Politike

Kryemadhi-ministres Gjonaj: Mos shantazho gjyqtarët dhe prokurorët, trego lidhjet e burrit tënd me Ervis Martinajn

Kryetarja e LSI-së, Monika Kryemadhi ka hedhur akuza të rënda ndaj ministres së Drejtësisë, Etilda Gjonaj, e cila sipas saj ka kërcënuar prokurorë e gjyqtarë.
Featured image of article: Kryemadhi-ministres Gjonaj: Mos shantazho gjyqtarët dhe prokurorët, trego lidhjet e burrit tënd me Ervis Martinajn Kryetarja e LSI-së, Monika Kryemadhi

Në fjalën e saj në foltoren e Kuvendit, kryetarja e LSI-së, Monika Kryemadhi ka hedhur akuza të rënda ndaj ministres së Drejtësisë, Etilda Gjonaj.

Sipas Kryemadhit, ministrja Gjonaj u ka dërguar mesazhe kërcënuese prokurorëve dhe gjyqtarëve. Më tej, kryetarja e LSI-së i ka kërkuar Gjonajt që t’u tregojë shqiptarëve pse është pushuar burri i saj nga drejtoria e Përgjithshme e Tatimeve dhe lidhjet që ai ka me Ervis Martinajn. 

“Nuk po merrem me ministren e Drejtësisë se nuk qënka këtu në sallë por meqënëse paska dëshirë shumë të madhe për të luftuar korrupsinoin i bëj thirrje që të mos shantazhojë gjyqtarët dhe prokurorët. Shantazhon për të arrestuar punonjës të ministrisë së Drejtësisë për ti larguar nga puna, gabimisht ka futur edhe motrën e sekretarit të përgjithshëm dhe bashkëshortë deputetësh që janë në këtë sallë.  Është kushërira e Ilir Metës dhe prandaj nuk jam marrë me të por i bëj me dije që nuk ka asnjë lloj mënyre që mund ta mbrojë kur shantazhon punonjësit e saj. E di shumë mirë se korrupsionin e ka në shtëpi. T’ju tregojë shqiptarëve pse është pushuar burri i saj nga drejtoria e Përgjithshme e Tatimeve dhe lidhjet që ai ka me Ervis Martinajn.”

Për më shumë bëhu pjesë e grupit më viral në Facebook, Dosja.al

Martinaj mbeti i plagosur në ngjarjen në zonën e Ish-Bllokut në lokalin “Monopol”, më datë 4 tetor 2018. Si pasojë e një përplasje me armë mbeti i vrarë Fabjol Gaxha, truprojë e Ervis Martinajt, ku ky i fundit mbeti i plagosur së bashku me shokun e tij Eljo Hato. I përfshirë në konflikt ishte edhe Ajaks Bonjaku, i cili u vetëdorëzua në polici vetëm disa ditë pas ngjarjes. Në kërkim u shpallën tre persona: ish-komandoja Merviol Bilo, Ervin Mata (i dashuri i Elvana Gjatës) dhe Fabjol Alushi. Ky i fundit u arrestua nga policia vetëm para disa ditësh dhe më pas u la në masën detyrim paraqitje.

Si fillim u mendua se arsyeja e përleshjes ishte këngëtarja Elvana Gjata, por hetimet e mëtejshme zbuluan se bëhej fjalë për një sherr të mbartur të të fejuarit të saj, Ervin Mata, me disa persona të tjerë, ku përmendet emri i biznesmenit Eldi Dizdari (partneri i Suada Sherifit). Dizdari është gjithashtu kushëriri i Arbër Cekajt, pronarit të magazinës ku u kapën 613 kg kokainë në Maminas, i cili aktualisht është në Gjermani i arrestuar.

Shto Koment