Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Situata brenda Partisë Demokratike është tensionuar sërish sot mes anëtarëve të Komisionit të Rithemelimit dhe mbështetësve të kryedemokratit Lulzim Basha. Vokshi, Evi Kokalari dhe anëtarë të tjerë të Komisionit shkuan sot për të zhvilluar një mbledhje, por dolën menjëherë pasi u ndeshën me dyert e mbyllura të zyrave të Lidhjes Demokratike të Gruas.
Teksa flisnin jashtë për mediat, tensioni mes palëve arriti kulmin kur njëra prej mbështetëse e kryetarit Lulzim Basha ofendoi Kokalarin si “mashtruese dhe të paguar” duke e detyruar të largohej nga ambientet e selisë. Ndërkohë që përplasje kishte dhe mes demokrateve të tjera, të cilat “tregonin forcën” e secilit që mbështesnin. Demokratat e reshtuar krah Bashës i treguan derën mbështetësve të liderit historik të PD, Sali Berisha.
Ndërsa këto të fundit përmendën faktin se Basha ishte shkarkuar nga detyra në Kuvendin Kombëtar të 11 dhjetorit. Disa orë më pas, si Vokshi, ashtu edhe Kokalari fajësuan në rrjetet e tyre sociale kryedemokratin Lulzim Basha për fyerjet dhe dhunën që pretenduan se ishte ushtruar ndaj tyre. Madje Vokshi premtoi se çështjen e përplasjes së sotme do ta denoncojë pranë organeve përkatëse.
Por historia e përplasjeve mes demokratëve nuk nis sot! E gjitha vjen nga data 9 shtator kur Lulzim Basha pezulloi Sali Berishën nga grupi parlamentar pas shpalljes “non grata” nga SHBA-ja. Pas vendimit të Bashës, Berisha iu rikthye aktivitetit të tij politik, duke nisur takimet me bazën që i quajti “Foltore”. Ai akuzoi liderin e PD-së Lulzim Bashën se ka shkatërruar opozitën duke bashkëpunuar me kryeministrin Rama. Gjithashtu, Berisha e fajësoi Bashën për humbjen e 4 zgjedhjeve dhe shkatërrimin e brendshëm të PD-së. Prej këtij momenti, marrëdhëniet e tij me pasardhësin e PD-së u tensionuan derisa u krijuan dy kampe brenda selisë blu. Me kalimin e ditëve, Basha e akuzoi Berishën si “pjesë të trekëndëshit të Bermudës” (Rama-Berisha-Meta) dhe për drejtim të partisë në mënyrë diktatoriale.
Më 11 dhjetor, Kuvendi i thirrur nga ish-kryeministri Sali Berisha votoi me 4446 fleta pro-shkarkimit të Bashës. Në këtë kuvend, u miratua dhe statuti i ri i PD-së si dhe u miratua mbajtja e Referendumit për legjitimin e shkarkimit të Bashës nga posti i kryetarit të Partisë. Gjithashtu, u caktua ngritja e Komisionit të Rithemelimit, që përbëhet nga 29 anëtarë. Pikërisht ky Komision pritet ta marrë në dorë partinë deri më 22 mars 2020 kur do të thirret një Kuvend i ri për të zgjedhur kryedemokratin e ri dhe funksionarët e tjerë. Por, Basha nuk e njeh vendimin duke përjashtuar në një mbledhje të Këshillit Kombëtar i PD-së në 12 dhjetor të gjithë mbështetësit e Berishës dhe duke i zëvendësuar të gjithë anëtarët e Kryesisë. Mes tyre u shkarkua dhe Edi Paloka nga posti i kryetarit të Këshillit Kombëtar.
Para dy ditësh, u regjistrua përballja e parë mes mbështetësve të Berishës dhe Bashës në selinë e PD-së. Basha organizoi mbledhjen e grupit të punës për zgjedhjet e reja të organeve të PD-së, më konkretiksht në FRPD dhe LDG. Ndërsa Berisha dhe mbështetësit e tij e sulmuan se ka dërguar persona të armatosur që kanë kërcënuar anëtarë të Forumit Rinor të Partisë Demokratike. Fill pas përplasjes, dje Basha u takua me një përfaqësi të 6 ambasadorëve të huaj. Më pas, Komisioni i Rithemelimit të PD-së denoncoi veprimin e radhës së kryetarit demokrat Basha për shkarkimin e disa kryetarëve dhe sekretarëve të degëve të PD-së pasi kanë mbështetur Berishën dhe lëvizjen e tij për rithemelimin e partisë opozitare.
Nga ana tjetër, Partia Demokratike do të duhet të zgjidhë konfliktin politik në rrugë ligjore. Në ditët e fundit, janë dërguar në gjykatë ndryshimet statutore të Kuvendit të 17 korrikut, ku Basha u rizgjodh për herë të dytë si kryetar i PD-së dhe në krahun tjetër Komisioni i Rithemelimit ka sjellë ndryshimet e fundit statutore të miratuara në Kuvendin e 11 dhjetorit në “Air Albania”.
ZHVILLIMET ORË PAS ORE:
Përplasja tek selia e PD, Albana Vokshi e ashpër: E turpshme të keqpërdoren gratë
VD- “Ikni moj…”/ Mbështetësja e Bashës përplaset me të Berishës: S’keni vend këtu më
Sherri në seli/ Kokalari: Basha do mallkojë ditën që humbi logjikën ndaj meje
Situatë e tensionuar në PD, militantja sulmon Kokalarin: Mashtruese, kush të paguan?
“Kanë zëvendësuar bravat”, Vokshi: Në zyrën e LDG-së kishte dokumente zyrtare
(a.b)/dosja.al
Cila mendoni se është alternativa më e mirë:
KORÇË– Vijon operacioni “Restart”! hkon në 7 numri i të ndaluarve nga ana e Policisë së Shtetit dhe 252.4 shuma totale e lëndës narkotike, e c...
TIRANË– 8 persona kanë ndërruar jetë nga pandemia e koronavirusit gjatë 24 orëve të fundit në vendin tonë. Në bilancin e publikuar nga Ministria e Sh...
SHKODËR- Tre persona janë arrestuar ditën e sotme në Shkodër, për konsumim kanabisi dhe luajtje të lojërave të fatit. Tre personat e arrestuar janë me inic...
BERAT – Policia e Beratit arrestoi sot dy persona për kryerjen e dy veprave të ndryshme penale. 40-vjeçari A.B. u ndalua pasi rezultoi se përndiqte...
TIRANË – Situata në selinë e Partisë Demokratike mbetet akoma e tensionuar. Ditën e sotme grupi i mbështetësve të ish-kryeministrit Sali Berisha shko...
ELBASAN– Një aksident ka ndodhur pasditen e sotme në fshatin Vidhas të Elbasanit, ku një automjet ka përplasur një këmbësor, duke e lënë të vdekur në vend...
TIRANË– Një makinë është përfshirë në flakë pasditen e sotme në Tiranë në zonën e njohur si “Malajziani” në periferi të kryeqytetit. Poli...
TIRANË– Presidenti i vendit, Ilir Meta ka dekretuar 4 ligje! Me anë të një njoftimi zyrtar nga Presidenca, shkruhet se Meta ka firmosur ligje në lidh...
Në të gjitha progres raportet e Komisionit Europian për Shqipërinë, theksohet roli i rëndësishëm që merr opozita në proceset e integrimit. Natyrshëm në Bruksel ...
ITALI– Pesë shqiptarë të moshave 29, 31, 30, 54 dhe 21 vjeç me preçedentë të mëparshëm penalë por që ende nuk u janë zbardhur identitetet ja...
