Aktualitet

Gjykata e Apelit jep vendimin për Henri Çilin, lë në fuqi masën “detyrim paraqitje”

Gjykata e Apelit ka rrëzuar pretendimet e Prokurorisë, e cila një muaj më parë, apeloi vendimin e Gjykatës së Përmetit të dhënë të dielën për botuesin Henri Çili. Akuza nuk ishte dakort me masën e sigurisë “detyrim paraqitje” për Çilin dhe kërkoi një masë më të rëndë, por kjo kërkesë është rrëzuar ditën e sotme nga Gjyakat e Apelit.
Featured image of article: Gjykata e Apelit jep vendimin për Henri Çilin, lë në fuqi masën “detyrim paraqitje”

TIRANË– Gjykata e Apelit Gjirokastër ka lënë në fuqi vendimin “detyrim paraqitje” për botuesin Henri Çili. Gjykata e Apelit ka rrëzuar pretendimet e Prokurorisë, e cila një muaj më parë, apeloi vendimin e Gjykatës së Përmetit të dhënë të dielën për botuesin Henri Çili. Akuza nuk ishte dakort me masën e sigurisë “detyrim paraqitje” për Çilin dhe kërkoi një masë më të rëndë, por kjo kërkesë është rrëzuar ditën e sotme nga Gjyakat e Apelit.

Henri Çili, pronari i UET, u arrestua gjatë operacionit “Mezhgorani”. Bashkë me të u arrestuan avokati Ilir Korbi, biznesmeni Sait Fishta dhe 28 persona të tjerë. Botuesi u akuzua për 6 vepra penale, ku më e rënda është ajo e ushtrimit të ndikimit tek gjyqtarët për të liruar Arbion dhe Alban Aliko, dy lazaratasit e dënuar për vrasjen e efektivit të RENEA-s në Lazarat, Ibrahim Basha.

Pak ditë pas arrestimit, Gjykata e Përmetit të dielën dha masat e sigurisë dhe për Çilin dhe avokatët e tij, duke i lënë të lirë. 16 persona janë lënë në burg, mes tyre është Amarildo Aliko, kushëriri i Alban dhe Arbjon Alikos, të dënuarve për vrasjen e efektivit Ibrahim Basha. Ndërsa në arrest shtëpie është lënë avokati i Çilit, Ilir Korbi dhe Besnik Fishta.

Për më shumë bëhu pjesë e grupit më viral në Facebook, Dosja.al

Vetë botuesi në një deklaratë për mediat u mbrojt dhe tha se kundër tij nuk qëndron asnjë akuzë, pasi ai s’ka bërë asnjë veprim të jashtëligjshëm. Çili tha se gjithçka që ai kishte bërë ishte brenda rregullave, pasi kishte një kompani ligjore ndërmjetësimi.

(f.m/dosja.al)

Shto Koment