijojë të jetë pjesë e Gjykatës Kushtetuese.
Muçi thotë se urdhëresa e KPA për shkarkimin e tij është e pabazuar në ligj dhe Kushtetutë. Dje, relatori Sokol Como shpjegoi se shkarkimi i Muçit është jo vetëm si prokuror por edhe si gjyqtar. “shkarkimin nga detyra të subjektit të rivlerësimit Besnik Muçi, Prokuror në momentin e fillimit të procesit të rivlerësimit, gjyqtar i Gjykatës Kushtetuese, në momentin e shpalljes së këtij vendimi”,-u tha në vendim.
Por, anëtari i Gjykatës, iu shpjegon anëtarëve të tjerë të institucionit, se mandati i tij si prokuror ka përfunduar, duke vijuar të njëjtën linjë argumentimi që Muçi pati edhe dje për gazetarët.
“Shtrirja e efekteve të vendimit të Kolegjit automatikisht mbi funksionin e Anëtarit të Gjykatës Kushtetuese, duke vendosur shkarkimin, është jo vetëm i paargumentuar dhe pa referencë ligjore por është në kundërshtim me nenin 127/2 të Kushtetutës.”-thotë ai në këtë letër.
Por, ai kërkon që të jetë Gjykata Kushtetuese, ajo që do të marrë vendimin nëse Muçit i ka përfunduar ose jo mandati si anëtar i Gjykatës Kushtetuese. “” të inicioni procedurën e verifikimit të mbarimit të mandatit tim si anëtar i Gjykatës Kushtetuese”-thuhet më tej në letër.
Letra e plotë e Besnik Muçit për Gjykatën Kushtetuese:
Më datën 21.11.2019 më është njoftuar vendimi, me arsyetim të përmbledhur vendimi Nr. 32, datë 21.11.2019 i Kolegjit të Posaçëm të Apelimit me objekt shqyrtimin e vendimit nr. 58, datë 01.08.2018 të Komisionit të Pavarur të Kualifikimit.
Ky vendim është dërguar zyrtarisht dhe në Gjykatën Kushtetuese. Në pjesën urdhëruese Kolegji është shprehur: “Ndryshimin e vendimit nr. 58, datë 01.08.2019 të Komisionit të Pavarur të Kualifikimit dhe shkarkimin nga detyra të subjektit të rivlerësimit Besnik Muçi, Prokuror në momentin e fillimit të procesit të rivlerësimit, gjyqtar i Gjykatës Kushtetuese, në momentin e shpalljes së këtij vendimi. Ky vendim është përfundimtar dhe ka efekt të menjëhershëm”.
Konstatoj që pjesa urdhëruese e këtij vendimi lidhur me shkarkimit nga detyra si anëtar i Gjykatës Kushtetuese nuk është e mbështetur në asnjë referencë ligjore ose kushtetuese. Nga viti 2008 deri më datë 18 tetor 2019 kam mbajtur detyrën e Prokurorit pranë Gjykatës së Shkallës për Krimet e Rënda. Më datë 15.11.2019 jam dekretuar Gjyqtar i Gjykatës Kushtetuese dhe kam bërë betimin para Presidentit të Republikës më datë 18.11.2019. Bazuar në nenin 130 të Kushtetutës, i cili parashikon se:“Qenia si gjyqtar i Gjykatës Kushtetuese nuk pajtohet me asnjë veprimtari tjetër…shtetërore…” , dhe në nenin 64/b të Ligjit Nr. 96/2016 “Për statusin e Gjyqtarëve dhe Prokurorëve në Republikën e Shqipërisë” përcaktohet se:
“Statusi i magjistratit mbaron në rastet kur: b) vërtetohen kushtet e pazgjedhshmërisë dhe të papajtueshmërisë në ushtrimin e funksionit…” statusi im i Prokurorit rezulton se ka përfunduar që prej datës 18 tetor 2019, moment ky kur unë kam filluar të ushtroj detyrën e gjyqtarit të Gjykatës Kushtetuese. Emërimi im në Gjykatën Kushtetuese është bërë në 15 tetor 2019, pra 3-vjet pas hyrjes në fuqi të ligjit nr. 76 të vitit 2016 “Për disa shtesa dhe ndryshime në ligjin nr. 8417 datë 21/10/2008, Kushtetuta e Republikës së Shqipërisë” i ndryshuar”.
Për pasojë sipas nenit 179/b, pika 3 të Kushtetutës unë nuk përfshihem si subjekt i rivlerësimit ex officio për shkak të funksionit të Gjyqtarit në Gjykatën Kushtetuese, pasi këtë funksion unë nuk e kam pasur në momentin e hyrjes në fuqi të Ligjit nr. 76 të vitit 2016. Procesi i rivlerësimit tim ka filluar ex officio për shkak të funksionit të Prokurorit që unë kam mbajtur deri më datë 18 tetor 2019. Me përfundimin e këtij statusi, sikurse parashtrova më sipër, objekti për të cilin ka filluar procedura e rivlerësimit apo qëllimi i këtij procesi është bërë i pamundur.
Në këto kushte procesi i rivlerësimit i nisur ex-officio në statusin dhe për funksionin e Prokurorit, nuk mund të vazhdonte dhe vendimi i Kolegjit të Apelimit nuk mund të ketë efekt ndaj funksionit dhe mandatit aktual të Gjyqtarit të Gjykatës Kushtetuese.
Shtrirja e efekteve të vendimit të Kolegjit automatikisht mbi funksionin e Anëtarit të Gjykatës Kushtetuese, duke vendosur shkarkimin, është jo vetëm i paargumentuar dhe pa referencë ligjore por është në kundërshtim me nenin 127/2 të Kushtetutës. Po ashtu nuk rezulton që në ngarkimin tim të ketë ndonjë proces disiplinor për të cilin sipas nenit 128 e 179/7 të Kushtetutës Kolegji i Posaçëm i Apelimit ka juridiksion.
Në këto kushte i kam kërkuar Kryetares së Gjykatës Kushtetuese, që në bazë të nenit 127 të Kushtetutës dhe nenit 9.2 të ligjit nr. 8577, datë 10.02.2000 “ Për organizimin dhe funksionimin e Gjykatës Kushtetuese të Republikës së Shqipërisë” të inicioni procedurën e verifikimit të mbarimit të mandatit tim si anëtar i Gjykatës Kushtetuese dhe marrjen e këtij vendimi nga Gjykata Kushtetuese në zbatim të nenit 127.2 të Kushtetutës së Republikës së Shqipërisë nëse verifikohen nga ana e Gjykatës Kushtetuese kushtet e mbarimit të mandatit tim si gjyqtar i Gjykatës Kushtetuese të parashikuara në nenin 127 të Kushtetutës dhe nenin 9 të ligjit Nr. 8577, datë 10.02.2000 “ “ Për organizimin dhe funksionimin e Gjykatës Kushtetuese të Republikës së Shqipërisë”.
Pavarësisht sa më sipër, me qëllim për të ruajtur integritetin tim dhe të Gjykatës Kushtetuese të Republikës së Shqipërisë, lidhur me çështjen administrative të ushtrimit të detyrës, jam në pritje të njoftimit të vendimit të Gjykatës Kushtetuese për deklarimin ose jo të mbarimit të mandatit tim si Gjyqtar i Gjykatës Kushtetuese në përmbushje të detyrimeve të nenit 127 të Kushtetutës dhe nenit 9 të ligjit Nr. 8577, datë 10.02.2000 në një afat sa më të shpejtë të mundur. Deri në marrjen e këtij vendimi, ju njoftoj se do të përmbush të gjitha detyrimet e mia kushtetuese dhe ligjore. Ju faleminderit. Tiranë më 22/11/2019 Besnik Muçi Anëtar i Gjykatës Kushtetuese
Ditën e djeshme, KPA e shkarkoi Muçin për problemet me pasurinë si dhe problemet me pastërtinë e figurës, pasi ai u konfirmua më herët në shkallën e parë të vettingut, në KPK e më pas u dekretua nga presidenti Ilir Meta, gjyqtar kushtetues, pa marrë ende vendimin nga Vettingu. Gjykata Kushtetuese tashmë ngelet me 4 anëtarë, ndërkohë që për funksionimin e saj duhen 6. Dje, Muçi tha se nuk njeh vendimin e Kolegjit të Posaçëm të Apelimit. Muçi argumentoi se Vettingu për të duhet të kishte ndaluar që në momentin që Meta e dekretoi si pjesë e GJK. I pyetur nga gazetarët pse nuk foli më herët për këtë çështje, ai ia faturoi përgjegjësinë KLP-së.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ditën e sotme Këshilli i Lartë i Prokurorisë i ka dërguar Kuvendit listën me emrat e prokurorëve të cilët janë në garë për postin e Prokurorit të P...
TIRANË- Një çantë e zezë, e mbushur me vegla pune si kaçavida, dhe çelësa, ka alarmuar qytetarët. Kanë qenë ata të parët që kanë pikas...
TIRANË– Në redaksinë e Dosja.al ka ardhur një denoncim për prokurorin Kolë Hysenaj, pas lajmeve për votimin e këtij të fundit dhe për përdorimin e tij nga ...
TIRANË– Gjykata e Lartë ka vendosur që të rikthejë në rishqyrtim dosjen kundër Alket Hatisë, që njihet dhe si “Zoti i drogës”. Me një trupë provizore të ca...
TIRANË- Prokuroria e Krimeve të Rënda ka regjistruar kallëzimin penal ndaj Ardian Dvoranit pas padisë së depozituar nga Presidenti i Republikës Ilir Meta. ...
Tiranë- Në detyrë nga Komisioni i Posaçëm i Apelimit është konfirmuar Kleanthi Zekën, prokurori në Gjykatën e Apelit në Vlorë.Trupa gjykesuese e përbërë...
TIRANË- Një ditë më parë Kolegjit të Posaçëm të Apelimit e shkarkoi nga detyra për shkak të problemeve me pasurinë por Besnik Muçi u shpreh s...
Berat- Në Berat është arrestuar nga Policia Gëzim Nazëraj, 43 vjeç pasi akuzohet se ka rrahur me grushta punonjësin e policisë me iniciale H.M.Njoftimi ...
Lezhë- Nga policia janë arrestuar 3 persona pasi akuzohen për trafikim kokaine. Në prangat e Policisë kanë rënë D. A., 39 vjeç, banues në Maminas, Durrës...
KRUJË- Një aksident ka ndodhur mëngjësin e sotëm në lagjen S.M.T. në Fushë-Krujë. Sipas informacioneve mësohet se një makinë ka goditur pastruesit e qytet...
